ತುಳು ಪೆರ್ಮೆದ ಭಾಷೆ: ಯು.ಟಿ ಖಾದರ್

ಆರಂತೋಡು: ತುಳು ಭಾಷೆದ ಬಗ್ಗೆ ಎಂಕ್ ಮಸ್ತ್ ಅಭಿಮಾನ.‌ ತುಳುನಾಡ್ ಡ್ ಪುಟ್ಟುದು ಬುಲೆಯಿನ ಯಾನ್ ವಿಧಾನಸಭೆಟ್ಟ್ ಲ ತುಳುನ್ ಪೆರ್ಮೆಡ್ ಪಾತೆರುವೆ ಪಂದ್ ಯು.ಟಿ ಖಾದರ್ ಪಂಡೆರ್.

ಮೇರ್ ಅರಂತೋಡುಗು ಭೇಟಿ ಕೊರ್ನ ಪೊರ್ತುಡು ಸುದ್ದಿಗಾರೆರೆಡ ಪಾತೆರಿಯೆರ್.

ರಾಜ್ಯ ಸರಕಾರ ಗ್ರಾಮೀಣ ಅಭಿವೃದ್ಧಿಗ್ ಎಚ್ಚ ಒತ್ತು ಕೊರ್ತುಂಡು. ಸರಕಾರದ ಮುಖ್ಯ ಗುರಿ ಗ್ರಾಮೀಣ ಪ್ರದೇಶದ ಅಭಿವೃದ್ಧಿ ಮಲ್ಪುನವು ಆತ್ಂಡ್. ಗ್ರಾಮೀಣ ಪ್ರದೇಶದ ಅಭಿವೃದ್ಧಿಗ್ ಅನುದಾನದ ಅಗತ್ಯ ಇತ್ತ್ಂಡ ಸಂಬಂಧಪಟ್ಟಿನ ಮಂತ್ರಿಲೆಡ ಪಾತೆರ್ದ್ ಅನುದಾನ ಒದಗಾದ್ ಕೊರ್ಪಿನ ಬೇಲೆ ಮಲ್ಪುವೆ ಪಂದ್ ಪಂಡೆರ್.

ಸಭಾಪತಿ ಪೀಠಗ್ ಸಂವಿಧಾನಡ್ ಮಸ್ತ್ ಗೌರವ ಉಂಡು. ಅಯಿಕ್ಕ್ ಏರ್ಲಾ ಅಗೌರವ ಕೊರಿಯೆರೆ ಬಲ್ಲಿ. ಅಗೌರವ ತೂಪಾಯಿನ ಶಾಸಕೆರೆನ ಮಿತ್ತ್ ಕ್ರಮ ದೆತೊಂದ ಪಂದ್ ಪಂಡೆರ್.