ಸಾರ್ವಜನಿಕ ಶ್ರೀ ಗಣೇಶೋತ್ಸವ ಆಚರಣಾ ಸಮಿತಿ ಜಕ್ರಿಬೆಟ್ಟು ಮೊಕುಲೆನ ಮುತಾಲಿಕೆಡ್ 19ನೇ ವರ್ಷದ ಶ್ರೀ ಗಣೇಶೋತ್ಸವ ಆಚರಣೆ ಆ.31-ಸೆ.4 ಮುಟ್ಟ ಬಂಟ್ವಾಳದ ಜಕ್ರಿಬೆಟ್ಟು ದಾಸ ರೈ ಮೈದಾನಡ್ ಭಾರೀ ಗೌಜಿಡ್ ನಡಪರೆ ಉಂಡು.
4 ದಿನ ನಡಪುನ ಈ ಲೇಸ್ ಡ್ ಬೇತೆ ಬೇತೆ ರೀತಿದ ಸಾಂಸ್ಕೃತಿಕ, ಧಾರ್ಮಿಕ ಅಂಚನೆ ವೈದಿಕ ಕಾರ್ಯಕ್ರಮಲು ಆಯರೆ ಉಂಡು. ಆ.31 ಕ್ಕ್ ಕಾಂಡೆ 11 ಗಂಟೆಗ್ ಗಣಪತಿ ಮೂರ್ತಿ ಪ್ರತಿಷ್ಠೆ ಆಯಿಬೊಕ್ಕ ಪ್ರತಿಷ್ಠಾ ಹೋಮ, ಗಣಪತಿ ಹೋಮ, ಅಪ್ಪದ ಪೂಜೆ ನಡಪರೆ ಉಂಡು. ಮಾಜಿ ಸಚಿವೆರ್ ಬಿ. ರಮಾನಾಥ ರೈ ಮೇರ್ ಗಣೇಶೋತ್ಸವದ ಲೇಸ್ ನ್ ಉದಿಪನ ಮಲ್ಪರೆ ಉಲ್ಲೆರ್. ಸೆ. 4 ಕ್ಕ್ ಬಯ್ಯ 6.30 ಗಂಟೆಗ್ ಗಣಪತಿ ದೇವೆರ್ನ ಶೋಭಾಯಾತ್ರೆ ನಡಪರೆ ಉಂಡು. ಮೆರವಣಿಗೆ ಪ್ರತಿಷ್ಠಾಪನೆ ದ ಜಾಗೆರ್ದ್ ಜಕ್ರಿಬೆಟ್ಟು ಮುಖೇನ ಬೈಪಾಸ್ ಮಾರ್ಗ ಆದ್ ತುಂಬೆ ಜಂಕ್ಷನ್, ಅಜೆಕಲ, ಭಂಡಾರಿಬೆಟ್ಟು ಆದ್ ಬಂಟ್ವಾಳ ಪೇಂಟೆದ ಮುಖೇನ ಬತ್ತ್ ದ್ ಶ್ರೀ ವೆಂಕಟರಮಣ ದೇವಲ್ಯದ ಸುದೆಟ್ಟ್ ವಿರ್ಸಜನೆ ಮಲ್ಪರೆ ಉಂಡು.
pallavi shetty