Udupi: Well known Saxophone guru Alevoor Sunder Sherigar no more ಒಡಿಪು: ಪುಗರ್ತೆದ ಸ್ಯಾಕ್ಸೋಫೋನ್ ಗುರು ಅಲೆವೂರು ಸುಂದರ ಸೇರಿಗಾರ ನನ ನೆಂಪು ಮಾತ್ರ

ಒಡಿಪು: ಪುಗರ್ತೆದ ಸ್ಯಾಕ್ಸೋಫೋನ್ ವಾದಕೆರ್ ಬೊಕ್ಕ ಸ್ಯಾಕ್ಸೋಫೋನ್ ಗುರು ಒಡಿಪುದ ಅಲೆವೂರು ಮೂಲದ ಸುಂದರ ಸೇರಿಗಾರ್ (79) ಜೂ.14 ಇನಿ ಕಾಂಡೆ ತೀರ್ ಪೋಯೆರ್.

ಸುಂದರ ಸೇರಿಗಾರ್ ಮೇರ್ ಒಡಿಪುಡ್ ಕಲ್ಪಾರ್ಥಿಲೆಗ್ ಸುರುಕ್ಕಾದ್ ಸ್ಯಾಕ್ಸೋಫೋನ್ ವಾದನದ ಕಲಿಕೆನ್ ಸುರು ಮಲ್ತ್‌ದಿತ್ತೆರ್. ಒಡಿಪು ಕುಡ್ಲ ಬಾಗಡ್ ಸ್ಯಾಕ್ಸೋಫೋನ್ ಗುರು ಆದ್ ಸಾರರ್ದ್‌ಲ ಎಚ್ಚದ ಕಲ್ಪಾರ್ಥಿಲೆಗ್ ಸ್ಯಾಕ್ಸೊಫೋನ್‌ನ್ ಕಲ್ಪಾದ್ ಕೊರ್ತೆರ್.

ಮೆರೆಗ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಸೇರ್ದ್ ಇಂಟರ್‌ನ್ಯಾಷನಲ್ ವರ್ಚುವಲ್ ಪೀಸ್ ಯುನಿವರ್ಸಿಟಿರ್ದ್ ಗೌರವ ಡಾಕ್ಟರೇಟ್ ಪದವಿ ತಿಕ್ಕ್‌ದ್ಂಡ್.