ಊರ್ದ ಸುದ್ದಿ Regional News
ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News
ತುಳು ಸುದ್ದಿ
ಬೊಲ್ತೆರ್ ಸುದ್ದಿ | Belthangady News
ರಪಕ್ಕ ಸುದ್ದಿ Flash News
ಅ.15-25: ನಾಳ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನಡ್ ಶರವನ್ನವರಾತ್ರಿ ಪೂಜೆ ಬೊಕ್ಕ ಭಜನೋತ್ಸವ
ಬೋಲ್ತೆರ್: ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನ ನಾಳ ಮೂಲು ಅ.15 ರ್ದ್ 25 ಮುಟ್ಟ ಶರನ್ನವರಾತ್ರಿ ಪೂಜೆ ಬೊಕ್ಕ ಭಜನೋತ್ಸವ ಕಾರ್ಯಕ್ರಮ ನಡಪೆರೆ ಉಂಡು. ಈ ದೇವತಾ ಕಾರ್ಯಡ್ ಮಾತಾ ಭಕ್ತಾಭಿಮಾನಿಲು ಪಾಲ್ ಪಡೆದ್ ಶ್ರೀ ದೇವೆರ್ನ ಪ್ರಸಾದ ಸ್ವೀಕಾರ ಮಲ್ತ್, ಪರಿವಾರ ಸಮೇತ ಶ್ರೀ ದುರ್ಗಾಪರಮೇಶ್ವರಿ ದೇವೆರ್ನ ಕೃಪೆಗ್ ಪಾತ್ರರಾವೊಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
ಅ.16 ದಾನಿ ರಾತ್ರೆ 9 ಗಂಟೆರ್ದ್ ಬ್ರಹ್ಮಕಪಾಲ ಯಕ್ಷಗಾನ, ಅ.19 ದಾನಿ ಯಕ್ಷಗಾನ ಬಯಲಾಟ ಪೊಸ ಪ್ರಸಂಗ, ಅ.24 ದಾನಿ ಚಂದ್ರಾವಳಿ ವಿಲಾಸ ಯಕ್ಷಗಾನ ಬಯಲಾಟ, ಅಂಚನೆ ನವರಾತ್ರಿ ಭಜನೋತ್ಸವದ ಪೊರ್ತುಡು ರಾಷ್ಟ್ರಮಟ್ಟ ಬೊಕ್ಕ ರಾಜ್ಯಮಟ್ಟಡ್ ಪಾಲ್ ಪಡೆನ ಬೇತೆ ಬೇತೆ ಭಜನಾ ಮಂಡಳಿರ್ದ್ ಭಜನೋತ್ಸವ ನಡಪೆರೆ ಉಂಡು.
ಮಹಾತ್ಮ ಗಾಂಧಿಜಿಗ್ ಕರ್ನಾಟಕದೊಟ್ಟಿಗೆ ಆತ್ಮೀಯ ಒಡನಾಟನ್ ಉಲ್ಲೇಖ ಮಲ್ತಿನ ಆರ್, ಹಿಂದುಸ್ತಾನಿ ಬೊಕ್ಕ ಕರ್ನಾಟಕ ಸಂಗೀತ ಕರ್ನಾಟಕಡ್ ಮುಗರ್ತೆನ್ ಪಡೆಯೊಂದುಂಡ್. ಗಂಗೂಬಾಯಿ ಹಾನಗಲ್ಲ, ಪಂಡಿತ್ ಭೀಮಸೇನ ಜೋಶಿ, ಪಾಟೀಲ ಪುಟ್ಟಪ್ಪ ಬೊಕ್ಕ ಮಸ್ತ್ ಜನ ಸಾಂಸ್ಕೃತಿಕ, ಸಾಹಿತ್ಯ ಲೋಕಗ್ ಕೊರ್ನ ಕೊಡುಗೆ ಅವಿಸ್ಮರಣೀಯ. ಇತ್ತೆಲ ಕರ್ನಾಟಕದ ಹಳ್ಳಿಹಳ್ಳಿಡ್ ಬಸವಣ್ಣನ ವಚನ ಪನೊಂದು ಇಪ್ಪುವೆರ್. ಕಲೆ, ಸಂಸ್ಕೃತಿ, ಪರಂಪರೆದ ನೆಲೆಬೀಡು ಕರ್ನಾಟಕ ಪಂದ್ ಮೆಚ್ಚುಗೆನ್ ವ್ಯಕ್ತಪಡಿಸಾಯೆರ್. ಸರ್ಕಾರದ ಮುಖ್ಯ ಕಾರ್ಯದರ್ಶಿ ಡಾ. ಅರುಣ್ ಕುಮಾರ್ ಮೆಹ್ತಾ ಪಾತೆರ್ದ್, ಎನ್ನ 35 ವರ್ಷದ ವೃತ್ತಿ ಜೀವನಡ್ ಇಂಚಿನ ಒಂಜಿ ಜಾನಪದ ಕಲಾ ಪ್ರದರ್ಶನನ್ ತೂದು ಇತ್ತಿಜಿ. ಬಾರಿ ಸೊಗಸಾದ್ ಮನಸ್ಸ್ಗ್ ಮುಟ್ಟುನಂಚ ಯಕ್ಷಗಾನ ಪ್ರದರ್ಶನ ಕೊರ್ತರ್. ಕಥೆನ್ ತೆರಿಪಾವುನ ರೀತಿ ಬಾರಿ ಪೊರ್ಲು ಪಂದ್ ಪಂಡೆರ್. ಲೆ.ಗವರ್ನಲ್ ಕಚೇರಿ ಸಲಹೆಗಾರೆರ್ ರಾಜೀವ್ ರೈ ಭಟ್ನಾಗರ್ ಪಾತೆರ್ದ್, ಯಕ್ಷಗಾನ ತೂಪುನ ನಮಕ್ಕ್ ಒಂಜಿ ಪೊಸ ಅನುಭವ. ಅವೆನ್ ಪ್ರಸ್ತುತಪಡಿಸಾಯಿನ ರೀತಿಯಂತೂ ಅದ್ಭುತ. ನೆಕ್ಕ್ ಕಾರಣಕರ್ತೆರಾಯಿನ ಮಾತೆರೆಗ್ ಸೊಲ್ಮೆ ಸಂದಾವೆ ಪಂಡೆರ್.
ಯಕ್ಷಧ್ರುವ ಪಟ್ಲ ಫೌಂಡೇಷನ್ ಮುಖ್ಯಸ್ಥೆರ್ ಪಟ್ಲ ಸತೀಶ್ ಶೆಟ್ಟಿ ಬೊಕ್ಕ ಫೌಂಡೇಷನ್ನ ದೆಹಲಿ ಘಟಕದ ಗುರ್ಕಾರ್ಲು ವಸಂತ ಶೆಟ್ಟಿ ಬೆಳ್ಳಾರೆ ಮೊಕ್ಲೆಗ್ ಲೆ.ಗವರ್ನರ್ ಮನೋಜ್ ಸಿನ್ಹಾ ಸರ್ಕಾರದ ಮುತಾಲಿಕೆಡ್ ಮಾನಾದಿಗೆ ಮಲ್ತೆರ್. ಸುರುಕ್ಕು ಸುಳ್ಯದ ಬೆಳ್ಳಾರೆದ ನಿನಾದ ಸಾಂಸ್ಕೃತಿಕ ಕೇಂದ್ರದ ಕಲಾವಿದೆರ್ ಶಾಸ್ತ್ರೀಯ, ಜನಪದ ನೃತ್ಯ ಪ್ರದರ್ಶನ ಕೊರಿಯೆರ್. ಕಾರ್ಯಕ್ರಮದ ರೂವಾರಿ ರಾಜೇಶ್ ಪ್ರಸಾದ್, ವಸಂತ ಶೆಟ್ಟಿ ಜಮ್ಮು-ಕಾಶ್ಮೀರ ಬೊಕ್ಕ ಯಕ್ಷಗಾನ ಕಲೆ ಉಂದೊಂಜಿ ಐತಿಹಾಸಿಕ ಕಾರ್ಯಕ್ರಮ. ದಾಯೆ ಪಂಡ, ಜಮ್ಮು-ಕಾಶ್ಮೀರಡ್ ಯಕ್ಷಗಾನ ಪ್ರದರ್ಶನ ನಡಪುನ ಉಂದುವೇ ಸುರುತ ಸಲ. ಉಂದೆನ್ ನಿಜ ಮಲ್ತ್ ಪೊಸ ಇತಿಹಾಸ ಸೃಷ್ಟಿ ಮಲ್ಪೆರೆ ಕಾರಣ ಆಯಿನ ಜಮ್ಮು-ಕಾಶ್ಮೀರ ವಿದ್ಯುತ್ ಇಲಾಖೆದ ಪ್ರಿನ್ಸಿಪಲ್ ಸೆಕ್ರೆಟರಿ ರಾಜೇಶ್ ಪ್ರಸಾದ್ ಹಿರಿಯಡ್ಕ ಬೊಕ್ಕ ದಿಲ್ಲಿ ಕನ್ನಡ ಶಾಲೆ ಬೊಕ್ಕ ಕರ್ನಾಟಕ ಸಂಘದ ಮಾಜಿ ಗುರ್ಕಾರ್ಲು ವಸಂತ ಶೆಟ್ಟಿ ಬೆಳ್ಳಾರೆ ಇಂಚಿನ ಒಂಜಿ ಕಾರ್ಯಕ್ರಮ ನಡಪಾವುನ ಬಗ್ಗೆ ಲೆ.ಗವರ್ನರ್ನ ಒಟ್ಟಿಗೆ ಪಾತೆರ್ದ್, ಗಾಂಧಿ ಜಯಂತಿದಾನಿಯೆ ಯಕ್ಷಗಾನ ಕಾರ್ಯಕ್ರಮ ಏರ್ಪಡ್ ಮಲ್ತಿತ್ತೆರ್.
ಈ ಕಾರ್ಯಕ್ರಮ ತೂವೆರೆ ಪಂದೆ ದಕ್ಷಿಣ ಕನ್ನಡದ 130ರ್ದ್ ಎಚ್ಚ ಯಕ್ಷಗಾನ ಅಭಿಮಾನಿಲ ಶ್ರೀನಗರಗ್ ಬೈದೆರ್. ವಿಶೇಷ ಪಂಡ, ಕಾರ್ಯಕ್ರಮ ತೂಯಿನ ಲೆ.ಗ. ಮನೋಜ್ ಸಿನ್ಹಾ, ಪಿರ ಒರ ಕೇಂದ್ರಾಡಳಿತ ಪ್ರದೇಶಗ್ ಬರಿಯೆರೆ ಲೆತ್ತ್ದ್, ವೈಷ್ಣೋದೇವಿ ಮಂದಿರಡ್ ದೇವಿ ಮಹಾತ್ಮೆ ಯಕ್ಷಗಾನ ಪ್ರದರ್ಶನ ಆವೊಡು ಪಂದ್ ನಿರ್ದೇಶನ ಕೊರಿಯೆರ್.
