ಎಸ್ಸೆಸ್ಸೆಲ್ಸಿದ ಜೋಕ್ಲೆಗ್ ಈ ಸರ್ತಿಲ 26 ಗ್ರೇಸ್ ಮಾರ್ಕ್ಸ್!

ಬೆಂಗ್ಲೂರ್: ಈ ಸರ್ತಿ ಎಸ್ಸೆಸ್ಸೆಲ್ಸಿ ವಾರ್ಷಿಕ ಪರೀಕ್ಷೆ ಬರೆಪಿನ ಕಲ್ಪಾರ್ಥಿಲೆಗ್ 26 ಗ್ರೇಸ್ ಮಾರ್ಕ್ಸ್ ಪಡೆಯುನ ಅವಕಾಶ ಉಂಡು.

ಈ ಶೈಕ್ಷಣಿಕ ವರ್ಷಡ್ ಕೊರೊನಾದ ಪೆಟ್ಟ್ ಆತ್ ಇಜ್ಜಿಂಡಲ ಕೊರೊನಾ ಪ್ರಭಾವದ ಶೈಕ್ಷಣಿಕ ವರ್ಷ ಪಂದ್ ಪರಿಗಣಿಸಾದ್ ಗ್ರೇಸ್ ಮಾರ್ಕ್ಸ್ ಕೊರಿಯರೆ ಕರ್ನಾಟಕ ಶಾಲಾ ಪರೀಕ್ಷಾ ಬೊಕ್ಕ ಮೌಲ್ಯನಿರ್ಣಯ ಮಂಡಳಿ ನಿರ್ಧಾರ ಮಲ್ತ್‌ದ್ಂಡ್.

ಮೂಜಿ ವಿಷಯಲೆಗ್ ಮಾತ್ರ ಗ್ರೇಸ್ ಮಾರ್ಕ್ ಕೊರಿಯರೆ ಬೋರ್ಡ್ ದುಂಬು ಬೈದ್ಂಡ್. ಭಾಷಾ ಬೊಕ್ಕ ಕೋರ್ ವಿಷಯಲೆಗ್ ಮಾತ್ರ ಗ್ರೇಸ್ ಮಾರ್ಕ್ ತಿಕ್ಕುಂಡು. ಕಮ್ಮಿ ಮಾರ್ಕ್ ಪಡೆಯುನ ಕಲ್ಪಾರ್ಥಿಲೆಗ್ ಮಾತ್ರ ಉಂದು ಅನ್ವಯ ಆಪುಂಡು ಪಂದ್ ನಿರ್ದೇಶಕೆರ್ ತೆರಿಪಾದೆರ್.