ಉಜಿರೆ: ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಕುಡ್ಲ, ತಾಲೂಕ್ ಪಂಚಾಯತ್ ಬೆಳ್ತಂಗಡಿ, ಸಾರ್ವಜನಿಕ ಗ್ರಂಥಾಲಯ ಇಲಾಖೆ ಕುಡ್ಲ, ಪೊಂಜೊವು ಬೊಕ್ಕ ಜೋಕ್ಲೆನ ಅಭಿವೃದ್ಧಿ ಇಲಾಖೆ, ಬೆಳ್ತಂಗಡಿ, ಗ್ರಾಮ ಪಂಚಾಯತ್ ಉಜಿರೆ, ಪ್ರೇರಣಾ ಮಹಿಳಾ ಸಂಜೀವಿನಿ ಒಕ್ಕೂಟ ಉಜಿರೆ ಮುಕ್ಲೆನ ಮುತಾಲಿಕೆಡ್ ಸ್ವಾತಂತ್ರೋಚ್ಚಯದ ಅಂಗವಾದ್ ಉಜಿರೆ ಗ್ರಾಮ ಪಂಚಾಯತ್ ವ್ಯಾಪ್ತಿಡ್ ನಿರ್ಮಾಣ ಆಯಿನ ಬೇತೆ ಬೇತೆ ಅಭಿವೃದ್ಧಿ ಕಾಮಗಾರಿಲೆನ ಉದಿಪನದ ಲೇಸ್ ಏ. 26ಕ್ಕ್ ಅಂಗಾರೆ ಕಾಂಡೆ ಉಜಿರೆ ಗ್ರಾಮ ಪಂಚಾಯತ್ ವಠಾರಡ್ ನಡತ್ಂಡ್.
ಬೊಲ್ತೆರ್ ವಿಧಾನಸಭಾ ಕ್ಷೇತ್ರದ ಶಾಸಕೆರ್ ಹರೀಶ್ ಪೂಂಜ ಲೇಸ್ ನ್ ಉದಿಪನ ಮಲ್ತೆರ್. ಗುರ್ಕಾರ್ಮೆನ್ ಉಜಿರೆ ಗ್ರಾಮ ಪಂಚಾಯತ್ ದ ಅಧ್ಯಕ್ಷೆರ್ ಪುಷ್ಪಾವತಿ ಆರ್.ಶೆಟ್ಟಿ ಒಯಿಸ್ ದಿತ್ತೆರ್.
ಪೊಸ ಗ್ರಂಥಾಲಯ ಬೊಕ್ಕ ಮಾಹಿತಿ ಕೇಂದ್ರ, ಗ್ರಾಮೀಣ ಹಳ್ಳಿಸಂತೆ ಪ್ರಾಂಗಣ, ಅಮೃತ ಉದ್ಯಾನವನ, ಮೀನ್ ಮಾರುಕಟ್ಟೆದ ಕಟ್ವಾಣ, ಅಂಗನವಾಡಿ ಕಟ್ವಾಣ, ಮಾಪಾಲ, ಅಂಗನವಾಡಿ ಕಟ್ವಾಣ, ದೊಂಪದಪಲ್ಕೆ, ಶಿವಾಜಿ ಕ್ರಾಸ್ ಹೈಮಾಸ್ಟ್ ಸೋಲಾರ್ ಬೊಲ್ಪು, ಆಧಾರ್ ಕೇಂದ್ರ, ಉಜಿರೆ ಬಸ್ ಸ್ಟ್ಯಾಂಡ್ ದ ಕೈತಲ್ ಇಪ್ಪುನ ವಾಣಿಜ್ಯ ಕೇಂದ್ರ ಇಂಚಿನ ಕಾಮಗಾರಿನ್ ಶಾಸಕೆರ್ ಹರೀಶ್ ಪೂಂಜ ಉದಿಪನ ಮಲ್ತೆರ್.
ಮಲ್ಲ ಬಿನ್ನೆರಾದ್ ಕರ್ನಾಟಕ ವಿಧಾನ ಪರಿಷತ್ ಸದಸ್ಯೆರ್ ಕೆ.ಪ್ರತಾಪಸಿಂಹ ನಾಯಕ್, ದಕ್ಷಿಣ ಕನ್ನಡ ಜಿಲ್ಲಾ ಪಂಚಾಯತ್ ಕುಡ್ಲ ಉಂದೆತ್ತ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಡಾ.ಕುಮಾರ್, ಕುಸುಮಾಧರ ಬಿ, ಗಾಯತ್ರಿ, ಸೂರ್ಯನಾರಾಯಣ ಭಟ್, ಪ್ರಿಯಾ ಆಗ್ನೇಸ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.
Editorial