ಬೆಂಗ್ಲೂರ್: ವಿಧಾನಸಭೆ ವೋಟುಡು ಕಾರ್ಯನಿರತ ಪತ್ರಕರ್ತೆರೆಗ್ ಅಂಚೆ ಮತದಾನ (ಪೋಸ್ಟಲ್ ವೋಟಿಂಗ್) ಮಲ್ಪರೆ ಅವಕಾಶ ಮಲ್ತ್ ಕೊರೊಡು ಪಂದ್ ಕರ್ನಾಟಕ ಕಾರ್ಯನಿರತ ಪತ್ರಕರ್ತೆರೆನ ಸಂಘ (KUWJ) ಮಲ್ತಿನ ಬಿನ್ನಾಪುನು ಮಾನ್ಯ ಮಲ್ತಿನ ಚುನಾವಣಾ ಆಯೋಗ ಉಂದುವೇ ಸುರುತ ಸರ್ತಿ ಅವಕಾಶ ಕೊರ್ತುಂಡು.
ನೇರ್ದಾವೆರ ಸುಮಾರ್ ಕಡೆಟ್ ಸುಮಾರ್ ಮಾಧ್ಯಮ ಸಂಸ್ಥೆಲೆಡ್ ಬೇಲೆ ಮಲ್ತೊಂದು ಇತ್ತಿನ ಕಾರ್ಯನಿರತ ಪತ್ರಕರ್ತೆರ್ ವೋಟು ಪಾಡಿಯೆರೆ ಅವಂದಿನವು ಪಾಡುಲೆಕ್ಕ ಆಂಡ್. ಬೇಲೆಡ್ ಇಪ್ಪುನಗನೇ (ಅಗತ್ಯ ಇಪ್ಪುನಕುಲು) ತನ್ನ ವೋಟು ಇಪ್ಪುನ ಕ್ಷೇತ್ರಡ್ ವೋಟು ಮಲ್ಪೆರೆ ಅವಕಾಶ ತಿಕ್ಕುಂಡು ಪಂದ್ ಕೆಯುಡಬ್ಲ್ಯೂಜೆ ರಾಜ್ಯಾಧ್ಯಕ್ಷೆರ್ ಶಿವಾನಂದ ತಗಡೂರು ತೆರಿಪಾದೆರ್.
ಆನ್ ಲೈನ್ ಡ್ ವೋಟು ಮಲ್ಪರೆ ಅವಕಾಶ ಕೊರೊಡು ಪಂದ್ ರಾಜ್ಯ ಮುಖ್ಯ ಚುನಾವಣಾಧಿಕಾರಿಗ್ ಕೆಯುಡಬ್ಲ್ಯೂಜೆ ಪತ್ರ ಬರೆದಿತ್ತ್ಂಡ್. ದೃಶ್ಯ ಮುದ್ರಣ, ರೇಡಿಯೋ ಮಾಧ್ಯಮದ ಬೇತೆ ಬೇತೆ ವಿಭಾಗಲೆಡ್ ಬೇಲೆ ಮಲ್ತೊಂದು ಇಪ್ಪುನ ಪತ್ರಕರ್ತೆರ್ ಪ್ರತಿ ವೋಟುದ ಪೊರ್ತುಡು ವೋಟು ಪಾಡಿಯೆರೆ ಆವೊಂದು ಇಜ್ಜಂಡ್ ಪನ್ಪುನ ಇಸಯ ತೆರಿದ್ ಬೈದ್ಂಡ್. ಬೇಲೆದೊತ್ತಡದ ನಡುಟ್ ತನ್ನ ಸ್ವಂತ ಕ್ಷೇತ್ರಲೆಗ್ ಪೋದು ವೋಟು ಮಲ್ಪರೆ ಆವೊಂದು ಇಜ್ಜಂಡ್. ಇಂಚಾದ್ ಮಾಸ್ತ್ ಜನ ಪತ್ರಕರ್ತೆರ್ ವೋಟುಗು ಪೋವೊಂದೇ ಇಜ್ಜಂಡ್. ಅಂಚಾದ್ ಅಗತ್ಯ ಇಪ್ಪುನ ಪತ್ರಕರ್ತೆರೆಗ್ ಆನ್ ಲೈನ್ ಮುಖೇನ ವೋಟು ಮಲ್ಪುನ ವ್ಯವಸ್ಥೆ ಮಲ್ಪೊಡು ಪಂದ್ ಕೆಯುಡಬ್ಲ್ಯೂಜೆ ಬಿನ್ನಾಪು ಮಲ್ತ್ ದ್ ಇತ್ಂಡ್.
ಪೋಸ್ಟಲ್ ವೋಟಿಂಗ್ ಅವಕಾಶ ಮಲ್ತ್ ದ್ ಕೊರ್ನ ಚುನಾವಣಾ ಆಯೋಗಗ್ ಕರ್ನಾಟಕ ಕಾರ್ಯ ನಿರತ ಪತ್ರಕರ್ತೆರೆನ ಸಂಘ ಸೊಲ್ಮೆ ಸಂದಾದ್ಂಡ್.
Allow for postal voting for working journalists
Bangalore: Working journalists should be allowed to make use of postal voting requested Karnataka working journalists association (KUWJ) with the election commission which has been considered for the first time!!
Journalists working in various places away from hometown can cast their votes through this facility.
pallavi shetty