May 28, 2021

ತೋಕೂರು ಸ್ಪೋರ್ಟ್ಸ್‌ ಕ್ಲಬ್ ದ ಆರೋಗ್ಯ ನಿಧಿ ಪಟ್ಟುನ ಲೇಸ್

May 28, 2021

ಮುಲ್ಕಿ : ತೋಕೂರುದ ಶ್ರೀ ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್ ಕ್ಲಬ್ (ರಿ) ಮೊಕಲೆರ್ದ್ ಆರೋಗ್ಯ ನಿಧಿ ಪಟ್ಟುನ ಲೇಸ್ ಇಚೊಗು ನಡತ್ಂಡ್.

ಕ್ಲಬ್ ದ ಸದಸ್ಯರಾದುಪ್ಪುನ ಜಯಂತ್ ಕುಂದರ್ ಸಂಕಲಕರಿಯ ಮೇರ್ ಇಂಚೊಗು ಆಕ್ಸಿಡೆಂಟ್ ಆದ್ ಅರೆನ ಚಿಕಿತ್ಸೆಗ್ ಸಂಸ್ಥೆ ದ ಆರೋಗ್ಯ ನಿಧಿರ್ದ್ ಪಣವುದ ಸಹಾಯೊನು ಅರೆನ ಕುಟುಂಬ ಸದಸ್ಯರಾಯಿನ ಲಕ್ಷ್ಮಿ ಬೊಕ್ಕ ದೇವದಾಸ್ ಮೆರೆನ ಎದುರುಡು ಕ್ಲಬ್ ದ ಅಧ್ಯಕ್ಷೆರ್ ಕೊರಿಯೆರ್. ಕ್ಲಬ್ ದ ಹಿರಿಯ ಸದಸ್ಯೆರ್ ಮೋಹನ್ ಸುವರ್ಣ ಪುಣೆ,
ಅಧ್ಯಕ್ಷೆರ್ ಸಂತೋಷ್ ದೇವಾಡಿಗ,
ಪ್ರಧಾನ ಕಾರ್ಯದರ್ಶಿ ಜಗದೀಶ್ ಕುಲಾಲ್, ಕಾರ್ಯಾಧ್ಯಕ್ಷೆರ್ ಸುರೇಶ್ ಶೆಟ್ಟಿ, ಪರಿಸರ ಸಂರಕ್ಷಣಾ ಕಾರ್ಯದರ್ಶಿ ಸುನಿಲ್ ದೇವಾಡಿಗ ಮೊಕುಲು ಮಾತ ಇತ್ತೆರ್.

ಅಪಘಾತಡ್ ಕಣ್ಣ್ ಕಳೆಯೊಂಡಿನ ತಿಲೇಶ್ ಕುಟುಂಬಗ್ ಪಣವುದ ಸಾಕಾರ

May 28, 2021

ವಾಮದಪದವು, ಮೇ 28: ವಾಮದಪದವು ಕೊರಗಟ್ಟೆದ ನಿವಾಸಿಯಾಯಿನ ತಿಲೇಶ್ ಪೂಜಾರಿ ಗಾಡಿ ಅಪಘಾತಡ್ ಆಸ್ಪತ್ರೆ ಸೇರ್ದ್ ಇತ್ತೆರ್ ಪಣವುದ ಸಾಕಾಯ ಬೋಡು ಪನ್ಪಿನ ವರದಿನ್ ತುಳುನಾಡ ರಕ್ಷಣಾ ವೇದಿಕೆ ವಾಮದಪದವು ಘಟಕ ಸೂಕ್ತ ನ್ಯೂಸ್ ಒಟ್ಟು ಸೇರ್ದ್ ಅಪಘಾತವಾಯಿನ ಆಣನ ಇಲ್ಲಗ್ ಪೋದು ಬಡ ಕುಟುಂಬಗ್ ಪಣವುದ ಸಾಕಾಯ ಕೇಂದ್ ಪ್ರಸಾರ ಮಲ್ತಿನ ಕಾರಣರ್ದ್ ಆಣನ ಮರ್ದ್ ಗ್ ಬೋಡಾಯಿನ ಮಾತಾ ರೀತಿದ ಪನವು ತಿಲೇಶ್ ಮೆರ್ನ ಏಕೌಂಟಿಗ್ ಜಮೆ ಆತುಂಡು.

ಆತೆ ಅತ್ತoದೆ ತು.ರ.ವೇ ಸಂಘಟನೆ ಪದಾಧಿಕಾರಿಲು ವಾಮದಪದವು ಪರಿಸರಡ್ ನಿಧಿ ಸಂಗ್ರಹ ಮಲ್ತಿನ ಕಾಸ್ ಒಟ್ಟು 41285 ರೂಪಾಯಿಡ್ ತಿಲೇಶ್ ಮೆರ್ನ ಚಿಕಿತ್ಸೆಗ್ 26285 ಅಂಚನೆ ಕಣ್ಣ್ ಕಳೆಯೊಂಡಿನ ತಿಲೇಶ್ ಮೆರ್ನ ಅಕ್ಕನ ಜೀವನ ನಿರ್ವಹಣೆಗಾದ್ 15000ನ್ ಸಂಘಟನೆದ ಪದಾಧಿಕಾರಿಲು ಹಸ್ತಾಂತರ ಮಲ್ತೆರ್. ಸೂಕ್ತ ನ್ಯೂಸ್ ವರದಿರ್ದ್ ಅಂಚನೆ ತು.ರ.ವೇ ದ ಅವಿರತ ಶ್ರಮರ್ದ್ , ಸ್ವರ್ಣ ಸಂಜೀವಿನಿ ಮಡಂತ್ಯಾರು, ಸೇವಾ ಮಿತ್ರ ಕೊಲ್ಪದಬೈಲು, ತಿಲೇಶ್ ಮೆರ್ನ ಮಾಲಕೆರಾಯಿನ ಜಯಶೀಲಾ ಅಡ್ಯಾಂತಾಯ ಬೊಕ್ಕ ಹುಷಾರ್ ಆಯಿಬೊಕ್ಕ ಪಿರಬರ್ಪಿನ ಗಾಡಿದ ವ್ಯವಸ್ಥೆ ಮಲ್ತಿನ ತಾರಾನಾಥ್ ಶೆಟ್ಟಿ ಉಳಗುಡ್ಡೆ ಮೆರೆಗ್ ಲಾ ತಿಲೇಶ್ ಕುಟುಂಬ ಸೊಲ್ಮೆ ಸಂದೈತ ಮಲ್ತೆರ್.

ಜೂನ್ 30 ಮುಟ ಲಾಕ್ಡೌನ್ ದುಂಬು ಕೊನೊಯೆರೆ ರಾಜ್ಯಗ್ ಕೇಂದ್ರ ಗೃಹ ಇಲಾಖೆ ಸೂಚನೆ

May 28, 2021

ನವದೆಹಲಿ, ಮೇ 28: ಕೋವಿಡ್ 19 ನೆಲೆಟ್ಟ್ , ರಾಷ್ಟ್ರವ್ಯಾಪಿ ಸದ್ಯ ಜಾರಿಯಡುಪ್ಪುನ ನೆಲೆಟ್ಟ್ ಲಾಕ್ಡೌನ್ ನ್ ಜೂನ್ 30 ಮುಟ ದುಂಬು ಕೊನೊಯೆರೆ ಮಾತಾ ರಾಜ್ಯಗ್ ಅಂಚನೆ ಕೇಂದ್ರಾಡಳಿತ ಪ್ರದೇಶಗ್ ಕೇಂದ್ರ ಗೃಹ ಸಚಿವಾಲಯ ಸೂಚನೆ ಕೊರ್ತುಂಡು.

ಈ ಬಗ್ಗೆ ಆದೇಶ ಕೊರಿನ ಕೇಂದ್ರ ಗೃಹ ಕಾರ್ಯದರ್ಶಿ ಅಜಯ್ ಭಲ್ಲ, ಕೊರೋನಾ ನಿಗ್ರಹಗಾದ್ ರಾಜ್ಯ ಸರ್ಕಾರ ಅಂಚನೆ ಕೇಂದ್ರಾಡಳಿತ ಪ್ರದೇಶದ ಆಡಳಿತ ವರ್ಗ ದೆತೊoದಿನ ಕಟ್ಟ್ ನಿಟ್ಟ್ ದ ಕ್ರಮರ್ದ್ ಎಚ್ಚದ ರಾಜ್ಯಡ್ ಕೋರೋನಾ ಸೋಂಕುಡು ತೀರ್ ಪೋವೊಂದು ಉಪ್ಪುನ ಸಂಖ್ಯೆ ಅಂಚನೆ ಸೋಂಕಿತೆರ್ನ ಸಂಖ್ಯೆ ಕಮ್ಮಿ ಆವೊಂದು ಉಂಡು . ಸಕ್ರಿಯ ಪ್ರಕರಣದ ಸಂಖ್ಯೆ ಗಣನೀಯವಾದ್ ಕಮ್ಮಿ ಆಪಿನ ಮುಟ ಸದ್ಯ ಉಪ್ಪುನ ಮಾತಾ ನಿರ್ಬಂಧಲೆನ್ ಜೂನ್ ತಿಂಗೊಲ್ ದ 30 ತಾರೀಖ್ ಮುಟ ದುಂಬು ಕೊನೊಯೆರೆ ಈ ಮುಖೇನ ಮಾತಾ ರಾಜ್ಯ ಸರಕಾರಗ್ ಆದೇಶ ಕೊರ್ತೆರ್.

ಬ್ಲ್ಯಾಕ್ ಫಂಗಸ್ ವೈರಸ್ ಗ್ ಬಲಿಯಾಯಿನ ಬೆಳ್ತಂಗಡಿದ ನೋಣಯ್ಯ ಪೂಜಾರಿ

May 28, 2021

ಬೆಳ್ತಂಗಡಿ, ಮೇ 28: ಬ್ಲ್ಯಾಕ್ ಫಂಗಸ್ ವೈರಸ್ ಇತ್ತೆ ಬೆಳ್ತಂಗಡಿ ಗ್ ಲಾ ಬೈದುಂಡು, ಒರಿ ಸೋಂಕಿತ ತೀರ್ ಪೋಯಿನ ತೆರಿದ್ ಬೈದುಂಡು.

ಬೊಳ್ತೆರ್ದ ತಣ್ಣೀರುಪಂತ ಗ್ರಾಮದ ಅಳಕೆ ನಿವಾಸಿ ನೋಣಯ್ಯ ಪೂಜಾರಿ (55) ಬ್ಲ್ಯಾಕ್ ಫಂಗಸ್ ವೈರಸ್‌ಗ್ ತೀರ್ ಪೋಯಿನಾರ್. ಕಣ್ಣ್ ಬೊಕ್ಕ ಕಿಡ್ನಿ ಸಂಬಂಧಿತ ಸೀಕ್ ರ್ದ್ ಇತ್ತಿನ ನೋಣಯ್ಯರೆನ್ ಕೆಲ ದಿನರ್ದ್ ಕುಡ್ಲದ ಖಾಸಗಿ ಆಸ್ಪತ್ರೆಗ್ ಧಾಖಲ್ ಮಲ್ತಿತ್ತೆರ್ , ಒಳರೋಗಿಯಾದ್ ಚಿಕಿತ್ಸೆ ಪಡೆಯೊಂದು ಇತ್ತೆರ್ . ಈ ಪೊರ್ತುಡು ನೋಣಯ್ಯ ಪೂಜಾರಿಗ್ ಕೊರೋನ ಸೋಂಕು ಪಾಸಿಟಿವ್ ಬತ್ದ್ ಬ್ಲ್ಯಾಕ್ ಫಂಗಸ್ ಸೋಂಕುಲ ಬತ್ತುಂಡು. ಈ ನೆಲೆಟ್ಟ್ ಎಚ್ಚದ ಮರ್ದ್ ಗಾದ್ಅರೆನ್ ವೆನ್‌ಲಾಕ್ ಆಸ್ಪತ್ರೆಗ್ ಸೇರಾಂಡಲ ಮರ್ದ್ ಫಲಕಾರಿ ಆವಂದೆ ಕೋಡೆ ತೀರಿಯೆರ್.

ತುಳುಮಣ್ಣ್ ದ ಜವನೆರೆಗ್ ಕೆಲಸ ಕೊರಂದಿನ ಎಂಆರ್ ಪಿಎಲ್ ವಿರುದ್ಧ ಲಾಕ್ ಡೌನ್ ರ್ದ್ ಬೊಕ್ಕ ಪ್ರತಿಭಟನೆ : ಅಭಯಚಂದ್ರ ಜೈನ್

May 28, 2021

ಮುಲ್ಕಿ : ತುಳುನಾಡ್ ದ ಜನೊಕುಲೆಗ್ ಅನುಕೂಲ ಮಲ್ಪುನ ಉದ್ದೇಶೊಡು ನಮ್ಮ ಹಿರಿಯ ನಾಯಕೆರಾದುಪ್ಪುನ ಬಿ.ಜನಾರ್ದನ ಪೂಜಾರ್ಲು, ಆಸ್ಕರ್ ಫರ್ನಾಂಡಿಸ್ ಬೊಕ್ಕ ವೀರಪ್ಪ ಮೊಯ್ಲಿ ಮೊಕ್ಲೆನ ರಾಜಕೀಯ ಇಚ್ಛಾಶಕ್ತಿಡ್ ಎಂಆರ್ ಪಿಎಲ್, ಎಸ್ ಇಝಡ್ ದಂಚಿನ ಮಾಮಲ್ಲ ಕಂಪೆನಿಲು ಮೂಲು ಸ್ಥಾಪನೆ ಆಯ. ಆಂಡ ಇತ್ತೆದ ಆಡಳಿತೆದ ಸಂಸದೆರ್, ಮಂತ್ರಿಲು, ಶಾಸಕೆರೆಗ್ ಇಚ್ಛಾಶಕ್ತಿ ಇಜ್ಜಾಂದಿ ನೆರ್ದಾವರ ಮುಲ್ತಕಲೆಗ್ ಕಂಪೆನಿಲೆಡ್ ಕೆಲಸ ಕೊರಂದೆ ಬೇತೆ ರಾಜ್ಯದಕ್ಲೆಗ್ ಕೆಲಸ ಕೊರೊಂದುಲ್ಲೆರ್. ಉಂದೆತ್ತ ವಿರುದ್ಧ ಲಾಕ್ ಡೌನ್ ಮುಗಿನೆರ್ದ್ ಬೊಕ್ಕ ಕಾಂಗ್ರೆಸ್ ಮಲ್ಲಮಟ್ಟ್ ದ ಪ್ರತಿಭಟನೆ ಮಲ್ಪರೆ ಉಂಡು ಪಂಡ್ ದ್ ಮಾಜಿ ಸಚಿವೆರ್ ಅಭಯಚಂದ್ರ ಜೈನ್ ಪಂಡೆರ್.

ಹಳೆಯಂಗಡಿ ದ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಗುರುವಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರ್ನ ಆರ್, ಎಂಆರ್ ಪಿಎಲ್ ಸಂಸ್ಥೆಗ್ ಸಾರ ಸಾರ ಎಕ್ರೆ ಜಾಗೆ ಬುಡ್ದು ಕೊರ್ತಿನ ತುಳುನಾಡ್ದ ಜನೊಕ್ಲೆಗ್ ಇತ್ತೆ ಅವುಲು ಉದ್ಯೋಗ ತಿಕ್ಕೊಂದಿಜ್ಜಿ. ಇಂಚೊಗು ನಡತಿನ ನೇಮಕಾತಿಡ್ ದಕ್ಷಿಣ ಕನ್ನಡ ಜಿಲ್ಲೆ ಅತ್ತ್ ಡ ಕರ್ನಾಟಕ ದ ಜನೊಕ್ಲೆಗ್ ತಿಕ್ಕೊಡಿತ್ತಿನ ಉದ್ಯೋಗೊನು ಬೇತೆ ರಾಜ್ಯದಕ್ಲೆಗ್ ಕೊರೊಂದುಲ್ಲೆರ್. ಉಂದೆತ್ತ ವಿರುದ್ಧ ಜಿಲ್ಲಾಧಿಕಾರಿಲೆನ ಕಚೇರಿದ ಎದುರುಡು ದಕ್ಷಿಣಕನ್ನಡ ಬೊಕ್ಕ ಒಡಿಪು ಜಿಲ್ಲೆದ ಐನ್ ಸಾರ ಜನೊಕ್ಲೆನದ ಸೇರ್ಸಾದ್ ಪ್ರತಿಭಟನೆ ಮಲ್ಪುವ ಪಂಡೆರ್.ಯುವ ನಾಯಕೆರ್ ಮಿಥುನ್ ರೈ ಪಾತೆರ್ದ್,2019ನೇ ಇಸ್ವಿಡ್ ಎಂಆರ್ ಪಿಎಲ್ 233 ಪೋಸ್ಟ್ ಗ್ ಅರ್ಜಿ ಲೈದ್ಂಡ್. ಕರ್ನಾಟಕದ 6 ಸಾರ ಜನ ಅರ್ಜಿ ಪಾಡ್ದೆರ್. ಅಯಿಟ್ ದಕ್ಷಿಣ ಕನ್ನಡ ಜಿಲ್ಲೆದಕುಲು 2 ಸಾರ ಜನ ಉಲ್ಲೆರ್. ಅಯಿಟ್ 2021ನೇ ಇಸ್ವಿಡ್ 184 ಜನಕ್ಕ್ ಕೆಲಸದ ವೆರಿಫಿಕೇಶನ್ ಬೈದ್ಂಡ್. ಅಯಿಟ್ಟ್ ದಕ್ಷಿಣ ಕನ್ನಡದಕ್ಲು 4 ಜನ ಮಾತ್ರ. ಬೊಕ್ಕ ಪೂರ ಉತ್ತರಪ್ರದೇಶ, ಬಿಹಾರದಕ್ಲೆಗ್ ತಿಕ್ ದ್ಂಡ್.ಸರೋಜಿನಿ ಮಹಿಷಿ ವರದಿದ ಪ್ರಕಾರ ಕೈತಲ್ದಕ್ಲೆಗ್ ಶೇ.100 ಉದ್ಯೋಗ ತಿಕ್ಕೊಡು. ಆಂಡ ಉಂದೆಟ್ಟ್ ಮಲ್ಲ ಅವ್ಯವಹಾರ ನಡದ್ಂಡ್. ದಿಲ್ಲಿದ ಕಂಪೆನಿಗ್ ಪರೀಕ್ಷೆ ಬರೆಪಾವುನ ಜಬದಾರಿ ಕೊರ್ದು ಕೈತಲ್ದಕ್ಲೆಗ್ ಅನ್ಯಾಯ ಆತ್ಂಡ್. ಉಂದೆಕ್ಕ್ ನಮ್ಮ ರಾಜಕೀಯ ಪ್ರತಿನಿಧಿಲೆನ ಇಚ್ಛಾಶಕ್ತಿ ದ ಕೊರತೆ ಕಾರಣ. ನಮ್ಮ ಜಿಲ್ಲೆದಕುಲೇ ಆದುಪ್ಪುನ ಕೇಂದ್ರ ಸಚಿವೆರ್, ಇರುವೆರ್ ಸಂಸದೆರ್ ಎಂಆರ್ ಪಿಎಲ್ ನೇಮಕೊಗು ತಡೆ ಕನತ್ ದ್ ಆ ಕೆಲಸೊನು ತುಳುನಾಡ್ ದಕಲೆಗ್ ದೆಪ್ಪಾದ್ ಕೊರೊಡು. ಅದ ಮುಟ್ಟ ಕಾಂಗ್ರೆಸ್ ಬುಡಂದೆ ಪೊಂರ್ಬಾಟ ಮಲ್ಪುಂಡು ಪಂಡ್ ದ್ ಪಂಡೆರ್.ಸುದ್ದಿಗೋಷ್ಠಿಡ್ ಕೆಪಿಸಿಸಿ ವಕ್ತಾರೆ ವಸಂತ ಬೆರ್ನಾಡ್, ಕೆಪಿಸಿಸಿ ರಾಜ್ಯ ಹಿಂದುಳಿದ ವರ್ಗದ ಕಾರ್ಯಂತೆರ್ ಪ್ರವೀಣ್ ಬೊಳ್ಳೂರು, ಹಳೆಯಂಗಡಿ ಗ್ರಾಮ ಪಂಚಾಯ್ತಿ ಸದಸ್ಯೆರಾಯಿನ ಧನರಾಜ್ ಕೋಟ್ಯಾನ್, ಅನಿಲ್ ಕುಮಾರ್ ಸಸಿಹಿತ್ಲು ಚಂದ್ರಕುಮಾರ್, ಅಬ್ದುಲ್ ಅಜೀಜ್, ಅಬ್ದುಲ್ ಖಾದರ್, ಸತೀಶ್ ಕೋಟ್ಯಾನ್ ಮೊಕುಲು ಮಾತ ಇತ್ತೆರ್.

” ಸಹಾಯ್ ಎಲೈಟ್ ಅಲಯನ್ಸ್ ” ರಚನೆ

May 28, 2021

ಕುಡ್ಲ , ಮೇ 28: ಕೊರೋನ ರಡ್ಡನೇ ಅಲೆ ದೇಶಾದ್ಯಂತ ಅಟ್ಟಹಾಸ ಮೆರೆಯೊಂದು ಉಪ್ಪುನಗ ಕಷ್ಟಡ್ ಉಪ್ಪುನಕ್ಲೆಗ್ ಸೇವೆ ಮಲ್ಪುನ ಸಲುವಾದ್ ಕರ್ನಾಟಕ ಮುಸ್ಲಿಂ ಜಮಾಅತ್ ಒಟ್ಟು ಸೇರಿಗೇಡ್ ರಚನೆ ಮಲ್ತಿನ ‘ಸಹಾಯ್’ ತುರ್ತು ಸೇವಾ ತಂಡದ ‘ಸಹಾಯ್ ಎಲೈಟ್ ಅಲಯನ್ಸ್’ ರಚನೆ ಮೇ 28 ತಾರೀಖ್ ಗ್ ರಾತ್ರಿ 8 ಗಂಟೆಗ್ ಝೂಮ್ ಮುಖೇನ ನಡಪರೇ ಉಂಡು.

ಕರ್ನಾಟಕ ಮುಸ್ಲಿಂ ಜಮಾಅತ್ ರಾಜ್ಯಾಧ್ಯಕ್ಷ ಮುಫ್ತಿ ಅನ್ವರ್ ಅಲಿ ಗುರ್ಕಾರ್ಮೆ ವಯಿಸೆರೆ ಉಲ್ಲೆರ್, ಇಂಡಿಯನ್ ಗ್ರಾಂಡ್ ಮುಫ್ತಿ ಸುಲ್ತಾನುಲ್ ಉಲಮಾ ಎ.ಪಿ. ಅಬೂಬಕರ್ ಮುಸ್ಲಿಯಾರ್ ಉದಿಪನ ಮಲ್ಪರೆ ಉಲ್ಲೆರ್..

ಲಾಕ್ಡೌನ್ ಡ್ ರೋಗಿಲೆನ ಸೇವೆ ಮಲ್ತೊಂದು ಉಪ್ಪುನ ಭಟ್ಕಳದ ಮೊಬೈಲ್ ಕ್ಲಿನಿಕ್

May 28, 2021

ಭಟ್ಕಳ ಮೇ 28 : ಲಾಕ್ ಡೌನ್ ಪೊರ್ತುಡು ಪಿದಾಯಿ ಪೋಪಿನ ಬಂಗ ಆಪಿನೆರ್ದಾವರ ಜ್ವರ ಅತ್ತುಂಡ ಬೇತೆ ಲಕ್ಷಣಯುತ ಸೀಕ್ ತೊಜಿದ್ ಬತ್ತುಂಡ ಪಿದಾಯಿದ ಆಸ್ಪತ್ರೆಗ್ ಪೋಯೇರೆ ಪೋಡ್ಯೊಂದು ಉಲ್ಲೆರ್. ಈ ಪೋಡಿಗೆದ ನಡುಟು ಭಟ್ಕಳದ ಜನಕ್ಲೆಗ್ ಆಪತ್ಬಾಂಧವಲಕ ಮೊಬೈಲ್ ಕ್ಲಿನಿಕ್ ಒಂಜಿ ಬೇಲೆ ಮಲ್ತೊಂದು ಉಂಡು .

ಮುಲ್ಪದ ಸಾಮಾಜಿಕ ಬೊಕ್ಕ ರಾಜಕೀಯ ಸಂಸ್ಥೆಯಾಯಿನ ಮಜ್ಲಿಸೆ ಇಸ್ಲಾಹ್-ವ-ತಂಜೀಮ್ ಸಂಸ್ಥೆ, ರಾಬಿತಾ ಸೂಸೈಟಿ, ಇಂಡಿಯನ್ ನವಾಯತ್ ಫೋರಮ್ ಬೊಕ್ಕ ಭಟ್ಕಳ ಮುಸ್ಲೀಮ್ ಯೂತ್ ಫೆಡರೇಶನ್ ಒಟ್ಟು ಸೇರಿಗೆಡ್ ಕರಿನ 15 ದಿನರ್ದ್ ಮೊಬೈಲ್ ಕ್ಲಿನಿಕ್ ಇಲ್ಲ ಇಲ್ಲಗ್ ಪೋದು ಮರ್ದ್ ಕೊರೊಂದು ಉಂಡು.

ತುಳು ವೆಬಿನಾರ್ ಉಪನ್ಯಾಸ ಮಾಲಿಕೆ

May 28, 2021

ಕುಡ್ಲ ,ಮೇ 28: ಕುಡ್ಲ ವಿಶ್ವವಿದ್ಯಾನಿಲಯ ಸಂಧ್ಯಾ ಕಾಲೇಜು ತುಳು ಸ್ನಾತಕೋತ್ತರ ಅಧ್ಯಯನ ವಿಭಾಗ ಬೊಕ್ಕ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳು ಪೀಠದ ಒಟ್ಟು ಸೇರಿಗೆಡ್ ಪ್ರತಿ ಶನಿವಾರ ನಡತೊಂದು ಉಪ್ಪುನ ಉಪನ್ಯಾಸ ಮಾಲಿಕೆ ಒಂಜಿ ವರ್ಷ ಆತುಂಡು . ನಿರಂತರವಾದ್ 51 ವಾರ ನಡತಿನ ವೆಬಿನಾರ್ , 52ನೇ ಸಂಚಿಕೆ ಮೇ 29 ತಾರೀಖ್ ಗ್ ಬೈಯ್ಯಗ್ 5 ಗಂಟೆಗ್ ಝೂಮ್ ಆಯಪ್‌ಡ್ ನಡಪರೇ ಉಂಡು.

ಮಲ್ಲ ಬಿನ್ನೆರ್ ಆದ್ ಕೇಂದ್ರ ಸಚಿವ ಡಿ.ವಿ.ಸದಾನಂದ ಗೌಡ ಪಾಲ್ ಪಡೆಯರೇ ಉಲ್ಲೆರ್ , ಪತ್ರಕರ್ತೆ ವಿಜಯಲಕ್ಷ್ಮಿ ಶಿಬರೂರು ಉಪನ್ಯಾಸ ಕೊರಿಯರೆ ಉಲ್ಲೆರ್ . ಕುಡ್ಲ ವಿ.ವಿ. ಕುಲಪತಿ ಪ್ರೊ.ಪಿ.ಎಸ್. ಯಡಿಪಡಿತ್ತಾಯ ಗುರ್ಕಾರ್ಮೆ ವಯಿಸೆರೆ ಉಲ್ಲೆರ್ ಪಂದ್ ಪ್ರಕಟನೆಡ್ ತೆರಿಪಾದೆರ್ .

ಲಯನ್ಸ್ ಕ್ಲಬ್ 317ಸಿಗ್ ರಾಷ್ಟ್ರ ಮಟ್ಟಡ್ ಸುರುತ್ತ ಸ್ಥಾನ : ನೀಲಕಂಠ ಹೆಗಡೆ

May 28, 2021

ಹೆಬ್ರಿ, ಮೇ 28: ಲಯನ್ಸ್ ಜಿಲ್ಲೆ 317ಸಿ ಜಿಲ್ಲಾ ಗವರ್ನರ್ ನೀಲಕಂಠ ಎಂ. ಹೆಗಡೆ ಸಾರಥ್ಯಡ್ ಅಭೂತಪೂರ್ವ ಸಾಧನೆದೊಟ್ಟುಗು ಜಾಗತಿಕ ಮಟ್ಟದ ಮನ್ನಣೆ ದೆತೊನ್ದುಂಡು . ನಾಲ್ ಕಂದಾಯ ಜಿಲ್ಲೆ ಆಯಿನ ಒಡಿಪು , ಶಿವಮೊಗ್ಗ, ದಾವಣಗೆರೆ ಬೊಕ್ಕ ಚಿತ್ರದುರ್ಗನ್ ಉಪ್ಪುನ ಲಯನ್ಸ್ ಜಿಲ್ಲೆ ಲಿಯೋ ಕ್ಲಬ್‌ಲೆನ್ ವಿಸ್ತರಣೆ ಮಲ್ಪುನಲ್ಪ ರಾಷ್ಟ್ರಮಟ್ಟಡ್ ಸುರುತ್ತ ಸ್ಥಾನ ಪಡೆದುಂಡು .

ಜಗತ್ತ್ ದ 210 ರಾಷ್ಟ್ರಡ್ 765 ಜಿಲ್ಲೆಡ್ ಪ್ರಸ್ತುತ ವರ್ಷ ಲಯನ್ಸ್ ಜಿಲ್ಲೆ 317ಸಿ ಸುರುತ್ತ ಸ್ಥಾನ ಪಡೆತಿನವು ನಂಕ್ ಪೆರ್ಮೆದ ಇಚಾರ ಪಂದ್ ಗವರ್ನರ್ ನೀಲಕಂಠ ಎಂ.ಹೆಗೆ ಪತ್ರಿಕಾ ಪ್ರಕಟಣೆಡ್ ತೆರಿಪಾದೆರ್.

ವೆನ್ಲಾಕ್ ಆಸ್ಪತ್ರೆಗ್ ಜಿಲ್ಲಾಧಿಕಾರಿ ಭೇಟಿ

May 28, 2021

ಕುಡ್ಲ ,ಮೇ 28 : ಪೇಂಟೆದ ವೆನ್ಲಾಕ್ ಆಸ್ಪತ್ರೆಡ್ ಕೋವಿಡ್ ಸೋಂಕಿತೆರ್ನ ಚಿಕಿತ್ಸೆಗಾದ್ ದೆತೊದಿoನ ಮೂಲ ಸೌಕರ್ಯದ ಅಭಿವೃದ್ಧಿ ಕಾಮಗಾರಿನ್ ದ.ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ.ವಿ. ಗುರುವಾರ ವೀಕ್ಷಣೆ ಮಲ್ತೆರ್ .

ಐರ್ದ್ ಬೊಕ್ಕ ಪಾತೆರಿನ ಆರ್ ಇತ್ತೆ ಪೇಂಟೆಡ್ ಕೊರೋನ ಸೋಂಕು ತಡೆಗ್ ಮಾತಾ ರೀತಿದ ಕ್ರಮ ದೆತೊoದೆರ್. ಮೂಜನೆ ಅಲೆ ಬತ್ತುಂಡಲ ಸಮಸ್ಯೆಯಾಲವಂದಿಲಕ ಮಾತಾ ಕೋವಿಡ್ ಸೋಂಕಿತೆರ್ನ ಆರೈಕೆಗಾದ್ ಪೇಂಟೆದ ಆರೋಗ್ಯ ಮೂಲ ಸೌಕರ್ಯನ್ ಜಾಸ್ತಿ ಮಲ್ತ್ ದ್ ಉತ್ತಮ ಗುಣ ಮಟ್ಟದ ಚಿಕಿತ್ಸೆನ್ ಒದಗಿಸಾಯೆರೆ ಜಿಲ್ಲಾಡಳಿತ ಮಾತಾ ಅಗತ್ಯ ಕ್ರಮಕ್ಲೆನ್ ದೆತೊoದೆರ್ ಪಂದ್ ಪಂಡೆರ್.

May 28, 2021

ತೋಕೂರು ಸ್ಪೋರ್ಟ್ಸ್‌ ಕ್ಲಬ್ ದ ಆರೋಗ್ಯ ನಿಧಿ ಪಟ್ಟುನ ಲೇಸ್

ಅಪಘಾತಡ್ ಕಣ್ಣ್ ಕಳೆಯೊಂಡಿನ ತಿಲೇಶ್ ಕುಟುಂಬಗ್ ಪಣವುದ ಸಾಕಾರ

ಜೂನ್ 30 ಮುಟ ಲಾಕ್ಡೌನ್ ದುಂಬು ಕೊನೊಯೆರೆ ರಾಜ್ಯಗ್ ಕೇಂದ್ರ ಗೃಹ ಇಲಾಖೆ ಸೂಚನೆ

ಬ್ಲ್ಯಾಕ್ ಫಂಗಸ್ ವೈರಸ್ ಗ್ ಬಲಿಯಾಯಿನ ಬೆಳ್ತಂಗಡಿದ ನೋಣಯ್ಯ ಪೂಜಾರಿ

ತುಳುಮಣ್ಣ್ ದ ಜವನೆರೆಗ್ ಕೆಲಸ ಕೊರಂದಿನ ಎಂಆರ್ ಪಿಎಲ್ ವಿರುದ್ಧ ಲಾಕ್ ಡೌನ್ ರ್ದ್ ಬೊಕ್ಕ ಪ್ರತಿಭಟನೆ : ಅಭಯಚಂದ್ರ ಜೈನ್

” ಸಹಾಯ್ ಎಲೈಟ್ ಅಲಯನ್ಸ್ ” ರಚನೆ

ಲಾಕ್ಡೌನ್ ಡ್ ರೋಗಿಲೆನ ಸೇವೆ ಮಲ್ತೊಂದು ಉಪ್ಪುನ ಭಟ್ಕಳದ ಮೊಬೈಲ್ ಕ್ಲಿನಿಕ್

ತುಳು ವೆಬಿನಾರ್ ಉಪನ್ಯಾಸ ಮಾಲಿಕೆ

ಲಯನ್ಸ್ ಕ್ಲಬ್ 317ಸಿಗ್ ರಾಷ್ಟ್ರ ಮಟ್ಟಡ್ ಸುರುತ್ತ ಸ್ಥಾನ : ನೀಲಕಂಠ ಹೆಗಡೆ

ವೆನ್ಲಾಕ್ ಆಸ್ಪತ್ರೆಗ್ ಜಿಲ್ಲಾಧಿಕಾರಿ ಭೇಟಿ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ