ಅ.6.7: ಬೆದ್ರಡ್ “ಆಳ್ವಾಸ್ ಪ್ರಗತಿ” ಉದ್ಯೋಗ ಮೇಳ

ಬೋಲ್ತೆರ್: ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಮುತಾಲಿಕೆಡ್ ಅಕ್ಟೋಬರ್ 6 ಬೊಕ್ಕ 7 ದಾನಿ ಬೆದ್ರ ಆಳ್ವಾಸ್ ವಿದ್ಯಾಗಿರಿ ಕ್ಯಾಂಪಸ್ ಡ್ “ಆಳ್ವಾಸ್ ಪ್ರಗತಿ” ಬೃಹತ್ ಉದ್ಯೋಗ ಮೇಳ ನಡಪೆರೆ ಉಂಡು.
ಉದ್ಯೋಗಾಕಾಂಕ್ಷಿಲು ಈ ಮೇಳದ ಪ್ರಯೋಜನನ್ ಪಡೆಯೋನೋಡು ಪಂದ್ ಶಾಸಕೆರ್ ಹರೀಶ್ ಪೂಂಜ ಪಂಡೆರ್. ಆಳ್ವಾಸ್ ಪ್ರಗತಿ ಉದ್ಯೋಗ ಮೇಳಡ್ 204 ರ್ದ್ ಜಾಸ್ತಿ ಬೇತೆ ಬೇತೆ ಕಂಪೆನಿಲು ಪಾಲ್ ಪಡೆದ್ ಸಾವಿರಾರ್ ಜನಕ್ಕ್ ಉದ್ಯೋಗ ತಿಕ್ಕರೆ ಉಂಡು. ಬೋಲ್ತೆರ್ ದ ಗ್ರಾಮೀಣ ಭಾಗದ ಉದ್ಯೋಗಾಕಾಂಕ್ಷಿ ಆಂಜೋಕುಲು-ಪೊಂಜೊಕುಲು ನೆಟ್ಟ್ ಪಾಲ್ ಪಡೆದ್ ಪ್ರಯೋಜನ ಪಡೆಯೊನೊಲಿ. ಪದವಿ ಶಿಕ್ಷಣ, ಐಟಿಐ, ಡಿಪ್ಲೋಮಾ, ಎಂಜಿನಿಯರಿಂಗ್ ಅಂಚೆನೆ ಬೇತೆ ಪಧವೀದರೆರ್ ಈ ಉದ್ಯೋಗ ಮೇಳಡ್ ಪಾಲ್ ಪಡೆಯೊಲಿ ಪಂದ್ ಆಳ್ವಾಸ್ ಶಿಕ್ಷಣ ಸಂಸ್ಥದ ಆಡಳಿತ ಟ್ರಸ್ಟಿ ವಿವೇಕ್ ಆಳ್ವ ತೆರಿಪಾಯೆರ್.ಈ ಪೊರ್ತುಡು ಬೇತೆ ಬೇತೆ ಕಾಲೇಜ್ ದ ಪ್ರಾಂಶುಪಾಲೆರ್ ಬೊಕ್ಕ ಉಪನ್ಯಾಸಕೆರ್ ಇತ್ತೆರ್.