ಒಡಿಪು : ರಾಜ್ಯ ಬಿಜೆಪಿದ ಪೊಸ ಒತ್ತು ಗುರ್ಕಾರ್ಲಾದ್ ಆಯ್ಕೆ ಆಯಿನ ನಯನಾ ಗಣೇಶ್ ಉದ್ಯಾವರ ಮೆರೆಗ್ ಒಡಿಪು ಜಿಲ್ಲಾ ಬಿಜೆಪಿ ವತಿರ್ದ್ ಜಿಲ್ಲಾ ಕಛೇರಿಡ್ ನಡತಿನ ಜಿಲ್ಲಾ ಕಾರ್ಯ ತಂಡದ ಸಭೆಟ್ ಮಾನಾದಿಗೆ ಮಲ್ತೆರ್.ಸಭೆತ ಗುರ್ಕಾರ್ಮೆ ವಹಿಸಿನ ಬಿಜೆಪಿ ಜಿಲ್ಲಾಧ್ಯಕ್ಷ ಕುಯಿಲಾಡಿ ಸುರೇಶ್ ನಾಯಕ್ ಪಾತೆರ್ದ್ , ನಯನಾ ಗಣೇಶ್ ಜಿಲ್ಲಾ ಪಂಚಾಯತ್ ಸದಸ್ಯೆರಾದ್ ಜಿಲ್ಲಾ ಧಾರ್ಮಿಕ ಪರಿಷತ್ ಸದಸ್ಯೆರಾದ್ ಬಿಜೆಪಿ ಜಿಲ್ಲಾ ಒತ್ತು ಗುರ್ಕಾರ್ಲಾದ್ ಬೇತೆ ಬೇತೆ ಸ್ತರದ ಜವಾಬ್ದಾರಿನ್ ಯಶಸ್ವಿಯಾದ್ ಮಲ್ತ್ ಇತ್ತೇ ರಾಜ್ಯ ಬಿಜೆಪಿದ ಒತ್ತು ಗುರ್ಕಾರ್ದಿ ಆದ್ ಆಯ್ಕೆ ಆಯಿನ ಖುಷಿತ ಇಚಾರ ಪಂದ್ ಪಂಡೆರ್.
ಈ ಪೊರ್ತುಡು ಬಿಜೆಪಿ ಕುಡ್ಲ ವಿಭಾಗ ಪ್ರಭಾರಿ ಕೆ.ಉದಯ ಕುಮಾರ್ ಶೆಟ್ಟಿ, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರ್ ರತ್ನಾಕರ ಹೆಗ್ಡೆ, ಬಿಜೆಪಿ ಹಿಂದುಳಿದ ವರ್ಗದ ಮೋರ್ಚಾದ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಯಶ್ರಾಲ್ ಎ. ಸುವರ್ಣ, ಬಿಜೆಪಿ ರಾಜ್ಯ ಕಾರ್ಯಕಾರಿಣಿ ಸದಸ್ಯೆರಾಯಿನ ಗುರ್ಮೆ ಸುರೇಶ್ ಶೆಟ್ಟಿ, ಗೀತಾಂಜಲಿ ಎಮ್. ಸುವರ್ಣ, ರಾಜ್ಯ ಎಸ್.ಸಿ. ಮೋರ್ಚಾ ಪ್ರಧಾನ ಕಾರ್ಯದರ್ಶಿ ದಿನಕರ ಬಾಬು, ರಾಜ್ಯ ಮಹಿಳಾ ಮೋರ್ಚಾ ಪ್ರಧಾನ ಕಾರ್ಯದರ್ಶಿ ಶಿಲ್ಪಾ ಜಿ. ಸುವರ್ಣ, ಬಿಜೆಪಿ ಜಿಲ್ಲಾ ಪ್ರಧಾನ ಕಾರ್ಯದರ್ಶಿಲಾಯಿನ ಕುತ್ಯಾರು ನವೀನ್ ಶೆಟ್ಟಿ, ಮನೋಹರ್ ಎಸ್. ಕಲ್ಮಾಡಿ, ಜಿಲ್ಲಾ ಕಾರ್ಯಾಲಯ ಕಾರ್ಯದರ್ಶಿ ಸತ್ಯಾನಂದ ನಾಯಕ್ ಪಾಲ್ ಪಡೆದಿತ್ತೆರ್.
pallavi shetty