ತುಳು ಭಾಷೆನ್ ರಾಜ್ಯ ಭಾಷೆಯಾದ್ ಗುರ್ತಿಸಾವಾಡ್ : ಡಿ. ವಿ ಸದಾನಂದ ಗೌಡ

ಮುಡಿಪು, ಮೇ 31: ‘ಜಾಗತೀಕರಣದ ಪ್ರಭಾವರ್ದ್ ತುಳು ಸೇರಿನoಚ ಅವ್ವೆತೋ ಭಾಷೆ ಅಳಿಯೊಂದು ಉಂಡು. ಭಾಷೆದ ಅಳಿವು- ಉಳಿವು ಅವೆನ್ ಗಳಸುನಕ್ಲೆನ ಕೈಟ್ ಉಂಡು. ತುಳು ಭಾಷೆದ ಮೂಲಸತ್ವನ್ ನಮ ಮಾತಾ ಸೇರ್ದ್ ಒರಿಪಾವೊಡು ಪಂದ್ ಕೇಂದ್ರ ರಾಸಾಯನಿಕ ಬೊಕ್ಕ ರಸಗೊಬ್ಬರ ಖಾತೆ ಸಚಿವ ಡಿ.ವಿ. ಸದಾನಂದ ಗೌಡ ಪಂಡೆರ್ .

ವಿಶ್ವವಿದ್ಯಾಲಯ ಸಂಧ್ಯಾ ಕಾಲೇಜು, ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಬೊಕ್ಕ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಪೀಠದ ಒಟ್ಟು ಸೇರಿಗೆಡ್ ನಡತೊಂದು ಉಪ್ಪುನ ತುಳು ಉಪನ್ಯಾಸ ಮಾಲಿಕೆದ ವರ್ಷಾಚರಣೆದ ಪ್ರಯುಕ್ತ ಶನಿವಾರ ಆನ್‌ಲೈನ್‌ ವೇದಿಕೆಡ್ ನಡತಿನ 52ನೇ ಸಂಚಿಕೆಡ್ ಮಲ್ಲ ಬಿನ್ನೆರ್ ಆದ್ ಪಾತೆರಿಯೆರ್.