ಬಾಗಲಕೋಟೆ: ವನಸ್ ಮಲ್ಪುನ ಪೊರ್ತುಡು ಬೊಡೆದಿನೊಟ್ಟುಗು ಲಡಾಯಿ ಮಲ್ತಿನ ಕಾರಣಗ್ ಯೋಧ ಒರಿಯನ್ ಬೊಡೆದಿನ ಮೆಗ್ಯನೇ ಕೆರಿನ ಘಟನೆ ಗುರುವಾರ ಕತ್ತಲೆಗ್ ಬಾದಾಮಿ ತಾಲೂಕ್ ದ ನೀರಲಕೇರಿ ಗ್ರಾಮಡ್ ನಡತ್ ದ್ಂಡ್.
ಕರಿಸಿದ್ದಪ್ಪ ಕಳಸ (೨೫) ತೀರ್ ಪೋಯಿನ ಯೋಧೆ. ವಿದ್ಯಾ ಪನ್ಪಿನಾರೆನ್ ಮೋಕೆ ಮಲ್ತ್ ದ್ ೨ ವರ್ಷದ ಪಿರವು ಮದಿಮೆ ಆದಿತ್ತೆರ್. ಭಾರತೀಯ ಸೇನೆದ ರಾಜಸ್ಥಾನಡ್ ಬೇಲೆ ಮಲ್ತೊಂದಿತ್ತಿನ ಕರಿಸಿದ್ದಪ್ಪ ರಜೆಟ್ಟ್ ಊರುಗ್ ಬತ್ತಿತ್ತೆರ್. ಕೋಡೆ ಕತ್ತಲೆಗ್ ವನಸ್ ಮಲ್ಪುನ ಪೊರ್ತುಡ್ ಲಡಾಯಿ ಮಲ್ತಿತ್ತೆರ್. ಈ ಇಚಾರನ್ ವಿದ್ಯಾ ಮೆಗ್ಯೆ ಧರಿಗೌಡಗ್ ಪಂದಿತ್ತೆರ್. ಉಂದೆರ್‍ದ ಬೆಚ್ಚ ಆಯಿನ ಮೆಗ್ಯೆ ಇಲ್ಲಗ್ ಬತ್ತ್ ದ್ “ಯನ್ನ ಮೆಗ್ದಿಗ್ ಉಪದ್ರ ಮಲ್ತೊಂದುಲ್ಲನ” ಪಂದ್ ಪ್ರಶ್ನೆ ಮಲ್ತ್ ದ್ ಬಿಸತ್ತಿ ಪಾಡ್ದ್ ಕೆರ್‍ತೆರ್ ಪಂದ್ ದೂರು ದಾಖಲಾತ್ಂಡ್.
Editorial