May 23, 2021

ಮೀರಾ ರೋಡ್ ಶ್ರೀ ಶನೀಶ್ವರ ಮಂದಿರ ಶನಿವಾರದ ವಿಶೇಷ ಪೂಜೆ

ಮುಂಬಯಿ, ಮೇ 23:ಮೀರಾ ರೋಡ್ ಶ್ರೀ ಶನೀಶ್ವರ ಮಂದಿರಡ್ ಶನಿವಾರದಾನಿ ತಿಂಗೊಲ್ ದ ಮಂಗಳಾದ್ಯಯ ಮಹಾ ಪೂಜೆದ ಪರವಾದ್ ನಾಲ್ಕನೆ ಶನಿವಾರ ದಾನಿ ಶನಿವಾರದ ವಿಶೇಷ ಪೂಜೆ ಶ್ರೀ  ಶನೀಶ್ವರ ಗ್ರಂಥ ಪಾರಾಯಣರ್ದ್ ಬೊಕ್ಕ ಹನುಮಾನ್ ಚಾಲೀಸ್ ಅಂಚನೆ ಶ್ರೀ ಶನೀಶ್ವರ ಜಪರ್ದ್ ಬೊಕ್ಕ ಶ್ರೀ ಶನೀಶ್ವರ ಭಜನಾ ಸಮಿತಿರ್ದ್ ಭಜನೆ ನಡತುಂಡು ಅಂಚನೆ 7 ಗಂಟೆಗ್ ಸರಿಯಾದ್ ಮಹಾ ಮಂಗಳಾರತಿ ತೀರ್ಥ ಪ್ರಸಾದದೊಟ್ಟುಗು ನಡತುಂಡು. ಈ ವಿಶೇಷ ಪೂಜೆಡ್ ಪ್ರಸಿದ್ಧ ಭಜನಾ ಗಾಯಕೆರ್ ಬೊಕ್ಕ ಶ್ರೀ ಶನೀಶ್ವರ ಗ್ರಂಥ ಪಾರಾಯಣ ದ ವಾಚಕೆರಾಯಿನ ಅಚ್ಯತ ಕೋಟ್ಯಾನ್ ಮೆರ್ ತನ್ನ ಮಗಲ್ ರಿಯಾ ಅಚ್ಯತ ಕೋಟ್ಯಾನ್ ಮೆರ್ನ ಪುದರ್ ಡ್ ಭಜನೆಗ್ ಉಪಯೋಗ ಮಲ್ಪುನ ಡೋಲಾಕ್ ನ್ ಕೊಡುಗೆದ್ ಕೊರಿನ ಪೊರ್ತುಡು ಅಚ್ಯತ ಕೋಟ್ಯಾನ್ ಮೆರೆನ್ ಬೊಕ್ಕ ಉದ್ಯಮಿ ಮಹಾ ದಾನಿಲಾಯಿನ ವಿಘ್ಣಹರ್ತ ಡೆವಲಪರ್ ವಿವೇಕಾನಂದ .ಜ್ಹಾ ಮೆರೆಗ್ ಮಂದಿರದ ಪರವಾದ್ ಗೌರವ ಗುರ್ಕಾರ್ಲಾಯಿನ ವಿನೋದ್ ವಾಘಷಿ ಮೆರ್ ಶಾಲು ಪಾರ್ದ್ ಪೂಜೆದ ಪ್ರಸಾದನ್ ಕೊರ್ದು ಮಾನದಿಗೆ ಮಲ್ತೆರ್.

ಈ ಪೊರ್ತುಡು . ಗುರ್ಕಾರ್ದಿ ವಿದ್ಯಾ ಅಶೋಕ್ ಕರ್ಕೇರಾ. ಉಪಾಧ್ಯಕ್ಷರಾಯಿನ ಗುಣಕಾಂತ್ ಶೆಟ್ಟಿ ಕರ್ಜೆ. ಮಹಿಳಾ ಸಮಿತಿದ ಉಪಾಧ್ಯಕ್ಷೆ. ರಾಧಾ ಸುರೇಶ್ ಕೋಟ್ಯಾನ್, ಕೋಶಾಧಿಕಾರಿ ಅಚ್ಯತ ಕೋಟ್ಯಾನ್,ಜತೆ ಕೋಶಾಧಿಕಾರಿ ಜಯಕರ್ ಶೆಟ್ಟಿ ಮುದ್ರಾಡಿ,ಜತೆ ಕಾರ್ಯದರ್ಶಿ ಉಷಾ ದಿನೇಶ್ ಶೆಟ್ಟಿಗಾರ್,ಜತೆ ಕೋಶಾಧಿಕಾರಿ ಭಾರತಿ ಅಂಚನ್,ಪೂಜಾ ಸಮಿತಿದ ಉಪಾಧ್ಯಕ್ಷೆ ಜಯಲಕ್ಷ್ಮಿ ಸುವರ್ಣ,ಪೂಜಾ ಸಮಿತಿದ ಕಾರ್ಯದರ್ಶಿ ಶಕುಂತಲಾ ಶೆಟ್ಟಿ, ಮಹಿಳಾ ಸಮಿತಿದ ಯೆಶೋದ ಪೂಜಾರಿ,ಭಾರತಿ ಮಧುಕರ್ ಅಮೀನ್,ಲಲಿತಮ್ಮ ಶೆಟ್ಟಿ ಗಾರ್, ಸುಜಾತ ಶೆಟ್ಟಿ,ಆರತಿ ರಾವ್‌,ಪ್ರಿಯ ವಿ ಗುಪ್ತ ಬೊಕ್ಕ ಯುವ ಸಮಿತಿದ ಜಯೇಶ್ ಸುವರ್ಣ,ರಿಚೀನ್ ಅಮೀನ್, ಕಾವ್ಯ ಶೆಟ್ಟಿಗಾರ್, ಹಿಮಾಂಶ್ ಅಮೀನ್ ,ಪ್ರಜ್ಣ ಶೆಟ್ಟಿಗಾರ್, ವಿಜೇತ ಪೂಜಾರಿ, ಅರ್ಚಕೆರಾಯಿನ ನಿರಾವ್ ಭಟ್ ಬೊಕ್ಕ , ಶುಶಿರ್ ಮಿಶ್ರ ವಿಘ್ಣಹರ್ತ.ಡೆವಲಪರ್ ನ. ವಿವೇಕಾನಂದ .ಜ್ಹಾ ಪಾಲ್ ಪಡೆದಿತ್ತೆರ್. ಗುಣಕಾಂತ್ ಶೆಟ್ಟಿ ಕರ್ಜೆ ಸೊಲ್ಮೆ ಸಂದೈತ ಮಲ್ತೆರ್.

ಮೇ 23 ರ್ದ್ ಐನ್ ದಿನ ಕುಡೊಂಜಿ ಚಂಡಮಾರುತ ‘ಯಾಸ್’ ಅಬ್ಬರ ಸಾಧ್ಯತೆ.!

ಕುಡ್ಲ, ಮೇ 23: ಅರಬ್ಬಿಸಮುದ್ರಡ್ ವಾಯುಭಾರ ಕುಸಿತರ್ದ್ ಲಕ್ಕಿನ ತೌಕ್ತೇ ಚಂಡಮಾರುತ ಕರ್ನಾಟಕ ಸೇರಿನಂಚ ಬೇತೆ ಬೇತೆ ರಾಜ್ಯದ ಕರಾವಳಿ ಪ್ರದೇಶಡ್ ಮಲ್ಲ ಹಾನಿ ಮಲ್ದುಂಡು ಮಲ್ತಿನ ಪಿರವುಡೇ ಇತ್ತೆ ಮೇ 23 ಕ್ಕ್ ಕುಡೊಂಜಿ ಚಂಡಮಾರುತ ಯಾಸ್ ಬರ್ರೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು.

ಈ ಚಂಡಮಾರುತ ಐನ್ ದಿನ ಆರ್ಭಟ ತೂಜಾಯರೇ ಉಂಡು ಬಂಗಾಳಕೊಲ್ಲಿ ಸಮುದ್ರಭಾಗಡ್ ಮೇ 23ಕ್ಕ್ ಸೃಷ್ಟಿಯಾಪುಂಡು ನೆಕ್ಕ್ಇದಕ್ಕೆ“ಯಾಸ್” ಪಂದ್ ಪುದರ್ ದೀಯರೇ ನಿರ್ಧಾರ ಮಲ್ದೆರ್ ಪಂದ್ ಇಲಾಖೆ ತೆರಿಪಾದುಂಡು.

ಹವಾಮಾನ ಇಲಾಖೆದ ವರದಿ ಪ್ರಕಾರ ಬರ್ಪಿನ ವಾರಡ್ ಬಂಗಾಳ ಕೊಲ್ಲಿ ಪ್ರದೇಶಡ್ ಈ ಚಂಡಮಾರುತ ಕಡಿಮೆ ಪ್ರಮಾಣದ ಒತ್ತಡಡ್ ತೋಜರೆ ಉಂಡು, ಐರ್ದ್ ಬೊಕ್ಕ ಇಂದು ಜಾಸ್ತಿ ಆಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆದ ಪ್ರಭಾರ ಅಧಿಕಾರಿ ಸುನೀತಾ ದೇವಿ ಪಂಡೆರ್.

ಕಾಂಗ್ರೆಸ್ ವತಿರ್ದ್ ಮೂಜಿ ಸಾರ ಐಸೋಲೇಷನ್ ಕಿಟ್

ಮುಲ್ಕಿ, ಮೇ 22: ಮುಲ್ಕಿ-ಮೂಡುಬಿದಿರೆ ಬ್ಲಾಕ್ ಕಾಂಗ್ರೆಸ್ ವತಿರ್ದ್ ಮೂಜಿ ಸಾರ ಕೋವಿಡ್ ಐಸೋಲೇಶನ್ ಕಿಟ್ ವಿತರಣೆ ಲೇಸ್ ಗ್ ಮುಲ್ಕಿ-ಮೂಡುಬಿದಿರೆ ಕ್ಷೇತ್ರದ ಕಾಂಗ್ರೆಸ್ ಉಸ್ತುವಾರಿ ಸಚಿವೆರಾಯಿನ ಮಿಥುನ್ ರೈ ಶುಕ್ರವಾರ ಹಳೆಯಂಗಡಿದ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಕಚೇರಿ ಡ್ ಚಾಲನೆ ಕೊರಿಯೆರ್ .

ಮುಲ್ಕಿ ಬೊಕ್ಕ ಮೂಡುಬಿದಿರೆ ಬ್ಲಾಕ್ ಕಾಂಗ್ರೆಸ್ ವ್ಯಾಪ್ತಿಡ್ ತಲಾ 1,500 ಕೋವಿಡ್ ಐಸೋಲೇಶನ್ ಕಿಟ್ ದಲಕ 3 ಸಾರ ಕಿಟ್ ವಿತರಣೆಗ್ ಮಿಥುನ್ ರೈ ಚಾಲನೆ ಕೊರಿಯೆರ್ . ಈ ಪೊರ್ತುಡು ಪಾತೆರಿನ ಆರ್, ಮಾಜಿ ಸಚಿವ ಅಭಯಚಂದ್ರ ಜೈನ್ ಮುತಾಲಿಕೆಡ್ ಈ ಕಿಟ್ ಕೊರ್ಪಿನ ಲೇಸ್ ಅಟ್ಟನೆ ಮಲ್ದ ಪಂದ್ ಪಂಡೆರ್.

ಕುಡ್ಲಡ್ ಸುರು ಆಯೆರೆ ಉಂಡು ವಿಕೇಂದ್ರೀಕೃತ ಟ್ರಯೇಜ್‌ ಸೆಂಟರ್‌

ಕುಡ್ಲ, ಮೇ 23: ಕೋವಿಡ್ ಪಾಸಿಟಿವ್‌ ಬತ್ದ್ ಹೋಂ ಐಸೊಲೇಶನ್‌ ಡ್ ಉಪ್ಪುನ ಸೋಂಕಿತೆರ್ನ ಬಗ್ಗೆ ನಿಗಾ ದೀದ್ ಅಪಗಪಗ ಅಕ್ಲೆನ ಆರೋಗ್ಯದ ಬಗ್ಗೆ ವಿಚಾರಣೆ ಮಲ್ತ್ ದ್ ಸೂಕ್ತ ಸಲಹೆ, ಅಗತ್ಯ ಬೂರುಂಡ ಅಕ್ಲೆನ್ ಆಸ್ಪತ್ರೆಗ್ ಸೇರಯೆರೆ ಅನುಕೂಲ ಆಪಿಲಕ ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿದ 10 ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರಲೆನ್ ವಿಕೇಂದ್ರೀಕೃತ ಟ್ರಯೇಜ್‌ ಸೆಂಟರ್‌ (ಚಿಕಿತ್ಸೆಯ ಸರದಿ ನಿರ್ಧಾರ ಕೇಂದ್ರ)ಪಂದ್ ಘೋಷಣೆ ಮಲ್ದೆರ್ .

ಕೊರೋನ ನಿಯಂತ್ರಣಗ್ ಕುಡ್ಲಡ್ ತಜ್ಞೆರ್ನ ಸಮಿತಿ ರಚನೆ: ಭರತ್ ಶೆಟ್ಟಿ

ಕುಡ್ಲ, ಮೇ 23: ಉಚ್ಚ ನ್ಯಾಯಾಲಯದ ಆದೇಶದ ಪ್ರಕಾರ ಕರ್ನಾಟಕ ರಾಜ್ಯ ಸರಕಾರ ಕೋವಿಡ್- 19 ಸಾಂಕ್ರಾಮಿಕ ರೋಗದ ನಿಯಂತ್ರಣಗಾದ್ ಪ್ರತಿ ಜಿಲ್ಲೆಡ್ ಜಿಲ್ಲಾಧಿಕಾರಿ ಬೊಕ್ಕ ತಜ್ಞ ವೈದ್ಯೆರ್ ಉಪ್ಪುನ ತಜ್ನೆರ್ನ ಸಮಿತಿನ್ ರಚನೆ ಮಲ್ಪರೆ ಸೂಚನೆ ಕೊರ್ತೆರ್. ಈ ನೆಲೆಟ್ಟ್ ನಮ್ಮ ದಕ್ಷಿಣ ಕನ್ನಡ ಜಿಲ್ಲೆಡ್ ಜಿಲ್ಲಾಧಿಕಾರಿಲೆನ ಮುತಾ ಲಿಕೆಡ್ ತಜ್ಞರ ಸಮಿತಿ ರಚನೆ ಮಲ್ದೆರ್ . ಸಮಿತಿದ ಮಾಸಿಕ ವರದಿನ್ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಇಲಾಖೆಗ್ ಕಡಪಾವ ಪಂದ್ ಭರತ್ ಶೆಟ್ಟಿ ಪಂಡೆರ್.

ಹೋಂ ಐಸೋಲೇಷನ್ ಡ್ ಉಪ್ಪುನಕ್ಲೆಗ್ ಮೆಡಿಸಿನ್ ಕಿಟ್

ಕುಂದಾಪುರ : ಮೇ 23: ಹೋಂ ಐಸೋಲೇಶನ್‌ಡ್ ಉಪ್ಪುನ ಕೋವಿಡ್ ಸೋಂಕಿತೆರೆಗ್ ಆರೋಗ್ಯ ಇಲಾಖೆ ಮುಖೇನ ಮೆಡಿಸಿನ್ ಕಿಟ್ ಬೊಕ್ಕ ಪುರ ಸಭಾ ವ್ಯಾಪ್ತಿದ 8 ಜನ ಆಶಾ ಕಾರ್ಯಕರ್ತೆರೆಗ್ ಸನ್ಮಾನ ಮಲ್ಪುನ ಲೇಸ್ ಶನಿವಾರ ಕುಂದಾಪುರದ ಶ್ರೀಕೀಳೇಶ್ವರಿ ಬೊಕ್ಕ ಪರಮೇಶ್ವರಿ ದೇವಸ್ಥಾನಡ್ ನಡತುಂಡು.

ಶ್ರೀಕೀಳೇಶ್ವರಿ ದೇವಸ್ಥಾನ, ಶ್ರೀಕೀಳೇಶ್ವರಿ ಯೂತ್ ಕ್ಲಬ್ ಸಾಕಾರಡ್ ಡೈನಮಿಕ್ ಇನ್ಫೋಟೆಕ್ ಸಂಸ್ಥೆ, ಬೆಂಗಳೂರು ನಾರಾಯಣ ಹೃದಯಾ ಲಯದ ವೈದ್ಯ ಡಾ.ಇಸ್ತಿಯಾಕ್ ಅಹಮ್ಮದ್ ಸಾಕಾರಡ್ 1000 ಮೆಡಿಸಿನ್ ಕಿಟ್ ಲೆನ್ ತಾಲೂಕು ಆರೋಗ್ಯಾಧಿಕಾರಿ ಡಾ.ನಾಗಭೂಷಣ್ ಉಡುಪ ಮೆರೆಗ್ ಕೊರಿಯೆರ್.

ಗ್ರೀನ್ ಗೈಸ್ ಚೊಕ್ಕಬೆಟ್ಟು ವತಿರ್ದ್ ಕಿಟ್

ಮೇ 23: ಗ್ರೀನ್ ಗೈಸ್ ಚೊಕ್ಕಬೆಟ್ಟು ಕೂಟಲ ಲಾಕ್ಡೌನ್ ಪೊರ್ತುಡು ವನಸ್ ಇಜ್ಜಂದೆ ಬಂಗಾlಡ್ ಉಪ್ಪುನ ಲಾರಿ ಚಾಲಕೆರ್ , ಮಾರ್ಗದ ಬರಿಟ್ ಉಪ್ಪುನ ನಿರಾಶ್ರಿತೆರ್ ಬೊಕ್ಕ ಪೊಲೀಸ್ ಇಲಾಖೆದ ಸಿಬ್ಬಂದಿಲೆಗ್ ವನಸ್ ಪಟ್ಟಿಯೆರ್.