May 11, 2021

ಪೂರ್ವನಿಗದಿತ ಮದಿಮೆಗ್ ಗರಿಷ್ಠ 25 ಜನಕ್ಲೆಗ್ ಅನುಮತಿ : ಡಾ.ಕೆ.ವಿ. ರಾಜೇಂದ್ರ

May 11, 2021

ಕುಡ್ಲ, ಮೇ 11: ಪೇಂಟೆಡ್ ಮೇ 10 ತಾರೀಖ್ ಗ್ ಕಾಂಡೆ 6 ಗಂಟೆರ್ದ್ 24 ತಾರೀಖ್ ಕಾಂಡೆ 6 ಗಂಟೆ ಮುಟ ಕಟ್ಟ್ ನಿಟ್ಟ್ ದ ಕ್ರಮ ಜಾರಿಮಲ್ಪರೇ ಆದೇಶ ಕೊರ್ತಿನ ಜಿಲ್ಲಾಧಿಕಾರಿ ಡಾ.ಕೆ.ವಿ. ರಾಜೇಂದ್ರ, ಪೂರ್ವನಿಗದಿತ ಮದಿಮೆನ್ ಗರಿಷ್ಠ 25 ಜನಕ್ಲೆನ ಪರಿಮಿತಿಗ್ ಸೇರಿನoಚ ಆಯಾ ಇಲ್ಲಡ್ ಸರಳವಾದ್ ಅಟ್ಟನೆ ಮಲ್ಪೊಡು ಪಂದ್ ತೆರಿಪಾದೆರ್ .

ಮದಿಮೆಗ್ ಸಂಬಂಧ ಪಟ್ಟಿನoಚ ದುಂಬುದ ಆದೇಶದ ಪ್ರಕಾರ ಕೈತಲ್ ದ ಸಂಸ್ಥೆರ್ದ್ ಅನುಮತಿ ದೆತೊನೊಡು . ಪಾಸ್ ದೆತೊoದಿನಕುಲು ಮಾತ್ರ ಮದಿಮೆಡ್ ಪಾಲ್ ಪಡೆಯೊಡು . ನಿಯಮ ಉಲ್ಲಂಘನೆ ಮಲ್ತುಂಡ ಕಾನೂನು ಕ್ರಮ ದೆತೊನೊಡು ಪಂದ್ ತೆರಿಪಾದೆರ್ .

ರಾಜ್ಯ ಸರ್ಕಾರ ಇತ್ತೆ ಕೊರ್ತಿನ ಆದೇಶಗ್ ಅನುಗುಣವಾದ್ ಈ ಮಾರ್ಗಸೂಚಿ ಬುಡುಗಡೆ ಮಲ್ಪೋಲಿ . ಸರ್ಕಾರದ ಆದೇಶದ ಮಾತಾ ಮಾರ್ಗಸೂಚಿಲು ಪಾಲನೆ ಆಯರೇ ಉಂಡು .

ಕೋವಿಡ್ ಮಾರ್ಗಸೂಚಿನ್ ಸರಿಯಾದ್ ಪಾಲಿಸಾಲೆ : ಎನ್.ಶಶಿಕುಮಾರ್

May 11, 2021

ಕುಡ್ಲ, ಮೇ 11: ರಾಜ್ಯಡ್ ಕೋವಿಡ್-19 ಪ್ರಕರಣಲು ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಸರ್ಕಾರ ಕೊರ್ತಿನ ಮಾರ್ಗಸೂಚಿಲೆನ್ ಸರಿಯಾದ್ ಪಾಲನೆ ಮಲ್ಪುಲೇ ಪಂದ್ ನಗರ ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್, ಜನಕ್ಲೆಗ್ ಪಂಡೆರ್.

ಸಾಮಾಜಿಕ ಜಾಲತಾಣಡ್ ಲೈವ್‌ ಲೇಸ್ ದ ಮುಖೇನ ಐತಾರ ಸಾರ್ವಜನಿಕೆರ್ನ ಪ್ರಶ್ನೆಗ್ ಉತ್ತರ ಕೊರಿನ ಮೇರ್ ಕುಡ್ಲಡ್ ಜನಕುಲು ಸೂಕ್ಷ್ಮವಾದುಲ್ಲೆರ್ , ಶೇ 99 ದಾತ್ ಜನಕುಲು ಮಾರ್ಗಸೂಚಿ ಪಾಲೀಸಾವೊಂದು ಉಲ್ಲೆರ್ . ಜನಕುಲು ಮಾರ್ಗಸೂಚಿ ಉಲ್ಲಂಘನೆ ಮಲ್ತಿನಪಗ ನಮ ಸೂಕ್ತ ಕ್ರಮ ದೆತೊನೊಂದು ಉಲ್ಲ ಪಂದ್ ಪಂಡೆರ್.