April 6, 2021

ಶ್ರೀಕ್ಷೇತ್ರ ಮಿತ್ತಮಜಲು, ಸಜೀಪಮಾಗಣೆ: ಬಿಸು ಜಾತ್ರೆ

ಬಂಟ್ವಾಳ , ಎಪ್ರಿಲ್ 06: ಶ್ರೀಕ್ಷೇತ್ರ ಮಿತ್ತಮಜಲು, ಸಜೀಪಮಾಗಣೆಡ್ ತಾರೀಖ್ 13/4/2021 ನೇ ಅಂಗಾರೆರ್ದ್ 16/4/2021 ನೇ ಶುಕ್ರವಾರ ಮುಟ ಬಿಸು ಜಾತ್ರೆ ನಡಪರೆ ಉಂಡು.

ತಾರೀಖ್ 08-04-2021ನೇ ಗುರುವಾರ ಕಾಂಡೆ 10:30ಕ್ ಕೋರಿದ ಕಟ್ಟ.ತಾರೀಖ್ 13-04-2021ನೇ ಅಂಗಾರೆ ರಾತ್ರಿ 9 ಗಂಟೆಗ್ ಒಲಸರಿ ಬೊಕ್ಕ ನಾಲ್ಕೈತ್ತಾಯ ದೈವದ ಮೆಚ್ಚಿ
ತಾರೀಖ್ 14-04-2021ನೇ ಬುಧವಾರ ರಾತ್ರಿ 10:30 ಕ್ ಕೆರೆನೇಮ.ತಾರೀಖ್ 15/4/2021 ನೇ ಗುರುವಾರ ಕಾಂಡೆ 9:30 ಕ್ ಕೆರೆನೇಮ ಬೊಕ್ಕ ಉಡುಕುಬಲಿ ಮಧ್ಯಾಹ್ನ 1 ಗಂಟೆಗ್ ಮಹಾಅನ್ನಸಂತರ್ಪಣೆ ನಡಪರೆ ಉಂಡು.
ತಾರೀಖ್ 16-04-2021ನೇ ಶುಕ್ರವಾರ ಕಾಂಡೆ ಪರಿವಾರ ದೈವಲೆಗ್ ನೇಮೋತ್ಸವ ನಡಪರೆ ಉಂಡು.

ದೇರಳಕಟ್ಟೆದ ಯೆನೆಪೊಯ ಕೂಟಗ್ ದಿ.ಅಹ್ಮದ್ ಮಾಸ್ಟರ್ ಸ್ಮಾರಕ ಟ್ರೋಫಿ

ಕುಡ್ಲ , ಎ.6: ದ.ಕ.ಜಿಲ್ಲಾ ಫುಟ್ಬಾಲ್ ಅಸೋಸಿಯೇಶನ್‌ ಒಟ್ಟು ಸೇರಿಗೆಡ್ ಪೇಂಟೆದ ನೆಹರೂ ಮೈದಾನಡ್ ನಡತಿನ ದಿ. ಅಹ್ಮದ್ ಮಾಸ್ಟರ್ ಸ್ಮಾರಕ ಎ ಡಿವಿಜನ್ ಪಂದ್ಯಾವಳಿಡ್ ದೇರಳಕಟ್ಟೆದ ಯೆನೆಪೊಯ ಕೂಟ ಉಳ್ಳಾಲದ ಸೋಕರ್ ಕೂಟನ್ 1-0 ಗೋಲ್ ರ್ದ್ ಸೋಪಾದ ದಿ.ಅಹ್ಮದ್ ಮಾಸ್ಟರ್ ಸ್ಮಾರಕ ಟ್ರೋಫಿನ್ ಪಡೆತೆರ್ .

ಶನಿವಾರ ನಡತಿನ ಬಿ ಡಿವಿಜನ್ ಪಂದ್ಯಾವಳಿದ ಫೈನಲ್ಡ್ ಉಳ್ಳಾಲದ ಎಫ್‌ಸಿ ತಂಡ ಬಜ್ಪೆದ ಷೂಟರ್ಝ್ ಕೂಟನ್ ಸೊಪಾದ್ ದಿ.ಪಳ್ಳಿ ಜಯರಾಂ ಶೆಟ್ಟಿ ಸ್ಮಾರಕ ಟ್ರೋಫಿನ್ ಪಡೆತೆರ್.

ಮುಗಿತಲದ ಲೇಸ್ ಡ್ ಕುಡ್ಲ ವಿಶ್ವವಿದ್ಯಾನಿಲಯದ ಕ್ರೀಡಾ ನಿರ್ದೇಶಕ ಡಾ.ಕಿಶೋರ್ ಕುಮಾರ್ ಸಿ.ಕೆ. ಬಿನ್ನೆರ್ ಆದ್ ಪಾಲ್ ಪಡೆದ್ ವಿಜೇತ ಕೂಟಲೆಗ್ ಇನಾಮು ಪಟ್ಟಿಯೆರ್.ದ.ಕ.ಜಿಲ್ಲಾ ಪುಟ್ಬಾಲ್ ಸಂಸ್ಥೆದ ಗುರ್ಕಾರ್ಲಾಯಿನ ಡಿಎಂ ಅಸ್ಲಂ ಗುರ್ಕಾರ್ಮೆ ವಯಿಸ್ದಿತ್ತೆರ್.

ಕೋವಿಡ್ ಲಸಿಕೆ ಬಗ್ಗೆ ಜಾಗೃತಿ ಮೂಡಿಸಾಯರೇ ಸಂಜೀವನಿ ಅಭಿಯಾನ

ಬೆಂಗಳೂರು ಎಪ್ರಿಲ್ 06 : ಭಾರತಡ್ ಕೊರೋನಾ ವೈರಸ್ ರಡ್ಡನೇ ಅಲೆ ನಿರೀಕ್ಷೆರ್ದ್ ಲಾ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್, ಎರಡು-ಮೂಜಿ ತಿಂಗೊಲ್ ದುಂಬೇ ಕೊರೋನಾ ಲಸಿಕೆ ಬತ್ತಿ ತ್ತುಂಡಲ ಜನಕ್ಲೆಗ್ ಇತ್ತೆಲ ವ್ಯಾಕ್ಸಿನ್ (Covid Vaccine) ಪಾಡ್ರೆ ಪಿರ ಜಾರೊಂದು ಉಪ್ಪುನ ಸಂಗತಿ ದೇಶಾದ್ಯಂತ ವರದಿಯಾತುಂಡ್ . ನೆಕ್ಕ್ ಪೂರಕ ಪನ್ಪಿಲಕ ಲಕ್ಷಾಂತರ ಡೋಸ್ ಲಸಿಕೆಲು ಉಪಯೋಗ ಆವಂದೆ ನಾಶ ಆತಿನವು ನೆಕ್ಕ್ ನಿದರ್ಶನ. ಕೊರೋನಾ ವೈರಸ್ ವಿರುದ್ಧ ಬೊಕ್ಕ ಲಸಿಕೆ ಬಗ್ಗೆ ಅವ್ವೆತೋ ದಿನರ್ದ್ ನಿರಂತರವಾದ್ ಜಾಗೃತಿ ಮೂಡಾನ್ಡಲ ಬರೊಂದು ಉಪ್ಪುನ ನೆಟ್​ವರ್ಕ್18 ಸಮೂಹದ ಸಂಸ್ಥೆಲು ಇತ್ತೆ ಲಸಿಕೆ ಬಗ್ಗೆ ಪೊಸ ಅಭಿಯಾನ ಸುರು ಮಲ್ದೆರ್ . ಏಪ್ರಿಲ್ 7, ಬುಧವಾರದಾನಿ ವಿಶ್ವ ಆರೋಗ್ಯ ದಿನ ಆಯಿನೆರ್ದಾವರ , ಆನಿ ಲಸಿಕೆ ಬಗ್ಗೆ ಜಾಗೃತಿ ಮೂಡಿಸಾಯರೇ ಸಂಜೀವನಿ (Sanjeevani – A Shot of Life) ಅಭಿಯಾನ ಸುರು ಆವೊಂದು ಉಂಡು ಪಂದ್ ಪ್ರಕಟಣೆಗ್ ತೆರಿಪಾದೆರ್ .

ರಾಜ್ಯ ಯುವ ಕಾಂಗ್ರೆಸ್ದ ಕಾರ್ಯದರ್ಶಿಯಾದ್ ಅಜಿತ್ ಕುಮಾರ್ ಶೆಟ್ಟಿ ಆಯ್ಕೆ

ಒಡಿಪು , ಎ.6: ಕಾಂಗ್ರೆಸ್ ಪಕ್ಷದ ಯುವ ಕಾಂಗ್ರೆಸ್ ವತಿರ್ದ್ 2020-2021ನೇ ಸಾಲ್ ಡ್ ಆನ್‌ಲೈನ್ ಮುಖೇನ ಯುವ ಕಾಂಗ್ರೆಸ್ ಪದಾಧಿಕಾರಿಲೆನ ಆಯ್ಕೆಗ್ ನಡತಿನ ಆಂತರಿಕ ಚುನಾವಣೆಡ್ ಉಡುಪಿ ಜಿಲ್ಲೆ ವಡ್ಡರ್ಸೆ ಗ್ರಾಮದ ಅಜಿತ್ ಕುಮಾರ್ ಶೆಟ್ಟಿ ಬಾರಿ ಮತ ಪಡೆದ್ ರಾಜ್ಯ ಯುವ ಕಾಂಗ್ರೆಸ್ದ ಕಾರ್ಯದರ್ಶಿಯಾದ್ ಆಯ್ಕೆಯಾತೆರ್.

ಸ್ವಚ್ಛಬಾರತ್ ಅಭಿಯಾನ ಯೋಜನೆದಡಿ ಗ್ರಾಮ ಪಂಚಾಯತ್‌ಗ್ ಕಜವು ವಿಲೇವಾರಿ ಗಾಡಿ ವಿತರಣೆ

ಉಡುಪಿ, ಎ.6: ಜಿಪಂ ಗುರ್ಕಾರ್ಲೆನ ವಿಶೇಷ ಮುತುವರ್ಜಿರ್ದ್ ಸ್ವಚ್ಛಬಾರತ್ ಅಭಿಯಾನ ಯೋಜನೆದಡಿ ಜಿಲ್ಲೆಡ್ ವೈಜ್ಞಾನಿಕವಾದ್ ಕಜವು ವಿಲೇವಾರಿ ಮಲ್ಪರೆ ಬೇತೆ ಬೇತೆ ಗ್ರಾಮ ಪಂಚಾಯತ್‌ಗ್ ಕಜವು ವಿಲೇವಾರಿ ಗಾಡಿನ್ ಮಣಿಪಾಲದ ಜಿಲ್ಲಾ ಪಂಚಾಯತ್ ಆವರಣಡ್ ಕೋಡೆ ಗುರ್ಕಾರ್ಲಾಯಿನ ದಿನಕರ ಬಾಬು ಪಟ್ಟಿಯೆರ್ .

ಈ ಲೇಸ್ ಡ್ ಜಿಪಂ ಉಪಾಧ್ಯಕ್ಷೆ ಶೀಲಾ ಕೆ. ಶೆಟ್ಟಿ, ಜಿಪಂ ಸ್ಥಾಯಿ ಸಮಿತಿ ಸದಸ್ಯೆರಾಯಿನ ಶೋಭಾ ಜಿ. ಪುತ್ರನ್, ಸುಮಿತ್ ಶೆಟ್ಟಿ ಕೌಡೂರು, ಪ್ರತಾಪ್ ಹೆಗ್ಡೆ ಮಾರಾಳಿ, ಸಿಇಓ ಡಾ.ನವೀನ್ ಭಟ್ ಪಾಲ್ ಪಡೆದಿತ್ತೆರ್.

ಕುಡ್ಲ ಗ್ ಬರ್ರೆ ಉಪ್ಪುನ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ

ಕುಡ್ಲ , ಎ.6: ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಮೇರ್ ಎ.8 ಬೊಕ್ಕ 9 ತಾರೀಖ್ ಗ್ ದ.ಕ. ಜಿಲ್ಲೆಗ್ ಬರಿಯರೆ ಉಲ್ಲೆರ್.

ಎ.8 ತಾರೀಖ್ ಗ್ ಬೈಯ್ಯ l 4:10ಕ್ಕ್ ಕುಡ್ಲ ವಿಮಾನ ನಿಲ್ದಾಣಗ್ ಬರ್ರೆ ಉಲ್ಲೆರ್. ಸಂಜೆ 6:30ಕ್ ಜಿಪಂ ಸಭಾಂಗಣಡ್ ಕೋವಿಡ್-19ಗ್ ಸಂಭಂದ ಪ್ರಧಾನಿನ ಒಟ್ಟುಗು ವೀಡಿಯೋ ಸಂವಾದ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್. ರಾತ್ರಿ 9:15ಕ್ ಕಡಬದ ಕುಂಜಾಡಿ ಗ್ರಾಮಡ್ ನಡಪರೆ ಉಪ್ಪುನ ಧರ್ಮನೇಮೋತ್ಸವ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್ ರಾತ್ರಿ ಕುಡ್ಲಡೆ ಕುಲ್ದು
ಎ.9 ತಾರೀಖ್ ಗ್ ಕಾಂಡೆ 8:25ಕ್ಕ್ ಕುಡ್ಲ ವಿಮಾನ ನಿಲ್ದಾಣರ್ದ್ ಬೆಂಗಳೂರುಗು ಪೋಯೆರೆ ಉಲ್ಲೆರ್ ಪಂದ್ ಪ್ರಕಟನೆಗ್ ತೆರಿಪಾದೆರ್ .