ಕುಡ್ಲ: ರಾಜ್ಯಡ್ ಪಿಎಫ್ಐ ಕಾರ್ಯಕರ್ತೆರೆನ್ ವಶಕ್ಕ್ ಪಡೆಯಿನ ವಿಚಾರಗ್ ಸಂಬಂಧಿಸಾದ್ ಕುಡ್ಲಡ್ ವಿಪಕ್ಷ ಉಪ ನಾಯಕೆರ್ ಯು.ಟಿ.ಖಾದರ್ ಪ್ರತಿಕ್ರಿಯೆ ಕೊರ್ತೆರ್.
ಸಮಾಜಡ್ ಅಶಾಂತಿ ಬೊಕ್ಕ ದ್ವೇಷ ಪುಟ್ಟಾಂಡ ಆಯಿಕ್ಕ್ ಸರಿಯಾಯಿನ ಕ್ರಮ ದೆತೊನೊಡ್. ಅಂಚಿನ ಒವ್ವೇ ಸಂಘಟನೆ ವಿರುದ್ಧ ಕ್ರಮಕ್ಕ್ ಮಾತ ಧರ್ಮದ ಸಕಾರ ಉಂಡು. ಶಾಂತಿ ಸೌಹಾರ್ದತೆದ ವಾತಾವರಣ ಸರ್ಕಾರ ನಿರ್ಮಾಣ ಮಲ್ಪೊಡು. ಆಂಡ ಒವ್ವೇ ತಾರತಮ್ಯ ಮಲ್ಪಂದೇ ಸರ್ಕಾರ ಕ್ರಮ ದೆತೊನಡ್ ಪಂದ್ ಆರ್ ಪಂಡೆರ್.
ನಿರಪರಾಧಿಲೆಗ್ ಅನ್ಯಾಯ ಆಯಿಜಿಂಡ ಸರ್ಕಾರನ್ ಮಾತೆರ್ಲಾ ಬೆಂಬಲಿಸಾವೆರ್. ನಮ್ಮ ರಾಜ್ಯಡ್ ಧಾರ್ಮಿಕ ಗುರುಕುಲು, ಉಲೇಮಾಲು ಈ ದಾಳಿದ ಬಗೆಟ್ ಒವ್ವೇ ಅಪಸ್ವರನ್ ಲಕ್ಕಾದಿಜೆರ್. ನಮ್ಮ ಧರ್ಮದ ಒಟ್ಟುಗು ಮಾತ ಧರ್ಮಲ ನ್ಯಾಯಯುತವಾಯಿನ ತನಿಖೆಗ್ ಬೆಂಬಲ ಕೊರ್ಪುಂಡು. ಏರೆಗ್ಲಾ ಅನ್ಯಾಯ ಆವಂದಿಲೆಕ್ಕ ಸರ್ಕಾರ ತುವೊನೊಡ್. ಮಾತ ಸಂಘಟನೆಲೆಗ್ ಒಂಜೇ ಕಾನೂನು ಪಂದ್ ಪ್ರತಿಕ್ರಿಯೆ ಕೊರಿಯೆರ್.
pallavi shetty