ಶ್ರೀ ಜಾರಂದಾಯ, ವೈದ್ಯನಾಥ, ಧೂಮಾವತಿ ಅಂಚನೆ ಪರಿವಾರ ದೈವದ ದೈವಸ್ಥಾನಡ್ ವರ್ಷಾವಧಿ ನೇಮೋಚ್ಚಯ

ಕುಡ್ಲ: ನೀರುಮಾರ್ಗದ ಶ್ರೀ ಜಾರಂದಾಯ, ವೈದ್ಯನಾಥ, ಧೂಮಾವತಿ ಅಂಚನೆ ಪರಿವಾರ ದೈವದ ದೈವಸ್ಥಾನ ಸಮಿತಿ (ರಿ.) ನೀರುಮಾರ್ಗ ಕುಂಪ್ಲೊಟ್ಟುಡು ಮಾ.25-27 ಮುಟ್ಟ ವರ್ಷಾವಧಿ ನೇಮೋಚ್ಚಯ ನಡಪರೆ ಉಂಡು.

ಮಾ.22 ಕ್ಕ್ ಕುಕ್ಕುಟ ಶೃಂಗ ಮೂರ್ತ ಆದ್ 24 ಕ್ಕ್ ನೀರುಮಾರ್ಗ ಜಂಕ್ಷನ್‌ರ್ದ್ ಕುಂಪ್ಲೊಟ್ಟು ದೈವಸ್ಥಾನ ಮುಟ್ಟ ಪುದೆಕಾಣಿಕೆದ ಮೆರವಣಿಗೆ ಬರಿಯರೆ ಉಂಡು. ಮಾ.25 ಕ್ಕ್ ಕಾಂಡೆ 8.30 ಗಂಟೆಗ್ ಬೊಳ್ಮಾರಗುತ್ತುರ್ದ್ ನಡಿಗುತ್ತು ನಟ್ಟೀಲು ಆದ್ ಕುಂಪ್ಲೊಟ್ಟು ದೈವಸ್ಥಾನಡ್ ಭಂಡಾರ ಬತ್ತ್‌ದ್ ಕೊಡಿ ಏರ್ರ್‍ಅ ಉಂಡು. ರಾತ್ರೆ 10.30 ಗಂಟೆಗ್ ಶ್ರೀ ಜಾರಂದಾಯ ಬಂಟ-ದೈವಲೆನ ನೇಮ, ಗಗ್ಗರದಿಚ್ಚಿಲು, ಹೋಮ, ಮಾಣಿಚ್ಚಿಲು, ನೇಮದಿಚ್ಚಿಲು, ಬಂಡಿಗದ್ದೆದ ಸವಾರಿ, ಕೋರ್‍ದಬ್ಬು ದೈವದ ಭೇಟಿ ಅಂಚನೆ ಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು.

ಮಾ.26 ಕ್ಕ್ ರಾತ್ರೆ 7 ಗಂಟೆರ್ದ್ ಶ್ರೀ ಮಹಿಷಂದಾಯ ನೇಮ, ವೈದ್ಯನಾಥ, ಧೂಮಾವತಿ ಬಂಟ, ಬಬ್ಬರ್ಯ ನೇಮ ನಡಪರೆ ಉಂಡು. ಮಾ.27 ಕ್ಕ್ ಕೊಡಿ ಜಪ್ಪರೆ ಉಂಡು.