ಶಿರ್ವ:-ಶತಮಾನೋತ್ತರ ಇತಿಹಾಸ ಉಪ್ಪುನ ಶಿರ್ವ ಕೋಡು ಗುತ್ತುದ ಇಲ್ಲಡ್ ಶನಿವಾರ ಆಟಿದ ಗಮ್ಮತ್, ಗುತ್ತುದ ಇಲ್ಲಡ್ ಗುರಿಕಾರ ಕೋಡು ಸದಾನಂದ ಶೆಟ್ಟಿ (ಅಪ್ಪಣ್ಣ), ಮಾತೃಶ್ರೀ ಸುಮತಿ ಹೆಗ್ಗಡ್ತಿ, ಇಲ್ಲದ ಯಜಮಾನ್ತಿ ಸುಮಾ ಸದಾನಂದ ಶೆಟ್ಟಿ, ಪುತ್ರ ಶ್ರವಣ್ ಆತಿಥ್ಯಡ್ ಶಿರ್ವ ರೋಟರಿದ ಕುಟುಮೊದ ಸದಸ್ಯೆರ್ “ಆಟಿದ ಗಮ್ಮತ್” ಲೇಸ್ ಡ್ ಪಾಲ್ ಪಡೆಯೆರ್.
ಕಾರ್ಲ ಸರಕಾರಿ ಪ್ರಥಮ ದರ್ಜೆ ಕಾಲೇಜ್ದ ಉಪನ್ಯಾಸಕಿ ವಿದ್ಯಾ ಅಮ್ಮಣ್ಣಾಯ ಮಲ್ಲ ಬಿನ್ನೆರ್ ಆದ್ ಪಾತೆರ್ದ್ ಭತ್ತದ ಕಲಶಗ್ ಕುಚ್ಚಿಗ್ ಅರಿ ಪಾಡುನ ಮುಖೇನ ಲೇಸ್ ಗ್ ಚಾಲನೆ ಕೊರ್ದು ಪಾತೆರ್ದ್ ನಮ್ಮ ತುಳುನಾಡ್ದ ಜಾನಪದ ಪರಂಪರೆಡ್ ಆಟಿ ತಿಂಗೊಲ್ಗು ವಿಶೇಷ ಮಹತ್ವ ಕೊರ್ತೆರ್ , ಬರ್ಸದ ಪೊರ್ತುಡು ಸಂಕಷ್ಟದ ಪರಿಸ್ಥಿತಿನ್ ಎದುರಿಸಾದ್ ಪ್ರಕೃತಿದತ್ತ ಆಹಾರವಸ್ತುಲೆನ್ ನಾಡ್ ದ್ ಬಡವು ಮಾಜಾಯಿನ ಬಗ್ಗೆ ಪಾತೆರಿಯೆರ್.
ಲೇಸ್ದ ಗುರ್ಕಾರ್ಮೆನ್ ರೋಟರಿ ಗುರ್ಕಾರ್ಲಾಯಿನ ಪಾದೂರು ಗುತ್ತು ಇಲ್ಲದ ಜಯಕೃಷ್ಣ ಆಳ್ವ ವಹಿಸಾದ್ ಎದುಕೊಂಡೆರ್ . ರೋಟರಿ ಜಿಲ್ಲಾ ವಲಯ ಸಹಾಯಕ ಗವರ್ನರ್ ಡಾ. ಅರುಣ್ ಕುಮಾರ್ ಹೆಗ್ಡೆ ಲೇಸ್ ಡ್ ಪಾಲ್ ಪಡೆಯೆರ್.
pallavi shetty