ಸಪ್ಟೆಂಬರ್ ೨ಕ್ಕ್ ಕುಡ್ಲಗ್ ಪ್ರಧಾನಿ ನರೇಂದ್ರ ಮೋದಿ ಬರೊಂದುಲ್ಲೆರ್. ಕುಡ್ಲದ ಗೋಲ್ಡ್ ಫಿಂಚ್ ಸಿಟಿಟ್ ಅರೆನ ಮಾಮಲ್ಲ ಕಾರ್ಯಕ್ರಮ ಆಪುಂಡು. ಈ ಪೊರ್ತುಡು ನಮ್ಮ ಊರುದ ಶಾಸಕೆರ್, ಸಂಸತ್ತ್ ದ ಸದಸ್ಯೆರ್ ಅಂಚನೆ ಮಿನಿಸ್ಟರ್ ನಕುಲು ಮೋದಿಡ ತುಳು ಪಾತೆರಪಾವೊಡು ಅಂಚನೆ ಆರ್ ಬನ್ನಗ ತುಳು ರಾಜ್ಯದ ಅಧಿಕೃತ ಭಾಷೆ ಅಂಚನೆ 8 ನೇ ಪರಿಚ್ಛೇದಗ್ ಸೇರಾವುನ ಬೇಲೆನ್ ಮಲ್ಪೊಡು.
ತಾಂತ್ರಿಕ ದೋಷ ಪನ್ಪಿನವ್ ರಾಜಕೀಯದಕ್ಲೆಡ ಮಾತ್ರ ಇಪ್ಪುನವ್. ತಾಂತ್ರಿಕ ದೋಷ ಪಂದ್ ತುಳುನ್ ಮೂಲೆಗ್ ನೂಕರೆ ತೂಪಿನ ಕೆಲಸನ್ ಬರಿಕ್ಕ್ ದೀದ್ ರಾಜಕೀಯದಕ್ಲೆಗ್ ಎಡ್ಡೆ ಬುದ್ದಿ ಕೊರ್ದು ಅಕ್ಲೆಗ್ ತುಳುನಾಡ್ ದ ಮಣ್ಣ್ ದ ಬಾಷೆನ್ ಒರಿಪಾವುಲೆಕ್ಕ ತುಳುನಾಡ್ ದ ಕೊರಗಜ್ಜೆ ಅಕ್ಲೆಗ್ ಮನಸ್ ಕೊರಡ್ ಪಂದ್ ತುಳುನಾಡ್ ದ ಸಂಘಟನೆದಕುಲು ಸೇರ್ದ್ ಮನವಿ ಮಲ್ತೆರ್.
ಈ ಪೊರ್ತುಡು ದಿಲ್ರಾಜ್ ಆಳ್ವೆರ್, ಶೈಲೇಶ್ ಆರ್.ಜೆ., ಅವಿನಾಶ್, ಸುಮಂತ್ ಹೆಬ್ರಿ, ಸುನೀಲ್ ಸಾಲ್ಯಾನ್ ಇತ್ತೆರ್.
pallavi shetty