ಬಂಟ್ವಾಳ : ಕಾಮಾಜೆ ಕ್ರಾಸ್ ಕೈತಲ್ ಬೈಕ್ ಗ್ ಕಾರ್‌ ಡಿಕ್ಕಿಯಾದ್ ಗಂಭೀರ ಗಾಯ ಆದ್‌ ಇತ್ತಿನ ಬೈಕ್ ಸವಾರೆ ಚಿಕಿತ್ಸೆ ಫಲಕಾರಿಯಾವಂದೆ ಆಸ್ಪತ್ರೆಡ್‌ ತೀರ್‌ಪೋಯಿನ ಘಟನೆ ನಡತ್‌ಂಡ್. ವಾಮದಪದವು ಪಾಂಗಲ್ಪಾಡಿ ನಿವಾಸಿ ಶ್ರೀನಿವಾಸ (ಬಾಬು) ಉಡುಪ ತೀರ್‌ಪೋಯಿನಾರ್.
ಶ್ರೀನಿವಾಸ ಬಂಟ್ವಾಳರ್ದ್‌ ಬನ್ನಗ ಕಾಮಾಜೆ ಕ್ರಾಸ್ ಕೈತಲ್ ತಿರ್ಗ್‌ನಗ್‌ ಪಿರಾವುರ್ದ್‌ ಕಾರ್‌ ಡಿಕ್ಕಿಯಾತ್‌ಂಡ್. ಈ ಘಟನೆರ್ದ್ ಗಂಭೀರ ಗಾಯ ಆದ್‌ ಇತ್ತಿನ ಶ್ರೀನಿವಾಸ್‌ನ್ ತುಂಬೆ ಖಾಸಗಿ ಆಸ್ಪತ್ರೆಗ್‌ ದಾಖಲ್‌ ಮಲ್ತ್‌ ಇತ್ತೆರ್. ಆಂಡ ಚಿಕಿತ್ಸೆ ಫಲಕಾರಿಯಾವಂದೆ ತೀರ್‌ಪೋಯಿನ ಬಗ್ಗೆ ಡಾಕ್ಟರ್‌ ತೆರಿಪಾದೆರ್. ಘಟನೆ ಆಯಿನ ಜಾಗೆಗ್ ಮೆಲ್ಕಾರ್ ಟ್ರಾಫಿಕ್ ಪೋಲೀಸೆರ್ ಭೇಟಿ ಕೊರ್ದು ಕೇಸ್‌ ದಾಖಲ್‌ ಮಲ್ತೊಂದೆರ್. ಅರೆಗ್ ಬುಡೆದಿ, ಒರಿ ಮಗೆ, ರಡ್ಡ್‌ ಪೊಂಜೊಕುಲು ಉಲ್ಲೆರ್.
ಬಂಟ್ವಾಳ ಬೈಕ್‌ಗ್‌ ಕಾರ್‌ ಡಿಕ್ಕಿ; ತೀರ್‌ಪೋಯಿನ ಬೈಕ್ ಸವಾರೆ…!
By ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News
Oct 5, 2023
Editorial