ಅಯೋಧ್ಯೆದ ಶ್ರೀ ರಾಮನ ಮಂದಿರ ಭಾರಿ ಪೊರ್ಲು ತೋಜೊಂದು ಇತ್ತ್ಂಡ್. ಮಂದಿರದೊಲಯಿದ ಶ್ರೀ ರಾಮನ ಬಿಂಬದ ಪ್ರಾಣಪ್ರತಿಷ್ಠೆ ಶ್ರದ್ಧಾ ಭಕ್ತಿಡ್ ನಡತ್ಂಡ್ ಪಂದ್ ಈ ಲೇಸ್ ಡ್ ಪಾಲ್ ಪಡೆಯಿನ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ| ವೀರೇಂದ್ರ ಹೆಗ್ಗಡೆರ್ ತೆರಿಪಾದೆರ್.
ಈ ಲೇಸ್ ಡ್ ಪುಗರ್ತೆದ ಮಠಾಧಿಪತಿಲು ಬೊಕ್ಕ ಮಾತ ರಂಗದ ಪ್ರಮುಖೆರ್ ಪಾಲ್ ಪಡೆದಿತ್ತೆರ್. ಈ ಲೇಸ್ ಶಿಸ್ತುಡು ನಡತ್ಂಡ್. ಅಯೋಧ್ಯೆದ ಪೇಂಟೆನ್ ಬಣ್ಣ ನಣ್ಣದ ಪೂ ಪುರ್ಪಲೆರ್ದ್ ಶೃಂಗಾರ ಮಲ್ತ್ ದಿತ್ತೆರ್. ಅಲ್ಪಲ್ಪ ಸ್ವಾಗತ ನೃತ್ಯಲ ನಡತೊಂದು ಇತ್ತ್ಂಡ್. ಮಾತ ರೀತಿಡ್ಲಾ ಲೇಸ್ ಪೊರ್ಲುಡು ನಡತ್ಂಡ್.
ರಾಮಮಂದಿರದ ಎದುರುಡು ಕುಲ್ದಿನ ಮಾತ ಸಂತೆರೆಗ್ ಆಡೆಗೆ ತೆನಸ್, ಪಾನೀಯನ್ ಪಟ್ಟಿಯೆರ್. ಅಲ್ಪದ ಹವಾಮಾನಡ್ ಚಳಿ ಇತ್ತ್ಂಡ್, ಆಂಡಲ ಆತ್ಮೀಯವಾಯಿನ ಸ್ವಾಗತ ಬೊಕ್ಕ ವ್ಯವಸ್ಥಿತವಾಯಿನ ಲೇಸ್ ರ್ದ್ ಎಂಕ್ಲೆಗ್ ಮಾತ ಆತ್ ತೊಂದರೆ ಆಯಿಜಿ. ಪಿದಯಿ ಕುಲ್ದಿನಕ್ಲೆಗ್ ಟಿ.ವಿ. ಪರದೆದ ಮುಕೇನ ಉಲಯಿ ನಡಪುನ ಪೂಜೆದ ವಿಧಿ-ವಿಧಾನನ್ ತೂಪಾವೊಂದು ಇತ್ತೆರ್.
ಈ ಪ್ರಾಣಪ್ರತಿಷ್ಠೆ ಲೇಸ್ ರ್ದ್ ಮಹಾತ್ಮೆರ್ ಮಾತೆರ್ಲಾ ಪ್ರಸನ್ನರಾದ್ ಪೋತೆರ್. ಈ ಲೇಸ್ ರ್ದ್ ಅಲ್ಪಲ್ಪ ಪ್ರಯಾಣಗ್ ತೊಂದರೆ ಆದಿತ್ತ್ಂಡ್. ಜ.23 ರ್ದ್ ರಾಮ ಮಂದಿರಗ್ ಮುಕ್ತ ದರ್ಶನ ಪಂದ್ ಘೋಷಣೆ ಮಲ್ದೆರ್. ಮಾನಾದಿಗೆದ ಪ್ರಧಾನಮಂತ್ರಿ ನರೇಂದ್ರ ಮೋದಿಜೀ ಮೇರ್ ಮಾತೆರೆನ್ಲಾ ಉದ್ಧೇಶಿಸಾದ್ ಪಾತೆರಿಯೆರ್. ಬೊಕ್ಕ ಮಾತ ಸಂತೆರೆನ ಕೈತಡೆ ಬತ್ತ್ ದ್ ಮಾತೆರೆನ್ಲಾ ಗೌರವರ್ದ್ ಪಾತೆರಿಯೆರ್ ಪಂದ್ ಡಾ| ಡಿ. ವೀರೇಂದ್ರ ಹೆಗ್ಗಡೆರ್ ಪಂಡೆರ್.
pallavi shetty