ಒಡಿಪು : ಕೊಡವೂರು ವಾರ್ಡ್ ದಿವ್ಯಾಂಗ ರಕ್ಷಣಾ ಸಮಿತಿ ವತಿರ್ದ್ ವಿಶ್ವ ಮಹಿಳಾ ದಿನಾಚರಣೆನ್ ನಡಪಾದ್ ಕೊರಿಯೆರ್
ಗುರ್ಕಾರ್ಲಾದ್ ಸಕ್ಷಮ ಜಿಲ್ಲಾಧಿಕಾರಿಯಾಯಿನ ಲತಾ ಭಟ್ ತುಡರ್ ಅರ್ಲಾವುನ ಮುಖೇನ ಚಾಲನೆ ಮಲ್ತೆರ್ ,ಮಲ್ಲ ಬಿನ್ನೆರ್ ಆದ್ ಕೆ ವಿನಾಯಕ್ ರಾವ್ ಸೇವಾ ಧಾಮ ಕನ್ಯಾಡಿ ಮೇರ್ ಪಾಲ್ ಪಡೆದ್ ಇತ್ತೆರ್.
ಕೊಡವೂರು ವಾರ್ಡ್ ಡ್ ದಿವ್ಯಾಂಗ ರಕ್ಷಣಾ ಸಮಿತಿ ರಚನೆ ಮಲ್ತ್ ದ್ ಬೆನಿಯರೇ ಆವಂದಿನ ಅಂಗವಿಕಲೆರೆಗ್ ಅವ್ವೆತೋ ಬಡ ಅಂಗವಿಕಲೆರೆಗ್ ಅರಿ ವಿತರಣೆ,ಇಲ್ಲ್ ಕಟ್ಟರೆ ಸಿಮೆಂಟ್, ಕ್ಯಾನ್ಸರ್ ಬೊಕ್ಕ ಕಣ್ಣ್ ದ ಚಿಕಿತ್ಸೆಗ್ ಪಣವುದ ಸಾಕಾರ, ದಿವ್ಯಾಂಗೆರೆಗ್ ವ್ಹೀಲ್ ಚೇರ್ ಕೊರ್ಪುನ ಲೇಸ್ ಬಾರಿ ಅರ್ಥ ಪೂರ್ಣವಾದ್ ವಿಶ್ವ ಮಹಿಳಾ ದಿನಾಚರಣೆ ದಿನ ನಡತ್oಡ್ .
ಕೊಡವೂರುಡು ದಿವ್ಯಾಂಗೆರ್ನ ರಕ್ಷಣೆಗಾದ್ ದಿವ್ಯಾಂಗ ರಕ್ಷಣಾ ಸಮಿತಿ ರಚನೆ ಮಲ್ತದ್ ಸರಕಾರರ್ದ್ ಬರ್ಪಿನ ಅನುದಾನಗ್ ಕಾಪಂದೆ ದಾನಿಲೆನ ಸಾಕರರ್ದ್ ಮಲ್ಪುನ ಕಾರ್ಯ ನನಾತ್ ಜನ ಪ್ರತಿನಿಧಿಲೆಗ್ ಮಾದರಿ ಆವಡ್.
ಶ್ರೀಮತಿ ರುಕ್ಮಿಣಿ ಪ್ರಶಾಂತ್ ಬಲ್ಲಾಳ್ ಕೊಡವೂರು ಮೆರ್ನ ಮಗಲ್ ಆಯಿನ ಅಂಜಲಿ ಮೆರ್ನ ಪುಟ್ಟು ಪರ್ಬದ ನಿಮಿತ್ತ ಈ ಲೇಸ್ ನಡಪಾಯೆರ್.
ರೂಪಲಕ್ಷ್ಮಿ, ಶ್ರೀನಿಧಿ, ನಾರಾಯಣ್ ಬಲ್ಲಾಳ್,ರಾಯನ್ ಫರ್ನಾಂಡಿಸ್,ಜಯ ಪೂಜಾರಿ ಕಾರ್ತಿಕ್, ವಿನಯ್ ಪಾಲ್ ಪಡೆದ್ ಇತ್ತೆರ್.
ದಿವ್ಯಾಂಗ ರಕ್ಷಣಾ ಸಮಿತಿ ಗುರ್ಕಾರ್ಲಾಯಿನ ಹರೀಶ್ ಕೊಪ್ಪಳ್ ತೋಟ ಬತ್ತಿ ಬಿನ್ನೆರೆನ್ ಎದುಕೊಂಡೆರ್, ಅಜಿತ್ ಬನ್ನಂಜೆ ಸೊಲ್ಮೆ ಸಂದೈತ ನಡಪಾಯೆರ್ .
pallavi shetty