mangakire

ಮಹಿಳಾ ಬೊಕ್ಕ ಮಕ್ಕಳ ಅಭಿವೃದಿ ಇಲಾಖೆ, ಶಿಶು ಅಭಿವೃದಿ ಯೋಜನೆ ನಗರ ಯೋಜನಾ ಮಟ್ಟದ ಒಂಜಿ ದಿನತ ಕಾರ್ಯಾಗಾರ

Jan 12, 2022

ಕುಡ್ಲ : ಮಹಿಳಾ ಬೊಕ್ಕ ಮಕ್ಕಳ ಅಭಿವೃದಿ ಇಲಾಖೆ, ಶಿಶು ಅಭಿವೃದಿ ಯೋಜನೆ ಕುಡ್ಲ ನಗರ ಯೋಜನಾ ಮಟ್ಟದ ಒಂಜಿ ದಿನತ , ಮಗಲೆನ್ ಒರಿಪಾಲೆ ಮಗಲೆನ್ ಓದಾಲೆ ಕಾರ್ಯಾಗಾರ ಬಾಬು ಗುಡ್ಡೆ ಕುದ್ಮುಲ್ ರಂಗರಾವ್ ಚಾವಡಿಡ್ ಅಟ್ಟನೆ ಮಲ್ತಿತ್ತೆರ್.

ಈ ಲೇಸ್ ನ್ ಮಹಾ ಪೌರೇರಾಯಿನ ಪ್ರೇಮಾನಂದ ಶೆಟ್ಟಿ ಉದಿಪನ ಮಲ್ತ್ ಎಡ್ಡೆಪುದ ನುಡಿ ಪಂಡೆರ್. ಲೇಸ್ ಡ್ ಪ್ರೊಫೆಸರ್ ವಿನುತಾ,, ಸ್ಕೂಲ್ ಆಫ್ ಸೋಶಿಯಲ್ ವರ್ಕ್ ರೋಶನಿ ನಿಲಯ,ಹೃದಯನಾಥ್ ಕುದ್ಮುಲ್ ರಂಗರಾವ್ ಎಜುಕೇಶನ್ ಟ್ರಸ್ಟ್,, ಟ್ರಸ್ಟ್ ದ ಸದಸ್ಯೆರ್ ರಘು ವೀರ್, ಪ್ರಭಾರ ಶಿಶು ಅಭಿವೃದಿ ಯೋಜನಾಧಿಕಾರಿಲು ಶ್ರೀ ಹರೀಶ್,ಬೊಕ್ಕ ಮಲ್ಲ ಬಿನ್ನೆರ್ ಆಯಿನ ಡಾ.ದುರ್ಗಾ ಪ್ರಸದ್, ಲೇಡಿ ಘೋಷನ್ ಹಾಸ್ಪಿಟಲ್, ರೇನಿಡಿಸೋಜಾ, ರಾಜಶೇಖರ್ ರೆಡ್ಡಿ ಬೊಕ್ಕ ವಕೀಲೆರಾಯಿನ ಚಂಗಪ್ಪ, ಪೋಕ್ಸ್, ಕಾಯ್ದೆ ಜೋಕ್ಲೆನ ದತ್ತು ಸ್ವೀಕಾರ ಕಾರ್ಮಿಕ ಕಾಯ್ದೆ,, ಬಾಲ್ಯ ವಿವಾಹ,ಪಿಸಿ ಕಾಯ್ದೆ ಬಗ್ಗೆ ಶಾಲೆದ ಶಿಕ್ಷಕೆರ್, ಆರಕ್ಷಕ ಠಾಣಾ ಸಿಂಬಂಧಿ , ಸ್ತ್ರೀ ಶಕ್ತಿ ಸದಸ್ಯೆರ್ ಮಾಹಿತಿ ಕೊರಿಯೆರ್. ಪ್ರಾರ್ಥನೆ ಮೇಲ್ವಿಚಾರಿಕಿ ಪೂರ್ಣಿಮಾನಡಪಾದ್ ಕೊರಿಯೆರ್.

ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ಕೃಷ್ಣಾಪುರ ಮಠ ಪರ್ಯಾಯ ಉಚ್ಚಯ ಉಗ್ರಾಣ ಮುಹೂರ್ತ

Jan 12, 2022

ಒಡಿಪು : ಶ್ರೀಕೃಷ್ಣಾಪುರ ಮಠದ ಪರ್ಯಾಯ ಉಚ್ಚಯಗ್ ,ಭಕ್ತಾದಿಲು ಕೊರ್ಪಿನ ಪುದೆ ಕಾಣಿಕೆನ್ ಒಟ್ಟು ಮಲ್ಪರೆ “ಸುಮೇಧ” ಉಗ್ರಾಣನ್ ಭಾವೀ ಪರ್ಯಾಯ ಕೃಷ್ಣಾಪುರ ಮಠಾಧೀಶೆರಾಯಿನ ಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದೆರ್ ಉದಿಪನ ಮಲ್ತೆರ್ .

ಪರ್ಯಾಯ ಉಚ್ಚಯಗ್ ಭಕ್ತಾದಿಲು ಯಥಾನುಶಕ್ತಿ ಭಕ್ತಿಪೂರ್ವಕ ಕೊರ್ಪಿನ ಮುಖೇನ ಕಾಣಿಕೆನ್ ಸ್ವೀಕಾರ ಮಲ್ತ್ ಒಡಿಪು ಶ್ರೀಕೃಷ್ಣದೇವೆರ್ ಎಡ್ಡೆ ಮಲ್ಪಡ್ ಪಂದ್ ಪಂಡೆರ್.

ಈ ಪೊರ್ತುಡು ಕಿದಿಯೂರು ಹೋಟೆಲ್ ದ ಭುವನೇಂದ್ರ ಕಿದಿಯೂರು, ಗಾಂಧಿ ಆಸ್ಪತ್ರೆದ ಡಾ| ಹರೀಶ್ಚಂದ್ರ, ಗಿರಿಜಾ ಸಿಲ್ಕಿನ ರಾಜಾರಾಮ್ ಪೈ, ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆದ ಗಣೇಶ್,ಪರ್ಯಾಯೋತ್ಸವ ಸಮಿತಿದ ಗುರ್ಕಾರ್ಲಾಯಿನ ಸೂರ್ಯನಾರಾಯಣ ಉಪಾಧ್ಯಾಯ, ಪ್ರಧಾನ ಕಾರ್ಯದರ್ಶಿ ವಿಷ್ಣುಪ್ರಸಾದ್ ಪಾಡಿಗಾರು, ವಾಸುದೇವ ಭಟ್ ಪೆರಂಪಳ್ಳಿ, ಪಾಲ್ ಪಡೆದಿತ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕರಂಬಳ್ಳಿ : ಶ್ರೀ ಅಯ್ಯಪ್ಪ ಸ್ವಾಮಿ ಭಕ್ತ ವೃಂದ – ಗುರುದೀಕ್ಷೆ ಲೇಸ್

Jan 12, 2022

ಒಡಿಪು : ಶ್ರೀ ಅಯ್ಯಪ್ಪ ಸ್ವಾಮಿ ಭಕ್ತ ವೃಂದ ಶ್ರೀ ವೆಂಕಟರಮಣ ದೇವಸ್ಥಾನ ವಠಾರ ಕರಂಬಳ್ಳಿ, ಸೋಮವಾರ 6 ನೇ ವರ್ಷದ ಪೂಜೆದ ಪರವಾದ್ ಅವ್ವೆತೋ ಅಯ್ಯಪ್ಪ ಸ್ವಾಮಿಲೆನ ಒಟ್ಟು ಸೇರಿಗೆಡ್ ಕರಿನ 18 ವರ್ಷದ ವ್ರತಧಾರಿಯಾದ್ ಗುರುಸ್ವಾಮಿ ಸೇವೆ ಕೊರಿನ ಮಂಜುನಾಥ ಗುರುಸ್ವಾಮಿಲೆನ ಗುರುದೀಕ್ಷೆ ಲೇಸ್ ನಡತ್oಡ್.

ಕೃಷ್ಣ ಗುರುಸ್ವಾಮಿ, ಅರವಿಂದ ಗುರುಸ್ವಾಮಿ, ನಡಪಾದ್ ಕೊರಿಯೆರ್ . ಮಹಾಪೂಜೆರ್ದ್ ಬೊಕ್ಕ ಸಾರ್ವಜನಿಕ ಅನ್ನಸಂತರ್ಪಣೆ ನಡತ್oಡ್. .

Uncategorized ಉಡುಪಿದ ಸುದ್ದಿ | Udupi News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಲೋಕೊಗು ಕಂಟಕವಾಯಿನ ಸೀಕ್ ನಾಶ ಆದ್ ದೇಶ ಸುಭಿಕ್ಷೆ ಯಾವಡ್ – ಶ್ರೀ ವಿದ್ಯಾಧೀಶ ತೀರ್ಥ ಶ್ರೀಪಾದೆರ್

Jan 12, 2022

ಮಲ್ಪೆ: ಕೊಡವೂರುದ ವಿಪ್ರಶ್ರೀ ಚಾವಡಿಡ್ ಏಳ್ ದಿನ ಶಾಕಲ ಋಕ್ ಸಂಹಿತಾ ಯಾಗ ಬೊಕ್ಕ ಭಾಗವತ ಸಪ್ತಾಹ ನಡತುಂಡು .ಈ ನೆಲೆಟ್ಟ್ ಕೊಡವೂರುದ ಶಂಕರನಾರಾಯಣ ದೇವೆರ್ನ ಸನ್ನಿಧಾನರ್ದ್ ವಿಪ್ರಶ್ರೀ ಸಭಾಭವನ ಜಿಂಜಿದ್ ಇತ್ತುಂಡು . ದಾಯೆ ಪಂಡ ಭಾಗವತೆರೆನ್ ಶುಕಾಚಾರ್ಯೆರೆಗ್ ಉಪದೇಶ ಮಲ್ದಿನಿ ನಾರಾಯಣ ದೇವೆರ್ , ಅವೆನ್ ಪರೀಕ್ಷಿತ ರಾಜಗ್ ಉಪದೇಶ ಕೊರಿನ ಶುಕಾಚಾರ್ಯೆರ್ ಸಾಕ್ಷಾತ್ ರುದ್ರ ದೇವೆರ್ . ಲೋಕೊಗು ಕಂಟಕವಾಯಿನ ಸೀಕ್ ನಾಶ ಆದ್ ದೇಶ ಸುಭಿಕ್ಷೆ ಯಾವಡ್ ಪಂದ್ ಶ್ರೀ ಶ್ರೀವಿದ್ಯಾಧೀಶ ತೀರ್ಥ ಶ್ರೀಪಾದೆರ್ ಪಂಡೆರ್.

ಸಮಾಜದ ಬೇತೆ ಬೇತೆ ವರ್ಗದ ಪೆರಿಯಾಕುಲು ಸಾಧಕೆರ್ ಬೊಕ್ಕ ತಮ್ಮ ತಮ್ಮ ವೃತ್ತಿನ್ ನಿಷ್ಠೆಡ್ ಮಲ್ತೊಂದು ಉಪ್ಪುನ 11 ಜನ ಮಹನೀಯೆರಾಯಿನ ವಿಶ್ವನಾಥ ಶೆಣೈ ಮಲ್ಪೆ, ಕಾಳು ಸೇರಿಗಾರ ಕೊಡವೂರು, ಶಿವಪ್ಪ ಕಾಂಚನ್ ಕೊಡವೂರು, ಕರುಣಾಕರ ಶೆಟ್ಟಿಗಾರ್ ಉದ್ದಿನಹಿತ್ತು, ಹರೀಶ್ ಪೂಜಾರಿ ಕೊಡವೂರು, ಅಣ್ಣಪ್ಪ ಶೆಟ್ಟಿ ಜುಮಾದಿ ನಗರ, ಶಂಕರ ಗಾಣಿಗ, ರತ್ನಾಕರ ಆಚಾರ್ಯ, ಬೇಬಿ ಅಮೀನ್, ಶೇಖರ ಮೂಡುಬೆಟ್ಟು, ಬೊಕ್ಕ ವಾಮನ ಮೆರೆಗ್ ಮಾನಾದಿಗೆ ಮಲ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಗಿಳಿಯಾರು ಯುವಕ ಮಂಡಲದ ವತಿರ್ದ್ ಪುದರ್ ಪಲವೆ ಉದಿಪನ

Jan 12, 2022

ಕೋಟ: ಗಿಳಿಯಾರು ಯುವಕ ಮಂಡಲ ಗಿಳಿಯಾರು ನೆತ್ತ ಒಟ್ಟು ಸೇರಿಗೆಡ್ ಕೋಟ ಗ್ರಾಮ ಪಂಚಾಯತ್ ದ ಮೂಡುಗಿಳಿಯಾರು ಒಟ್ಟು ಸೇರುನ ಮಾರ್ಗಗ್ ಬೇತೆ ಬೇತೆ ತಾಣಲು ತೋಜುನ ಪುದರ್ ಪಲವೆನ್ ನವಕರ್ನಾಟಕ ಬಿಲ್ಡರ್ಸ್ ಗುರ್ಕಾರ್ಲಾಯಿನ ಚೇತನ್ ಶೆಟ್ಟಿ ಉದಿಪನ ಮಲ್ತೆರ್.

ಈ ಪೊರ್ತುಡು ಕೋಟ ಗ್ರಾಮಪಂಚಾಯತ್ ಗುರ್ಕಾರ್ಲಾಯಿನ ಅಜಿತ್ ದೇವಾಡಿಗ,ಕೋಟ ಸಹಕಾರಿ ವ್ಯವಸಾಯಕ ಸಂಘದ ಗುರ್ಕಾರ್ಲಾಯಿನ ಜಿ.ತಿಮ್ಮ ಪೂಜಾರಿ,ಕೋಟ ಗ್ರಾಮಪಂಚಾಯತ್ ಸಾಮಾಜಿಕ ನ್ಯಾಯಸಮಿತಿ ಗುರ್ಕಾರ್ಲಾಯಿನ ಶೇಖರ್ ಜಿ,ಕೋಟ ಗ್ರಾಮಪಂಚಾಯತ್ ಸದಸ್ಯ ಯೋಗೇಂದ್ರ ಪೂಜಾರಿ,ಕೋಟ ಸಿ ಎ ಬ್ಯಾಂಕ್ ಮೂಡುಗಿಳಿಯಾರು ಶಾಖಾ ಪ್ರಭಂಧಕ ಗೋಪಾಲ್ ಜಿ, ಗಿಳಿಯಾರು ಯುವಕ ಮಂಡಲದ ಗುರ್ಕಾರ್ಲಾಯಿನ ರಾಮಚಂದ್ರ ಆಚಾರ್ಯ,ಮಾಜಿ ಗುರ್ಕಾರ್ಲಾಯಿನ ಯೋಗಾನಂದ ಆರ್ ಹೆಗ್ಡೆ ,ಯುವಕ ಮಂಡಲದ ಸ್ಥಾಪಕಾಧ್ಯಕ್ಷ ಸುರೇಶ್ ಗಿಳಿಯಾರ್,ಕಾರ್ಯದರ್ಶಿ ಅಕ್ಷಯಕುಮಾರ್ ಸೋಮಯಾಜಿ ಪಾಲ್ ಪಡೆದಿತ್ತೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಆನ್ ಲೈನ್ ಲೋನ್ ದ ಬಲೆಕ್ಕ್ ಬೂರಡೆ !

Jan 12, 2022

ಕುಡ್ಲ : ಸುರತ್ಕಲ್ ಸ್ಟೇಷನ್ ವ್ಯಾಪ್ತಿಡ್ ಸುಶಾಂತ್ (26 ವರ್ಷ ) ಪನ್ಪಿನ ಜವಣೆ ಜ. 10 ತಾರೀಕ್ ದಾನಿ ತಾನ್ ಬೇಲೆ ಮಲ್ಪುನ ಜಾಗೆಡ್ ಬಲ್ಲ್ ಪಾರ್ದ್ ತೀರ್ ಪೋಯಿನ ಘಟನೆ ನಡದ್ಂಡ್. ಆನ್ ಸಾಲದಕುಲು ಕೇಂಡೆರ್ಡ ಯಾನ್ ಸೈತ್ ದೆ ಪಂದ್ ಪನ್ಲೆ ಪಂದ್ ಸುಶಾಂತ್ ಡೆತ್ ನೋಟ್ ಬರೆದ್ ದೀದಿತ್ತೆರ್.

ಒಡಿಪುಡು ಇಂಚೊಗು ನಡತಿನ ಇಂಚಿನನೇ ಘಟನೆ ಸೇರ್ದ್ ಆನ್ ಲೈನ್ ಸಾಲೊಗು ಜೂವ ದೆತ್ತೊನೊಡಾಯಿನ ರಡ್ಡನೆ ಪ್ರಕರಣ ಉಂದು.

ಉಂದೆನ್ ಗಂಭೀರವಾದ್ ದೆತೊನಿನ ಪೊಲೀಸ್ ಇಲಾಖೆದಕುಲು ನನ ಇಂಚಿನ ಘಟನೆ ನಡಪರೇ ಬಲ್ಲಿ ಪನ್ಪಿನ ನಿಲೆಟ್ಟ್ ಕಟ್ಟ್ ನಿಟ್ಟ್ ದ ಕ್ರಮ ದೆತೊನುನ ನೆಲೆಟ್ಟ್ ಜನಕ್ಲೆಗ್ ನೆತ್ತ ಬಗ್ಗೆ ಎಚ್ಚೆರ್ಗೆ ಕೊರ್ತೆರ್.

ಈ ಪ್ರಕರಣಡ್ ತಾನ್ ಡೆತ್‌ನೋಟ್‌ಡ್ ಸಾಲ ಮಲ್ದೆ ಪಂದ್ ಸುಶಾಂತ್ ಬರೆತೆರ್.
ಆನ್‌ಲೈನ್ ಲೋನ್ ಆ್ಯಫ್‌ ದಕುಲು ಕಿರಿಕಿರಿ ಮಲ್ದೆರ್, ಈ ಬಗ್ಗೆ ಸುರತ್ಕಲ್ ಠಾಣೆಡ್ ಮೊ.ನಂ 04-2022 ಕಲಂ 306,384 ಐಪಿಸಿ ಬೊಕ್ಕ 66 ಸಿ ಬೊಕ್ಕ 66 ಡಿ ಐಟಿ ಆಕ್ಟ್ ನೇ ದ ಅಡಿಟ್ ಪ್ರಕರಣ ದಾಖಲ್ ಮಲ್ದೆರ್ .

ಲೋನ್ ಆ್ಯಫ್ ಸುರುಟ್ಟು ಚೈನಾ ಆ್ಯಪ್ ಸುರು ಆತಿನವು , ನ್ಯೂಯ್ದ ಲೋನ್ ಆ್ಯಫ್ ಪನ್ಪಿನ ಆ್ಯಪ್ ಲಾ ಚಾಲನೆಡ್ ಇತ್ತ್oಡ್ ಆಂಡ ಆ ಆ್ಯಪ್‌ನ್ ಇನ್‌ಸ್ಟಲ್‌ ಮಲ್ಪುನಗ ಬತ್ತಲೆ ಫೋಟೋನ್ ಪಡೆಯೊಂದು ಇತ್ತುಂಡು , ಒಂಜಿ ವೇಳೆ ಸರಿಯಾದ್ ಲೋನ್ ಕಟ್ಟ್ ಜಿಂಡ ಬೇತಕ್ಲೆಗ್ ಕಡಪಾವ ಪಂದ್ ಪೋಡಿಗೆ ಕಟ್ಟಾವೊಂದು ಇತ್ತೆರ್ .

ಭಾರತೊಡು ಸುಮಾರ್ 600ರ್ದ್ ಜಾಸ್ತಿ ಲೋನ್ ಆಫ್‌ ಉಂಡು , ನೆಕ್ಕ್ ಒವ್ವೆ ರೀತಿಡ್ ಆರ್‌ಬಿಐರ್ದ್ ಮಾನ್ಯತೆ ಇಜ್ಜಿ . ಉಂದು ಮಾತಾ ಪ್ಲೇಸ್ಟೋರ್‌ಡ್ ಡೌನ್‌ಲೋಡ್ ಮಲ್ಪುನ ಆ್ಯಪ್‌, ಇನ್‌ಸ್ಟಲ್‌ ಮಲ್ಪುನಗ ಮಸ್ತ್ ರೀತಿದ ಅನುಮತಿನ್ ಕೇನುoಡು . ಉದಾರ್ಮೆಗ್ ಕಾಂಟಾಕ್ಟ್, ವಿಡಿಯೋ ಫೋಟೋ ಕ್ಯಾಮರ, ಇಂಚ ಅನುಮತಿ ಕೇನುoಡು. ಮಾತೆಕ್ಕ್ ಲಾ ಎಸ್ ಎಸ್ ಪಾರ್ದ್ ಇನ್ಸಸ್ಟಾಲ್ ಮಲ್ತಿ ಬೊಕ್ಕ ಎಲ್ಯ ಪಣವು ಪಂಡ ರೂ 3000/- ಅತ್ತುಂಡ 5000/- ಕಾಸ್ ಕೊರ್ಪೆರ್ . ಐರ್ದ್ ಬೊಕ್ಕ ಸಾಲನ್ ಪಿರ ಕೊರ್ನಗ 30 ರ್ದ್ 60 % ಬಡ್ಡಿನ್ ಪಾರ್ದ್ ಸಾಲ ಮನ್ನ ಮಲ್ಪರೆ ಪನ್ಪೆರ್ ಒಂಜಿ ವೇಳೆ ಕುಡ ಮನ್ನಾ ಮಲ್ತಿಜಿಂಡ ಅಕ್ಲೆನ ಕಂಟಾಕ್ಟ್ ನಂಬರ್ ಗ್ ಪೋನ್ ಮಲ್ತ್ ಲೋನ್ ಪಡೆಯಿನಕ್ಲೆನ ಬಗ್ಗೆ ಪನ್ಪ ಪೋಟೋ , ವಿಡಿಯೋ ನ್ ಸಾಮಾಜಿಕ ಜಾಲಾತಣಡ್ ವೈರಲ್ ಮಲ್ಪುವ ಪಂದ್ ಪೋಡಿಪಾವೆರ್ . ಬೊಕ್ಕ ಕ್ರೆಡಿಟ್ ರೇಟ್ ಕಮ್ಮಿ ಆಪುಂಡು ನಿಕ್ಲೆನ ಮಿತ್ತ್ 420, ಚೀಟಿಂಗ್ ಕೇಸ್ ಪಾಡುವ ಪಂದ್ ಪನ್ಪೆರ್ . ಕೆಲವೊರ ಕೇಸ್ ದಾಖಲಾತ್ಂಡ್ ಪಂದ್ ನಕಲಿ ಎಫ್‌ಐಆರ್‌ ಕಡಪಾವೆರ್ . ನನ ನಿಕ್ಲೆಗ್ ದುಂಬುಡು ಒವ್ವೆ ಬ್ಯಾಂಕ್ದ ಸಾಲ ತಿಕ್ಕುಜಿ ಪಂದ್ ಪೋಡಿಗೆ ಕಟ್ಟಾವೆರ್.

ಸಾರ್ವಜನಿಕೆರ್ ಇಂಚಿನ ಲೋನ್‌ ಆ್ಯಪ್‌ನ್ ಡೌನ್‌ಲೋಡ್ ಮಲ್ಪರೆ ಬಲ್ಲಿ . ಇಂಚಿನ ಒವ್ವೆ ಆ್ಯಪ್ ಡೌನ್‌ಲೋಡ್‌ ಮಲ್ತುಂಡಲ ನಿಕ್ಲೆನ ಕಾಂಟ್ಯಾಕ್ಟ್, ವಿಡಿಯೋ, ಪೊಟೋಸ್ ತೂಯೆರೆ ಅನುಮತಿನ್ ಕೊರಿಯೆರೆ ಬಲ್ಲಿ . ಒವ್ವೆ ಲೋನ್ ಆಪ್ ನ್ ಇನ್ ಸ್ಟಲ್ ಮಲ್ಪುನಗ ಎಸ್ ಎಸ್ ಪಂದ್ ಮಾತೆಕ್ಕ್ಲಾ ಅನುಮತಿ ಕೊರ್ದು ಬಂಗಡ್ ಬೂರೊಚ್ಚಿ . ಮಸ್ತ್ ಕಮ್ಮಿ ಕಾಸ್ ಕೊರ್ದು ಜಾಸ್ತಿ ಬಡ್ಡಿ ಸಮೇತ ದೆತೊನುನು ಒಂಜಿ ವೇಳೆ ಲೋನ್ ಕಟ್ಟೆರೆ ಆಯಿಜಿಂಡ ನಿಕ್ಲೆನ ಮೊಬೈಲ್‌ಡ್ ಉಪ್ಪುನ ಮಾತಾ ಮಾಹಿತಿನ್ ದೀಯೊಂದು ಪೋಡಿಗೆ ಕಟ್ಟಾವುನ, ಬ್ಲಾಕ್‌ಮೇಲ್ ಮಾಡಿ ಹಣವನ್ನು ವಸಲು ಮಲ್ತ್ ಕಾಸ್ ದೆತೊನುನ ಇಚಾರಡ್ ಜನಕುಲು ಜಾಗ್ರತೆಡ್ ಉಪ್ಪೊಡು ಪಂದ್ ಪೊಲೀಸ್ ದಕುಲು ಮಾಹಿತಿ ಕೊರ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬಂಟವಾಳದ ಅಜ್ಜಿಬೆಟ್ಟು ಕಾಪುಡು ತೋಜಿದ್ ಬತ್ತ್ಂಡ್ ಒಂಜಿಸಾರತ್ತ ನಾಲ್ನೂತ್ತ ಪದಿನೆಡ್ಮ ವರ್ಷ ಪಿರಾಕ್‌ದ ಶಿವಲಿಂಗ

Jan 12, 2022

ಬಂಟವಾಳ: ಅಜಿಲ ಅರಸೆರ್ನ ಸೀಮೆದ ಏಳ್ ಮಾಗಣೆಗ್ ಸಂಬಂಧಪಟ್ಟಿನ ಈಸ್ವರ ದೇವೆರ್ನ ೪ ಕ್ಷೇತ್ರೊಲೆನ ಪೈಕಿಡ್ ಒಂಜಾಯಿನ ಮಹತೋಭಾರ ಶ್ರೀ ಉಮಾಮಹೇಶ್ವರ ದೇವೆರ್‍ನ ಶಿವಲಿಂಗ ವಾಮದಪದವುದ ಅಜ್ಜಿಬೆಟ್ಟು ಗ್ರಾಮದ ಕಾಡ್‌ದ ನಡುಟ್ಟು ಉಪ್ಪುನ ಕಾಪು ಪನ್ಪಿನ ಜಾಗೆಡ್ ತೋಜಿದ್ ಬೈದ್ಂಡ್.

ಈ ಶಿವಲಿಂಗ ೧೪೧೮ ವರ್ಷ ಪಿರಾಕ್‌ದವು. ಈ ಶಿವಲಿಂಗೊಗುಲ ಅಜ್ಜಿಬೆಟ್ಟು ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯೊಗುಲ ಸಂಬಂಧ ಉಂಡು ಪಂದ್ ತೆರಿದ್‌ಬೈದ್ಂಡ್. ರಾಜವಂಶ್ಥೆರರ್ನ ಕಾಲೊಡು ಕಲ್ಲ್ ಪಾದೆದ ನಡುಟ್ಟಿತ್ತಿನ ಜಾಗೆಡ್ ದೇವಲ್ಯ ನಿರ್ಮಾಣ ಮಲ್ತ್ ದ್ ೭೪೪ ವರ್ಷ ಮುಟ್ಟ ಬಾರಿ ಗರ್ದ್‌ಡೆ ಪೂಜೆ, ಉಚ್ಚಯ ನಡತ್‌ದಿತ್ತ್ಂಡ್. ಆಂಡ ೫೭೮ ವರ್ಷೊರ್ದು ಇಂಚೊಗು ಮುಟ್ಟಲ ಗಾಳಿ ಬರ್ಸದ ಪೆಟ್ಟ್‌ಗ್ ಅನ್ಯಧರ್ಮೀಯೆರ್‍ನ ದಾಳಿರ್ದಾತ್ರ ಈ ದೇವಲ್ಯ ಸಂಪೂರ್ಣ ನಾಶ ಆದಿತ್ತ್ಂಡ್.
ಅಜ್ಜಿಬೆಟ್ಟು, ಚೆನ್ನೈತೋಡಿ, ಪಿಲಿಮೊಗರು,ಕೊಡಂಬೆಟ್ಟು, ಮೂಡುಪಡುಕೋಡಿ, ಇರ್ವತ್ತೂರು, ಪಿಲಾತಬೆಟ್ಟು ಗ್ರಾಮದ ಭಕ್ತೆರೆನ ಆರಾಧನಾ ಕ್ಷೇತ್ರವಾದುಂಡು.ಒಂಜಿ ಕಾಲೊಡು ವೈಭವೊಡು ಮೆರೆಯಿನ ಈ ಕ್ಷೇತ್ರ ನಾಶ ಆದಿತ್ತಿನೆರ್ದಾವರ ದೇವೆರ್‍ನ ಕೋಪದ ಕಾರಣೊಡು ಊರುದಕ್ಲೆಗ್ ಹುಷಾರ್‌ದಾಂತೆ ಪೋಪಿನಿ, ಬೇಗ ತೀರ್‌ಪೋಪಿನಿ, ಮನಸ್‌ಗ್ ನೆಮ್ಮದಿ ದಾಂತೆ ಪೋಪಿನಿ ಇಂಚಿನ ಮಾತಾ ಸಮಸ್ಯೆಲೆನ ಒಟ್ಟುಗೆ ಪ್ರಕೃತಿ ವಿಕೋಪ ಇಂಚಿನ ಮಾತ ಮಲ್ಲ ಮಲ್ಲ ಸಮಸ್ಯೆಲು ತೋಜಿದ್ ಬರೊಂದಿತ್ತ್ಂಡ್. ಈ ವಿಚಾರೊಡು ಅಷ್ಟಮಂಗಲ ಪ್ರಸ್ನೆ ದೀನಗ, ಭಕ್ತೆರ್ ಮಾತೆರ್‍ಲ ಒಂಜೇ ಮನಸ್‌ಡ್ ದೇವಲ್ಯ ಜೀರ್ಣೋದ್ಧಾರ ಮಲ್ತ್ಂಡ ಮಾತೆರೆಗ್ಲ ಎಡ್ಡೆ ಆಪುಂಡು ಪಂದ್ ತೆರಿದ್ ಬೈದ್ಂಡ್. ಅಂಚೆನೆ ವಾ ರೀತಿ ದೇವಲ್ಯ ನಿರ್ಮಾಣ ಆವೊಡು, ಪರಿವಾರ ದೇವೆರ್ ಏರ್ ಉಂದೆತ್ತ ವಿಚಾರಲ ಅಷ್ಟಮಂಗಲ ಪ್ರಸ್ನೆಡ್ ಗೊತ್ತಾತ್ಂಡ್.

ಕ್ಷೇತ್ರದ ಜಾಗೆಡ್ ಮೂಲ ಶಿವಲಿಂಗ ಉಂಡು, ಅಂಚೆನೆ ದೇವೆರ್‍ನ ಗುಂಡಿಡ್ ಪಿರಾಕ್‌ದ ಕುಡೊಂಜಿ ಶಿವಲಿಂಗ ಉಂಡು ಪಂದ್ ತೆರಿದ್ ಬೈದಿತ್ತ್ಂಡ್. ಅವೇ ಪ್ರಕಾರ ಊರುದಕುಲು ೨೦೨೨ನೇ ಜನವರಿ ೧೦ ತಾರಿಕ್‌ದಾನಿ ಗ್ರಾಮಸ್ಥೆರ್ ಮಾಗಣೆದ ಭಕ್ತೆರ್ ಮಾತಾ ಸೇರ್ದ್ ವಾಸ್ತುಶಾಸ್ತ್ರಜ್ಞೆರ್ ಸುಬ್ರಹ್ಮಣ್ಯ ಅವಧಾನಿ, ತಂತ್ರಿಲಾಯಿನ ಶ್ರೀಪಾದ ಪಾಂಗಾಣ್ಣಾಯ ಮೊಕ್ಲೆನ ಮುತಾಲಿಕೆಡ್ ದೇವೆರ್ನ ಮೂಲ ಜಾಗೆಡ್ ಶೋಧನೆ ಮಲ್ಪುನಗ ಮೂಲ ಮಹಾಶಿವಲಿಂಗ ಅಂಚೆನೆ ದೇವೆರ್ನ ಕುಡೊಂಜಿ ಶಿವಲಿಂಗ ಗೋಚರ ಆದಿತ್ತ್ಂಡ್. ಅವೆನ್ ಶುದ್ಧ ಮಲ್ತ್‌ದ್ ಜನವರಿ ೨೭ ತಾರೀಕ್‌ದಾನಿ ಬಾಲಾಲಯೊಡು ಪ್ರತಿಷ್ಠೆ ಮಲ್ಪುನ ನಿರ್ಧಾರ ಮಲ್ತ್‌ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ತುಳು ಬಾಷೆಗ್ ರಾಷ್ಟ್ರದ ಮಾನಾದಿಗೆಗೆ ಬೋಡಾದ್ ಜೈ ತುಳುನಾಡ್ ಕಾಸ್ರೊಡು ಎಗ್ಗೆರ್ದ್ ಪೊರ್ಂಬಾಟ

Jan 12, 2022

ಕಾಸ್ರೋಡು: ತುಳು ಬಾಷೆನ್ ಸಂವಿಧಾನದ ಎಡ್ಮನೇ ಪರಿಚ್ಚೇದಗ್ ಸೇರ್ಸಾವರೆ ಒತ್ತಾಯ ಮಲ್ಪರೆ ಬೋಡಾದ್ ಕೇರಳ ತುಳು ಅಕಾಡೆಮಿದ ಮುತಾಲಿಕೆಡ್ ಪೊರ್ಂಬಾಟ ಮಲ್ಪುವ ಪಂದ್ ಅಕಾಡೆಮಿದ ಗುರ್ಕಾರ್ಲು ಉಮೇಶ್ ಸಾಲಿಯಾನ್ ಮೇರ್ ಲೆಪ್ಪು ಕೊರ್ತಿನ ನಿಲೆಟ್ಟ್ ಜೈ ತುಳುನಾಡ್ ಸಂಘಟನೆ ಕಾಸ್ರೋಡು ವಲಯದ ಗುರ್ಕಾರ್ಲು ಹರಿಕಾಂತ, ಕಾಸ್ರೋಡು,ಕಾರ್ಯಂತೆರ್ ಕಾರ್ತಿಕ್ ಕೆ ಎನ್ ಪೆರ್ಲ ಅಂಚೆನೆ ಸಮಿತಿದ ಪದುಕೆರ್ ಬೆರಿಬಲ ತೋಜಾದೆರ್.

ಗಡು ನಾಡ್ ಡ್ ತುಳುಬಾಷೆದ ಒರಿಪು ಪರಪುಗಾದ್ ಕರಿನ ಕೆಲವು ವರ್ಷೊರ್ದಿಂಚ ಜೈ ತುಳುನಾಡ್ ಸಂಘಟನೆದ ಕಾಸ್ರೋಡು ಎಗ್ಗೆದಕುಲು ಬುಡಂದೆ ಕೆಲಸ ಮಲ್ತೊಂದುಲ್ಲೆರ್.

ಜಾಸ್ತಿ ಆವೊಂದು ಉಪ್ಪುನ ಕೊರೊನಾ, ಒಮಿಕ್ರಾನ್ ಪ್ರಕರಣ| ಫೆ.1 ರ್ದ್ 10 ದಿನ ಕರ್ನಾಟಕಡ್ ಲಾಕ್ ಡೌನ್

Jan 11, 2022

ಬೆಂಗ್ಳೂರು: ರಾಜ್ಯಡ್ ಕೊರೊನಾ ಸೋಂಕು ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಫೆಬ್ರವರಿ 1 ತಾರೀಖ್ ರ್ದ್ 10 ದಿನ ಮುಟ ಲಾಕ್ ಡೌನ್ ಜಾರಿ ಮಲ್ಪುನ ಸಾಧ್ಯತೆ ಉಂಡು ಪಂದ್ ಸಿಎಂ ಬಸವರಾಜ್ ಬೊಮ್ಮಾಯಿ ಪಂಡೆರ್.

ದಿನಾಲ ಕೊರೊನಾ ಸೋಂಕು ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಪ್ರಸ್ತುತ ನೈಟ್ ಕರ್ಫ್ಯೂ ಬೊಕ್ಕ ವಾರಾಂತ್ಯ ಕರ್ಫ್ಯೂ ಜಾರಿ ಮಲ್ದೆರ್ .ಫೆಬ್ರವರಿ 1 ತಾರೀಖ್ ಮುಟ ಕೊರೋನಾ ಏರುಗತಿಡ್ ಪೊಂಡ , ಫೆ. 1 ರ್ದ್ 10 ದಿನ ಕಾಲ ಸುರುತ ಹಂತಡ್ ರಾಜ್ಯಡ್ ಲಾಕ್ ಡೌನ್ ಜಾರಿ ಮಲ್ಪುನ ಸಾಧ್ಯತೆ ಉಂಡು ಪಂದ್ ಸಿಎಂ ಪಂಡೆರ್.

ಸಂಪ್ರದಾಯದ ಒರುಟ್ಟು ಪುರಪ್ರವೇಶ ಮಲ್ತೆರ್ ಕೃಷ್ಣಾಪುರ ಮಠತ್ತ ಸ್ವಾಮಿಲು

Jan 10, 2022

ಒಡಿಪು : ಪೊಡವಿಗೊಡೆಯ ಶ್ರೀಕೃಷ್ಣ ಮುಖ್ಯಪ್ರಾಣ ದೇವೆರ್ನ ರಡ್ಡ್ ವರ್ಷ ಮುಟ್ಟ ದ ಪೂಜೆದ ಪರ್ಯಾಯದ 501 ನೇ ವರ್ಷದ ಪೊರ್ತುಡು ಶ್ರೀಕೃಷ್ಣಾಪುರ ಜನಾರ್ದನತೀರ್ಥ ಸಂಸ್ಥಾನದ ಮಠಾಧೀಶೆರಾಯಿನ ಪರಮಪೂಜ್ಯ ಶ್ರೀವಿದ್ಯಾಸಾಗರತೀರ್ಥ ಸ್ವಾಮಿಲು ನಾಲನೆ ಸಲ ಸರ್ವಜ್ಞ ಪೀಠಾರೋಹಣಗಾದ್ ದೇಶಾದ್ಯಂತ ತೀರ್ಥಕ್ಷೇತ್ರನ್ ತೂದು ಇನಿ ಜೋಡುಕಟ್ಟೆರ್ದ್ ಸಾಂಪ್ರದಾಯಿಕ ಮೆರವಣಿಗೆದ ಒಟ್ಟುಗು ಪುರಪ್ರವೇಶ ಮಲ್ತೆರ್ .

ಕನಕನ ಕಂಡಿಡ್ ಶ್ರೀಕೃಷ್ಣ ದೇವೆರೆನ್ ತೂದು ಶ್ರೀಚಂದ್ರೇಶ್ವರ ಬೊಕ್ಕ ಶ್ರೀಅನಂತೇಶ್ವರ ದೇವೆರೆಗ್ ಅಡ್ಡ ಬೂರ್ದು ಮಧ್ವಾಚಾರ್ಯೆರೆಗ್ ಪೂಜೆ ಮಲ್ತ್ , ಶ್ರೀಕೃಷ್ಣಮಠಕ್ ಬನ್ನಗ ಪರ್ಯಾಯ ಪೀಠಾಧೀಶೆರಾಯಿನ ಅದಮಾರು ಶ್ರೀಈಶಪ್ರಿಯತೀರ್ಥ ಸ್ವಾಮಿಲು ನನ ದುಂಬುದ ಪರ್ಯಾಯ ಸ್ವಾಮಿಲೆನ್ ಮೋಕೆಡ್ ಎದುಕೊಂಡೆರ್ .

ಶ್ರೀಕೃಷ್ಣ ಮುಖ್ಯಪ್ರಾಣ,ಮಧ್ವರ ದರ್ಶನ ಮಲ್ಪಾಯೆರ್ .ಐರ್ದ್ ಬೊಕ್ಕ ಕೃಷ್ಣಾಪುರ ಮಠಟ್ ನವಗ್ರಹ ದಾನಾದಿಲೆನ್ ಕೊರ್ದು ಬಯ್ಯಗ್ 5-22 ಗಂಟೆಗ್ ಮಠ ಪ್ರವೇಶ ಮಲ್ತ್ ಪಟ್ಟದ ದೇವೆರೆಗ್ ಮಂಗಳಾರತಿ ಮಲ್ತೆರ್ .