ಸುಳ್ಯ ಬಿಜೆಪಿ ಮಂಡಲದ ಮುತಾಲಿಕೆಡ್ ಕುಕ್ಕೆಡ್ ಮಲ್ಲ ಸ್ವಚ್ಛತಾ ಲೇಸ್

ಸುಬ್ರಹ್ಮಣ್ಯ: ಸುಳ್ಯ ವಿಧಾನಸಭೆ ಕ್ಷೇತ್ರದ ಬಿಜೆಪಿ ಮಂಡಲದ ಮುತಾಲಿಕೆಡ್ ಇನಿ ಕುಕ್ಕೆ ಸುಬ್ರಹ್ಮಣ್ಯಡ್ ಮಲ್ಲ ಸ್ವಚ್ಛತೆ ಅಭಿಯಾನ ಲೇಸ್ ಉದಿಪನ ಆಂಡ್.

ಈ ಲೇಸ್ ನ್ ಸುಳ್ಯ ವಿಧಾನಸಭೆ ಕ್ಷೇತ್ರದ ಶಾಸಕಿ ಭಾಗೀರಥಿ ಮುರುಳ್ಯ ಮೇರ್ ಉದಿಪನ ಮಲ್ತ್ ದ್ ಪಾತೆರ್ದ್, ಗಾಂಧಿ ಜಯಂತಿ ಬೊಕ್ಕ ಲಾಲ್ ಬಹುದ್ದೂರ್ ಶಾಸ್ತ್ರಿದ ಪುಟ್ಟು ದಿನತ್ತ ಆಚರಣೆದ ಈ ಎಡ್ಡೆ ದಿನತಾನಿ ನಮ ಸುಳ್ಯ ಬಿಜೆಪಿ ಮಂಡಲದ ಮುತಾಲಿಕೆಡ್ ಬೇತೆ ಬೇತೆ ಸಂಘ-ಸಂಸ್ಥೆಲೆನ ಸಹಕಾರಡ್ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ದರ್ಪಣ ತೀರ್ಥ ತುದೆನ್ ಸ್ವಚ್ಛತೆ ಮಲ್ಪುನ ಮಲ್ಲ ಲೇಸ್ ನ್ ಆಯೋಜನೆ ಮಲ್ದ. ಮಹಾತ್ಮ ಗಾಂಧೀಜಿನ ಕನ ನಮ್ಮ ರಾಜ್ಯ, ದೇಶ ರಾಮ ರಾಜ್ಯ ಆವೊಡಾಂಡ ಗ್ರಾಮ ಗ್ರಾಮಡ್ ಅಭಿವೃದ್ಧಿ ಕಾರ್ಯದೊಟ್ಟಿಗೆ ಸ್ವಚ್ಛತೆನ್ ಮಲ್ತ್ ದ್ ದುಂಬರಿಯೊಡು ಪಂದ್ ಪಂಡೆರ್.

ಈ ಪೊರ್ತುಡು ಸುಳ್ಯ ಬಿಜೆಪಿ ಮಂಡಲ ಗುರ್ಕಾರೆ ಕಂಜಿಪಿಲಿ, ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ವ್ಯವಸ್ಥಾಪನ ಸಮಿತಿ ಗುರ್ಕಾರೆ ಮೋಹನ್ ರಾಮ ಸುಳ್ಳಿ, ಸದಸ್ಯೆರ್ ಪ್ರಸನ್ನ ದರ್ಬೆ, ಲೋಕೇಶ್ ಮುಂಡೋಕಜೆ, ಎ.ಬಿ. ಮನೋಹರ ರೈ, ಶೋಭಾ ಗಿರಿಧರ್, ಚಂದ್ರಶೇಖರ ಮರ್ದಾಳ, ಬಿಜೆಪಿ ಹಿರಿಯ ಮುಖಂಡೆರ್ ಏ.ವಿ. ತೀರ್ಥರಾಮ, ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯೆರ್ ಆಶಾ ತಿಮ್ಮಪ್ಪ ಗೌಡ, ಕೃಷ್ಣ ಶೆಟ್ಟಿ ಕಡಬ, ಸುಬ್ರಹ್ಮಣ್ಯ ಬಿಜೆಪಿ ಗ್ರಾಮದ ಗುರ್ಕಾರೆ ದಿನೇಶ ಸಂಪ್ಯಾಡಿ, ಶಕ್ತಿ ಕೇಂದ್ರದ ಗುರ್ಕಾರೆ ಶಿವಪ್ರಸಾದ್ ನಡು ತೋಟ, ಬಿಜೆಪಿ ಮುಖಂಡೆರ್ ಮುಳಿಯ ಕೇಶವ ಭಟ್, ರಮೇಶ್ ಕಲ್ಪುರ, ಮೇದಪ್ಪ ಗೌಡ ಡಿಪ್ಪುಣಿ, ಸುಬ್ರಹ್ಮಣ್ಯ ಗ್ರಾಮ ಪಂಚಾಯತ್ ಗುರ್ಕಾರೆ ಸುಜಾತ ಕಲ್ಲಾಜೆ, ಉಪಾಧ್ಯಕ್ಷೆರ್ ಎಚ್ಎಲ್ ವೆಂಕಟೇಶ್, ಚಿದಾನಂದ ಕಂದಡ್ಕ, ಲಲಿತ ಗುಂಡಡ್ಕ ಪಾಲ್ ಪಡೆದಿತ್ತೆರ್. ಬೊಕ್ಕ ಮತ ಸಂಘ-ಸಂಸ್ಥೆ ಇಪ್ಪುನ ದರ್ಪಣ್ ತೀರ್ಥ ತುದೆನ್ ಸ್ವಚ್ಛತೆ ಮಲ್ತೆರ್.

ವರದಿ: ಗೋಪಿಚಂದನ್ ಕೆಎಸ್