ತುಳು ಬಾಸೆನ್ ಕರ್ನಾಟಕದ ರಡ್ಡನೇ ಅಧಿಕೃತ ಆಡಳಿತೆ ಬಾಸೆ ಪನ್ಪಿನ ಮಾನಾದಿಗೆ ತಿಕ್ಕರೆ ಬೋಡಾದ್ ಹಕ್ಕೊತ್ತಾಯ

ತುಳುನಾಡ್ ದ ಮಾತ ತುಳು ಸಂಘಟನೆಲು ಒಟ್ಟು ಸೇರ್ದ್ ರಾಜ್ಯ ಸರ್ಕಾರ ಅಂಚನೆ ಕೇಂದ್ರ ಸರ್ಕಾರಗ್ ತುಳು ಬಾಸೆನ್ ಕರ್ನಾಟಕ ರಾಜ್ಯದ ಹೆಚ್ಚುವರಿ ಅಧಿಕೃತ ಆಡಳಿತ ಭಾಷೆ ಪನ್ಪಿನ ಸ್ಥಾನಮಾನಗಾದ್ ಹಕ್ಕೊತ್ತಾಯ ಮಲ್ಪರೆ ಉಂಡು ಪಂದ್ ತುಳುನಾಡ್ ದ ಸರ್ವಸಂಘಟನೆಲು ಸೇರ್ದ್ ನಿರ್ಧಾರ ಮಲ್ತುದ ಪಂದ್ ಜೈ ತುಲುನಾಡ್ (ರಿ.) ಉಂದೆತ್ತ ಪ್ರಧಾನ ಕಾರ್ಯಂತೆರ್ ಅವಿನಾಶ್ ಮುಕ್ಕ ಪಂಡೆರ್.

ಈ ಬಗೆಟ್ ಕುಡ್ಲಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಈ ಒಂಜಿ ವಿಷಯಗ್ ಯೆಲ್ಲಂಜಿ ಕುಡ್ಲಗ್ ಪ್ರಧಾನಿ ನರೇಂದ್ರ ಮೋದಿ ಬರೊಂದಿಪ್ಪುನ ಕಾರಣ ನಮ್ಮ ಜನಪ್ರತಿನಿಧಿಲು ಮಾತ ಸೇರ್ದ್ ಅರೆಗ್ ತುಳುಭಾಷೆನ್ ರಾಜ್ಯದ ಅಧಿಕೃತ ಭಾಷೆ ಮಲ್ಪುನ ಬೊಕ್ಕ ಅವೆನ್ 8ನೇ ಪರಿಚ್ಛೇದಗ್ ಸೇರ್ಸಾವುನ ಬಿನ್ನಾಪುನು ಪ್ರಧಾನಿ ನರೇಂದ್ರ ಮೋದಿ ಮೆರೆನ ಎದುರು ದೀವೊಡು ಪನ್ಪಿನ ಬಗೆಟ್ ಈ ಒಂಜಿ ಅಭಿಯಾನ ನಡತೊಂದು ಉಂಡು. ಸುಮಾರು ವರ್ಷದ್ದಿಂಚಿ ತುಳು ಭಾಷೆಗ್ ಅಧಿಕೃತ ಸ್ಥಾನಮಾನ ತಿಕ್ಕೊಡು ಪಂದ್ ತುಳು ಸಂಘಟನೆಲು ಅಂಚನೆ ತುಳು ಅಭಿಮಾನಿಲು ಮಸ್ತ್ ಪೊರ್ಂಬಾಟನ್ ಮಲ್ತೊಂದು ಬೈದೆರ್. ಜನಪ್ರತಿನಿಧಿ ನಕುಲುಲ ಈ ಬಗೆಟ್ ಮಸ್ತ್ ಮನವಿ ಮಲ್ತ್ ದೆರ್. ಆಂಡ ಈ ಮನವಿ ಮಾತ ಒಂಜಿ ಆಶ್ವಾಸನೆಗ್ ಸೀಮಿತ ಆದ್ ಪೋತ್ಂಡ್ ಅತ್ತಂದೆ ಈ ಬೇಲೆ ದುಂಬು ಪೋವೊಂದಿಜ್ಜಿ.

ಈ ಕಾರಣಗ್ ಇನಿ ತುಳುನಾಡ್ ದ ಮಾತ ಸಂಘಟನೆಲು ಒಟ್ಟು ಸೇರ್ದ್ ಈ ಹಕ್ಕೊತ್ತಾಯ ಗಟ್ಟಿ ಮಲ್ಪೊಡು ಪಂಡ್ ದ್ ಕುಡ್ಲಗ್ ಪ್ರಧಾನಿ ಮೋದಿ ಬರ್ಪಿನಂಚಿನ ಪೊರ್ತುಡು ಸುರುಕ್ಕಾದ್ ಜೈ ತುಲುನಾಡ್ ಪನ್ಪಿನ ಅಭಿಯಾನನ್ ಮಲ್ತ್ ದ್, ಈ ಯೋಜನೆನ್ ಮಲ್ತೊಂದುಲ್ಲೆರ್.

ರಾಜ್ಯದ ಅಧಿಕೃತ ಬಾಸೆ ಪನ್ಪಿನ ವಿಷಯನ್ ತೂವೊಡಾಂಡ ಸಂವಿಧಾನದ ಅರ್ಟಿಕಲ್ 345, 346 ಬೊಕ್ಕ 437 ಉಂದೆತ್ತ ಪ್ರಕಾರ ಒವ್ವೆ ಒಂಜಿ ಭಾಷೆನ್ ರಾಜ್ಯದ ಅಧಿಕೃತ ಭಾಷೆ ಮನ್ಪಿನಂಚಿತ್ತಿನ ಒಂಜಿ ಅವಕಾಶ ಇಪ್ಪುಂಡು. ಉಂದೆಕ್ಕ್ ರಾಜ್ಯದ ವಿಧಾನ ಸಭೆತ್ತ ಒಂಜಿ ಒಪ್ಪಿಗೆ ಇತ್ತ್ಂಡ ಯಾವುಂಡು. ಬೊಕ್ಕ ಆ ಒಪ್ಪಿಗೆನ್ ರಾಷ್ಟ್ರಪತಿ ಮೆರೆಗ್ ಸಂದೈತ ಮಲ್ತಿ ಬೊಕ್ಕ ಅರೆನ ಒಪ್ಪಿಗೆದ ಪ್ರಕಾರ ಒವ್ವೆ ಭಾಷೆನ್ಲಾ ರಾಜ್ಯದ ಅಧಿಕೃತ ಭಾಷೆಯಾದ್ ಮಲ್ಪೊಲಿ. ತುಳು ಒಂಜಿ ಏಪಲ ಪಾತೆರುನ ಭಾಷೆಯಾದಿತ್ತ್ ದ್, ಮಾತ ಧರ್ಮದ ಜನಕುಲು ಈ ಭಾಷೆ ಪಾತೆರೊಂದು ಉಲ್ಲೆರ್. ತುಳು ಪಂಚ ದ್ರಾವಿಡ ಭಾಷೆಲೆಡ್ ಒಂಜಾದಿತ್ತ್ ದ್, 2500 ವರ್ಷದ ಪರಪೋಕು ಉಂಡು. ಅಂಚನೆ ತುಳು ಭಾಷೆಗ್ ಅಯಿತನೇ ಆಯಿನ ಲಿಪಿ ಉಂಡು.

ತುಳು ಪರ ಸಂಘಟನೆಲಾಯಿನ ಜೈ ತುಲುನಾಡ್ (ರಿ.), ತುಳುನಾಡ್ ಒಕ್ಕೂಟ, ತುಳುವೆರ್ ಕುಡ್ಲ(ರಿ.), ಯುವ ತುಳುನಾಡ್ (ರಿ.),ತುಳುಪೀಡಿಯ, ತುಳು ನಿರ್ಮಾಣ ಸೇನೆ, ತುಳುವಾಸ್ ಕೌನ್ಸಿಲ್ ಬೊಕ್ಕ ಮಾತ ತುಳುನಾಡ್ ದ ಜನಕುಲು ಈ ಅಭಿಯಾನಡ್ ಪಾಲ್ ಪಡೆಯೊಡು ಪಂದ್ ಅವಿನಾಶ್ ಮುಕ್ಕ ಮೇರ್ ಪಂಡೆರ್.

ಯುವ ತುಳುನಾಡ್ (ರಿ.) ಅಧ್ಯಕ್ಷೆರ್ ದಿಲ್‌ರಾಜ್ ಆಳ್ವೆರ್ ಪಾತೆರ್‍ದ್, ನಮಕ್ ಸ್ವಾತಂತ್ರ್ಯ ತಿಕ್ಕಿ ಬೊಕ್ಕಲ ನಮ್ಮ ಪೆರಿಯೆರ್ ತುಳು ರಾಜ್ಯದ ಅಧಿಕೃತ ಭಾಷೆ ಆವೊಡು ಪನ್ಪಿನ ಪೊರ್ಂಬಾಟ ಮಲ್ತೊಂದಿತ್ತೆರ್. ಉಂದೆಕ್ ಸರ್ಕಾರದ ಉತ್ತರ ಇನಿ ಆಪುಂಡು ಎಲ್ಲೆ ಆಪುಂಡು ಪಂದ್ ಇತ್ತ್ಂಡ್. ಆಂಡ ಸಂಘಟನೆಲು ನಿರಂತರವಾದ್ ಪ್ರಯತ್ನ ಮಲ್ತೊಂದು ಬರೊಂದುಲ್ಲ. ದುಂಬು ಬರ್ಪಿನ ದಿನಟ್‌ಲ ತುಳು ರಾಜ್ಯದ ಅಧಿಕೃತ ಭಾಷೆ ಆವೊಡು ಪನ್ಪಿನೆಕ್ಕ್ ಬೇತೆ ರೀತಿದ ಪೊರ್ಂಬಾಟಲ ಮಲ್ಪರೆ ತಯಾರ್ ಉಲ್ಲ ಪಂದ್ ಪಂಡೆರ್.

ತುಳುನಾಡ್ ಒಕ್ಕೂಟದ ಶೈಲೇಶ್ ಆರ್.ಜೆ., ತುಳುನಾಡ ನಿರ್ಮಾಣ ಸೇನೆದ ಸುನೀಲ್ ಸಾಲ್ಯಾನ್, ತುಳುಪೀಡಿಯದ ಸುಮಂತ್ ಹೆಬ್ರಿ ಪತ್ರಿಕಾಗೋಷ್ಠಿಡ್ ಇತ್ತೆರ್.

More status to be given to Tulu language and should be included in the official languages list

All the Tulu associations of Tulunadu must jointly urge the state and central government to give more status to Tulu language and include it in the official languages list said Avinash Mukka chief secretary of Jai Tulunadu ( R).

Talking at a press conference at Mangalore he said that the local representatives must present this matter to the PM Narendra Modi who is to visit Tulunadu shortly .
He added that Tulu language had a history of 2,500 years with a script of its own .To make any language official, it must get consent in the state legislature and this consent must be sent to the President of the country and with his consent any language can be made official.

Dilraj Alva president of Yuva Tulunadu (R) also spoke and said that the urge for making Tulu into official language was started long back by our elders .But their demand was not consistent,so it had taken a back seat. But now the time has come to take a firm stand on the matter.

Representatives from the various Tulu organizations were present at the press meet.