ಕೋಟೇಶ್ವರ, ಎ.21: 5-10 ಸೆಂಟ್ಸ್ದಾತ್ ಚೂರ್ ಜಾಗೆ ಇತ್ತುಂಡಲ ವೈಜ್ಞಾನಿಕವಾದ್ ಕಮ್ಮಿ ಖರ್ಚ್ ಡ್ ಮಲ್ಲಿಗೆ ಪೂ ಮಾತ್ರ ಅತ್ತoದೆ, ದೈಕ್ಲೆನ್ಲ ಬುಲೆಪಾದ್ ವಾರಗ್ ಸಾರ ರೂಪಾಯಿ ಬೆನೊಲಿ ಪಂದ್ ಉಡುಪಿ ಜಿಲ್ಲಾ ಕೃಷಿಕ ಸಂಘದ ಗುರ್ಕಾರ್ಲಾಯಿನ ರಾಮಕೃಷ್ಣ ಶರ್ಮ ಬಂಟಕಲ್ಲು ಪಂಡೆರ್ . ಕುಂಭಾಶಿ ಪಣ್ಹತ್ವಾರಬೆಟ್ಟುದ ಕೃಷಿಕೆ ಪ್ರೇಮ ಪೂಜಾರಿ ಮೆರ್ನ ಇಲ್ಲದ ಜಾಲ್ ಡ್ ಐತಾರ ಮಲ್ಲಿಗೆ ಬೆಳೆಗಾರೆರ್ನ ಒಕ್ಕೂಟದ ಮಲ್ಲಿಗೆ ಕಟ್ಟೆದ ಉದಿಪನದ ಲೇಸ್ ಡ್ ಮಾರ್ಗದರ್ಶಕೆರಾದ್ ಪಾತೆರಿಯೆರ್.
ಕೃಷಿಕ ಶ್ರೀಧರ ದೇವಾಡಿಗ ಮೇರ್ ಮಲ್ಲಿಗೆ ಕಟ್ಟೆನ್ ಉದಿಪನ ಮಲ್ತೆರ್. ನಿವೃತ್ತ ತೋಟಗಾರಿಕಾ ಇಲಾಖೆ ಅಧಿಕಾರಿ ಕುಚೇಲಯ್ಯ ಲೇಸ್ ದ ಗುರ್ಕಾರ್ಮೆ ವಹಿಸಿದಿತ್ತೆರ್. ಕುಂದಾಪುರ ಮಹಿಳಾ ಸಾಂತ್ವನ ಸಹಾಯವಾಣಿ ಗುರ್ಕಾರ್ಲಾಯಿನ ರಾಧಾದಾಸ್, ಜಿಲ್ಲಾ ಕೃಷಿಕ ಸಂಘ ಕುಂದಾಪುರ ವಲಯದ ರೋನಾಲ್ಡ್ ಡಿಸೋಜಾ ಆನಗಳ್ಳಿ, ಚಂದ್ರ ಪೂಜಾರಿ ಬಾಳೆಬೈಲು, ಸಂಯೋಜಕ ರಮೇಶ್ ಪೂಜಾರಿ ಕ್ಯಾಸನಮಕ್ಕಿ ಪಾಲ್ ಪಡೆದಿತ್ತೆರ್ .
pallavi shetty