April 15, 2021

ದ.ಕ.ಜಿ.ಪಂ.ಹಿ.ಪ್ರಾ. ಶಾಲೆ ಮಜಿ ವೀರಕಂಭಡ್ ಡಾ|ಬಿ.ಆರ್.ಅಂಬೇಡ್ಕರ್ನ 130ನೇ ಪುಟ್ಟು ಪರ್ಬದ ಲೇಸ್

ಕಲ್ಲಡ್ಕ: ಪ್ರಜಾಪ್ರಭುತ್ವ ವ್ಯವಸ್ಥೆಡ್ ಎಡ್ಡೆ ಸಂವಿಧಾನ ರಚನೆ ಮಲ್ತ್ ದ್ ಭಾರತದ ಪುದರ್ ನ್ ವಿಶ್ವ ಮಟ್ಟಡ್ ಸಾರಿನಾರ್ . ನಮ್ಮ ದೇಶದ ಅಭ್ಯುದಯಗಾದ್ ಸಂವಿಧಾನ ಶಿಲ್ಪಿ ಅಂಬೇಡ್ಕರ್ ಮೆರ್ನ ಕೊಡುಗೆ ಅಪಾರವಾಯಿನವು ಪಂದ್ ದ.ಕ.ಜಿ.ಪಂ.ಹಿ.ಪ್ರಾ. ಶಾಲೆ ಮಜಿ ವೀರಕಂಭಡ್ ನಡತಿನ ಡಾ|ಬಿ.ಆರ್.ಅಂಬೇಡ್ಕರ್ ಮೆರ್ನ 130ನೇ ಪುಟ್ಟು ಪರ್ಬದ ಲೇಸ್ ಡ್ ಮುಖ್ಯ ಶಿಕ್ಷಕೆರಾಯಿನ ಶ್ರೀ ನಾರಾಯಣ ಪೂಜಾರಿ ಮೇರ್ ಪಾತೆರಿಯೆರ್.

ಲೇಸ್ ನ್ ವೀರಕಂಭ ಗ್ರಾಮ ಪಂಚಾಯತ್ ದ ಗುರ್ಕಾರ್ಲಾಯಿನ ದಿನೇಶ್ ತುಡರ್ ಅರ್ಲಾದ್ ಅಂಬೇಡ್ಕರ್ ಭಾವಚಿತ್ರಗ್ ಪುಷ್ಪ ಪಾರ್ದ್ ಉದಿಪನ ಮಲ್ತೆರ್. ಲೇಸ್ ಡ್ ಗ್ರಾಮ ಪಂಚಾಯತ್ ಸದಸ್ಯರಾಯಿನ ಸದಸ್ಯೆರಾಯಿನ ಶ್ರೀಮತಿ ಮೀನಾಕ್ಷಿ,ಜಯಪ್ರಸಾದ್,ಸಂದೀಪ್ ಶಾಲಾಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಸಂಜೀವ ಮೂಲ್ಯ, ಧ.ಗ್ರಾ.ಯೋ. ವೀರಕಂಬ ಒಕ್ಕೂಟದ ಗುರ್ಕಾರ್ಲಾಯಿನ ಕೊರಗಪ್ಪ ನಾಯ್ಕ್, ವಿಟ್ಲ ಸಮುದಾಯ ಆರೋಗ್ಯಕೇಂದ್ರದ ಕಿರಿಯ ಆರೋಗ್ಯ ಸಹಾಯಕಿಯೆರಾಯಿನ ಜ್ಯೋತಿ ಕೆ. ಎನ್, ಕೀರ್ತಿ ಎ.ಆರ್, ಹಿರಿಯ ಮಹಿಳಾ ಆರೋಗ್ಯ ಸಹಾಯಕಿಯೆರಾಯಿನ ಇಂದಿರಾ ನಾಯ್ಕ್, ಕುಸುಮಾ ಬೊಕ್ಕ ವೀರಕಂಭ ಗ್ರಾಮ ವ್ಯಾಪ್ತಿದ ಆಶಾ ಕಾಯ೯ಕರ್ತೆಯೆರಾಯಿನ , ಬೊಕ್ಕ ಶಿಕ್ಷಕವೃಂದದಕುಲು ಪಾಲ್ ಪಡೆದಿತ್ತೆರ್ .
ಶಿಕ್ಷಕಿ ಶಕುಂತಳಾ ಪ್ರಾಥಿ೯ಸಿ, ಶಿಕ್ಷಕಿ ಮೂಷೀ೯ದಾ ಬಾನು ಸೊಲ್ಮೆ ಸಂದೈತ ಮಲ್ತೆರ್ . ಶಿಕ್ಷಕಿ ಸಂಗೀತ ಶರ್ಮ ಎದುಕೊಂದು ಲೇಸ್ ನಡಪಾದ್ ಕೊರಿಯೆರ್.