ದಾಂಪತ್ಯ ಬದ್ ಕ್ ಗ್ ಪಜ್ಜೆ ದೀಯಿನ 158 ಜೋಡಿ
ಧರ್ಮಸ್ಥಳ: ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ಎ.27ಕ್ಕ್ ಬಯ್ಯಗ್ 6.50 ದ ಗೋಧೂಳಿ ಲಗ್ನಡ್ ಧರ್ಮಸ್ಥಳದ ಅಮೃತವರ್ಷಿಣಿ ಸಭಾಂಗಣಡ್ ವೇದ ಘೋಷ ಮಂತ್ರ ಪಠಣದೊಟ್ಟುಗ್ 50ನೇ ವರ್ಷದ ಸಾಮೂಹಿಕ ಮದಿಮೆದ ಲೇಸ್ ಭಾರಿ ಗೌಜಿಡ್ ನಡತ್ಂಡ್.
183 ಜೋಡಿ ಸತಿ-ಪತಿಲಾದ್ ದಾಂಪತ್ಯ ಜೀವನಗ್ ಪಜ್ಜೆ ದೀಯೆರ್.
ಶ್ರೀ ಕ್ಷೇತ್ರ ಧರ್ಮಸ್ಥಳದ ಜಾಗೆಡ್ ಕಾಂಡೆ ಡಾ.ಹೆಗ್ಗಡೆರ್ ಮದಿಮಾಯಗ್ ಧೋತಿ, ಶಾಲ್ ಅಂಚನೆ ಮದಿಮಾಲ್ ಗ್ ಸೀರೆ, ರವಿಕೆ ಕೊರಿಯೆರ್. ಬಯ್ಯಗ್ ಮದಿಮಾಯೆ ಬೊಕ್ಕ ಮದಿಮಾಲ್ ದೇವಲ್ಯಗ್ ಸುತ್ತು ಬತ್ತ್ ದ್, ಅಮೃತವರ್ಷಿಣಿ ಸಭಾಭವನಗ್ ಮೆರವಣಿಗೆದ ಮುಖೇನ ಬತ್ತೆರ್. ಅಲ್ಪ ಡಾ.ವೀರೇಂದ್ರ ಹೆಗ್ಗಡೆ ದಂಪತಿಲು, ರಾಜ್ಯ ಸರಕಾರದ ಕಂದಾಯ ಸಚಿವೆರ್ ಆರ್. ಅಶೋಕ್, ಪಿಚ್ಚರ್ ಆಕ್ಟರ್ ಗೋಲ್ಡನ್ ಸ್ಟಾರ್ ಗಣೇಶ್, ಶಾಸಕೆರ್ ಹರೀಶ್ ಪೂಂಜಾ, ಹೇಮಾವತಿ ಹೆಗ್ಗಡೆ, ಡಿ. ಹರ್ಷೇಂದ್ರ ಕುಮಾರ್, ಡಿ. ಸುರೇಂದ್ರ ಕುಮಾರ್ ಬೊಕ್ಕ ಲೇಸ್ ಗ್ ಬತ್ತಿನ ಮಲ್ಲ ಬಿನ್ನೆರ್ ಮದಿಮಾಯನ ಕೈಟ್ಟ್ ಕರಿಯಮಣಿ ಕೊರ್ದ್, ಆಯಾ ಜಾತಿ-ಸಂಪ್ರದಾಯದ ಧಾರ್ಮಿಕ ವಿಧಿ ವಿಧಾನಡ್ ವಧು ವರೆರ್ ಮದಿಮೆ ಆಯೆರ್.
ಲೇಸ್ ನ್ ಉದ್ದೇಶಿಸಾದ್ ಪಾತೆರ್ದಿನ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ.ವೀರೇಂದ್ರ ಹೆಗ್ಗಡೆರ್, ಸಾಮೂಹಿಕ ಮದಿಮೆ ಒವ್ವೆ ರೀತಿದ ಒತ್ತಡ ಇಜ್ಜಂದೆ ಸಂತೋಷ, ಪ್ರೀತಿರ್ದ್ ಮಾತೆರ್ಲಾ ಒಟ್ಟು ಸೇರ್ದ್ ಮಲ್ಪುನ ಕಾರ್ಯಕ್ರಮ. ಉಂದು ರಡ್ಡ್ ಪವಿತ್ರವಾಯಿನ ಆತ್ಮದ ಸಮ್ಮಿಲನ. ಇನಿ ಜಾತಿ, ಮತ ಸಂಪ್ರದಾಯದ ಗಡಿ ಮೀರ್ದ್ 60 ಜೋಡಿ ಅಂತರ್ಜಾತಿ ವಿವಾಹ ಆತ್ಂಡ್. ಪ್ರೀತಿ, ವಿಶ್ವಾಸರ್ದ್ ಸತಿ ಪತಿಲು ಅಂತರ್ಜಾತಿ ಮದಿಮೆ ಆತೆರ್ ಪಂದ್ ಪಂಡೆರ್.
ಈ ಪೊರ್ತುಡ್ ಸಾಮೂಹಿಕ ವಿವಾಹ ಪ್ರಾರಂಭ ಆಯಿನ ಸುರುತ್ತ ವರ್ಷ 1972ಟ್ಟ್ ಮದಿಮೆ ಆಯಿನ ಪಕಿರ ಪೂಜಾರಿ ಬೊಕ್ಕ ಸೋಮನಾಥ ಶೆಟ್ಟಿ ದಂಪತಿಲೆನ್ ಮಾನಾದಿಗೆ ಮಲ್ತೆರ್.
ಈ ಪೊರ್ತುಡು ಸಚಿವೆರ್ ಆರ್. ಅಶೋಕ್, ಶಾಸಕೆರ್ ಹರೀಶ್ ಪೂಂಜ, ಹೇಮಾವತಿ ವಿ. ಹೆಗ್ಗಡೆ, ಗೋಲ್ಡನ್ ಸ್ಟಾರ್ ಗಣೇಶ್ ಇತ್ತೆರ್.
ಕು.ಪ್ರಸೀದಾ ಬೊಕ್ಕ ಕು.ಬೃಹತಿ ಕೂಟದಕುಲು ದೇವೆರ್ನ ಪ್ರಾರ್ಥನೆ ಮಲ್ತೆರ್. ಹರ್ಷೇಂದ್ರ ಕುಮಾರ್ ಬತ್ತಿನ ಬಿನ್ನೆರ್ ನ್ ಎದ್ಕೊನಿಯೆರ್. ದಾಮೋದರ ಶರ್ಮಾ ಬಾರಕೂರು ಲೇಸ್ ನಿರೂಪಣೆ ಮಲ್ತೆರ್. ಗಣೇಶ್ ಕಾಮತ್ ಸೊಲ್ಮೆ ಸಂದಾಯೆರ್.
50 th year mass marriage celebrations at Dharmasthala.
183 couples entered into a holy matrimony.
Dharmasthala: On the evening of April 27 th at 6.50 p.m ; 183 couples tied the knot in the 50th mass marriage celebrations at Amritavarshini hall at Dharmasthala.
The couple’s were given all the materials required for the ceremony in the morning and in the evening brought in a grand procession to the wedding venue.Here they were welcomed by the Heggade couple and his family and the chief guests for the evening Minister R Ashok and Golden star Ganesh and MLA Harish Punja.
The grooms were given mangalasutra which they tied on the neck of the bride amid the holy sounds of prayers and the sweet sound of shehani.
Addressing the gathering Dharmadikari of Dharmasthala Sri D Veerendra Heggade said that the mass marriage started in 1972 has completed 50 years and was primarily started to help the less privileged to conduct weddings without the harassment of dowry and unwanted expenditure.Weddings here are a happy affair were two beautiful souls join together to lead life as one with love and respect for eachother with out burdening the families in debt.Moreover 60 couples have opted for intercaste marriage setting aside religious norms.
Two couples Pakira Poojary and Somnath Shetty who had began their matrimonial journey here way back in 1972 were honoured on this occasion.
