ಮೆಹಬೂಬ್‌ನಗರ್ (ತೆಲಂಗಾಣ): ಕೊರೊನಾರ್ದಾತ್ರ ಪಿದಯಿ ಪೋನಗ ಮಾಸ್ಕ್ ಕಡ್ಡಾಯವಾದ್ ಪಾಡೊಡು ಪನ್ನಿನವು ಮಾತೆರೆಗ್ಲಾ ತೆರಿದಿನವು, ಆಂಡ ಟವೆಲ್, ಬೈರಾಸ್, ಶಾಲ್, ಕಡೆಕ್ ಸೀರೆದ ಸೆರಂಗ್ ಇಂಚ ಒವೆನಾಂಡಲ ಮೋನೆಗ್ ಕಟ್ಟುನಕುಲು ಮಸ್ತ್ ಜನ ಉಲ್ಲೆರ್, ಆಂಡ ತೆಲಂಗಾಣ ರಾಜ್ಯದ ಒರಿ ಪ್ರಾಯದಾರ್ ಗೀಜಗ ಪಕ್ಕಿದ ಗೂಡುನು ಮೋನೆಗ್ ಮಾಸ್ಕ್‌ದ ಲೆಕ್ಕ ಪಾಡೊಂದು ಬತ್ತ್ ದ್
ಮಾತೆರ್ನಲ ಕಣ್ಣ್ ಗ್ ಬೂರ್ದೆರ್, ಮೆಹಬೂಬ್‌ನಗರ ಜಿಲ್ಲೆದ ಚಿನ್ನಮುನುಗಲ ಕಾಡ್ ಪನ್ಪಿನ ಹಳ್ಳಿದ ಮೇಕಲ ಕುರಯ್ಯ ಪನ್ಪಿನ ಕುರಿ ಮೇಪಾವುನಾರ್‌ ಅಂಗಡಿರ್ದ್ ಮಾಸ್ಕ್ ದೆತೊನರೆ ಕಾಸ್ ದಾಂತೆ ತನ್ನ ಇಲ್ಲಡ್ ಇತ್ತಿನ ಪಕ್ಕಿದ ಗೂಡುನೇ ಮಾಸ್ಕ್ ದ ಲೆಕ್ಕ ಪಾಡೊಂದು ಅರೆನ ಪೆನ್ಷನ್ ದ ದುಡ್ಡು ದೆತೊನೆರೆ ಮಂಡಲ ಆಫೀಸ್‌ಗ್ ಬತ್ತಿತ್ತೆರ್. ಉಂದೆನ್ ತೂಯಿನ ಸರಕಾರಿ ಅಧಿಕಾರಿಲು ಕಣ್ಣ್ ಬಾಯಿ ಬುಡ್ಡು ತೂಯೆರ್.
ರೇವತಿ ಪನ್ಪಿನ ಸಮಾಜಸೇವಕಿ ಟ್ವಿಟ್ಟರ್‌ಡ್ ಈ ವಿಷಯೊನು ತೆರಿಪಾದ್, ಮಾಸ್ಟ್ ದೆತೊನರೆ ಕಾಸ್ ದಾoತಿನಕ್ಲೆಗ್ ಸರಕಾರ ಧರ್ಮೊಗು ಮಾಸ್ಕ್ ಪಟ್ಟೋಡು ಪಂಡ್‌ದ್ ಬರೆತೆರ್. ಅಂಚೆನೆ ಕೊರೋನಾದ ಪರಿಸ್ಥಿತಿ ಈತ್ ಗಂಬೀರ ಇತ್ತ್ಂಡಲ ನನಲ ಮಾಸ್ಕ್ ಪಾಡಂದಿನಕುಲು ಈ ಅಜ್ಜೆರೆನ್ ತೂದು ಕಲ್ಪುಲೆ ಪಂಡ್‌ಲಾ ತೆರಿಪಾದೆರ್.
Editorial