ಮಡಿಕೇರಿ: ಉಂಗಿಲ ನಿಂಗ್‌ದ್ ತೀರ್ ಪೋಂಡು 8 ತಿಂಗೋಲ್ದ ಬಾಲೆ

ಮಡಿಕೇರಿ: 8 ತಿಂಗೋಲ್ದ ಆಣ್ ಬಾಲೆ ಒಂಜಿ ಉಂಗಿಲ ನಿಂಗ್‌ದ್ ತೀರ್ ಪೋಯಿನ ಘಟನೆ ವಿರಾಜಪೇಟೆ ತಾಲೂಕ್‌ದ ಸಿದ್ದಾಪುರ ಗ್ರಾಮ ಪಂಚಾಯತಿ ವ್ಯಾಪ್ತಿಯ ಕರಡಿಗೋಡು ಗ್ರಾಮಡ್ ನಡತ್ಂಡ್.

ಮುನೀರ್ ಪನ್ಪಿನರೆನ ಬಾಲೆ ಇಲ್ಲಡ್ ಗೊಬ್ಬೊಂದಿಪ್ಪುನಗ ಉಂಗಿಲನ್ ನಿಂಗ್‌ದ್ಂಡ್. ಅಪಗನೇ ಸಿದ್ದಾಪುರ ಸಮುದಾಯ ಆರೋಗ್ಯ ಕೇಂದ್ರಗ್ ದಾಖಲ್ ಮಲ್ತ್ಂದಡ ಉಸುಲ್‌ದ ಸಮಸ್ಯೆ ಇತ್ತಿನೆಡ್ದಾವರ ಮಡಿಕೇರಿ ಜಿಲ್ಲಾಸ್ಪತ್ರೆಗ್ ದಾಖಲ್ ಮಲ್ತಿತ್ತೆರ್. ಶಸ್ತ್ರಚಿಕಿತ್ಸೆದ ಮುಕೇನ ಉಂಗಿಲನ್ ಪಿದಯ್ ದೆತ್ತ್ಂಡಲ ಚಿಕಿತ್ಸೆಫಲಕಾರಿ ಆವಾಂದೆ ಬಾಲೆ ತೀರ್ ಪೋತ್ಂಡ್ ಪಂದ್ ತೆರಿದ್ ಬೈದ್ಂಡ್.