April 27, 2021

ದ.ಕ. ಜಿಲ್ಲೆದ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರಿ ಸಂಘದ ಓಟುಡು ಶೇ.95 ಮತದಾನ

Apr 27, 2021

ಕುಡ್ಲ : ಪೊಸತ್ತಾದ್ ಉದಿಪನ ಆಯಿನ ದ.ಕ. ಜಿಲ್ಲಾ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರ ಸಂಘೊದ ಆಡಳಿತ ಮಂಡಳಿಗ್ ಏ.27 ಅಂಗಾರೆ ನಡತಿನ ಓಟುಡು ಶೇ.94.73 ಮತದಾನ ಆತ್ಂಡ್.ಸಾಮಾನ್ಯ ವಿಭಾಗೊಡು 12 ಸದಸ್ಯೆರ್ ಅಭ್ಯರ್ಥಿ ಲಾದಿತ್ತೆರ್. ಅಯಿಟ್ಟ್ ಮತದಾರೆರ್ 7 ಜನಕ್ಕ್ ಓಟು ಪಾಡರೆ ಇತ್ತ್ಂಡ್.

ಹಿಂದುಳಿದ ವರ್ಗದ ವಿಭಾಗೊಡು 7 ಅಭ್ಯರ್ಥಿಲು ಸ್ಪರ್ಧೆ ದ ಕಲೊಟ್ಟು ಇತ್ತೆರ್. ಅಯಿಟ್ಟ್ ರಡ್ಡ್ ಜನನ್ ಆಯ್ಕೆ ಮಲ್ಪರೆ ಅವಕಾಶ ಇತ್ತ್ಂಡ್.
ಪರಿಶಿಷ್ಟ ಜಾತಿ ಬೊಕ್ಕ ವಿಭಾಗೊಡು ಸುರೇಶ್ ಡಿ.ಪಳ್ಳಿ ಬೊಕ್ಕ ಹರೀಶ್ ಮೋಟುಕಾನ ಅವಿರೋಧ ಆಯ್ಕೆ ಆದಿತ್ತೆರ್.ಮಹಿಳಾ ವಿಭಾಗೊಡು ಸತ್ಯ , ಶಿಲ್ಪ ಅವಿರೋಧ ಆಯ್ಕೆ ಆತೆರ್.ಪತ್ರಿಕಾ ಭವನದ ಸಭಾಂಗಣೊಡು ಅಂಗಾರೆ ಕಾಂಡೆ 9 ಗಂಟೆರ್ದ್ ಬಯ್ಯ 4 ಗಂಟೆ ಮುಟ್ಟ ಓಟು ನಡತ್ಂಡ್.

ಬೆಂಗಳೂರುರ್ದ್ ಬೆಳ್ತಂಗಡಿಗ್ ಮುಟ್ಟಿನ ಶಾಸಕ ಹರೀಶ್ ಪೂಂಜಾ ‘ ಶ್ರಮಿಕ ಸರ್ವಿಸ್ ‘ ಬಸ್ಸ್

Apr 27, 2021

ಬೆಳ್ತಂಗಡಿ, ಎಪ್ರಿಲ್ 27: ಕೊರೊನಾ ನೆಲೆಟ್ಟ್ ರಾಜ್ಯ ಸರ್ಕಾರ ಇತ್ತೇ ಕಠಿಣ ಕ್ರಮ ದೆತೊದುಲ್ಲೆರ್ ಇನಿ ರಾತ್ರಿರ್ದ್ ಬಸ್ ಸಂಚಾರ ಇಜ್ಜಿ ನನ14 ದಿನರ್ದ್ ಬೊಕ್ಕ ಊರುಗು ಬರೋಲಿ.

ಅಂಚಾದ್ ಬೆಂಗಳೂರುರ್ದ್ ಬೆಳ್ತಂಗಡಿಗ್ ಸ್ವ ಇಚ್ಛೆರ್ದ್ ಬರ್ಪಿನಕ್ಲೆಗಾದ್ ಇನಿ ರಾತ್ರಿ ಬಸ್ ವ್ಯವಸ್ಥೆನ್ ಬೆಳ್ತಂಗಡಿ ಶಾಸಕ ಹರೀಶ್ ಪೂಂಜ ಮಲ್ದೆರ್ . ಒಂಜಿ ಬಸ್ಸು ಕೋಡೆ ರಾತ್ರೆನೆ 10.30 ಕ್ ಬೆಂಗಳೂರು ರ್ದ್ ಪಿದಾರ್ದ್ ಕಾಂಡೆ 5 ಗಂಟೆಗ್ ಬೆಳ್ತಂಗಡಿ ಮುಟ್ಟುದುಂಡು.ಒಟ್ಟು 40 ಜನ ಬಸ್ ಡ್ ಕೋಡೆ ಪ್ರಯಾಣ ಮಲ್ದೆರ್.

ಇನಿ ಪಂಡ 27th ಏಪ್ರಿಲ್ ಕೂಡ ಬಸ್ ದ ವ್ಯವಸ್ಥೆ ಉಂಡು ಅನಿವಾರ್ಯವಾದ್ ಸ್ವಇಚ್ಛೆರ್ದ್ ಬೆಂಗಳೂರುರ್ದ್ ಊರುಗು ಬರ್ಪಿನಕುಲು ಈ ಅವಕಾಶ ದೆತೊನೊಲಿ.

ಬರ್ಪಿನಕುಲು ಸ್ವ ವಿವರನ್ ಈ ತಿರ್ತ್ ಕೊರಿನ ನಂಬರ್ಗ್ ಲೆಪ್ಪು ಕೊರ್ದು ಮಾಹಿತಿ ದೆತೊನೊಡು ಪಂದ್ ತೆರಿಪಾದೆರ್.ಬೆಳ್ತಂಗಡಿ ಶಾಸಕರ ಶ್ರಮಿಕ ಕಚೇರಿದ ವಿನೋದ್ 9901763573, ನವೀನ್ 8862597826 ಮೆಕ್ಲೆಗ್ ಲೆಪ್ಪು ಕೊರೋಲಿ.

ರಾಜ್ಯ ಸರ್ಕಾರರ್ದ್ ಕೊರೋನ ಮಾರ್ಗಸೂಚಿ ಪ್ರಕಟ

Apr 27, 2021

ಕುಡ್ಲ, ಎಪ್ರಿಲ್ 27: ತಾರೀಖ್ 28/4/2021 ನೆ ಬುಧವಾರ ರ್ದ್ ಪಾಡುನoಚಿನ ಕೊರೊನಾ ಲಾಕ್‌ಡೌನ್ದ ಮಾರ್ಗಸೂಚಿಲೆನ್ ರಾಜ್ಯ ಸರಕಾರ ಪ್ರಕಟ ಮಲ್ದುಂಡು .

ಉಲ್ಲೇಖ ಮಲ್ದಿನವು ಮಾತಾ ಕಾಂಡೆ 6 ಗಂಟೆರ್ದ್ 10:00 ಗಂಟೆ ಮುಟ ಮಾತ್ರ:

ಪೇರ್,ದಿನಸಿ ತರಕಾರಿ, ಫಲವಸ್ತು ಮಾರಾಟ ಉಂಡು.
ತರಕಾರಿ ಬೊಕ್ಕ ಫಲವಸ್ತುಲೆನ್ ಮಾರುಕಟ್ಟೆಗ್ ಕನೆರೆಲಾ ಅವಕಾಶ ಉಂಡು.
ಮೀನ್ ಮಾಸ ವ್ಯಾಪಾರಗ್ ಸಮ್ಮತಿ.
ಕೋರಿದ ಫಾರಂ ಓಪನ್.
ರೆಸ್ಟೋರೆಂಟ್ಡ್ ಪಾರ್ಸೆಲ್ ಗ್ ಮಾತ್ರ ಅವಕಾಶ.
ಆನ್ಲೈನ್ ಫುಡ್ ಡೆಲಿವರಿಗ್ ಅವಕಾಶ ಉಂಡು.
ಶಾಲಾ-ಕಾಲೇಜು ಪೂರ್ತಿ ಬಂದ್ ,
ಆಟೋ-ಟ್ಯಾಕ್ಸಿ ಬಂದ್
ಸಿನಿಮಾ ಹಾಲ್ ಜಿಮ್ ಬಂದ್.
ಒವ್ವೆ ರೀತಿದ ಧಾರ್ಮಿಕ ಕಾರ್ಯಕ್ರಮಲೆಗ್ ಅವಕಾಶ ಇಜ್ಜಿ.
ದೇವಸ್ಥಾನಡ್ ಪೂಜಾರಿಲೆಗ್ ಮಾತ್ರ ಅವಕಾಶ.
ಮದ್ಯದಂಗಡಿ ಓಪನ್,ಆಂಡ ಪಾರ್ಸೆಲ್ ಗ್ ಮಾತ್ರ ಅವಕಾಶ.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಗೌಜಿ ಗಮ್ಮತ್ ದ ಸುದ್ದಿ | Events & Functions ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾದ್ ಕೆರಾಡಿ ಚಂದ್ರಶೇಖರ ಶೆಟ್ಟಿ ಆಯ್ಕೆ

Apr 27, 2021

ಕೊಲ್ಲೂರು, ಎ.27: ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಳದ ಬಹು ನಿರೀಕ್ಷಿತ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲೆನ ಆಯ್ಕೆ ಕೋಡೆ ನಡತುದುಂಡು, ಸಂಘ ಪರಿವಾರದ ಹಿನ್ನೆಲೆ ಉಪ್ಪುನ ಕೆರಾಡಿ ಚಂದ್ರಶೇಖರ ಶೆಟ್ಟಿ ಗುರ್ಕಾರ್ಲಾದ್ ಆಯ್ಕೆಯಾತೆರ್.

ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸ್ಥಗಿತ : ದಿಲ್‌ರಾಜ್ ಆಳ್ವ

Apr 27, 2021

ಕುಡ್ಲ , ಎ.27: ಕೋರೋನ 2ನೆ ಅಲೆನ್ ಕಮ್ಮಿ ಮಲ್ಪುನ ಸಲುವಾದ್ ಎ.27ನೆ ರಾತ್ರಿ 9 ಗಂಟೆರ್ದ್ ರಡ್ಡ್ ವಾರ ಕೋವಿಡ್ ಕರ್ಫ್ಯೂ ವಿಧಿಸಾದ್ ರಾಜ್ಯ ಸರಕಾರ ಆದೇಶ ಕೊರ್ತಿನ ನೆಲೆಟ್ಟ್ ಎ.28 ತಾರೀಖ್ ಬುಧವಾರರ್ದ್ ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸಂಚಾರ ಇಜ್ಜಿ ಪಂದ್ ಎಂದು ದ.ಕ.ಜಿಲ್ಲಾ ಬಸ್ ಮಾಲಕೆರ್ನ ಸಂಘದ ಗುರ್ಕಾರ್ಲಾಯಿನ ದಿಲ್‌ರಾಜ್ ಆಳ್ವ ತೆರಿಪಾದೆರ್ .

ಕೆಐಒಸಿಎಲ್ ವತಿರ್ದ್ ತುರ್ತು ಸೇವೆಗಾದ್ ಆಂಬುಲೆನ್ಸ್

Apr 27, 2021

ಕುಡ್ಲ , ಎ.27: ಸರಕಾರದ ಅಧೀನ ಸಂಸ್ಥೆಯಾಯಿನ ಕೆಐಒಸಿಎಲ್ ಕೋವಿಡ್ ಪೊರ್ತುಡು ತುರ್ತು ಸೇವೆಗಾದ್ ಹೊರಗುತ್ತಿಗೆ ಸಂಸ್ಥೆರ್ದ್ ಒಂಜಿ ತಿಂಗೊಲ್ದ ಮಟ್ಟ್ ಗ್ ಆಂಬುಲೆನ್ಸ್ ಬಾಡಿಗೆಗ್ ದೆತೊoದು ಕುಡ್ಲ ಮಹಾನಗರ ಪಾಲಿಕೆಗ್ ಸೋಮವಾರ ಕೊರಿಯೆರ್ .

ಈ ಪೊರ್ತುಡು ಮೇಯರ್ ಪ್ರೇಮಾನಂದ ಶೆಟ್ಟಿ, ಮನಪಾ ಆಯುಕ್ತ ಅಕ್ಷಯ್ ಶ್ರೀಧರ್ ಪಾಲ್ ಪಡೆದಿತ್ತೆರ್ ಆಯಂಬುಲೆನ್ಸ್, ಐಕ್ ಬೋಡಾಯಿನ ಇಂಧನ ಬೊಕ್ಕ ಚಾಲಕನ್ ಕೆಐಒಸಿಎಲ್ ತಯಾರ್ ಮಲ್ದೆರ್.ಕೋವಿಡ್ ಸೋಂಕಿತೆರ್ ಅತ್ತುಂಡ ಕೋವಿಡ್‌ರ್ದ್ ತೀರ್ ಪೊಂಡ ಮೃತದೇಹ ಕೊನೊಯರೇ ಈ ಆಯಂಬುಲೆನ್ಸ್ ಬಳಕೆ ಮಲ್ಪೋಲಿ . ಐಕಾದ್ 0824-2220306 ಈ ಸಂಖ್ಯೆಗ್ ಲೆಪ್ಪು ಕೊರ್ಲೆ.

ವೆನ್ಲಾಕ್ ಆಸ್ಪತ್ರೆ ಬೊಕ್ಕ ತಾಲೂಕು ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್ : ಡಾ.ರಾಜೇಂದ್ರ ಕೆ.ವಿ.

Apr 27, 2021

ಕುಡ್ಲ , ಎ.27: ಜಿಲ್ಲಾ ವೆನ್ಲಾಕ್ ಆಸ್ಪತ್ರೆ ಬೊಕ್ಕ ತಾಲೂಕು ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್ ನಿರ್ಮಾಣ ಮಲ್ಪುವ ಪಂದ್ ದ.ಕ. ಜಿಲ್ಲಾಧಿಕಾರಿ ಡಾ.ರಾಜೇಂದ್ರ ಕೆ.ವಿ. ತೆರಿಪಾದೆರ್ .ಜಿಲ್ಲೆದ ಸರಕಾರಿ ಬೊಕ್ಕ ಖಾಸಗಿ ಆಸ್ಪತ್ರೆಡ್ ಆಕ್ಸಿಜನ್ ಕೊರತೆ ಅಂಚನೇ ಸಕಾಲಡ್ ಆಕ್ಸಿಜನ್ ಪೂರೈಕೆಗ್ ಸಂಬಂಧ ದ.ಕ. ಜಿಲ್ಲಾಧಿಕಾರಿನ ಕಚೇರಿಡ್ ಸೋಮವಾರ ನಡತಿನ ಸಭೆಟ್ ಪಾತೆರಿಯೆರ್.

ಜಿಲ್ಲೆದ ಆಸ್ಪತ್ರೆಡ್ ಒವ್ವೆ ಕಾರಣಗ್ ಆಕ್ಸಿಜನ್ ಕೊರತೆ ಬರಂದಿಲಕ ಸಕಾಲಡ್ ಆಕ್ಸಿಜನ್ ಪೂರೈಕೆ ಮಲ್ಪುನ ಬಗ್ಗೆ ಸಮಾಲೋಚನೆ ಮಲ್ತೆರ್ . ಮಲ್ಲ ಪ್ರಮಾಣಡ್ ಆಕ್ಸಿಜನ್ ಉತ್ಪಾದನೆ ಮಲ್ಪರೆ ವೆನ್ಲಾಕ್ ಆಸ್ಪತ್ರೆಡ್ ಪೊಸತ್ತ್ ಆಕ್ಸಿಜನ್ ಪ್ಲಾಂಟ್ ನಿರ್ಮಾಣದ ಬಗ್ಗೆ ಯೋಜನೆ ರೂಪಿಸಾದೆರ್ ನನ ದುಂಬುದ 50 ದಿನತ ಉಲಯಿ ಈ ಪ್ಲಾಂಟ್ ನಿರ್ಮಾಣ ಆಯರೇ ಉಂಡು.

ಊರ್ದ ಸುದ್ದಿ Regional News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಕಾಸರಗೋಡು 1,086 ಜನಕ್ ಕೋವಿಡ್ ಪಾಸಿಟಿವ್

Apr 27, 2021

ಕಾಸ್ರೊಡು,ಎಪ್ರಿಲ್ 27 : ಪೇಂಟೆಡ್ ಸೋಮವಾರ ಕೋವಿಡ್ ಸೋಂಕಿತೆರ್ನ ಸಂಖ್ಯೆ ಸಾರ ದಾಟ್ದುಂಡು . 1,086 ಜನಕ್ ಕೋವಿಡ್ ಪಾಸಿಟಿವ್ ದೃಢ ಆತುಂಡು . 424 ಜನ ಹುಷಾರ್ ಆತೆರ್ . 8,608 ಜನ ಮರ್ದ್ ಪಡೆಯೊಂದು ಉಲ್ಲೆರ್ . 12 ಆರೋಗ್ಯ ಸಿಬ್ಬಂದಿಗ್ ಲಾ ಸೋಂಕು ಪತ್ತೆಯಾತುಂಡು . 1,034 ಜನಕ್ ಸಂಪರ್ಕಡ್ ಸೋಂಕು ಬೈದುಂಡು .

April 27, 2021

ದ.ಕ. ಜಿಲ್ಲೆದ ಪತ್ರಕರ್ತೆರ್ನ ಗೃಹ ನಿರ್ಮಾಣ ಸಹಕಾರಿ ಸಂಘದ ಓಟುಡು ಶೇ.95 ಮತದಾನ

ಬೆಂಗಳೂರುರ್ದ್ ಬೆಳ್ತಂಗಡಿಗ್ ಮುಟ್ಟಿನ ಶಾಸಕ ಹರೀಶ್ ಪೂಂಜಾ ‘ ಶ್ರಮಿಕ ಸರ್ವಿಸ್ ‘ ಬಸ್ಸ್

ರಾಜ್ಯ ಸರ್ಕಾರರ್ದ್ ಕೊರೋನ ಮಾರ್ಗಸೂಚಿ ಪ್ರಕಟ

ಕೊಲ್ಲೂರು ಶ್ರೀಮೂಕಾಂಬಿಕಾ ದೇವಸ್ಥಾನದ ಗುರ್ಕಾರ್ಲಾದ್ ಕೆರಾಡಿ ಚಂದ್ರಶೇಖರ ಶೆಟ್ಟಿ ಆಯ್ಕೆ

ದ.ಕ.ಜಿಲ್ಲೆಡ್ ಖಾಸಗಿ ಬಸ್‌ ಸ್ಥಗಿತ : ದಿಲ್‌ರಾಜ್ ಆಳ್ವ

ಕೆಐಒಸಿಎಲ್ ವತಿರ್ದ್ ತುರ್ತು ಸೇವೆಗಾದ್ ಆಂಬುಲೆನ್ಸ್

ವೆನ್ಲಾಕ್ ಆಸ್ಪತ್ರೆ ಬೊಕ್ಕ ತಾಲೂಕು ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್ : ಡಾ.ರಾಜೇಂದ್ರ ಕೆ.ವಿ.

ಕಾಸರಗೋಡು 1,086 ಜನಕ್ ಕೋವಿಡ್ ಪಾಸಿಟಿವ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ