ಗಾಡಿ ಚಾಲಕೆರ್ನ ಬಡವು ಮಾಜಾವೊಂದು ಉಪ್ಪುನ ನಿಸಾರ್ ಮುಲ್ಕಿ ಮೆರ್ನ ಮುತಾಲಿಕೆದ ಕೂಟ

ಪಡುಬಿದ್ರೆ, ಮೇ 03: ಕೊವಿಡ್ 19 ಕರ್ಫ್ಯೂ ನೆಲೆಟ್ಟ್ ವಾಹನ ಚಾಲಕೆರ್ ವನಸ್ ತಿಕ್ಕoದೆ ಬಂಗ ಬರ್ಪಿನ ಪರಿಸ್ಥಿತಿ ಬೈದುಂಡು.

ಈ ಪೊರ್ತುಡು ರಾಷ್ಟ್ರೀಯ ಹೆದ್ದಾರಿ 66 ತ್ತ ಮಂಗಳೂರು-ಉಡುಪಿ ಮಾರ್ಗಡ್ ಬಹುತೇಕ ಹೊಟೇಲುಲು ಬಾಕಿಲ್ ಪಾರ್ದುoಡು . ಈ ಸಮಸ್ಯಯೆನ್ ಅರ್ಥ ಮಲ್ತೊoದಿನ ಉಚ್ಚಿಲ ಪೇಂಟೆದ ಬ್ಲೂ ವೇವ್ಸ್ ಕಟ್ಟಡಡ್ ಉಪ್ಪುನ ನಿಸಾರ್ ಮುಲ್ಕಿ ಮೆರ್ನ ಮುತಾಲಿಕೆದ ಕೂಟ ದಾನಿಲೆನ ಸಾಕರಡ್ ಕರಿನ ರಡ್ಡ್ ಮೂಜಿ ದಿನರ್ದ್ ಪ್ರತಿದಿನ ಈ ಮಾರ್ಗವಾದ್ ಪೋಪಿನ ಗಾಡಿ ಚಾಲಕೆರೆಗ್ ಉಚಿತ ವನಸ್ ದ ವ್ಯವಸ್ಥೆ ಮಲ್ಪುನ ಮುಖೇನ ಮಾದರಿಯಾತೆರ್.

ಈ ಕೂಟ ಉಚ್ಚಿಲ ಪೇಂಟೆಡ್ ಪ್ರತೀ ದಿನ ಬೈಯ್ಯ 5 ಗಂಟೆರ್ದ್ ಬೊಕ್ಕ ನುಪ್ಪು ನೀರ್ ಇಜ್ಜಂದೆ ಪೋಪಿನoಚಿನ ಸರಕು ಸಾಗಣೆ ವಾಹನದ ಚಾಲಕೆರೆಗ್,ನಿರ್ವಾಹಕೆರೆಗ್ ವನಸ್ ದ ವ್ಯವಸ್ಥೆ ಮಲ್ತೊಂದು ಉಲ್ಲೆರ್ .