October 2023

ಇನಿ ಸಚಿವ ಸಂಪುಟ ಸಭೆ

ಸಿದ್ದರಾಮಯ್ಯ ಸರ್ಕಾರದ ಸಚಿವ ಸಂಪುಟ ಸಭೆ ಇನಿ ನಡಪರೆ ಉಂಡು.

ಈ ಸಭೆಟ್ಟ್ ನ್ಯಾ.ಡಾ.ಕೆ ಭಕ್ತವತ್ಸಲ ಮೇರ್ ಹಿಂದುಳಿದ ವರ್ಗಲೆನ ಬಗೆಟ್ಟ್ ಕೊರ್ನ ವರದಿದ ಬಗೆಟ್ಟ್ ಚರ್ಚೆ ನಡಪರೆ ಉಂಡು ಪಂದ್ ಪಂಡೆರ್. ಅಂಚೆನೆ ಕೈತಲ್ ದ ಸಂಸ್ಥೆದ ವೋಟುಡು ಹಿಂದುಳಿದ ವರ್ಗಲೆಗ್ ಎಚ್ಚದ ಆದ್ಯತೆ ತಿಕಿಯೆರೆ ಉಂಡು.

ಸಚಿವ ಸಂಪುಟ ಸಭೆಟ್ಟ್ ಈ ವರದಿ ಬಗೆಟ್ಟ್ ವಿಶ್ಲೇಷಣೆ ಬೊಕ್ಕ ಚರ್ಚೆಲು ನಡಪರೆ ಉಂಡು. ಆವೆರ್ದ್ ಬೊಕ್ಕ ಅಗತ್ಯ ಬದಲಾವಣೆ ಇತ್ತ್ಂಡ, ಅವೆನ್ ಚರ್ಚೆ ನಡಪರೆ ತೀರ್ಮಾನ ಮಲ್ದೆರ್ ಪಂದ್ ತೆರಿದ್ ಬೈದ್ಂಡ್.

ಅ.9: ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಭೆ

ಡೆಲ್ಲಿಡ್ ಅ.9 ಕ್ಕ್ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಭೆ ನಡಪುನ ಅಂದಾಜಿ ಉಂಡು ಪಂದ್ ಪಕ್ಷದ ಮೂಲಲು ತೆರಿಪಾದ್ಂಡ್.

ಈ ಸಭೆಟ್ಟ್ ಮಹಿಳಾ ಮೀಸಲಾತಿ ಕಾಯ್ದೆ, ಜಾತಿವಾರು ಜನಗಣತಿ, ರಾಜಕೀಯ ವಿರೋಧಿಲೆನ ಮಿತ್ತ್ ತನಿಖೆ ಸಂಸ್ಥೆಲೆನ ದುರ್ಬಳಕೆ ಸೇರಿನಂಚೆನೆ ಇತ್ತೆದ ರಾಜಕೀಯ ಸ್ಥಿತಿಗತಿದ ಬಗೆಟ್ಟ್ ಚರ್ಚೆ ನಡಪರೆ ಉಂಡು ಪಂದ್ ವರದಿ ಆತ್ಂಡ್.

ಎಐಸಿಸಿ ಗುರ್ಕಾರೆ ಮಲ್ಲಿಕಾರ್ಜುನ ಖರ್ಗೆ ಮೆರೆನ ಗುರ್ಕಾರ್ಮೆಡ್ ಈ ಸಭೆ ನಡಪರೆ ಉಂಡು. ರಾಹುಲ್ ಗಾಂಧಿ, ಸೋನಿಯಾ ಗಾಂಧಿ ಈ ಸಭೆಟ್ಟ್ ಪಾಲ್ ಪಡೆಯೆರೆ ಉಲ್ಲೆರ್.

ಮಹಾತ್ಮೆರೆನ ತತ್ವಾದರ್ಶಲೆನ ಅನುಕರಣೆನೇ ಅಕ್ಲೆಗ್ ಸಂದಾವುನ ಮಾನಾದಿಗೆ: ಸೋಮಶೇಖರ ನಾಯಕ್

ಸುಬ್ರಹ್ಮಣ್ಯ: ಚಳುವಳಿ ಮುಖೇನ ಸ್ವಾತಂತ್ರ್ಯ ತಿಕುಲೆಕ್ಕ ಮಲ್ಪುನೆಟ್ಟ್ ದುಂಬು ಇತ್ತಿನ ಮಹಾತ್ಮಾ ಗಾಂಧೀಜಿ ಬೊಕ್ಕ ಮಾಜಿ ಪ್ರಧಾನಿ ಲಾಲ್‌ಬಹದ್ದೂರ್ ಶಾಸ್ತ್ರಿಲು. ಈ ರಡ್ಡ್ ಮಹಾತ್ಮೆರೆನ ತತ್ವಾದರ್ಶನ್ ಜೀವನಡ್ ಅಳವಡಿಸಾವುನೆನೇ ನಮ ಅಕ್ಲೆಗ್ ಸಂದಾವುನ ಮಲ್ಲ ಮಾನಾದಿಗೆ. ಪುಗರ್ತೆದ ಈ ನಾಯಕೆರೆನ ಪುಟ್ಟು ದಿನನ್ ಆಚರಣೆ ಮಲ್ಪುವ. ರಡ್ಡ್ ಜನನ್ ನಮ ಮದಪುಲೆಕ್ಕ ಇಜ್ಜಿ. ಒರಿ ಮಹಾತ್ಮ ಪಂದ್ ಪುದರ್ ಪಡೆಂಡ, ಕುಡೊರಿ ಉಕ್ಕಿನ ಮನುಷ್ಯೆ. ಒರಿ ಅಹಿಂಸೆ ಮುಖೇನ ದೇಶಗ್ ಸ್ವಾತಂತ್ರ‍್ಯ ಕನತ್ಂಡ ಕುಡೊರಿ ಸಂಘಟನೆ ಮುಖೇನ ದೇಶನ್ ಅಭ್ಯುದಯ ಮಲ್ತೆರ್ ಪಂದ್ ಎಸ್‌ಎಸ್‌ಪಿಯು ಕಾಲೇಜ್ ದ ಪ್ರಾಂಶುಪಾಲೆರ್ ಸೋಮಶೇಖರ ನಾಯಕ್ ಪಂಡೆರ್.

ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಆಡಳಿತಗ್ ಸೇರಿನ ಎಸ್‌ಎಸ್‌ಪಿಯು ಕಾಲೇಜ್ ಡ್ ನಡತಿನ ಗಾಂಧಿ ಜಯಂತಿ ಆಚರಣೆಡ್ ಮೇರ್ ಮಹಾತ್ಮೆರೆನ ಗುಣಗಾನ ಮಲ್ತೆರ್. ಯುವ ಜನಾಂಗ ಮಹಾತ್ಮೆರೆನ ಆದರ್ಶ ಪಾಲನೆನ್ ಮಲ್ತ್ ದ್, ಸಂಸ್ಕಾರಯುತ ವ್ಯಕ್ತಿಯಾದ್ ಬರೊಡು ಪಂದ್ ಪಂಡೆರ್.

ಸುರುಟ್ಟ್ ಮಹಾತ್ಮ ಗಾಂಧಿಜಿ ಬೊಕ್ಕ ಮಾಜಿ ಪ್ರಧಾನಿ ಲಾಲ್‌ಬಹುದ್ದೂರ ಶಾಸ್ತ್ರಿ ಮೆರೆನ ಭಾವಚಿತ್ರಗ್ ಸರ್ವೆರ್ ಪುಷ್ಪಾರ್ಚನೆ ಮಲ್ತೆರ್. ಈ ಪೊರ್ತುಡು ಪ್ರೌಢಶಾಲಾ ವಿಭಾಗದ ಹಿರಿಯ ಸಹಶಿಕ್ಷಕೆರ್ ಎಂ.ಕೃಷ್ಣ ಭಟ್, ಕಾಲೇಜ್ ದ ಸಾಂಸ್ಕೃತಿಕ ಸಂಘದ ಸಂಚಾಲಕಿ ರೇಖಾರಾಣಿ ಸೋಮಶೇಖರ್, ವಿದ್ಯಾರ್ಥಿ ಸಂಘದ ಸಂಚಾಲಕೆರ್ ಜಯಪ್ರಕಾಶ್ ಆರ್, ಉಪನ್ಯಾಸಕೆರ್ ಜಯಶ್ರೀ.ವಿ.ದಂಬೆಕೋಡಿ, ಗಿರೀಶ್ ಸೇರಿನಂಚೆನೆ ಉಪನ್ಯಾಸಕೆರ್ ಬೊಕ್ಕ ಶಿಕ್ಷಕೆರ್, ಸಿಬ್ಬಂದಿಲು ಪಾಲ್ ಪಡೆದಿತ್ತೆರ್. ಈ ಪೊರ್ತುಡು ಶಿಕ್ಷಕೆ, ಕಲಾವಿದೆ ರಘು ಬಿಜೂರು ರಘುಪತಿ ರಾಘವ ಗೀತೆನ್ ಪಂಡೆರ್.

ವರದಿ: ಗೋಪಿಚಂದನ್ ಕೆಎಸ್

ಹಳದಿಪುರದ ಸ್ವಾಮೀಜಿ ಕುಕ್ಕೆ ಸುಬ್ರಹ್ಮಣ್ಯಗ್ ಭೇಟಿ

ಉತ್ತರ ಕನ್ನಡ ಜಿಲ್ಲೆದ ಹಳದಿಪುರ ಮಠತ್ತ ಶ್ರೀ ವಾಮನಾಶ್ರಮದ ಸ್ವಾಮೀಜಿ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಭೇಟಿ ಕೊರ್ದು ದೇವೆರೆನ ದರ್ಶನ ಪಡೆಯೆರ್.

ದೇವಲ್ಯದ ಮುಖ್ಯ ಅರ್ಚಕೆರ್ ಸತ್ಯನಾರಾಯಣ ನುರಿತಾಯ ಮೇರ್ ದೇವೆರೆನ ಪ್ರಸಾದ ಬೊಕ್ಕ ಫಲಪುಷ್ಪನ್ ಕೊರಿಯೆರ್. ಬೊಕ್ಕ ಮೇರ್ ಅಲ್ಪರ್ದ್ ಹೊಸಳಿಗಮ್ಮ ಗುಡಿಕ್ಕ್ ಪೋದು ದೈವೊದ ದರ್ಶನ ಪಡೆಯೆರ್.

ಈ ಪೊರ್ತುಡು ಮೆರೆನೊಟ್ಟಿಗೆ ಸುಳ್ಯದ ಶಾಸಕಿ ಭಾಗೀರಥಿ ಮುರುಳ್ಯ, ವ್ಯವಸ್ಥಾಪನ ಸಮಿತಿದ ಸದಸ್ಯೆರ್ ವನಜ ವಿ. ಭಟ್, ಶೋಭಾ ಗಿರಿಧರ್, ದೇವಲ್ಯದ ಕಾರ್ಯನಿರ್ವಹಣಾಧಿಕಾರಿ ಡಾ/ ನಿಂಗಯ್ಯ, ಶಿಷ್ಟಾಚಾರ ವಿಭಾಗದಕುಲು ಬೊಕ್ಕ ಸಿಬ್ಬಂದಿ ವರ್ಗದಕುಲು ಪಾಲ್ ಪಡೆದಿತ್ತೆರ್.

ವರದಿ: ಗೋಪಿಚಂದನ್ ಕೆಎಸ್