ಶಾಲೆಡ್ ಕಲ್ಪಾರ್ಥಿಲು ಖೋ ಖೋ ಗೊಬ್ಬೊಂದು ಇಪ್ಪುನ ಪೊರ್ತುಡು ಒರಿ ಕಲ್ಪಾರ್ಥಿ ತರೆ ತಿರ್ಗ್ ದ್ ಬೂರ್ದು ತೀರ್ ಪೋಯಿನ ಘಟನೆ ಮೈಸೂರ್ ದ ನಂಜನಗೂಡು ತಾಲೂಕ್ ಡ್ ನಡತ್ಂಡ್.
ಹರದನಹಳ್ಳಿ ಸರ್ಕಾರಿ ಪ್ರೌಢಶಾಲೆಡ್ 9ನೇ ಕ್ಲಾಸ್ ಕಲ್ತೊಂದು ಇತ್ತಿನ ಶಶಾಂಕ್ ತೀರ್ ಪೋಯಿನ ಆನ್. ಮೇರ್ ತರೆ ತಿರ್ಗ್ ದ್ ಬೂರುನ ದೃಶ್ಯ ಸಿಸಿಟಿವಿಡ್ ರೆಕಾರ್ಡ್ ಆತ್ಂಡ್. ಈ ಬಗೆಟ್ ನಂಜನಗೂಡು ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಬೆಂಗ್ಲೂರ್: ಕಾಂಗ್ರೆಸ್ ಸರ್ಕಾರದ ಪಿರವುದ ಅವಧಿಡ್ ಜಾರಿ ಆಯಿನ ಇಂದಿರಾ ಕ್ಯಾಂಟೀನ್ನ್ ನನಾತ್ ಸುಧಾರಣೆ ಮಲ್ಪರೆ ಸಿಎಂ ಸಿದ್ದರಾಮಯ್ಯ ದುಂಬು ಬತ್ತಿತ್ತ್ದ್, ಇತ್ತೆ ಇಂದಿರಾ ಕ್ಯಾಂಟೀನ್ದ ಮೆನುಟ್ಟ್ ಪೊಸ ಐಟಂಲೆನ್ ಸೇರ್ಪಡೆ ಮಲ್ಪರೆ ನಿರ್ಧಾರ ಮಲ್ತ್ದೆರ್.
ಕಾಂಡೆದ ಚಾ ತಿಂಡಿದ ಬೆರಿಕ್ಕೆ ಬ್ರೆಡ್ ಜಾಮ್ ಬೊಕ್ಕ ಕುಡ್ಲ ಸ್ಪೆಷಲ್ ಬನ್ಸ್, ಮಧ್ಯಾಹ್ನದ ವನಸ್ಗ್ ಪಾಯಸ ಬೊಕ್ಕ ದಿನ ಬುಡ್ದ್ ದಿನ ಮುದ್ದೆ, ತೊಪ್ಪು ಸಾರ್ ವನಸ್ ಅಂಚನೆ ಚಪಾತಿ, ಸಾಗು, ಪಾಯಸ ಉಂಡು.
ಉಂದೆರ್ದ್ ದುಂಬು ಕಾಂಡೆ ಇಡ್ಲಿ, ಪುಳಿಯೋಗರೆ, ಖಾರಾಬಾತ್, ಪೊಂಗಲ್ ರವಾ ಕಿಚಡಿ, ಚಿತ್ರಾನ್ನ, ವಾಂಗಿಬಾತ್, ಕೇಸರಿಬಾತ್ ಇತ್ತ್ಂಡ್. ಇತ್ತೆ ಜಾಮ್ ಬೊಕ್ಕ ಸ್ಪೆಷಲ್ ಬನ್ಸ್ ಉಂಡು. ಮಧ್ಯಾಹ್ನದ ವನಸ್ಡ್ ನುಪ್ಪು, ತರಕಾರಿ ಸಾಂಬಾರ್ ಬೊಕ್ಕ ಮೊಸರನ್ನ ಮಾತ್ರ ಕೊರೊಂದಿತ್ತೆರ್. ಇತ್ತೆ ಪೊಸತ್ತಾದ್ ಪಾಯಸ, ಮುದ್ದೆ, ತೊಪ್ಪು ಸಾರ್ ಕೊರೊಂದುಲ್ಲೆರ್.
ಬಿರುವೆರ್ ಕುಡ್ಲ (ರಿ)ಮುಲ್ಕಿ ಘಟಕದ ವತಿರ್ದ್ 72ನೇ ಸ್ಪಂದನಾ ಸೇವಾ ಯೋಜನೆದ ಮುಖೇನ ಒಂಜಿ ಬಡಪತ್ತ್ ದ ಕುಟುಂಬಗ್ ಪನವುದ ಸಕಾಯನ್ ಮಲ್ತೆರ್.
ಬಿರುವೆರ್ ಕುಡ್ಲ (ರಿ) ಸ್ಥಾಪಕಾಧ್ಯಕ್ಷೆರ್ ಉದಯ ಪೂಜಾರಿ ಮೆರೆನ ಮುತಾಲಿಕೆಡ್, “ಸ್ವಂತಗ್ ಒಂತೆ, ಸಮಾಜಗ್ ಸರ್ವಸ್ವ” ಪನ್ಪುನ ಉದ್ದೇಶದೊಟ್ಟಿಗೆ ಏಪಲ ಸಮಾಜ ಸೇವೆ ಮಲ್ತೊಂದು ಇಪ್ಪುನ ಪೆರ್ಮೆದ ಬಿರುವೆರ್ ಕುಡ್ಲ ಸಂಘಟನೆದ ಅಂಗ ಸಂಸ್ಥೆಯಾಯಿನ ಮುಲ್ಕಿ ಘಟಕದ ಕ್ರಿಯಾಶೀಲ ಅಧ್ಯಕ್ಷೆರ್ ಕಿಶೋರ್ ಜೆ. ಸಾಲ್ಯಾನ್ ಮೆರೆನ ಮಾರ್ಗದರ್ಶನಡ್ ಬೊಕ್ಕ ಘಟಕದ ಮಾತ ಸದಸ್ಯೆರೆನ ಸಕಾಯರ್ದ್ 72 ನೇ ಸ್ಪಂದನಾ ಸೇವಾ ಯೋಜನೆನ್ ಇಂಚೊಗು ಹುಷಾರ್ ಇಜ್ಜಂದೆ ಇತ್ತಿನ ಮುಲ್ಕಿ ಒಡೆಯರಬೆಟ್ಟು ನಿವಾಸಿ ಜಯ ಪೂಜಾರಿ ಮೆರೆನ ಶಸ್ತ್ರ ಚಿಕಿತ್ಸೆಗ್ ಚೆಕ್ ಮುಖೇನ ಕೊರಿಯೆರ್.
ಈ ಪೊರ್ತುಡು ಘಟಕದ ಅಧ್ಯಕ್ಷೆರ್ ಕಿಶೋರ್ ಜೆ ಸಾಲ್ಯಾನ್, ಉಪಾಧ್ಯಕ್ಷೆರ್ ಉಮೇಶ್ ಮಾನಂಪಾಡಿ, ಕಾರ್ಯದರ್ಶಿ ಗಿರಿಧರ್ ಅಮೀನ್, ಕೋಶಾಧಿಕಾರಿ ಅಶೋಕ್ ಸುವರ್ಣ, ಸಂಘಟನಾ ಕಾರ್ಯದರ್ಶಿ ರಾಮನಾಥ್ ಸುವರ್ಣ, ಮೋಹನ ಸುವರ್ಣ ಬೊಕ್ಕ ಸದಸ್ಯೆರ್ ಇತ್ತೆರ್.
ಬೆದ್ರ ಕೈತಲ್ದ ಅಲಂಕಾರ್ ಡ್ ಕಾಲೇಜ್ ಕಲ್ಪಾರ್ಥಿ ಒರಿ ಆತ್ಮಹತ್ಯೆ ಮಲ್ತಿನ ಘಟನೆ ನಡತ್ಂಡ್.
ಎಸ್.ಎನ್.ಎಂ.ಪಾಲಿಟೆಕ್ನಿಕ್ದ ಉಪನ್ಯಾಸಕೆರ್ ಸುರೇಶ್ ಭಂಡಾರಿ ಮೆರೆನ ಮಗೆ ಸಾತ್ವಿಕ್ ಭಂಡಾರಿ ಆತ್ಮಹತ್ಯೆ ಮಲ್ತಿನ ಕಲ್ಪಾರ್ಥಿ.
ಇನಿ ಕಾಂಡೆ ಅಲಂಕಾರ್ದ ತನ್ನ ಇಲ್ಲಡ್ ಆತ್ಮಹತ್ಯೆ ಮಲ್ತ್ದೆರ್. ಕಾರಣ ದಾದ ಪಂದ್ ತೆರಿದ್ ಬೈದಿಜಿ. ಸಾತ್ವಿಕ್ ನಿಟ್ಟೆ ಇಂಜಿನಿಯರಿಂಗ್ ಕಾಲೇಜಿಡ್ ಕಲ್ತೊಂದಿತ್ತ್ದ್ ಪ್ರತಿಭಾನ್ವಿತ ಕಲ್ಪಾರ್ಥಿ ಆದಿತ್ತೆ. ಸ್ಥಳೀಯ ಪೊಲೀಸ್ ಠಾಣೆಡ್ ಈ ಬಗೆಟ್ ಕೇಸ್ ದಾಖಲ್ ಆತ್ಂಡ್.
ಕಾರ್ಲ: ಬಸ್ ಬೊಕ್ಕ ಬೈಕ್ ಗುದ್ದುದು ಬೈಕ್ ಡಿತ್ತಿನ ಆಣ್ ಬೊಕ್ಕ ಪೊಣ್ಣು ತೀರ್ ಪೋಯಿನ ಘಟನೆ ಹೆಬ್ರಿ ಆಗುಂಬೆ ಘಾಟಿದ ತಿರ್ಗಸ್ಡ್ ನಡತ್ಂಡ್.
ಸಿವಿಲ್ ಇಂಜಿನಿಯರಿಂಗ್ ಮುಗಿಪಾದ್ ಕಂಟ್ರಾಕ್ಟರ್ ಒಟ್ಟುಗು ಬೇಲೆ ಮಲ್ತೊಂದಿತ್ತಿನ ಬಾರ್ಕೂರು ನಿವಾಸಿ ಶಶಾಂಕ್ (21) ಅಲ್ಪನೇ ತೀರ್ ಪೋದಿತ್ತ್ದ್, ಮಸ್ತ್ ಪೆಟ್ಟಾಯಿನ ನಿರ್ಮಿತಾ(19) ಮೇರ್ ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋತೆರ್.
ಶಶಾಂಕ್ ಬೊಕ್ಕ ಅರೆನ ಅಕ್ಕನ ಮಗಲ್ ನಿರ್ಮಿತಾ ಬೈಕ್ಡ್ ತೀರ್ಥಹಳ್ಳಿರ್ದ್ ಒಡಿಪುಗ್ ಪೋವೊಂದಿತ್ತೆರ್. ಅಪಗ ಎದುರುರ್ದು ಬತ್ತಿನ ಬಸ್ ಬೈಕ್ ಗ್ ಗುದ್ದುದುಂಡು. ಹೆಬ್ರಿ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
Karkala: Two persons die in a ghastly accident in Agumbe Ghat
In a collusion between a bus and bike two siblings on the bike lost lives on the spot at the turning in the Agmbe ghat Section.
ವಿಜಯನಗರ: ನಾಡ್ ದ ಪುಗರ್ತೆದ ವಿಶ್ವವಿದ್ಯಾಲಯ ಆಯಿನ ಹಂಪಿ ವಿಶ್ವವಿದ್ಯಾಲಯಗ್ ಸುಮಾರ್ 85 ಲಕ್ಷ ರೂ. ಕರೆಂಟ್ ಬಿಲ್ ಬೈದ್ಂಡ್. ಬಿಲ್ ಕಟ್ಟೆರೆ ಕಾಸ್ ಇಜ್ಜಂದೆ ಪರದಾಡೊಂದು ಉಂಡು.
ವಿಜಯನಗರ ಜಿಲ್ಲೆದ ಹೊಸಪೇಟೆ ತಾಲೂಕ್ ಡ್ ಇಪ್ಪುನ ಹಂಪಿ ಕನ್ನಡ ವಿಶ್ವವಿದ್ಯಾಲಯ ಕನ್ನಡದ ಸಂಶೋಧನೆಗಾದ್ ಪುಟ್ಟಿನ ಒಂಜೇ ಒಂಜಿ ವಿಶ್ವವಿದ್ಯಾಲಯ ಆತ್ಂಡ್.
ಈ ವಿವಿಗ್ ಅನುದಾನ ಸರಿಯಾದ್ ಬರಂದಿನ ಕಾರಣ ದುಂಬುದ ಕರೆಂಟ್ ಬಿಲ್ ಕಟ್ಟ್ ದ್ ಇಜ್ಜಂಡ್. ಇತ್ತೆ ದುಂಬುದ ಬಾಕಿ ಬಿಲ್ ಸೇರ್ಸಾದ್ ಇಡೆ ಮುಟ್ಟ 85 ಲಕ್ಷ ರೂ. ಬಿಲ್ಲ್ ಬೈದ್ಂಡ್.
ರಾಂಚಿ: ಕುಕ್ಕು ಕೊಯಿಪಿನ ಇಚಾರಡ್ ರಡ್ಡ್ ಕಡೆತ್ತಕಲ್ನ ನಡುಟ್ಟು ನಡತಿನ ಲಡಾಯಿಡ್ ಮೆಗ್ಯೆ ಪಲಯೆ ಸೈತಿನ ಘಟನೆ ಜಾರ್ಖಂಡ್ದ ಪಾಕುರ್ಡ್ ನಡತ್ಂಡ್.
ನೆಟ್ಟ್ ತೀರ್ ಪೋಯಿನಕುಲು ಡೇವಿಧನ್ ಮುರ್ಮು ಬೊಕ್ಕ ವಕೀಲ್ ಮುರ್ಮು ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ರಡ್ಡ್ ಜನನ್ ಅರೆಸ್ಟ್ ಮಲ್ದೆರ್. ಗಲಾಟೆಡ್ ಭಾಗಿ ಆಯಿನ ಎಚ್ಚದ ಆರೋಪಿಲು ತಪ್ಪಾದ್ ಪೋತೆರ್. ಬಾಕಿ ಆರೋಪಿಲೆನ್ ಪೊಲೀಸೆರ್ ನಾಡೊಂದುಲ್ಲೆರ್. ಅತ್ತಂದೆ ಗ್ರಾಮಡ್ ಕಾನೂನು ವ್ಯವಸ್ಥೆ ಮಲ್ಪರೆ ಪೊಲೀಸೆರೆನ್ ಕಡಪುಡ್ದೆರ್ ಪಂದ್ ಅಧಿಕಾರಿಲು ತೆರಿಪಾದೆರ್.
ಆಪಗಪಗ ಹುಷಾರ್ ತತ್ತೊಂದು ಇತ್ತಿನ ಮಾಜಿ ಸಿನಿಮಾ ನಟಿ ರಮ್ಯಾ ಇತ್ತೆ ಲಂಡನ್ ಡ್ ಆಸ್ಪತ್ರೆಗ್ ದಾಖಲ್ ಆತೆರ್.
ಲಂಡನ್ ದ lanserhof ನ್ಯಾಚುರೋಪಥಿ ಆಸ್ಪತ್ರೆಗ್ ದಾಖಲಾದ್ ಕರಿನ ನಾಲ್ ಐನ್ ದಿನೊರ್ದಿಂಚಿ ಪ್ರಕೃತಿ ಚಿಕಿತ್ಸೆ ಪಡೆವೊಂದು ಉಲ್ಲೆರ್.
ವೆಲ್ ನೆಸ್ ಕ್ಲಿನಿಕ್ ದ ಪೋಟೋನ್ ರಮ್ಯಾ ತನ್ನ ಇನ್ ಸ್ಟಾಡ್ ಪಾಡ್ದೆರ್. ಮೆರೆಗ್ ನೆರ್ದ್ ದುಂಬು ಕಾರ್ ಡ್ ಟ್ಯೂಮರ್ ಆದಿತ್ತ್ಂಡ್.
ರಾಜಬೂಡು ಚೆನ್ನೈ ಸೇರ್ದ್ ತಮಿಳ್ನಾಡ್ದ ಕೆಲ ಪ್ರದೇಶಲೆಡ್ ಐತಾರ ಭಾರೀ ಬರ್ಸ ಬತ್ತಿತ್ತ್ದ್ ಸಂಚಾರ ಅಸ್ತವ್ಯಸ್ತ ಆತ್ಂಡ್.
ಸೋಮಾರಲ ತೆಡಿಲ್ದೊಟ್ಟುಗು ಭಾರೀ ಬರ್ಸ ಬರ್ಪಿನ ಮುನ್ಸೂಚನೆ ಇತ್ತಿನೆಡ್ದಾವರ ಕಾಂಚೀಪುರಂ, ತಿರುವಳ್ಳೂರು, ಚೆಂಗಲ್ಪಟ್ಟು, ರಾಣಿಪೇಟ್ ಸೇರಿನಂಚನೆ ವೆಲ್ಲೂರು ಜಿಲ್ಲೆಲೆಡ್ ಶಾಲೆಗ್ ರಜೆ ಘೋಷಣೆ ಮಲ್ತ್ದೆರ್.
ಭಾರೀ ಬರ್ಸರ್ದಾವರ ಚೆನ್ನೈಗ್ ಪೊಯರೆ ಇತ್ತಿನ ಆಜೆಡ್ದ್ ಎಚ್ಚದ ಇಮಾನಲೆಗ್ ಬೆಂಗ್ಲೂರ್ಗ್ ಮಾರ್ಗ ಬದಲ್ ಮಲ್ತ್ದೆರ್. 12 ರ್ದ್ ಎಚ್ಚದ ಇಮಾನದ ಸವಾರಿನ್ ಬದಲ್ ಮಲ್ದೆರ್.
ಬೆಂಗ್ಲೂರ್: ಪೊಸ ಸರ್ಕಾರ ಆಡಳಿತಗ್ ಬತ್ತಿನ ಬೆರಿಟ್ಟೆ ಕರೆಂಟ್ ಬಿಲ್ ಎಚ್ಚ ಆತಿನೆಡ್ದಾವರ, ಕೈಗಾರಿಕೆಲೆಗ್ ಮಸ್ತ್ ಬಂಗ ಆತ್ಂಡ್. ಇಂಚಾದ್ ಉಂದೆನ್ ಖಂಡಿಸಾದ್ ಕರ್ನಾಟಕ ವಾಣಿಜ್ಯ ಮಂಡಳಿ ಬೊಕ್ಕ ಕೈಗಾರಿಕಾ ಮಂಡಳಿ ಜೂನ್ 22 ಕ್ಕ್ ಕರ್ನಾಟಕ ಬಂದ್ಗ್ ಲೆಪ್ಪು ಕೊರ್ದಿತ್ತ್ದ್ ಉಂದೆಕ್ಕ್ ರಾಜ್ಯದ ಮಸ್ತ್ ಉದ್ಯಮಿಲು ಅಂಚನೆ ಕೈಗಾರಿಕೆಲು ಬೆಂಬಲ
ತೆರಿಪಾದೆರ್.
ಎಫ್ ಕೆ ಸಿಸಿಐ ಎಚ್ಚರ್ಗೆ ಕೊರ್ಂಡಲ ರಾಜ್ಯ ಸರ್ಕಾರ ಒವ್ವೆ ಚರ್ಚೆ ಮಲ್ಪಂದಿನ ನಿಲೆಟ್ ಕರ್ನಾಟಕ ಚೇಂಬರ್ ಆಫ್ ಕಾಮರ್ಸ್ ಅಂಚನೆ ಇಂಡಸ್ಟ್ರಿ ಬಂದ್ ಮಲ್ಪರೆ ನಿರ್ಧಾರ ಮಲ್ತ್ದ್ಂಡ್.
