ಕ್ರೀಡಾ ಪತ್ರಕರ್ತೆ ಎಸ್. ಜಗದೀಶ್ಚಂದ್ರ ಅಂಚನ್ ಸೂಟರ್ ಪೇಟೆ ಮೆರೆಗ್ ‘ಸಾಧಕ ರತ್ನ’ ಪ್ರಶಸ್ತಿ ಪ್ರದಾನ
ಕೊಚ್ಚಿ: ಕರಿನ ಮೂಜರೆ ದಶಕರ್ದಿಂಚಿ ಕ್ರೀಡಾ ಪತ್ರಿಕೋದ್ಯಮಡ್ ತನ್ನ ಅನುಭವಿ ಲೇಖನದ ಮುಕೇನ ಪುದರ್ ಪಡೆತಿನ ಕ್ರೀಡಾ ಅಂಕಣ ಬರವುಗಾರೆ ಎಸ್. ಜಗದೀಶ್ಚಂದ್ರ ಅಂಚನ್ ಸೂಟರ್‌ಪೇಟೆ ಮೆರೆಗ್ ಪ್ರತಿಷ್ಠಿತ ‘ಸಾಧಕ ರತ್ನ’ ಪ್ರಶಸ್ತಿ ಕೊರ್ದು ಗೌರವ ಮಲ್ದೆರ್.
ಕೇರಳದ ಕೊಚ್ಚಿದ ಕಲೂರ್ ಗೋಕುಲಂ ಪಾರ್ಕ್ ಕನ್ವೆನ್ಷನ್ ಸೆಂಟರ್‌‌ಡ್ ನಡತಿನ ‘ಕೇರಳ-ಕರ್ನಾಟಕ ಜಾನಪದ ಉತ್ಸವ’ ಲೇಸ್‌ಡ್ ಕೇರಳ ಸರ್ಕಾರದ ಬಂದರು ಬೊಕ್ಕ ಮೀನುಗಾರಿಕೆ ಸಚಿವೆರಾಯಿನ ವಿ.ಇ. ಅಬ್ದುಲ್ ಗಫೂರ್ ಪ್ರಶಸ್ತಿ ಪ್ರದಾನ ಮಲ್ತೆರ್.
ಈ ಲೇಸ್ ಕಾಸರಗೋಡು ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರ ಬೊಕ್ಕ ಕರ್ನಾಟಕ ಜಾನಪದ ಪರಿಷತ್ತ್‌ದ ಕೇರಳ ಘಟಕದ ಜಂಟಿ ಆಶ್ರಯಡ್ ನಡತ್ಂಡ್.
ಜಗದೀಶ್ಚಂದ್ರ ಅಂಚನ್ ಮೇರ್ ನೆರ್ದ್ ದುಂಬು ಎಂಪಿ ಎಂಎಲ್ ಎ ಮೀಡಿಯಾ ಅವಾರ್ಡ್ (2013), ಸಮಾಜ ರತ್ನ ರಾಜ್ಯ ಪ್ರಶಸ್ತಿ (2014), ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ಗಡಿನಾಡ ರಾಜ್ಯೋತ್ಸವ ಪ್ರಶಸ್ತಿ, ಜಾನಪದ ಲೋಕ ಪ್ರಶಸ್ತಿ, ಕರ್ನಾಟಕ ಕಲಾಶ್ರೀ ಪ್ರಶಸ್ತಿ, ಬಸವಶ್ರೀ ಪ್ರಶಸ್ತಿ ಸೇರ್ದ್ ಮಸ್ತ್ ರಾಜ್ಯ ಬೊಕ್ಕ ಅಂತರರಾಜ್ಯ ಪ್ರಶಸ್ತಿ ಪಡೆತೆರ್. ಕ್ರೀಡಾ ಜಗತ್ತ್‌ಡ್ ಮೇರ್ ಬರೆತಿನ ಬರವುಲು ಕ್ರೀಡಾ ಲೋಕೊಗು ಪೊಸ ಬೊಲ್ಪು ತೋಜಾದ್ಂಡ್. ಅರೆನ ಈ ಸಾಧನೆಗ್ ನನ ದುಂಬಗ್ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಸೇರ್ದ್ ರಾಷ್ಟ್ರ, ಅಂತಾರಾಷ್ಟ್ರೀಯ ಮಟ್ಟದ ಪ್ರಶಸ್ತಿ, ಸನ್ಮಾನ ತಿಕ್ಕಡ್ ಪಂದ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆ ಎಡ್ಡೆಪ್ಪು ಬಯಕೊಂದುಂಡು.