October 2023

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಸುರತ್ಕಲ್ ಫಾಝಿಲ್ ಹತ್ಯೆ ಕೇಸ್: ರಡ್ಡ್‌ ಆರೋಪಿಲೆಗ್‌ ಜಾಮೀನ್…!!

Oct 20, 2023

ಕುಡ್ಲ: ಸುರತ್ಕಲ್ ಮಂಗಳಪೇಟೆ ನಿವಾಸಿ ಫಾಝಿಲ್ ಹತ್ಯೆ ಕೇಸ್‌ಗ್‌ ಸಂಬಂಧಪಟ್ಟಿನಂಚ ರಡ್ಡ್ ಆರೋಪಿಲೆಗ್ ಜಾಮೀನು ಮಂಜೂರಾತ್‌ಂಡ್. ಪ್ರಕರಣದ ಆರೋಪಿಲಾಯಿನ ಕುಲಾಯಿದ ಗಿರಿಧರ್, ಕೈಕಂಬದ ದೀಕ್ಷಿತ್’ಗ್ ಜಾಮೀನ್ ಮಂಜೂರಾತ್‌ಂಡ್.‌

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಟೊಮ್ಯಾಟೊ ಆರೋಗ್ಯಗ್ ಎಡ್ಡೆ

Oct 20, 2023

ಟೊಮ್ಯಾಟೊ ತಿನ್ಪುನೆರ್ದ್ ಆರೋಗ್ಯಗ್ ಮಸ್ತ್ ಪ್ರಯೋಜನ ಆಪುಂಡು.

ಉಂದು ನೆತ್ತೆರ್ ಡ್ ಇಪ್ಪುನ ಸೆಕ್ಕೆರೆ ಮಟ್ಟನ್ ಕಮ್ಮಿ ಮಲ್ಪರೆ ಬೊಕ್ಕ ಪಡಿಕೆಡ್ ಕಲ್ಲ್ ಆಪುನೆನ್ ತಡೆಯರೆ ಸಕಾಯ ಮಲ್ಪುಂಡು. ಉಂದು ಕುಜಲ್ ಗ್ ಮಾಸ್ತ್ ಎಡ್ಡೆ. ನೆರ್ದ್ ದೃಷ್ಟಿದೋಪಲ ಕಮ್ಮಿ ಆಪುಂಡು. ಎಲುಬುಲು ಗಟ್ಟಿ ಆಪುಂಡು. ಅತ್ತಂದೆ ಚರ್ಮ ಪೊರ್ಲು ಆಪುಂಡು. ನೆಟ್ಟ್ ವಿಟಮಿನ್‌ ಸಿ, ಕಮ್ಮಿ ಕ್ಯಾಲೋರಿ ಇಪ್ಪುಂಡು.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಅ.20: ಅಗ್ನಿನೇತ್ರ ಕ್ರಿಯೇಶನ್ಸ್ ರ್ದ್ ಪಾರೆಂಕಿದ ಅಪ್ಪೆ ಶ್ರೀ ಮಹಿಷಮರ್ದಿನಿ ಭಕ್ತಿಸುಗಿಪು ಬುಡುಗಡೆ

Oct 20, 2023

ಅಗ್ನಿನೇತ್ರ ಕ್ರಿಯೇಶನ್ಸ್ ದ ಮುತಾಲಿಕೆಡ್, ಮಡಂತ್ಯಾರು ಪಾರೆಂಕಿ ಶ್ರೀ ಮಹಿಷಮರ್ಧಿನಿ ದೇವಲ್ಯದ ಭಕ್ತಿಸುಗಿಪು “ಪಾರೆಂಕಿದ ಅಪ್ಪೆ ಶ್ರೀ ಮಹಿಷಮರ್ದಿನಿ” ಅ.20 ಸುಕ್ರಾರ ಬುಡುಗಡೆ ಆಪುಂಡು.

ಈ ಭಕ್ತಿಸುಗಿಪು ಪ್ರವೀಣ್ ಶೆಟ್ಟಿ ಮಡಂತ್ಯಾರ್ ಮೆರೆನ ನಿರ್ಮಾಣಡ್, ವಿಜಯ್ ಕಾರಿಂಜ ಮೆರೆನ ಸಾಹಿತ್ಯಡ್, ತೇಜಸ್ ಕೋಡೊಟ್ಟು ಮೆರೆನ ಗಾಯನಡ್, ಯಶು ಸ್ನೇಹಗಿರಿ ನೈನಾಡು ಮೆರೆನ ರೆಕಾರ್ಡಿಂಗ್ ಸ್ಟುಡಿಯೋ, ಪ್ರಿತೇಶ್ ಕೋಡೊಟ್ಟು ಮೆರೆನ ಸಂಕಲನಡ್, ಕು. ರಕ್ಷಿತಾ ಪುಂಜಾಲಕಟ್ಟೆ, ಕು. ಚೈತ್ರ ಪಾದೆಕೋಡಿ ಮೆರೆನ ಸಹ ಗಾಯನಡ್, ಶ್ರೀ ವಿದ್ಯಾಸರಸ್ವತಿ ಭಜನಾ ಮಂಡಳಿ ಪಾರೆಂಕಿ, ಮಡಂತ್ಯಾರ್ ದ ಸಂಪೂರ್ಣ ಸಹಕಾರಡ್ ಬುಡುಗಡೆ ಆಪುಂಡು.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಅ.23: ಕೂಡ್ಲುಬಾಡಬೆಟ್ಟು ಶ್ರೀ ಶನೀಶ್ವರ ಬೊಕ್ಕ ಶ್ರೀಚೌಡೇಶ್ವರಿ ದೇವಲ್ಯಡ್ ಚಂಡಿಕಾಹೋಮ

Oct 20, 2023

ಕುಂದಾಪುರ ತಾಲೂಕ್ ದ ಕನ್ಯಾನ ಗ್ರಾಮದ ಶ್ರೀಕ್ಷೇತ್ರ ಕೂಡ್ಲು ಬಾಡಬೆಟ್ಟು ಶ್ರೀ ಶನೀಶ್ವರ ಬೊಕ್ಕ ಶ್ರೀ ಚೌಡೇಶ್ವರಿ ದೇವಲ್ಯಡ್ ಅ.23 ಸೋಮಾರ ಚಂಡಿಕಾಹೋಮ ನಡಪರೆ ಉಂಡು.

ಮಧ್ಯಾಹ್ನ ಮಹಾಪೂಜೆ, ನುಪ್ಪು ಪ್ರಸಾದ ಸೇವೆ, ರಾತ್ರೆ ನಡಪುನ ರಂಗಪೂಜೆ ಬೊಕ್ಕ ಭಜನೆ ನಡಪರೆ ಉಂಡು. ಈ ಲೇಸ್ ಗ್ ಭಕ್ತಾದಿಲು ಎಚ್ಚದ ಸಂಖ್ಯೆಡ್ ಪಾಲ್ ಪಡೆದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಬೆಂಗ್ಲೂರು ಕಂಬುಲ ನಮ್ಮ ಕಂಬುಲ ಕಚೇರಿ ಉದಿಪನ

Oct 20, 2023

ಬೆಂಗ್ಲೂರು: ಅರಮನೆ ಮೈದಾನಡ್ ನಿರ್ಮಾಣ ಮಲ್ತಿನ ಬೆಂಗ್ಲೂರು ಕಂಬುಲ ನಮ್ಮ ಕಂಬುಲ ಕಚೇರಿ ಉದಿಪನ ಆಂಡ್.

ಈ ಪೊರ್ತುಡು ಕಂಬುಲ ಸಮಿತಿದ ಗುರ್ಕಾರೆ, ಪುತ್ತೂರು ಶಾಸಕೆರ್ ಅಶೋಕ್ ರೈ, ಉಪಾಧ್ಯಕ್ಷೆರ್ ಗುಣರಂಜನ್ ಶೆಟ್ಟಿ, ದಿನೇಶ್‌ ಹೆಗಡೆ, ಕಾರ್ಯಾಧ್ಯಕ್ಷೆರ್ ಗುರುಕಿರಣ್, ಖಜಾಂಚಿ ಸುಂದರ್ ರಾಜ್ ರೈ, ಪ್ರಧಾನ ಕಾರ್ಯದರ್ಶಿ ಕೆ.ವಿ.ರಾಜೇಂದ್ರಕುಮಾರ್, ಕಾರ್ಯಾಧ್ಯಕ್ಷೆರ್ ಉಮೇಶ್ ಶೆಟ್ಟಿ, ಉದಯ್‌ ಶೆಟ್ಟಿ, ಜಿ.ಶ್ರೀನಿವಾಸ್ ಸೇರಿನಂಚೆನೆ ಪದುಕೆರ್ ಪಾಲ್ ಪಡೆದಿತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಇನಿ ಬಿಜೆಪಿ ಕೇಂದ್ರ ಚುನಾವಣಾ ಸಮಿತಿ ಸಭೆ

Oct 20, 2023

ತೆಲಂಗಾಣ, ರಾಜಸ್ಥಾನ, ಛತ್ತೀಸ್ ಗಢ, ಮಿಜೋರಾಂ ಬೊಕ್ಕ ಮಧ್ಯಪ್ರದೇಶ ವಿಧಾನಸಭೆ ವೋಟುಗು ಅಭ್ಯರ್ಥಿಲೆನ್ ಆಯ್ಕೆ ಮಲ್ಪರೆ ಇನಿ ಬಿಜೆಪಿ ಕೇಂದ್ರ ಚುನಾವಣಾ ಸಮಿತಿ ಸಭೆ ನಡಪರೆ ಉಂಡು.

ಡೆಲ್ಲಿಡ್ ನಡಪುನ ಈ ಸಭೆಟ್ಟ್ ಅಮಿತ್ ಶಾ, ಜೆಪಿ ನಡ್ಡಾ ಸೇರಿನಂಚೆನೆ ಸುಮಾರ್ ಜನ ಸದಸ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್. ಬಿಜೆಪಿ ಇತ್ತೆನೇ ಎಂಪಿಗ್ 136, ರಾಜಸ್ಥಾನಗ್ 41 ಬೊಕ್ಕ ಛತ್ತೀಸ್ ಗಢನ್ 85 ಅಭ್ಯರ್ಥಿನ್ ಘೋಷಣೆ ಮಲ್ದ್ಂಡ್. ಒರಿನ ತಾನಗ್ ಇನಿಯೇ ಅಭ್ಯರ್ಥಿಲೆನ್ ಆಯ್ಕೆ ಮಲ್ಪುನ ಅಂದಾಜಿ ಉಂಡು.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ

ಮಾಣೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಕಾರ್ ಗ್ ಗೆಜ್ಜೆ ಕಟ್ಟ್ ದ್ ನಲ್ತಿನ ನವಿಲ್

Oct 20, 2023

ಕುಡ್ಲ: ನೀರುಮಾರ್ಗ ಮಾಣೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಪ್ರತಿದಿನೊಲ ಬತ್ತ್ ದ್ ನಲಿಪುನ ನವಿಲ್ ಗ್ ಮುಲ್ಪದ ಅರ್ಚಕೆರ್ ಇತ್ತೆ ಗೆಜ್ಜೆ ಕಟ್ಟ್ ದೆರ್. ನವಿಲ್ ಖುಷಿರ್ದ್ ನಲಿಪುನ ವಿಡಿಯೋ ಇತ್ತೆ ಸಾಮಾಜಿಕ ಜಾಲತಾಣಡ್ ವೈರಲ್‌ ಆತ್ಂಡ್.

ಗೆಜ್ಜೆ ಕಟ್ಟೊಂದು ಗಲ್ ಗಲ್ ನಲಿಪುನ ನಾಟ್ಯ ಮಯೂರಿನ ಡ್ಯಾನ್ಸ್ ತೂಯೆರೆ ಪಂದೇ ದೇವಲ್ಯದ ಭಕ್ತೆರ್ ಕಾತ್ ಕುಲ್ಲುದು ದೇವಲ್ಯಗ್ ಬರ್ಪೆರ್. ದೇವಲ್ಯದೊಲಯಿ ಬತ್ತ್ ದ್ ಡ್ಯಾನ್ಸ್ ಮಲ್ಪುನ ಈ ನವಿಲ್ ಬಯ್ಯ ಆನಗ ಅರ್ಚಕೆರೆನ ಇಲ್ಲಗ್ ಪೋದು ಅಲ್ಪ ಡ್ಯಾನ್ಸ್ ಮಲ್ಪುಂಡು.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News

ಬೋಲ್ತೆರ್: 45ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದೋತ್ಸವ ಉದಿಪನ

Oct 20, 2023

ಬೋಲ್ತೆರ್: 45ನೇ ವರ್ಷದ ಸಾರ್ವಜನಿಕ ಶ್ರೀ ಶಾರದೋತ್ಸವ ಉದಿಪನ ಬೋಲ್ತೆರ್: ಸಾರ್ವಜನಿಕ ಶ್ರೀ ಶಾರದೋತ್ಸವ ಸಮಿತಿ ಬೋಲ್ತೆರ್‌ ನೆತ್ತ ಮುತಾಲಿಕೆಡ್ ಇದರ 45ನೇ ವರ್ಷದ ಶ್ರೀ ಶಾರದಾ ಪೂಜೋತ್ಸವನ್ ರೈತ ಬಂಧು ಆಹಾರೋದ್ಯಮದ ಮುಖ್ಯಸ್ಥೆರ್ ಶಿವಶಂಕರ್ ಭಟ್ ತುಡರ್ ಅರ್ಲಾದ್‌ ಉದಿಪನ ಮಲ್ತೆರ್.‌
ಸಮಿತಿದ ಗೌರವಾಧ್ಯಕ್ಷೆರ್ ಮುಗುಳಿ ನಾರಾಯಣ ರಾವ್, ಅಧ್ಯಕ್ಷೆರ್ ಮುರಳೀಧರ, ಕಾರ್ಯದರ್ಶಿ ನಾರಾಯಣ ಶೆಟ್ಟಿ, ಉಪಾಧ್ಯಕ್ಷೆರ್ ಸುರೇಂದ್ರ ಕೋಟ್ಯಾನ್, ಸಂಜೀವ ಎನ್, ಕೋಶಾಧಿಕಾರಿ ಜನಾರ್ದನ, ಗೌರವ ಸಲಹೆಗಾರೆರ್ ಗಣೇಶ್ ಐತಾಲ್, ಸದಸ್ಯೆರ್ ಕುಮಾರ್ ದಾಸ್, ಜಿ.ವಿ ಹರೀಶ್ ಸವಣಾಲು ಈ ಪೊರ್ತುಡ್‌ ಇತ್ತೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News

ವಿಟ್ಲ : ಬಲ್ಲ್ ದೆತೊಂದು ಜವನೆ ಆತ್ಮಹತ್ಯೆ..!!!

Oct 20, 2023

ವಿಟ್ಲ : ಬಲ್ಲ್‌ ದೆತೊಂದು ಜವನೆ ಆತ್ಮಹತ್ಯೆ ಮಲ್ತಿನ ಘಟನೆ ವಿಟ್ಲ ಕೈತಲ್‌ದ ಪುಣಚಡ್‌ ನಡತ್‌ಂಡ್. ಪುಣಚ ಚೆಕ್ಕುತ್ತಿ ನಿವಾಸಿ ಶ್ರೀ ಕೃಷ್ಣ (26) ಆತ್ಮಹತ್ಯೆ ಮಲ್ತೊನ್ನ ಜವನೆ. ಕೃಷ್ಣ ಸೆಂಟ್ರಿಂಗ್ ಬೇಲೆ ಮಲ್ತೊಂದು ಇತ್ತೆರ್. ಆತ್ಮಹತ್ಯೆಗ್ ನಿಖರ ಕಾರಣ ತೆರಿದ್‌ ಬೈದಿಜಿ. ವಿಟ್ಲ ಪೊಲೀಸೆರ್ ಜಾಗೆಗ್‌ ಬತ್ತ್‌ದ್ ಪರಿಶೀಲನೆ ಮಲ್ತೊಂದು ಉಲ್ಲೆರ್.