ಪುತ್ತೂರ್: ಧರ್ಮಶ್ರೀ ಪ್ರತಿಷ್ಠಾನ ಶ್ರೀ ಕ್ಷೇತ್ರ ಹನುಮಗಿರಿಟ್ಟ್ ಶ್ರೀರಾಮ ನವಮಿ, ಹನುಮ ಜಯಂತಿ, ಬೊಕ್ಕ ಹನುಮಗಿರಿ ಜಾತ್ರೆ ಮಾ.30 ಬೊಕ್ಕ ಎ.6 ಕ್ಕ್ ನಡಪರೆ ಉಂಡು.
ಕುಂಟಾರು ವಾಸುದೇವ ತಂತ್ರಿಲೆನ ಮುತಾಲಿಕೆಡ್ ಬೇತೆ ಬೇತೆ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಮಾ.30 ಗುರುವಾರ ಬೊಲ್ಪುಗು ಶ್ರೀ ಕೋದಂಡರಾಮ ದೇವೆರೆಗ್ ಕಲಶಾಭಿಷೇಕ, ಮಹಾಪೂಜೆ, ಬಯ್ಯಗ್ ಭಜನೆ, ಇಸೇಸ ಕಲಶಾಭಿಷೇಕ, ಪಂಚಮುಖಿ ಆಂಜನೇಯ ಸ್ವಾಮಿನ ಶ್ರೀ ಕೋದಂಡರಾಮ ದೇವೆರೆನ ಭೇಟಿ, ರಂಗಪೂಜೆ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಎ.4 ಅಂಗಾರೆ ಮಧ್ಯಾಹ್ನ ಇಸೇಸ ಮಹಾಪೂಜೆ, ಬಯ್ಯಗ್ ಉಗ್ರಾಣ ದಿಂಜಾಯೆರೆ, ರಾತ್ರೆ ಸಹಸ್ರ ದೀಪಾಲಂಕಾರದೊಟ್ಟಿಗೆ ರಂಗಪೂಜೆ, ಪವಮಾನ ತೇರ್ ಒಯಿಪರೆ ಉಂಡು. ಎ.5 ಬುಧಾರ ಬೊಲ್ಪುಗು ನಾಗತಂಬಿಲ, ಗಣಪತಿ ಹೋಮ, ಮಧ್ಯಾಹ್ನ ಇಸೇಸ ಮಹಾಪೂಜೆ, ಬಯ್ಯಗ್ ತಾಯಂಬಕ ಸೇವೆ, ಮಹಾಪೂಜೆ, ಶ್ರೀ ದೇವೆರೆನ ಬಲಿ ಪಿದಾಡುಂಡು. ಉಚ್ಚಯ ಬಲಿ, ಬೆಡಿ ಸೇವೆ, ಕಟ್ಟೆಪೂಜೆ ಅನ್ನಸಂತರ್ಪಣೆ ನಡಪರೆ ಉಂಡು. ಎ.6 ಗುರುವಾರ ಬೊಲ್ಪುಗು ಶ್ರೀ ದೇವೆರೆನ ದರ್ಶನ ಬಲಿ, ಬಟ್ಟಲ್ ಕಾಣಿಕೆ ಬೊಕ್ಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಶ್ರೀ ಕೋದಂಡರಾಮ ಕೃಪಾಪೋಷಿತ ಯಕ್ಷಗಾನ ಮಂಡಳಿ ಹನುಮಗಿರಿ ಮೊಕ್ಲೆರ್ದ್ ಚೂಡಾಮಣಿ ಇಂದ್ರಜಿತು ಮಹಿರಾವಣ ಆಟ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಧರ್ಮಶ್ರೀ ಪ್ರತಿಷ್ಠಾನ ಮಹಾಪೋಷಕೆರ್ ಜಿ.ಕೆ ಮಹಾಬಲೇಶ್ವರ ಭಟ್, ಆಡಳಿತ ಧರ್ಮದರ್ಶಿಲು ನನ್ಯ ಅಚ್ಚುತ ಮೂಡೆತ್ತಾಯ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty