May 29, 2021

ವೀರಕಂಬ ಗ್ರಾಮ ಪಂಚಾಯತ್ ವತಿರ್ದ್ ಇಲ್ಲ ಇಲ್ಲಗ್ ಫಾಗಿಂಗ್

ಕಲ್ಲಡ್ಕ ಮೇ 29, ಬಂಟ್ವಾಳ ತಾಲೂಕು ವೀರಕಂಭ ಗ್ರಾಮದ ಗೊಳಿಮಾರ್ ಪನ್ಪಿನ ಜಾಗೆಡ್ ಡೆಂಗ್ಯೂ ಜ್ವರ ತೋಜಿನ ನೆಲೆಟ್ಟ್ ವೀರಕಂಭ ಗ್ರಾಮ ಪಂಚಾಯತ್ ವತಿರ್ದ್ ಡೆಂಗ್ಯೂ ಜ್ವರ ಉಪ್ಪುನ ಇಲ್ಲ್ ಅಂಚನೆ ಕೈತಲ್ ದ ಇಲ್ಲಗ್ ಫಾಗಿಂಗ ಮಲ್ತೆರ್ ಈ ಪೊರ್ತುಡು ಗ್ರಾಮ ಪಂಚಾಯತ್ ಗುರ್ಕಾರ್ಲಾಯಿನ ಶ್ರೀಯುತ ದಿನೇಶ್ ಅಂಚನೆ ಗ್ರಾಮ ವ್ಯಾಪ್ತಿದ ಕಿರಿಯ ಆರೋಗ್ಯ ಸಹಾಯಕಿ ಶ್ರೀಮತಿ ಜ್ಯೋತಿ ಕೆ ಪಾಲ್ ಪಡೆದಿತ್ತೆರ್.

ವೀರ ಸಾವರ್ಕರ್ ಜಯಂತಿ : ಮಾರ್ಗಗ್ ವೀರ ಸಾವರ್ಕರ್ ಪುದರ್

ಓಡಿಪು, ಮೇ 29: ಕೊಡವೂರು ಪರಿಸರದ ಅವ್ವೆತೋ ಇಲ್ಲದ ಮಾರ್ಗದ ಸಮಸ್ಯೆ ಮಸ್ತ್ ವರ್ಷರ್ದ್ ಉಂಡು, ಮುಲ್ಪದ ನಿವಾಸಿಲು ಬೇತಕ್ಲೆನ ಇಲ್ಲದ ಸಾದಿಡ್, ಜಾಲ್ ಡ್ ನಡತೊಂದು ಪೋಪಿನ ಪರಿಸ್ಥಿತಿ ಇತ್ತುಂಡು.

ತಂಕ್ಲೆನ ಗಾಡಿನ್ ಬೇತಕ್ಲೆನ ಇಲ್ಲಡ್ ದೀದ್ ಪೋಪಿನಿ ಮನೆಯಲ್ಲಿ ಇಟ್ಟು ಹೋಗುವುದು,ತುರ್ತು ಪರಿಸ್ಥಿತಿಡ್ ಸರಿಯಾಯಿನ ಮಾರ್ಗ ಇಜ್ಜಂದೆ ಸರಿಯಾಯಿನ ಪೊರ್ತುಡು ಆಸ್ಪತ್ರೆಗ್ ಪೋಯೆರ್ ಆವಂದಿನ ಪರಿಸ್ಥಿತಿ ಇತ್ತುಂಡು ಅಂಚನೆ ಇಂದು ಅವ್ವೆತೋ ವರ್ಷರ್ದ್ ಈ ಭಾಗದ ಜನಕ್ಲೆನ ಸಮಸ್ಯೆಯಾದುಂಡು.

ಈ ಸಮಸ್ಯೆನ್ ಅರಿಕೆ ಮಲ್ತಿನ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ಮೆರ್ನ ಮುತಾಲಿಕೆಡ್ ಅಲ್ಪದ ಜನಕ್ಲೆನ್ ಒಟ್ಟು ಮಲ್ತ್ ಮಾರ್ಗ ನಿರ್ಮಾಣ ಮಲ್ಪುನ ಅಲ್ಲಿನ ಬೇಲೆ ಸುರು ಮಲ್ತೆರ್. ಸುರುಕು ಮಾರ್ಗಗ್ ಬೋಡಾಪಿನ ಜಾಗೆನ್ ಅಲ್ಪದ ಜನಕ್ಲೆಡ ವಿಶ್ವಾಸ ದೆತೊoದು ಐತ ವ್ಯವಸ್ಥೆ ಮಲ್ತದ್ ಕೈತಲ್ ದ ನಾಗರೀಕೆರ್ನ ಅಭಿಪ್ರಾಯನ್ ದೆತೊoದು ಬೇಲೆ ಸುರು ಮಲ್ತೆರ್.ಇಂಚ ಶ್ರಮದಾನದ ಮುಖಾಂತರ ಮಾರ್ಗ ನಿರ್ಮಾಣ ಆಂಡ್ .

ಒಡಿಪು ನಗರ ಸಭೇರ್ದ್ ಸೇತುವೆನ್ ಮಲ್ತ್ದ್ ಮಾರ್ಗಗ್ ತನ್ನ ಸ್ವಂತ ಕಾಸ್ ರ್ದ್ ಮಣ್ಣು ಪಾರ್ದ್ ಗ್ರಾಮಸ್ಥರೇ ಮಾರ್ಗ ನಿರ್ಮಾಣ ಮಲ್ಪುನ ಕಾರ್ಯ ಪೂರ್ಣ ಆಂಡ್ .ಇಂಚ ಅವ್ವೆತೋ ವರ್ಷರ್ದ್ ಮಾರ್ಗ ಇಜ್ಜಂದಿನ ಜನಕ್ಲೆನ್ ಪೊಸತಾದ್ ಮಾರ್ಗ ನಿರ್ಮಾಣ ಆತಿನವು ಮಾತೆರೆಗ್ಲಾ ಖುಷಿ ಕೊರ್ತುಂಡು ಇಂಚ ಕೊಡವೂರು ವಾರ್ಡ್ ಡ್ 7 ಪೊಸ ಮಾರ್ಗದ ನಿರ್ಮಾಣ ಕಾರ್ಯ ನಡತೊಂದು ಉಂಡು ,ನನ ದುಂಬುದ ದಿನಟ್ ಆ ಮಾರ್ಗಲ ಪೂರ್ಣ ಆಯೆರೆ ಉಂಡು ಪಂದ್ ನಗರ ಸಭಾ ಸದಸ್ಯೆರಾಯಿನ ವಿಜಯ್ ಕೊಡವೂರು ತೆರಿಪಾಯೆರ್ .

ಪೊಸ ಮಾರ್ಗಗ್ ಪುದರ್ ದೀಪಿನ ಪೊರ್ತುಡು ಸ್ವಾತಂತ್ರ ಹೋರಾಟಗಾರೆರಾಯಿನ ವೀರ ಸಾವರ್ಕರ್ ಪುದರ್ ದೀಯೆರ್.ಈ ಪರಿಸರದ ಜನಕುಲು ಮಾರ್ಗಗ್ ಸ್ವಾತಂತ್ರ ಹೋರಾಟಗಾರೆರಾಯಿನ ವೀರ ಸಾವರ್ಕರ್ ಪುದರ್ ದೀಯೆರೆ ತೀರ್ಮಾನ ಮಲ್ದಿನ ಬಾರಿ ಸಂತೋಷದ ಇಚಾರ ಇಂಚನೇ ಸ್ವತಂತ್ರ ಹೋರಾಟಗಾರೆರೆನ್ ನೆಂಪು ಮಲ್ಪುನ ಕಾರ್ಯ ಆವೊಡು ಪಂದ್ ಪಂಡೆರ್.

ಒಡಿಪುಡು ಶುಕ್ರವಾರ 9497 ಜನಕ್ ಕೊರೋನ ಲಸಿಕೆ

ಒಡಿಪು, ಮೇ 29: ಉಡುಪಿ, ಜಿಲ್ಲೆಡ್ ಶುಕ್ರವಾರ ಒಟ್ಟು 9497 ಜನಕ್ ಕೋವಿಡ್ ಲಸಿಕೆನ್ ಕೊರ್ತೆರ್ . ನೆಟ್ಟ್ 6335 ಜನಕ್ ಲಸಿಕೆದ ಸುರುತ್ತ ಡೋಸ್ ದೆತೊoಡ , 3162 ಜನ ರಡ್ಡನೇ ಡೋಸ್ ದೆತೊoದೆರ್ ಪಂದ್ ಡಿಎಚ್‌ಓ ಡಾ.ಸುಧೀರ್‌ಚಂದ್ರ ಸೂಡ ತೆರಿಪಾದೆರ್ .

ಇನಿ 18 ರ್ದ್ 44 ವರ್ಷದ ಉಲಯಿ 1880 ಜನಕ್ ಸುರುತ್ತಾ ಡೋಸ್‌ನ್ ದೆತೊoದೆರ್ . 45 ವರ್ಷ ಮಿತ್ತ್ ದ 4279 ಜನ ಸುರುತ್ತ ಡೋಸ್ ಅಂಚನೆ 3082 ಜನ ರಡ್ಡನೇ ಡೋಸ್‌ ದೆತೊನ್ದೆರ್ .

ಒಡಿಪುಡು ರಡ್ಡ್ ಜನಕ್ ಬ್ಲಾಕ್ ಫಂಗಸ್ ಪತ್ತೆ

ಒಡಿಪು , ಮೇ 29: ಶುಕ್ರವಾರ ಪೆರ್ಡೂರುದ ರಡ್ಡ್ ಜನಕ್ ಪೊಸತ್ತ್ ಬ್ಲ್ಯಾಕ್ ಫಂಗಸ್ (ಕಪ್ಪು ಶಿಲೀಂದ್ರ) ಸೋಂಕು ಪತ್ತೆಯಾತುಂಡು . ನೆಟ್ಟ್ 53 ವರ್ಷದ ಆಂಜೊವುನು ಚಿಕಿತ್ಸೆ ಪಡೆಯೊಂದಿತ್ತಿನ ಮೆರೆನ್ ಒಡಿಪು ಡಾ.ಟಿಎಂಎ ಪೈ ಆಸ್ಪತ್ರೆರ್ದ್ ಮಣಿಪಾಲ ಕೆಎಂಸಿಗ್ ದಾಖಲ್ ಮಲ್ದೆರ್ . ನನೊರಿಯೆನ್ ಆದರ್ಶ ಆಸ್ಪತ್ರೆರ್ದ್ ಕುಡ್ಲದ ವೆನ್‌ಲಾಕ್ ಆಸ್ಪತ್ರೆಗ್ ವರ್ಗಾವಣೆ ಮಲ್ದೆರ್ ಪಂದ್ ಡಾ. ಸುಧೀರ್‌ ಚಂದ್ರ ಸೂಡ ತೆರಿಪಾದೆರ್ .

ಫ್ಲಾಟ್ ರ್ದ್ ಲಾಗಿದ್ ಜೀವ ಬುಡಿನ ಜವಣ್ಯೆ

ಕುಡ್ಲ , ಮೇ 29: ಪೇಂಟೆದ ಪಡೀಲ್‌ಡುಪ್ಪುನ ಫ್ಲ್ಯಾಟ್‌ ದ 7ನೆ ಮಹಡಿರ್ದ್ ಜವಣ್ಯೆ ಒರಿ ಲಾಗಿದ್ ಜೀವ ಬುಡಿನ ಘಟನೆ ಗುರುವಾರ ರಾತ್ರಿ ಸುಮಾರ್ 10 ಗಂಟೆಗ್ ನಡತುಂಡು .

ಪಡೀಲ್‌ದ ಸಮೀರ್ (30) ಆತ್ಮಹತ್ಯೆ ಮಲ್ತಿನ ಜವಣ್ಯೆ .

ಅವಿವಾಹಿತೆ ಆದಿಪ್ಪುನ ಮೆರ್ ಮಾನಸಿಕ ಸೀಕ್ ರ್ದ್ ಬಳಲೊಂದು ಇತ್ತೆರ್ ಅಂಚನೆ ಕೊರೋನ ಪಾಸಿಟಿವ್ ಸೋಂಕಿತೇರಾದಿತ್ತೆರ್ ಪಂದ್ ಪ್ರಕರಣ ದಾಖಲ್ ಮಲ್ತಿನ ಕಂಕನಾಡಿ ನಗರ ಠಾಣೆದ ಪೊಲೀಸೆರ್ ತೆರಿಪಾದೆರ್.

ಕುಡ್ಲಡ್ ಮೂಜಿ ಜನಕ್ ಬ್ಲಾಕ್ ಫಂಗಸ್ ಪತ್ತೆ

ಕುಡ್ಲ , ಮೇ 29: ಕುಡ್ಲಡ್ ಬ್ಲ್ಯಾಕ್ ಫಂಗಸ್ ಪ್ರಕರಣದ ಸಂಖ್ಯೆಡ್ ಕುಡ ಏರಿಕೆ ಆವೊಂದು ಉಂಡು , ಶುಕ್ರವಾರ 3 ಪ್ರಕರಣ ತೊಜಿದ್ ಬೈದುಂಡು. ನೆತ್ತೋಟ್ಟುಗು ಇತ್ತೆ ಮುಟ ಜಿಲ್ಲೆಡ್ 34 ಸಕ್ರಿಯ ಬ್ಲ್ಯಾಕ್ ಫಂಗಸ್ ಪ್ರಕರಣ ತೊಜಿದ್ ಬೈದುಂಡು.

ಶುಕ್ರವಾರ ಪತ್ತೆಯಾಯಿನ 3 ಪ್ರಕರಣದ ಪೈಕಿ ದ.ಕ. ಜಿಲ್ಲೆದ ಒರಿ ಬೊಕ್ಕ ಪಿದಾಯಿದ ರಡ್ಡ್ ಜನ ಸೇರ್ದೆರ್.ನೆಟ್ಟ್ ಒರಿ ಖಾಸಗಿ ಕುಡ ರಡ್ಡ್ ಜನ ವೆನ್ಲಾಕ್ ಆಸ್ಪತ್ತೆಡ್ ಮರ್ದ್ ಪಡೆಯೊಂದು ಉಲ್ಲೆರ್ ಪಂದ್ ಆರೋಗ್ಯಧಿಕಾರಿಲು ಮಾಹಿತಿ ತೆರಿಪಾದೆರ್.

ಕಾತ್ಯಾಯಿನ ಆಳ್ವ ಅಮಾನತು ಪಿರ ದೆತೊನ್ಯೆರೆ ಬಂಟರ ಸಂಘ ಆಗ್ರಹ

ಒಡಿಪು , ಮೇ 29: ರೆಮ್ಡಿಸಿವರ್ ಕಳ್ಳ ಮಾರಾಟ ದಂಧೆಡ್ ಶಾಮೀಲಾದಿತ್ತಿನ ವೈದ್ಯೆನ್ ಪತ್ತೆ ಮಲ್ತ್ ಬಂದಿಸಾಯಿನ ಸಂಜಯ್ ನಗರದ ಇನ್ಸ್‌ ಪೆಕ್ಟರ್ ಕಾತ್ಯಾಯಿನಿ ಆಳ್ವ ಮೆರೆಗ್ ಕೆಲವು ನಕಲಿ ವೈದ್ಯೆರ್ ಅಂಚನೆ ರಾಜಕೀಯ ಶಕ್ತಿದ ಒತ್ತಡರ್ದ್ ಅಮಾನತು ಮಲ್ದಿನೆನ್ ಒಡಿಪುದ ಬಂಟರ ಸಂಘ ತೀವ್ರವಾದ್ ಖಂಡನೆ ಮಲ್ದೆರ್.

ಮೆರ್ನ ಅಮಾನತು ಸಮಾಜಗ್ ತಪ್ಪುಸಂದೇಶ ಕೊರ್ಪಿನ ಹಂತಗ್ ಬೈದುಂಡು, ಉಂದೆನ್ ಉನ್ನತ ಅಧಿಕಾರಿಲು ತೆರಿದ್ ಅಮಾನತು ಆದೇಶ ಪಿರ ದೆತೊನೊಡು ಪಂದ್ ಬಂಟರ ಸಂಘ ಒಡಿಪು ನೆತ್ತ ಗೌರವ ಗುರ್ಕಾರ್ಲಾಯಿನ ಜಯಕರ ಶೆಟ್ಟಿ ಇಂದ್ರಾಳಿ, ಗುರ್ಕಾರ್ಲಾಯಿನ ಪುರುಷೋತ್ತಮ ಪಿ.ಶೆಟ್ಟಿ ಬೊಕ್ಕ ಪದಾಧಿಕಾರಿಲು ಪ್ರಕಟಣೆಡ್ ತೆರಿಪಾದೆರ್.

ಕುಡ್ಲಡ್ ಕೋವಿಡ್ ಗ್ 5 ಬಲಿ : 799 ಜನಕ್ ಕೊರೋನ ಪಾಸಿಟಿವ್

ಕುಡ್ಲ, ಮೇ 29: ದ.ಕ. ಜಿಲ್ಲೆಡ್ ಶುಕ್ರವಾರ 5 ಜನ ಕೋವಿಡ್‌ಗ್ ಬಲಿಯಾಯೆರ್ . ನೆತ್ತೋಟ್ಟುಗು ಜಿಲ್ಲೆಡ್ ಇತ್ತೆ ಮುಟ ಕೋವಿಡ್‌ಗ್ ಬಲಿಯಾಯಿನಕ್ಲೆನ ಸಂಖ್ಯೆ 894ಕ್ಕೇರ್ದುಂಡು. ತೀರ್ ಪೋಯಿನಕ್ಲೆನ ಅತ್ತoದೆ ಗುರುವಾರ ಜಿಲ್ಲೆಡ್ 799 ಜನಕ್ ಕೊರೋನ ಸೋಂಕು ದೃಢ ಆತುಂಡು .

ಜಿಲ್ಲೆಡ್ ಇತ್ತೆ 8,41,914 ಜನತ ದ್ರವ ಪರೀಕ್ಷೆ ಮಲ್ದೆರ್ . ಆ ಪೈಕಿ 7,68,016 ಜನತ ವರದಿ ನೆಗೆಟಿವ್ ಬೈದುಂಡು . ಒಟ್ಟು 73,898 ಜನಕ್ ಕೊರೋನ ಸೋಂಕು ಪಾಸಿಟಿವ್ ಬೈದುಂಡು .

ಕಲಾವಿದೆರೆಗ್ ಆರ್ಥಿಕ ಸಾಕಾರಗ್ ಅರ್ಜಿದ ಲೆಪ್ಪೋಲೆ

ಒಡಿಪು , ಮೇ 29: ಪ್ರಸ್ತುತ ರಾಜ್ಯಡ್ ಕೋವಿಡ್-19 2ನೇ ಅಲೆತ ಲಾಕ್‌ಡೌನ್ ನೆಲೆಟ್ಟ್ ಆರ್ಥಿಕ ಸಂಕಷ್ಟಡ್ ಉಪ್ಪುನ ಕಲಾವಿದೆರೆಗ್ ತಲಾ 3,000ರೂ.ಪಾಯಿದ ಆರ್ಥಿಕ ಸಾಕರನ್ ಮುಖ್ಯಮಂತ್ರಿಲು ಮೇ 19 ತಾರೀಖ್ ಘೋಷಣೆ ಮಲ್ದೆರ್ , ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ವತಿರ್ದ್ ತಲಾ 3,000 ರೂಪಾಯಿದ ಸಾಕಾರ ಕೊರಿಯೆರೆ ನಿರ್ಧಾರ ಮಲ್ದೆರ್.

ಈಯೋಜನೆದಡಿ
ಆರ್ಥಿಕ ಸಂಕಷ್ಟಡ್ ಉಪ್ಪುನ ಮಾತಾ ಪ್ರಕಾರದ ಕಲಾವಿದೆರ್ ಸೇವಾಸಿಂಧು ಪೋರ್ಟಲ್ ಮುಖೇನ ಅರ್ಜಿ ಪಾಡೋಲಿ . ಕಲಾವಿದೆರ್ ವೃತ್ತಿನಿರತೆರಾಡುಪ್ಪೊಡು , 35 ವರ್ಷ ಮಿತ್ತ್ ದಕುಲು ಆದ್ ಉಪ್ಪೊಡು ಅಂಚನೆ ಕನಿಷ್ಠ 10 ವಷದ ಕಲಾಸೇವೆ ಮಲ್ತ್ ಉಪ್ಪೊಡು . ಇತ್ತೆ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆರ್ದ್ ಮಾಸಾಶನ ಪಡೆಯೊಂದು ಉಪ್ಪರೆ ಬಲ್ಲಿ ಅಂಚನೆ ಒವ್ವೆ ಸರಕಾರಿ ನೌಕರೆರ್ ಆದ್ ಉಪ್ಪರೆ ಬಲ್ಲಿ..

ಒಡಿಪುದ ಪೂ,ಫಲವಸ್ತು,ತರಕಾರಿ ಬುಳೆಗಾರೆರೆಗ್ ಪರಿಹಾರ

ಒಡಿಪು, ಮೇ 29: ಕೋವಿಡ್-19 ದ ರಡ್ಡ ನೇ ಅಲೆ ಕಾರಣ ರಾಜ್ಯಡ್ ಪಾರ್ದಿನ ಜನತಾ ಕರ್ಪ್ಯೂ ಅವಧಿಡ್ ಪೂ, ಹಣ್ಣು ಅಂಚನೆ ತರಕಾರಿ ಬುಳೆಗಾರೆರೆಗ್ ಆಯಿನ ನಷ್ಟಗ್ ಹೆಕ್ಟೇರ್‌ಗ್ ಗರಿಷ್ಠ 10,000ರೂ. ಪರಿಹಾರನ್ ಅಂಚನೆ ಕನಿಷ್ಠ 2000ರೂಪಾಯಿಗ್ ಮಿತ ಮಲ್ತ್ ಕೊರ್ರೆ ಉಲ್ಲೆರ್ .ವಾರ್ಷಿಕ ಪೂ , ಹಣ್ಣು, ತರಕಾರಿ ಬುಲೆಕ್ 2021-22ನೇ ಸಾಲ್ ದ ಬೇಸಿಗೆ ಬೆಳೆ ಸಮೀಕ್ಷೆ ಬೊಕ್ಕ ಬಹುವಾರ್ಷಿಕ ಬುಳೆಕ್ 2021-22ನೇ ಸಾಲ್ ದ ಮುಂಗಾರು ಬೆಳೆ ಸಮೀಕ್ಷೆ ಮಾಹಿತಿದ ಆಧಾರಡ್ ಪಾವತಿ ಮಲ್ಪರೆ ಸರಕಾರದ ಸೂಚನೆ ಇತ್ತುಂಡು , ಬುಳೆ ಸಮೀಕ್ಷೆಡ್ ನಮೂದಾಯಿನ ಅಂಚನೆ ಇಲಾಖೆದ ತಂತ್ರಾಂಶಡ್ ನೊಂದಣಿಯಾಯಿನ ಬೊಕ್ಕ ನೊಂದಣಿಯಾವಂದೆ ಉಪ್ಪುನ ರೈತೆರ್ನ ವಿವರ ತೋಟಗಾರಿಕೆ ಇಲಾಖಾ ಕಚೇರಿಡ್ ಲಭ್ಯ ಉಂಡು .