ಮಾರ್ಗದ ಬೇಲೆ ಆಪಿನೆರ್ದಾವರ ಗಾಡಿಲು ಪೋಯರೆ ಕುಡ್ಲಡ್ ಬೇತೆ ಮಾರ್ಗದ ವ್ಯವಸ್ಥೆ
ಕುಡ್ಲ,ಏ.26:– ಮುಲ್ಪದ ಮಹಾನಗರ ಪಾಲಿಕೆ ವ್ಯಾಪ್ತಿದ ಅಂಬೇಡ್ಕರ್ ಸರ್ಕಲ್ ರ್ದ್ ಫಳ್ನೀರ್ ಮಾರ್ಗ ಮುಟ್ಟ ಒಳಚರಂಡಿ ಪಾಡಿಪುನೆರ್ದಾವರ ಮೇ.8 ಮುಟ್ಟ, ಯೆಯ್ಯಾಡಿ ಮುದ್ದರ ಮನೆ ಮಾರ್ಗಗ್ ಕಾರ್ ಸಂಕ ನಿರ್ಮಾಣ ಮಲ್ಪರೆ ಮೇ.19 ಮುಟ್ಟ, ಶರಬತ್ ಕಟ್ಟೆ ರಸ್ತೆ ಕಾಂಕ್ರೀಟಿಕರಣ ಕಾಮಗಾರಿ ನಡಪಿನೆರ್ದಾವರ ಮೇ.28 ಮುಟ್ಟ ಬೇಲೆ ನಡಪುನ ಕಾರಣ ಈ ಮಾರ್ಗಡ್ ಮೋಟಾರು ವಾಹನ ಕಾಯ್ದೆ ಪ್ರಕಾರ ರಸ್ತೆ ಸಂಚಾರಗ್ ಬೇತೆ ವ್ಯವಸ್ಥೆ ಮಲ್ತ್ ದೆರ್.
ವಿವರ ಇಂಚ ಉಂಡು:
ಅಂಬೇಡ್ಕರ್ ಸರ್ಕಲ್ ರ್ದ್ ಫಳ್ನೀರ್:
ಅಂಬೇಡ್ಕರ್ ಸರ್ಕಲ್ ರ್ದ್ ಅವೇರಿ ಜಂಕ್ಷನ್ ಗ್ ಪೋಪಿನ ಮಾತ ಗಾಡಿಲು ಅಂಬೇಡ್ಕರ್ ಸರ್ಕಲ್ ರ್ದ್ ದುಂಬು ಪೋದ್, ಡಾನ್ ಬಾಸ್ಕೋ ಹಾಲ್ ಕ್ರಾಸ್‍ ರ್ದ್ ಅವೇರಿ ಜಂಕ್ಷನ್ ಗ್ ಪೋದ್ ದುಂಬು ಪೋವೊಡ್.
ಅವೇರಿ ಜಂಕ್ಷನ್ ರ್ದ್ ಅಂಬೇಡ್ಕರ್ ಸರ್ಕಲ್ ಗ್ ಪೋಪಿನ ಮಾತ ಗಾಡಿಲು ಅಥೆನಾ ಆಸ್ಪತ್ರೆ ಮುಖೇನ ಬಲ್ಮಠಗ್ ಪೋದ್ ಅಲ್ಪರ್ದ್ ಅಂಬೇಡ್ಕರ್ ಮಾರ್ಗ ಗ್ ಪೋವೊಡ್.
ಯೆಯ್ಯಾಡಿ:
ಯೆಯ್ಯಾಡಿ ಕಡೆರ್ದ್ ಕುಂಟಲ್ಪಾಡಿ ಮಾರ್ಗದ ಮುಖೇನ ಶಕ್ತಿನಗರ ಕಡೆಗ್ ಪೋಪಿನ ಮಾತ ಗಾಡಿಲು ಮೇರಿಹಿಲ್ ಜಂಕ್ಷನ್ ರ್ದ್ ಗುರುನಗರ ಮಾರ್ಗ ಆದ್ ಆದಿತ್ಯನಗರ ಮಾರ್ಗದ ಮುಖೇನ ಶಕ್ತಿನಗರ ಬಿಕರ್ಣಕಟ್ಟೆ ಅಂಚನೆ ನಂತೂರು ಕಡೆಗ್ ಪೊವೊಡ್.
ಶಕ್ತಿನಗರ ಕಡೆರ್ದ್ ಯೆಯ್ಯಾಡಿ ಮಾರ್ಗದ ಮುಖೇನ ಬರ್ಪಿನ ಮಾತ ಗಾಡಿಲು ಆದಿತ್ಯನಗರ, ಗುರುನಗರ ಮಾರ್ಗದ ಮುಖೇನ ಮೇರಿಹಿಲ್ ಜಂಕ್ಷನ್ ಗ್ ಬತ್ತ್ ದ್, ಅಲ್ಪರ್ದ್ ದುಂಬು ಪೋವೊಡ್.
ಶರಬತ್ ಕಟ್ಟೆ:
ರಾಷ್ಟ್ರೀಯ ಹೆದ್ದಾರಿ-66ತ್ತ ಪದವು ಜಂಕ್ಷನ್ ರ್ದ್ ಶರಬತ್ ಕಟ್ಟೆ ಮಾರ್ಗ ಮುಖೇನ ಯೆಯ್ಯಾಡಿ ಜಂಕ್ಷನ್ ಕಡೆಗ್ ಪೋಪಿನ ಮಾತ ಗಾಡಿಲು ಪದವು ಜಂಕ್ಷನ್ ರ್ದ್ ದುಂಬು ಬತ್ತ್ ದ್, ಕೆ.ಪಿ.ಟಿ ಜಂಕ್ಷನ್ ರ್ದ್ ಬಲಗ್ ಪೋದ್, ಯೆಯ್ಯಾಡಿ ಜಂಕ್ಷನ್ ಆದ್ ಪೋವೊಡ್.
ಶರಬತ್ ಕಟ್ಟೆ ಜಂಕ್ಷನ್ ರ್ದ್ ಶರಬತ್ ಕಟ್ಟೆ ಮಾರ್ಗ ಮುಖೇನ ರಾಷ್ಟ್ರೀಯ ಹೆದ್ದಾರಿ-66ತ್ತ ಪದವು ಜಂಕ್ಷನ್ ಕಡೆರ್ದ್ ಪೋಪಿನ ಮಾತ ವಾಹನಲು ಶರಬತ್ ಕಟ್ಟೆ ಜಂಕ್ಷನ್ ರ್ದ್ ದುಂಬು ಬತ್ತ್ ದ್, ಕೆ.ಪಿ.ಟಿ ಜಂಕ್ಷನ್ ರ್ದ್ ದತ್ತ ಮೈಟ್ ಪೋದ್, ಪದವು ಜಂಕ್ಷನ್ ಆದ್ ಪೋವೊಡ್ ಪಂದ್ ಕುಡ್ಲದ ನಗರ ಪೊಲೀಸ್ ಆಯುಕ್ತೆರ್ ಪ್ರಕಟಣೆಡ್ ತೆರಿಪಾದೆರ್.
