ಕೊರಗ ಭಾಷೆಡ್‌ ಮದಿಮೆದ ಕಾಕಜಿ

ಕುಡ್ಲದ ಜೋಡಿ ಒಂಜಿ ಅಕ್ಲೆನ ಮದಿಮೆದ ಕಾಕಜಿನ್ ಕೊರಗ ಭಾಷೆಡ್ ಪ್ರಕಟ ಮಲ್ತ್‌ದೆರ್. ಈ ಮುಖೇನ ಕೊರಗ ಭಾಷೆನ್‌ ಒರಿಪಾವುನ ಒಂಜಿ ಎಲ್ಯ ಪ್ರಯತ್ನಗ್‌ ಕೈ ಪಾರ್ದೆರ್. ತುಳುನಾಡ್‌ಡ್ ತುಳು ಪನ್ಪುನ ಕೇವಲ ಒಂಜಿ ಭಾಷೆ ಆವಂದೆ ಜನಕ್ಲೆನ್ ಒಟ್ಟುಮಲ್ಪುನ ಕೊಂಡಿದಂಚ ಆತ್‌ಂಡ್. ಅಂಚನೆ ತುಳುನಾಡ್‌ಡ್‌ ಗಲಸುನ ಭಾಷೆಡ್ ಕೊರಗ ಭಾಷೆಲ ಒಂಜಿ, ಉಂದು ಕುಡ್ಲ ಭಾಗದ ಭಾರಿ ಪಿರಾಕ್‌ದ ಸಮುದಾಯಡ್ ಭಾಷೆ ಜೀವಂತ ಆದ್‌ ಉಂಡು.
ಉಂದುವೆ ರೀತಿ ಪ್ರತಿ ಭಾಷೆ ನ್ಲ ಒರಿಪಾವೆರೆಗಾದ್ ಭಾಷೆದ ಬಳಕೆ ಮಹತ್ತರದ ಪಾತ್ರ ವಹಿಸೊದುಂಡ್. ಸದ್ಯ, ಕೊರಗ ಸಮುದಾಯದ ಮದಿಮೆದ ಕಾಕಜಿಡ್ ಕೊರಗ ಭಾಷೆಡ್ ಪ್ರಕಟ ಆದ್, ಲಿಪಿ ಕನ್ನಡ ಆಂಡಲ ಸಂಪೂರ್ಣ ಮದಿಮೆದ ಕಾಕಜಿದ ವಿವರ ಕೊರಗ ಭಾಷೆದ ಶೈಲಿಡ್‌ ಉಂಡು. ಕುಡ್ಲದ ಕೋಡಿಬೆಟ್ಟು ಅಕ್ಷತಾ ಬೊಕ್ಕ ಬಾರ್ಕೂರ್ ಅಮಿತ್‌ ಕುಮಾರ್‌ ಅಕ್ಲೆನ ಮದಿಮೆ ನವೆಂಬರ್‌ 19 ದಾನಿ ಕುಡ್ಲಡ್‌ ನಿಗದಿ ಆತ್‌ಂಡ್, ಈ ಮದಿಮೆದ ವಿವರ ಕೊರಗ ಭಾಷೆಡ್‌ ಪ್ರಕಟ ಆತ್‌ಂಡ್.