ನ.19 ಕ್ ಕೆದಂಬಾಡಿ ರಾಮಯ್ಯ ಗೌಡೆರೆನ ಮೂರ್ತಿ ಉದಿಪನ

ಕುಡ್ಲ: 1837 ಟ್ ಅಮರ ಸುಳ್ಯದ ಸುರುತ ಸ್ವಾತಂತ್ರ್ಯ ಸಂಗ್ರಾಮದ ಸ್ವಾತಂತ್ರ್ಯ ವೀರೆ ಹುತಾತ್ಮೆರ್ ಕೆದಂಬಾಡಿ ರಾಮಯ್ಯ ಗೌಡೆರೆನ ಪ್ರತಿಮೆ ನ. 19 ಕ್ ಕುಡ್ಲಡ್ ಉದಿಪನ ಆಯೆರೆ ಉಂಡು.

ಈ ಲೇಸ್ ದ ಉದಿಪನ ಕುಡ್ಲದ ಬಾವುಟಗುಡ್ಡೆಡ್ ಬೊಲ್ಪುಗು 9.30ಕ್ ಅಪುಂಡು. ಈ ಲೇಸ್ ಡ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ‌ ಬೊಕ್ಕ ಆದಿಚುಂಚನಗಿರಿ ಮಠದ ನಿರ್ಮಲಾನಂದನಾಥ ಸ್ವಾಮೀಜಿ ಪಾಲ್ ಪಡೆಯೆರೆ ಉಲ್ಲೆರ್. ಪ್ರತಿಮೆ ಉದಿಪನದ ಬಗೆಟ್ ದಕ್ಷಿಣ ಕನ್ನಡ ಜಿಲ್ಲಾ ಉಸ್ತುವಾರಿ ಸಚಿವೆರ್ ಸುನೀಲ್ ಕುಮಾರ್, ಶಾಸಕೆರ್ ವೇದವ್ಯಾಸ ಕಾಮತ್ ಬೊಕ್ಕ ಕುಡ್ಲ ಪೇಂಟೆದ ಪೊಲೀಸ್ ಆಯುಕ್ತೆರ್ ಶಶಿಕುಮಾರ್ ಬಾವುಟಗುಡ್ಡೆಗ್ ಭೇಟಿ ಕೊರ್ದು ಜಾಗೆ ಪರಿಶೀಲನೆ ಮಲ್ದೆರ್.