Thane Shri Chamundeshwari Kshetra- Pooja and Daiva Seva rituals on March 14 th ಥಾಣೆ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರಡ್ ಸಂಕ್ರಾಂದಿ ಪೂಜೆ, ಪರಿವಾರ ದೈವೊಲೆನ ದರ್ಶನ ಸೇವೆ

ಥಾಣೆ ಪಶ್ಚಿಮದ ವೀರ ಸಾವರ್ಕರ್ ಪೇಂಟೆಡ್ ಇಪ್ಪುನ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರಡ್ ಕರಿನ ಅಂಗಾರೆ (ಮಾ.14) ಮಾಸಿಕ ಸಂಕ್ರಮಣ ಪೂಜೆ ಬೊಕ್ಕ ಪರಿವಾರ ದೈವೊಲೆನ ಆವೇಶ ಸೇವೆ ಬೇತೆ ಬೇತೆ ಧಾರ್ಮಿಕ ಲೇಸ್ ದೊಟ್ಟಿಗೆ ನಡತ್ಂಡ್.

ಶ್ರೀ ಚಾಮುಂಡೇಶ್ವರಿ ಸನ್ನಿಧಿದ ಮುಖ್ಯಸ್ಥೆರಾಯಿನ ಜ್ಯೋತಿಷಿ ಶಿವಪ್ರಸಾದ್ ಪೂಜಾರಿ ಪುತ್ತೂರ್ ಮೆರೆನ ಮುತಾಲಿಕೆಡ್ ಧಾರ್ಮಿಕ ಲೇಸ್ ದ ಅಂಗವಾದ್, ಬೊಲ್ಪುಗು 9 ಗಂಟೆಗ್ ಜಗದೀಶ್ ತಂತ್ರಿ ಬೊಕ್ಕ ಕೂಟದಕ್ಲೆರ್ದ್ ಗಣಹೋಮ, ಮಧ್ಯಾಹ್ನ 12 ಗಂಟೆಗ್ ಪಂಚಕಜ್ಜಾಯ ಸೇವೆ, 12.30 ರ್ದ್ ಮಹಾ ಆರತಿ ಬೊಕ್ಕ ಮಹಾ ಪ್ರಸಾದದ ರೂಪಡ್ ಅನ್ನ ಸಂತರ್ಪಣೆ, 4 ಗಂಟೆರ್ದ್ ಕ್ಷೇತ್ರದ ಸದಸ್ಯೆರ್ದ್ ಭಜನೆ, ಬಯ್ಯಗ್ 5 ಗಂಟೆರ್ದ್ 9 ಗಂಟೆ ಮುಟ್ಟ ದೈವ ಪಾತ್ರಿಲಾಯಿನ ಪ್ರಸಾದ್ ಸಾಲ್ಯಾನ್ ಬೊಕ್ಕ ಶುಭಕರ ಪೂಜಾರಿ ಮೊಕ್ಲೆರ್ದ್ ಕಲ್ಲುರ್ಟಿ-ಪಂಜುರ್ಲಿ ದೈವೊಲೆನ ಆವೇಶ ಸೇವೆ ಭಾರೀ ಗೌಜಿಡ್ ನಡತ್ಂಡ್.

ವಾಲಗಡ್ ಹರಿಣಾಕ್ಷಿ ರಾಮದಾಸ್ ಕೋಟ್ಯಾನ್ ಕೂಟದಕುಲು ಸಹಕಾರ ಮಲ್ತೆರ್. ಮಧುಕರ್ತೆರಾದ್ ಆಟದ ಭಾಗವತೆರಾಯಿನ ಮುದ್ದಣ್ಣ ಪೂಜಾರಿ ಮೇರ್ ಸಹಕಾರ ಮಲ್ತೆರ್. ಈ ಪೊರ್ತುಡು ಮಸ್ತ್ ಭಕ್ತಾಭಿಮಾನಿಲು ಪಾಲ್ ಪಡೆದ್ ಶ್ರೀದೇವಿ ಬೊಕ್ಕ ದೈವದೇವೆರೆನ ಕೃಪೆಗ್ ಪಾತ್ರರಾಯೆರ್. ಅಕೇರಿಗ್ ಮಂದಿರದ ರೂವಾರಿ ಶಿವಪ್ರಸಾದ್ ಪೂಜಾರಿ ಮೇರ್ ಸಹಕಾರ ಮಲ್ತಿನ ಮಾತೆರೆಗ್ಲಾ ಶ್ರೀ ಚಾಮುಂಡೇಶ್ವರಿ ಅಮ್ಮನ ಅನುಗ್ರಹ ಏಪಲ ಇಪ್ಪಡ್ ಪಂದ್ ಎಡ್ಡೆಪ್ಪು ಬಯಕಿಯೆರ್.

ಅಂಚೆನೆ ಉಂದುವೇ ಕ್ಷೇತ್ರಡ್ ಎ.2 ಕ್ಕ್ ಮಧ್ಯಾಹ್ನ 2 ಗಂಟೆರ್ದ್ 8 ಗಂಟೆ ಮುಟ್ಟ ‘ಶ್ರೀ ಶನೀಶ್ವರ ಮಂದಿರ ಭಟ್ಟಿಪಾಡ, ಭಾಂಡುಪ್’ ಮೊಕ್ಲೆರ್ದ್ “ಶ್ರೀ ಶನೇಶ್ವರ ಪಾರಾಯಣ” ಯಕ್ಷಗಾನ ತಾಳಮದ್ದಳೆ ನಡಪರೆ ಉಂಡು. ಈ ಲೇಸ್ ಡ್ ಭಕ್ತಾಭಿಮಾನಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಶನಿದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶಿವಪ್ರಸಾದ್ ಪೂಜಾರಿ ಮೇರ್ ಬಿನ್ನಾಪು ಮಲ್ದೆರ್.