April 4, 2021

ಕೇರಳ ತುಳುನಾಡ್ ಡ್ “ಬಲೇ ತುಳು ಲಿಪಿ ಕಲ್ಪುಗ” ಕಾರ್ಯಾಗಾರ ಉದಿಪನ

ಕೇರಳ, ಎಪ್ರಿಲ್ 04: ತುಳು ಬಾಷೆ, ಸಂಸ್ಕೃತಿ, ಲಿಪಿ, ಆಚಾರ ವಿಚಾರಲೆನ್ ಒರಿಪಾದ್ ಬುಲೆಪಾವುನ ಅಂಚನೇ ತುಳು ಬಾಷೆನ್ ಸಂವಿಧಾನದ 8ನೇ ಪರಿಚ್ಛೇಧಗ್ ಸೇರಾವೊಡು, ತುಳು ಭಾಷೆನ್ ರಾಜ್ಯದ ಅಧಿಕೃತ ಬಾಷೆಯಾದ್ ಮಲ್ಪೊಡು ಪನ್ಪಿನ ನೆಲೆಟ್ಟ್ ತುಳುನಾಡ್ ಡ್ ಬೆನೊಂದು ಉಪ್ಪುನ ಸಂಘನೆಯಾಯಿನ ಜೈ ತುಲುನಾಡ್(ರಿ)ಕಾಸ್ರೋಡ್ ಘಟಕ ಬಲೇ ತುಳು ಲಿಪಿ ಕಲ್ಪುಗ ಕಜ್ಜ ಕೊಟ್ಟ್ಯ ನ್ ತೀಯಾ ಸಮಾಜ ಉದ್ಯಾವರ ಮಾಡ ಮೆಕ್ಲೆನ ಒಟ್ಟು ಸೇರಿಗೆಡ್ ತೀಯಾ ಸಮಾಜಭವನಡ್ ಮಂಜೇಶ್ವರ ಮಾಡಡ್ ತಾರೀಕ್ 3.4.2021 ಶನಿವಾರದಾನಿ ಉದಿಪನ ಮಲ್ತೆರ್.

ಈ ಲೇಸ್ ದ ಉದಿಪನನ್ ಗೌರವಾನ್ವಿತ ಅರಸು ಮಂಜೀಷ್ಣಾರ್ ಕ್ಷೇತ್ರ ಮಾಡದ ಪಲಯ ದೈವದ ಪಾತ್ರಿ ರಾಜ ಬೆಲ್ಚಾಡೆರ್ ತುಡರ್ ಅರ್ಲಾವುನ ಮುಖೇನ ಉದಿಪನ ಮಲ್ತೆರ್.

ಜೈತುಳುನಾಡ್ (ರಿ.) ಕಾಸ್ರೊಡು ದ ಗುರ್ಕಾರ್ಲಾಯಿನ ಹರಿಕಾಂತ್ ಕಾಸ್ರೊಡು ಗುರ್ಕಾರ್ಮೆ ವಯಿಸ್ದಿತ್ತೆರ್. ಮಲ್ಲ ಬಿನ್ನೆರ್ ಆದ್ ಮಂಜೇಶ್ವರ ಪಂಚಾಯತ್ ಸದಸ್ಯ ಲಕ್ಷ್ಮಣ ಕುಲಾಲ್, ಅರಸು ಮಂಜೀಷ್ಣಾರ್ ದೈವಸ್ಥಾನದ ಮೆಗ್ಯ ದೈವದ ಪಾತ್ರಿ ತಿಮಿರಿ ಬೆಲ್ಚಾಡರು, ಮಾಡ ಸಮಾಜದ ಹಿತೈಷಿ ಹರೀಶ್ ಶೆಟ್ಟಿ ಬೊಕ್ಕ ಮಾಜಿ ಪಂಚಾಯಿತಿ ಸದಸ್ಯೆ ಶಶಿಕಲಾ ಪಾಲ್ ಪಡೆದಿತ್ತೆರ್.ತುಳು ಲಿಪಿ ಶಿಕ್ಷಕೆರಾದ್ ಜೈತುಳುನಾಡ್ (ರಿ.) ಕಾಸ್ರೊಡು ನೆತ್ತ ಉಪಾಧ್ಯಕ್ಷೆ ವಿನೋದ ಪ್ರಸಾದ್ ರೈ ಕಾರಿಂಜೆ ಬೊಕ್ಕ ಕಾರ್ಯದರ್ಶಿ ಕಾರ್ತಿಕ್ ಪೆರ್ಲ ತರಗತಿ ಕೊರಿಯೆರ್.ಸಂಘಟನೆದ ಗೌರವಾಧ್ಯಕ್ಷೆ ರಾಯಿನ ಉಮೇಶ್ ಸಾಲಿಯಾನ್ ಸಿರಿಯಾ ಪಾಲ್ ಪಡೆದಿತ್ತೆರ್. ಕು. ತೃಪ್ತಿ ಬೊಕ್ಕ ಕು. ಪಂಚಮಿ ಪ್ರಾರ್ಥನೆ ಮಲ್ತೆರ್.ಸಂಘಟನೆದ ಸದಸ್ಯೆ ಕುಶಾಲಾಕ್ಷಿ ವಿ ಕುಲಾಲ್ ಕನ್ವಥೀರ್ಥ ಎದುಕೊಂಡೆರ್. ಕಾರ್ತಿಕ್ ಪೆರ್ಲ ಸೊಲ್ಮೆ ಸಂದೈತ ಮಲ್ತೆರ್.