ಕಟೀಲ್ ಡ್ ಎಲ್ಲೆ 88 ಜೋಡಿಗ್ ಮದಿಮೆ

ಕಟೀಲ್ : ಕಟೀಲ್ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನೊಡು ಎಲ್ಲೆ 88 ಜೋಡಿಗ್ ಮದಿಮೆ ಆವರೆ ಉಂಡು.ದೇವಸ್ಥಾನೊಡು ಮದಿಮೆ ಆಂಡ ಮದಿಮಾಲೆಗ್ ದೇವೆರ್ನ ಆಶೀರ್ವಾದ ತಿಕ್ಕುಂಡು ಪನ್ಪಿನ ನಂಬೊಲಿಗೆ ತುಳುನಾಡ್ದ ಜನೊಕ್ಲೆಡ ಉಂಡು. ಅಂಚಾದ್ ಏತೋ ಜನ ದೇವಸ್ಥಾನೊಲೆಡ್ ಮದಿಮೆ ನಿಗಂಟ್ ಮಲ್ದಿತ್ತೆರ್. ಆಂಡ ಕೊರೊನಾದ ವೀಕೆಂಡ್ ಕರ್ಫ್ಯೂ ಇತ್ತಿನೆರ್ದಾವರ ಅವು ಆಪುಂಡಾ ಇಜ್ಜಾ ಪನ್ಪಿನ ಗೊಂದಲೊಡು ಇತ್ತೆರ್ ಜನೊಕ್ಕುಲು.ನಿಗಂಟ್ ಆಯಿನ ಮದಿಮೆನ್ 50 ಜನ ಸೇರ್ದ್ ಕೋವಿಡ್ ನಿಯಮದಂಚ ಮಲ್ಪರೆ ಅವಕಾಶ ಉಂಡು.ಕಟೀಲ್ ಕ್ಷೇತ್ರೊಡು ಏ.25 ಐತಾರ 88 ಜೋಡಿಗ್ ಮದಿಮೆ ಆವರೆ ಉಂಡು.ಏ.26 ಕ್ಕ್ 55 ಜೋಡಿ, ಏ.29 ಕ್ಕ್ 49, ಏ.30 ಗು 4 ಮೇ 2ಕ್ಕ್ 26 , ಮೇ 3 ಕ್ಕ್ 31 ಮದಿಮೆ ನಡಪರೆ ಉಂಡು.
ಕಟೀಲ್ ದೇವಸ್ಥಾನ ದ ಕೈತಲ್ಡ್ ಮದಿಮೆಗ್ ವ್ಯವಸ್ಥೆ ಮಲ್ದ್ಂಡ್. ಆಂಡ ದೇವೆರ್ನ ದರ್ಶನ ಮಲ್ಪರೆ ಅವಕಾಶ ಇಜ್ಜಿ. ಮದಿಮೆಡ್ ರಡ್ಡ್ ಕಡೆರ್ದ್ ಸೇರ್ದ್ 10 ಜನ ಮಾತ್ರ ಪಾಲ್ ಪಡೆವೊಲಿ ಪಂಡ್ ದ್ ದೇವಸ್ಥಾನ ದ ಪ್ರಕಟಣೆ ತೆರಿಪಾದ್ಂಡ್.