ಬಿತ್ತಿನ ಕೊಡಿಪು ಅವು ಬುಲೆ ಬತ್ತ್ಂಡ ಮಾತ್ರ ಬೆಂದಿನ ಬೇಲೆಗ್ ಮಾನಾದಿಗೆ ತಿಕ್ಕುಂಡುಗೆ, ಅಂಚೆನೆ ಪ್ರತಿಯೊರಿಲ ಕರಿನ ಒಂಜಿ ತಿಂಗೊರ್ಲೊದಿಂಚ ರಾತ್ರೆ ಪಗೆಲ್ ಬಾರಿ ಪೊರ್ಲುದ ಕಬಡ್ಡಿ ಪಂತೊದ ಕಲನ್ ಉಂಡು ಮಲ್ಪರೆ ಬೆರಿಕ್ ಬೆರಿಬಲ, ಕೈಕ್ ಕೈ ಸಾಂಗ್ ಕೊರ್ದು ಬೆನ್ನಿ ಬೆಂದ್ ದ್ ಕೋಡೆಗಾನಗ ಅವು ಮಾತ ಜನಮಂದೆಲೆನ ಉಡಲ್ ಗೆಂದ್ ದ್ ಪಡಿಮೂಡುದು ಬತ್ತ್ಂಡ್.
ಈ ಗೆಲ್ಮೆಗ್ ಯುವವಾಹಿನಿ ಸಂಚಲನ ಸಮಿತಿದ ಮಾತ ಸದಸ್ಯೆರೆನ ನಿಷ್ಕಲ್ಮಷ ವಾಯಿನ ಸೇವೆನೇ ಕಾರಣ. ಒವ್ವೆ ಒಂಜಿ ಪುದರ್ ಬಯಕಂದೆ, ಎಲ್ಯಯೆ ಮಲ್ಲಯೆ ಪನ್ಪಿನ ಪ್ರಾಯ ತೂವಂದೆ, ತನಗ್ ಕೊರ್ನ ಜಬದಾರಿನ್ ಬಾರಿ ಪೊರ್ಲುಡು, ನಮ್ಮಲೇಸ್ ಪನ್ಪಿನ ಮಲ್ಲ ಮನಸ್ಸ್ ಡ್ ಬೆನ್ನಿ ಬೆಂದಿನ ಮಾತೆರ್ನಾ ಬೇಲೆದ ಫಲ ಅವು ಅ.15 ಕ್ಕ್ ನಡತಿನ ಕಬಡ್ಡಿ ಪಂತೊಡು ತೋಜಿಂಡ್.
ಅ.15 ತ್ತ ಕಬಡ್ಡಿ ಪಂತೊದ ಮಾತ ಲೇಸ್ ಲ ಶಿಸ್ತುಡು, ಅಚ್ಚುಕಟ್ಟಾದ್ ತೂಪಿನ ಕಣ್ಣ್ ಗ್ ಐಸಿರ ಎರ್ಕ್ಂಡ್, ಅರ್ಥ ದಿಂಜಿದ್ ಪಡಿಮೂಡುದು ಬತ್ತ್ಂಡ್. ಯುವವಾಹಿನಿ ಸಂಚಲನ ಸಮಿತಿದ ಜವನೆರೆನ ಒಗ್ಗಟ್ಟ್, ಸಮಾಜಸೇವೆದ ಕಮ್ಮೆನ ಊರಿಡಿ ಪಸರ್ಂಡ್, ಶಿರ್ಲಾಲ್ ಕರಂಬಾರ್ದಾ ಇತಿಹಾಸಡೇ ಈ ಪಂತೊ ಗೆಲ್ಮೆದ ಕೊಡಿನ್ ಮಿತ್ತ್ ರಾಪಾಂಡ್.
ಈ ಗೆಲ್ಮೆಗ್ ಬೆಂದಿನ ಮಾತೆರೆಗ್ಲಾ ಮೋಕೆದ ಎಡ್ಡೆಪ್ಪು ಬಯಕೊಂದು, ನನ ದುಂಬುಗುಲ ಇಂಚಿನ ಲೇಸ್ ನ್ ಮಲ್ಪುನ ಶಕ್ತಿನ್ ನಮ್ಮ ಕುಲ ದೇವೆರ್, ಕುಲ ಗುರುಕುಲು ನಮ ನಂಬಿನ ದೈವ ದೇವೆರ್ ಬೆರಿಸಾಯ ಕೊರಡ್ಂದ್ ಪ್ರಾರ್ತನೆ ಮಲ್ತೊನುವೆ.
ವರದಿ: ಪ್ರಸಾದ್ ಕುಮಾರ್ ಕಲ್ಲಾಜೆ,
ಕರಂಬಾರು
pallavi shetty