April 2023

ರಾಜಕೀಯಗ್ ನಿವೃತ್ತಿ ಘೋಷಣೆ ಮಲ್ತಿನ ಕೆ.ಎಸ್ ಈಶ್ವರಪ್ಪ

ಕರ್ನಾಟಕ ಬಿಜೆಪಿದ ಪೆರಿಯ ನಾಯಕೆ, 40% ಕಮಿಷನ್ ಆರೋಪಡ್ ಸಚಿವ ತಾನ ಕಳೆವೊನ್ನ ಕೆ.ಎಸ್. ಈಶ್ವರಪ್ಪ ಮೇರ್ ರಾಜಕೀಯಗ್ ನಿವೃತ್ತಿ ಘೋಷಣೆ ಮಲ್ದೆರ್.

ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆ.ಪಿ.ನಡ್ಡಾ ಮೆರೆಗ್ ಪತ್ರ ಬರೆಯಿನ ಮೇರ್, ಸ್ವ-ಇಚ್ಛೆರ್ದೆ ಚುನಾವಣಾ ರಾಜಕೀಯರ್ದ್ ನಿವೃತ್ತಿ ಅಪೆ ಪಂದ್ ತೆರಿಪಾಯೆರ್.

ಪೆರಿಯ ಸ್ವಾತಂತ್ರ್ಯ ಹೋರಾಟಗಾರೆ ತಿಳವಳ್ಳಿ ಶೆಟ್ರು ಸಿದ್ದರಾಮಪ್ಪ ನನ ನೆಂಪು ಮಾತ್ರ

ಪೆರಿಯ ಸ್ವಾತಂತ್ರ್ಯ ಹೋರಾಟಗಾರೆ ತಿಳವಳ್ಳಿ ಶೆಟ್ರು ಸಿದ್ದರಾಮಪ್ಪ ಇನಿ ದೇವೆರೆ ಪಾದೊ ಸೇರಿಯೆರ್.

ದಾವಣಗೆರೆತ್ತ ಎಸ್ ಎಸ್ ಬಡಾವಣೆಡ್ ವಾಸ ಇತ್ತಿನ ಮೆರೆಗ್ 7 ಜನ ಪೊಣ್ಣು ಜೋಕುಲು, 2 ಜನ ಆಣ್ ಜೋಕುಲು ಉಲ್ಲೆರ್. ಮೆರೆನ ಅಕೇರಿದ ಕ್ರಿಯೆ ಹಿಂದೂ ಸಾರ್ವಜನಿಕ ರುದ್ರಭೂಮಿಡ್ ನಡಪರೆ ಉಂಡು.

April 22nd: ” Dubai Billava festival” at Dubai ಎ.22: ದುಬೈದ ಶೇಖ್ ಝಯೆದ್ ಮಾರ್ಗದ ಕ್ರೌನ್ ಪ್ಲಾಜಾಡ್ “ದುಬೈ ಬಿಲ್ಲವ ಉಚ್ಚಯ”

ದುಬೈ: ಯುಎಇದ ಮತ ರಾಜ್ಯಡ್ ಇಪ್ಪುನ ನಮ್ಮ ಬಿಲ್ಲವ ಸಮಾಜದ ಬಾಂಧವೆರ್ ಎಪ್ರಿಲ್ 22 ಕ್ಕ್ ದುಬೈಡ್ ನಡಪರೆ ಇಪ್ಪುನ “ದುಬೈ ಬಿಲ್ಲವ ಉಚ್ಚಯ” ಡ್ ಪಾಲ್ ಪಡೆದ್, ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಬಿಲ್ಲಾವಸ್ ಫ್ಯಾಮಿಲಿ ದುಬೈದ ಅಧ್ಯಕ್ಷೆರ್ ಪ್ರಭಾಕರ ಸುವರ್ಣ ಮೇರ್ ಪತ್ರಿಕಾಗೋಷ್ಠಿಡ್ ಬಿನ್ನಾಪು ಮಲ್ತೆರ್.

ಅಂಚೆನೆ ಈ ಲೇಸ್ ಗ್ ಬಿಲ್ಲವಾಸ್ ಫ್ಯಾಮಿಲಿ ದುಬೈದ 25 ನೇ ವರ್ಷೊದ ಬೊಳ್ಳಿ ಪರ್ಬಗ್ ರೇಣುಕಾ ಮಠತ್ತ ಸೋಲೂರು ಶ್ರೀ ವಿಖ್ಯಾತನಂದ ಸ್ವಾಮೀಜಿ ಮೇರ್ ಬತ್ತ್ ದ್, ನಮನ್ ಉದ್ದೇಶಿಸಾದ್ ಆರ್ಶಿವಚನ ಕೊರಿಯೆರ್ ಉಲ್ಲೆರ್. ಬೊಕ್ಕ ಎಪ್ರಿಲ್ 22 ಕ್ಕ್ ಬೊಲ್ಪುರ್ದ್ ಬಯ್ಯ ಮುಟ್ಟ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು ಪಂದ್ ಪಂಡೆರ್.

ಎಪ್ರಿಲ್ 22 ಕ್ಕ್ ಶೇಖ್ ಝಯೆದ್ ಮಾರ್ಗದ ಕ್ರೌನ್ ಪ್ಲಾಜಾ (Crown Plaza Sheikh Zayed Road Dubai) ಡ್ ನಡಪುನ, ಬಿಲ್ಲವಾಸ್ ಫ್ಯಾಮಿಲಿ ದುಬೈದ 25 ನೇ ವರ್ಷೊದ “ದುಬೈ ಬಿಲ್ಲವ ಉಚ್ಚಯ”ದ ಅಂಗವಾದ್, ಎಪ್ರಿಲ್ 7 ಕ್ಕ್ ಊದ್ ಮೇತದ ಬಿರಿಯಾನಿ 2020 ರೆಸ್ಟೋರೆಂಟ್ ಡ್ ನಡತಿನ ಪತ್ರಿಕಾಗೋಷ್ಠಿಡ್, ಬಿಲ್ಲವಾಸ್ ಫ್ಯಾಮಿಲಿ ದುಬೈದ ಕಾರ್ಯದರ್ಶಿ ದೀಪಕ್ ಎಸ್.ಪಿ. ಪಾತೆರ್ದ್, ಬೊಲ್ಪುರ್ದ್ ಬಯ್ಯ ಮುಟ್ಟ ನಡಪರೆ ಇಪ್ಪುನ ಬಿಲ್ಲವಾಸ್ ಫ್ಯಾಮಿಲಿ ದುಬೈದ ಸ್ನೇಹ ಸಮ್ಮಿಲನಡ್ ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ವಿದ್ವಾನ್ ಸುರೇಶ್ ಅತ್ತಾವರ್ ಮೆರೆನ ನಿರ್ದೇಶನಡ್ “ಬಿರುವ ಬೊಲ್ಲಿಲು” ಪನ್ಪುನ ತುಳು ನೃತ್ಯ ರೂಪಕ, ಬಿರುವೆರ್ ಕುಡ್ಲ ದುಬೈ ಕೂಟದಕ್ಲೆರ್ದ್ “ಬಿರ್ದ್ ದ ಪಿಲಿಕುಲು” (ಪಿಲಿನಲಿಕೆ) ಬೊಕ್ಕ ತೆಲಿಕೆದ ತೆನಾಲಿ ಸುನೀಲ್ ನೆಲ್ಲಿಗುಡ್ಡೆ ಮೆರೆನ ಮುತಾಲಿಕೆಡ್, ಊರುದ ಪುಗರ್ತೆದ ಕಲಾವಿದೆರೆನ ಕೂಡುವಿಕೆರ್ದ್ ” ಗಮ್ಜಲ್ ಕಾಮಿಡಿ” ಪನ್ಪುನ ಹಾಸ್ಯ ಲೇಸ್ ನಡಪರೆ ಉಂಡು. ಈ ಲೇಸ್ ಡ್ ಕುಡ್ಲ ಕುಸಲ್ ರವಿರಾಮ ರಾಮಕುಂಜ, ಕಾಮಿಡಿ ಕಿಲಾಡಿಲು ಖ್ಯಾತಿದ ಪಿಂಕಿ ರಾಣಿ, ಕುಸಾಲ್ದ ಗುರಿಕಾರೆ ಸುಜಿತ್ ಕೋಟ್ಯಾನ್, ಹರೀಶ್ ಬಂಗೇರ, ಸಂಗೀತ ನಿರ್ದೇಶಕೆರ್ ಶುಭಕರ ಬೆಳಪು ಊರುರ್ದ್ ಬತ್ತ್ ದ್ ನಮನ್ ಮತ ಮನರಂಜಿಸಾಯೆರೆ ಉಲ್ಲೆರ್ ಪಂದ್ ಪಂಡೆರ್.

ಈ ಪೊರ್ತುಡು ಪತ್ರಿಕಾಗೋಷ್ಠಿಡ್ ಬಿಲ್ಲವಾಸ್ ಫ್ಯಾಮಿಲಿ ದುಬೈದ ನಿಕಟ ಪೂರ್ವ ಅಧ್ಯಕ್ಷೆರ್ ಸತೀಶ್ ಪೂಜಾರಿ, ಉಪಾಧ್ಯಕ್ಷೆರ್ ಆನಂದ ಬೈಲೂರು, ಇತ್ತೆದ ಉಪಾಧ್ಯಕ್ಷೆರ್ ಸತೀಶ್ ಉಳ್ಳಲ್, ಪ್ರಕಾಶ್ ಪೂಜಾರಿ, ಕೋಶಾಧಿಕಾರಿ ಪ್ರಭಾಕರ ಪೂಜಾರಿ, ಸಾಂಸ್ಕೃತಿಕ ಕಾರ್ಯದರ್ಶಿ ರವಿ ಕೋಟ್ಯಾನ್ ಇತ್ತೆರ್.

ವರದಿ: ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)

April 22nd: ” Dubai Billava festival” at Dubai

Dubai: Prabhakar Suvarna president of Billawa Family Dubai has announced in a press meet that ” Dubai Billava festival” will be organised at Dubai on April 22 nd.

The day will be filled with cultural programme, dance and drama .

This is the 25 th annual Billawa Family program to be organised at Dubai and a dance drama ” Biruva Bollulli ” will be played. Another play ” Gamjal Comedy” with artists from the home town entertaing the audience .

Former president of Billawa Family Dubai Satish Poojary, Anand Bailoor, Satish Ullal and others were present.

ಎ.14-20: ಶ್ರೀ ಆದಿನಾಗಬ್ರಹ್ಮ ಮೊಗೇರ್ಕಳ ದೈವೊಲ್ಯದ ಸ್ವಾಮಿ ಕೊರಗಜ್ಜ ಸಾನಿಧ್ಯಡ್ ಎರ್ನೋಡಿ ನೇಮ

ಉಜಿರೆ: ಶ್ರೀ ಆದಿನಾಗಬ್ರಹ್ಮ ಮೊಗೇರ್ಕಳ ದೈವೊಲ್ಯದ ಸ್ವಾಮಿ ಕೊರಗಜ್ಜನ ಸಾನಿಧ್ಯಡ್ ಎರ್ನೋಡಿ ನೇಮ ಎ.14-20 ಮುಟ್ಟ ನಡಪರೆ ಉಂಡು.

ಈ ಲೇಸ್ ಕೊರಗಪ್ಪ ಪಂಡಿತ್ ಶಂಭೂರ್ ಮೆರೆನ ಪೌರೋಹಿತ್ಯಡ್, ಶ್ರೀ ಗಡಿ ಮೊಗೇರ ದೈವೊಲಾಯಿನ ಶ್ರೀ ಮುದ್ದ-ಕಳಲ, ದೇವಿ ತನ್ನಿಮಾನಿಗ, ಧರ್ಮದೈವ ಅಣ್ಣಪ್ಪ ಸ್ವಾಮಿ, ಸ್ವಾಮಿ ಕೊರಗಜ್ಜ ಬೊಕ್ಕ ಎರ್ನೋಡಿ ಗುಳಿಗ ದೈವೊದ ನೇಮ ನಡಪರೆ ಉಂಡು.

ಬೊಕ್ಕ ಗಣಪತಿ ಮುಚ್ಚಿನ್ನಾಯ ಮಾಗಣೆ ತಂತ್ರಿಲೆನ ಪೌರೋಹಿತ್ಯಡ್ ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ ಬೊಕ್ಕ ನಾಗದೇವೆರೆನ ಪೂಜೆ ವೈದಿಕ, ಧಾರ್ಮಿಕ ವಿಧಿ ವಿಧಾನದೊಟ್ಟಿಗೆ ನಡಪರೆ ಉಂಡು.

ಎ.14 ಸುಕ್ರಾರ ಬೊಲ್ಪುಗು ಗಣಹೋಮ, ಕೈಲ್ ಕಡ್ಪೆರೆ, ಮಧ್ಯಾಹ್ನ ಪೂಜೆ, ಪ್ರಸಾದ ಕೊರಿಯೆರೆ ಉಂಡು. ರಾತ್ರೆ ಶ್ರೀ ಸರಸ್ವತಿ ಭಜನಾ ಮಂಡಳಿ ಎರ್ನೋಡಿ, ಓಂಕಾರೇಶ್ವರ ಭಜನಾ ಮಂಡಳಿ ಪಜಿರಡ್ಕ ಮೊಕ್ಲೆರ್ದ್ ಭಜನೆ, ಬೊಕ್ಕ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು.

ಎ.15 ಸನಿಯಾರ ಬೊಲ್ಪುಗು ಬೊಕ್ಕ ಮಧ್ಯಾಹ್ನ ಪೂಜೆ, ರಾತ್ರೆ ಶ್ರೀ ಭಕ್ತ ವತ್ಸಲ ನಲಿಕೆ ಭಜನೆ ಕೂಟ ಸತ್ಯನಪಲಿಕೆ, ಕಲ್ಮಂಜ ಮೊಕ್ಲೆರ್ದ್ ಭಜನೆ ಸೇವೆ, ಬೊಕ್ಕ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು.

ಎ.16 ಐತಾರ ಬೊಲ್ಪುಗು ಬೊಕ್ಕ ಮಧ್ಯಾಹ್ನ ಪೂಜೆ, ರಾತ್ರೆ ಶ್ರೀ ಉಮಾಮಹೇಶ್ವರ ಭಜನಾ ಮಂಡಳಿ, ಕಿರಿಯಾಡಿ, ಉಜಿರೆ ಮೊಕ್ಲೆರ್ದ್ ಭಜನೆ ಸೇವೆ ಬೊಕ್ಕ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು.

ಎ.17 ಸೋಮಾರ ಬೊಲ್ಪುಗು ಬೊಕ್ಕ ಮಧ್ಯಾಹ್ನ ಶ್ರೀ ಸಿದ್ಧಿವಿನಾಯಕ ಭಜನಾ ಮಂಡಳಿ ವಿನಾಯಕನಗರ ಉಜಿರೆ ಮೊಕ್ಲೆರ್ದ್ ಭಜನೆ ಸೇವೆ, ರಾತ್ರೆ ಮಹಾಪೂಜೆ ಪ್ರಸಾದ ಕೊರಿಯೆರೆ ಉಂಡು.

ಎ.18 ಅಂಗಾರೆ ಬೊಲ್ಪುಗು ಬೊಕ್ಕ ಮಧ್ಯಾಹ್ನ ಪೂಜೆ, ರಾತ್ರೆ ಶ್ರೀ ಸರಸ್ವತಿ ಭಜನಾ ಮಂಡಳಿ, ವಿವೇಕಾನಂದ ಹಳೆಪೇಟೆ-ಲಾಯಿಲ ಮೊಕ್ಲೆರ್ದ್ ಭಜನೆ ಸೇವೆ, ರಾತ್ರೆ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು.

ಎ.19 ಬುಧಾರ ಬೊಲ್ಪುಗು ಬೊಕ್ಕ ಮಧ್ಯಾಹ್ನ ಪೂಜೆ, ರಾತ್ರೆ ಭಗವಾನ್ ಶಿರಡಿಸಾಯಿ ಶ್ರೀ ಸತ್ಯಸಾಯಿ ಸೇವಾಕ್ಷೇತ್ರ ಹಳೇಕೋಟೆ ಬೊಲ್ತೇರ್ ಮೊಕ್ಲೆರ್ದ್ ಭಜನೆ ಸೇವೆ ಬೊಕ್ಕ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು.

ಎ.20 ಗುರುವಾರ ಬೊಲ್ಪುಗು ಗಣಹೋಮ, ನಾಗದೇವೆರೆನ ಪೂಜೆ, ತಂಬಿಲ ಸೇವೆ, ಸಾರ್ವಜನಿಕ ಶ್ರೀ ಸತ್ಯನಾರಾಯಣ ಪೂಜೆ, ಮಧ್ಯಾಹ್ನ ಮಹಾಪೂಜೆ, ಪಲ್ಲಪೂಜೆ, ಪ್ರಸಾದ ಕೊರಿಯೆರೆ ಉಂಡು ಬೊಕ್ಕ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಶ್ರೀ ಧರ್ಮದೈವ ಅಣ್ಣಪ್ಪ (ಸ್ವಾಮಿ) ಪಂಜುರ್ಲಿ ನೇಮ, ರಾತ್ರೆ ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು. ಬೊಕ್ಕ ದೈವೊಲೆನ ಭಂಡಾರ ದೆಪ್ಪೆರೆ ಉಂಡು. ಅವೆರ್ದ್ ಬೊಕ್ಕ ಸಾರ್ವಜನಿಕ ಅನ್ನಸಂತರ್ಪಣೆ ನಡಪರೆ ಉಂಡು. ಬೊಕ್ಕ ಗಡಿ ಮೊಗೇರ ದೈವೊಲಾಯಿನ ಶ್ರೀ ಮುದ್ದಕಳಲ ನೇಮ, ತನ್ನಿಮಾನಿಗ ನೇಮ, ಸ್ವಾಮಿ ಕೊರಗಜ್ಜ ದೈವೊದ ನೇಮ, ಬೊಕ್ಕ ಎರ್ನೋಡಿ ಗುಳಿಗೆ ದೈವೊದ ನೇಮ ನಡಪರೆ ಉಂಡು.

ಎ.21 ಸುಕ್ರಾರ ಬೊಲ್ಪುಗು ಶುದ್ಧಿಕರಣ, ಸಾರ್ವಜನಿಕ ಪ್ರಾರ್ತನೆ, ಮಹಾಪೂಜೆ, ಪ್ರಸಾದ ಕೊರಿಯೆರೆ ಉಂಡು.

ಎ.22 ಸನಿಯಾರ ಬೊಲ್ಪುಗು ಪೂಜೆ, ಮಧ್ಯಾಹ್ನ ಕುರಿತಂಬಿಲ ಸೇವೆ ಬೊಕ್ಕ ಸಾರ್ವಜನಿಕ ಕೊರಗಜ್ಜನ ಅಗೇಲ್ ಸೇವೆ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೈವ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಮೊಗೇರ ಸಮಾಜ ಸೇವಾ ಸಮಿತಿ, ಮೊಗೇರ ಯುವಕ ಮಂಡಲ, ಮೊಗೇರ ಯುವತಿ ಮಂಡಲ, ಮೊಗೇರ ಯುವ ವೇದಿಕೆ, ಶ್ರೀ ಸರಸ್ವತಿ ಭಜನಾ ಮಂಡಳಿ ಎರ್ನೋಡಿ ಉಜಿರೆದ ಅಧ್ಯಕ್ಷೆರ್, ಸರ್ವಸದಸ್ಯೆರ್ ಬೊಕ್ಕ ಶ್ರೀ ಆದಿನಾಗಬ್ರಹ್ಮ ಮೊಗೇರ್ಕಳ ದೈವೊಲ್ಯ, ಶ್ರೀ ಆದಿನಾಗಬ್ರಹ್ಮ ಮೊಗೇರ್ಕಳ ಸೇವಾ ಟ್ರಸ್ಟ್ (ರಿ.) ಎರ್ನೋಡಿ ಉಜಿರೆದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.14-23: ವೇಣೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವರ್ಷಾಧಿದ ಜಾತ್ರೆ

ವೇಣೂರು ಶ್ರೀ ಮಹಾಲಿಂಗೇಶ್ವರ ದೇವಲ್ಯಡ್ ವರ್ಷಾಧಿದ ಜಾತ್ರೆ ಎ.14-23 ಮುಟ್ಟ ನಡಪರೆ ಉಂಡು.

ಎ.11 ಬೊಕ್ಕ 12 ಕ್ಕ್ ಶ್ರೀ ದೇವೆರೆನ ಸನ್ನಿಧಿಡ್ ದೃಡಕಲಶ ಬೊಕ್ಕ ಮಹಾರಂಗ ಪೂಜೆ ನಡಪರೆ ಉಂಡು.

ಎ.14 ಸುಕ್ರಾರ ಬೊಲ್ಪುಗು ಗಣಯಾಗ, ತೋರಣ ಮೂರ್ತ, ರುದ್ರಾಭಿಷೇಕ, ಕಂಕಣಬಂಧ ಬೊಕ್ಕ ಕೊಡಿ ಏರುಂಡು. ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಭಜನೆ, ಉಚ್ಚಯ, ವಸಂತಕಟ್ಟೆ ಪೂಜೆ, ಮಹಾಪೂಜೆ, ನಿತ್ಯಬಲಿ, ರಂಗಪೂಜೆ ನಡಪರೆ ಉಂಡು.

ಎ.15 ಸನಿಯಾರ ಬೊಲ್ಪುಗು ತುಡರ್ ಬಲಿ, ರುದ್ರಾಭಿಷೇಕ, ಸಾರ್ವಜನಿಕ ಸನಿಪೂಜೆ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಭಜನೆ, ಉಚ್ಚಯ, ವಸಂತಕಟ್ಟೆ ಪೂಜೆ, ಮಹಾಪೂಜೆ, ನಿತ್ಯಬಲಿ ನಡಪರೆ ಉಂಡು.

ಎ.16 ಐತಾರ ಬೊಲ್ಪುಗು ಗಣಪತಿ ದೇವೆರೆನ ಸನ್ನಿಧಿಡ್ 12 ತಾರಾಯಿದ ಗಣಯಾಗ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಭಜನೆ, ಉಚ್ಚಯ, ವಸಂತಕಟ್ಟೆ ಪೂಜೆ, ಮಹಾಪೂಜೆ, ನಿತ್ಯಬಲಿ ನಡಪರೆ ಉಂಡು.

ಎ.17 ಸೋಮಾರ ಬೊಲ್ಪುಗು ಶತರುದ್ರಾಭಿಷೇಕ, ಮಧ್ಯಾಹ್ನ ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಭಜನೆ, ದೀಪಾರಾಧನೆ, ಉಚ್ಚಯ, ವಸಂತಕಟ್ಟೆ ಪೂಜೆ, ಮಹಾಪೂಜೆ, ನಿತ್ಯಬಲಿ ನಡಪರೆ ಉಂಡು.

ಎ.18 ಅಂಗಾರೆ ಶ್ರೀ ನಾಗದೇವೆರೆನ ಸನ್ನಿಧಿಡ್ ಪರಮಾನ, ಕಲಶಾಭಿಷೇಕ, ಆಶ್ಲೇಷ ಬಲಿ, ಮಧ್ಯಾಹ್ನ ರುದ್ರಾಭಿಷೇಕ, ಮಹಾಪೂಜೆ, ಅನ್ನಸಂತರ್ಪಣೆ, ಬಯ್ಯಗ್ ಭಜನೆ, ದೀಪಾರಾಧನೆ, ಚಂದ್ರಮಂಡಲ, ರಾತ್ರೆ ರಕ್ತೇಶ್ವರಿ ದೈವೊದ ನೇಮ ನಡಪರೆ ಉಂಡು.

ಎ.19 ಬೊಲ್ಪುಗು ಶ್ರೀ ಜನಾರ್ಧನ ದೇವೆರೆನ ಸನ್ನಿಧಿಡ್ ದೇವೆರೆಗ್ ವಿಷ್ಣು ಸಹಸ್ರ ನಾಮಾರ್ಚನೆ, ಗಣಹೋಮ, ಬಯ್ಯಗ್ ಭಜನೆ, ಚಂದ್ರಮಂಡಲ, ಮಹಾಪೂಜೆ ನಡಪರೆ ಉಂಡು.

ಎ.20 ಬೊಲ್ಪುಗು ಭಜನೆ, ಮಧ್ಯಾಹ್ನ ರುದ್ರಾಭಿಷೇಕ, ರಾತ್ರೆ ವಸಂತಕಟ್ಟೆ ಪೂಜೆ, ದರ್ಶನ ಬಲಿ, ಕಲ್ಕುಡ ಕಲ್ಲುರ್ಟಿ ದೈವೊದ ನೇಮ ನಡಪರೆ ಉಂಡು.

ಎ.21 ಶ್ರೀ ಭದ್ರಕಾಳಿ ದೇವಿ ಸನ್ನಿಧಿಡ್ ಸಪ್ತಶತಿ ಪಾರಾಯಣ, ಮಧ್ಯಾಹ್ನ ರುದ್ರಾಭಿಷೇಕ, ಬಯ್ಯಗ್ ಸವಾರಿ ಬಲಿ, ಶ್ರೀ ಭೂತ ಬಲಿ, ಕವಾಟ ಬಂಧನ ನಡಪರೆ ಉಂಡು.

ಎ.22 ಬೊಲ್ಪುಗು ಕವಾಟ ಉದಿಪನ, ತುಲಾಭಾರ ಸೇವೆ, ಚೂರ್ಣೋ ಉಚ್ಚಯ, ಮಧ್ಯಾಹ್ನ ಸಾರ್ವಜನಿಕ ಅನ್ನಸಂತರ್ಪಣೆ, ಬಯ್ಯಗ್ ಭಜನೆ, ರಾತ್ರೆ ಅಲಂಕಾರ ಪೂಜೆ, ಕೊಡಮಣಿತ್ತಾಯ ದೈವೊದ ಗಗ್ಗರ ಸೇವೆ, ತೇರ್ ಒಯಿಪೆರೆ ಉಂಡು. ಬೊಕ್ಕ ಬಾಕಿಮಾರ್ ಕಂಡರ್ದ್ ಸವಾರಿ, ದೈವ ದೇವೆರೆನ ಭೇಟಿ, ಕೊಡಿ ಜವೆರೆ ಉಂಡು.

ಎ.23 ಐತಾರ ರುದ್ರಾಭಿಷೇಕ, ರಾತ್ರೆ ಅಂಗಣ ಪಂಜುರ್ಲಿ ನೇಮ ನಡಪರೆ ಉಂಡು.

ಎ.25 ಅಂಗಾರೆ ಶ್ರೀ ಭದ್ರಕಾಳಿ ದೇವಿನ ಪ್ರತಿಷ್ಠೆ ಉಚ್ಚಯದ ಲೆಕ್ಕೊಡು ಚಂಡಿಕಾಯಾಗ ಬೊಕ್ಕ 1008 ಪೂತ್ತ ಪೂಜೆ ನಡಪರೆ ಉಂಡು.

ಅಂಚೆನೆ ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ತಿಮ್ಮಣ್ಣ ಅರಸು ಡಾ. ಪದ್ಮಪ್ರಸಾದ ಅಜಿಲೆರ್ ಅಳದಂಗಡಿ ಅರಮನೆ, ಜೀರ್ಣೋದ್ಧಾರ ಸಮಿತಿ, ಬ್ರಹ್ಮಕಲಶ ಉಚ್ಚಯ ಸಮಿತಿ, ಬೊಕ್ಕ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಪಿ.ಯನ್ ಪುರುಷೋತ್ತಮ ರಾವ್ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಮೇ ಸುರತ್ತ ವಾರಡ್ ಸೆಕೆಂಡ್ ಪಿಯುಸಿ ರಿಸಲ್ಟ್

ಬೆಂಗ್ಲೂರ್: ರಾಜ್ಯಡ್ 2022-23ನೇ ಸಾಲ್ ದ ಸೆಕೆಂಡ್ ಪಿಯುಸಿ ಪರೀಕ್ಷೆದ ರಿಸಲ್ಟ್ ಮೇ ಸುರುತ್ತ ವಾರಡ್ ಪ್ರಕಟ ಆಪುನ ಅಂದಾಜಿ ಉಂಡು.

ಎ.5 ರ್ದ್ ರಾಜ್ಯದ 65 ಕೇಂದ್ರಲೆಡ್ ಉತ್ತರ ಪತ್ರಿಕೆದ ಮೌಲ್ಯಮಾಪನ ಕಾರ್ಯ ಸುರು ಆತ್ಂಡ್. 25 ಸಾರ ಉಪನ್ಯಾಸೆಕೆರೆನ್ ನಿಯೋಜನೆ ಮಲ್ದ್ಂಡ್. 45 ಲಕ್ಷ ಉತ್ತರ ಪತ್ರಿಕೆದ ಮೌಲ್ಯಮಾಪನ ನಡಪರೆ ಉಂಡು. ಮೇ 5ಕ್ಕ್ CET ಪರೀಕ್ಷೆ ಸುರು ಆಪುಂಡು. ಕಲ್ಪಾರ್ಥಿಲೆನ ಅನುಕೂಲಕ್ಕಾದ್ ಮೇ ಸುರುತ್ತ ವಾರಡ್ ರಿಸಲ್ಟ್ ತೆರಿಪಾಯೆರೆ ಇಲಾಖೆ ತಯಾರ್ ಮಲ್ತೊಂದು ಉಂಡು.

ಈ ಸರ್ತಿದ ಸೆಕೆಂಡ್ ಪಿಯುಸಿ ವಾರ್ಷಿಕ ಪರೀಕ್ಷೆಗ್ ಇಡೀ ರಾಜ್ಯದ ಸುಮಾರ್ 7,26,195 ಕಲ್ಪಾರ್ಥಿಲು ನೋಂದಣಿ ಮಲ್ದೆರ್. ರಾಜ್ಯದ ಸುಮಾರ್ 1,109 ಪರೀಕ್ಷಾ ಕೇಂದ್ರಲೆಡ್ ಪರೀಕ್ಷೆ ನಡತ್ ದ್ಂಡ್.

ಎ.20-24: ಗಣೇಶಪುರ ಶ್ರೀ ಮಹಾಗಣಪತಿ ದೇವಲ್ಯಡ್ ವಾರ್ಷಿಕ ಜಾತ್ರೆ

ಸುರತ್ಕಲ್: ಗಣೇಶಪುರ ಶ್ರೀ ಮಹಾಗಣಪತಿ ದೇವಲ್ಯಡ್ ವಾರ್ಷಿಕ ಜಾತ್ರೆ ಎ.20-24 ಮುಟ್ಟ ನಡಪರೆ ಉಂಡು.

ಈ ಲೇಸ್ ವೈದಿಕ ವಿಧಿ ವಿಧಾನಲು ದೇರೆಬೈಲ್ ಬ್ರಹ್ಮಶ್ರೀ ಡಾ. ಶಿವಪ್ರಸಾದ್ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು. ಅಂಚೆನೆ ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಧರ್ಮೇಂದ್ರ ಗಣೇಶಪುರ, ಕಾರ್ಯನಿರ್ವಹಣಾಧಿಕಾರಿ ನವೀನ್ ಕುಮಾರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

ಎ.15: ಜಾರಿಗೆಕಟ್ಟೆ ಕೊರಗಜ್ಜ ಬೊಕ್ಕ ಕೊರಗರ ಪಂಜುರ್ಲಿ ಕ್ಷೇತ್ರಡ್ ವಾರ್ಷಿಕ ನೇಮ

ಮುಂಡ್ಕೂರ್: ಜಾರಿಗೆಕಟ್ಟೆ ಕೊರಗಜ್ಜ ಬೊಕ್ಕ ಕೊರಗರ ಪಂಜುರ್ಲಿ ಕ್ಷೇತ್ರಡ್ ವಾರ್ಷಿಕ ನೇಮ ಎ.15 ಕ್ಕ್ ಸನಿಯಾರ ಮಧ್ಯಾಹ್ನ ನಡಪರೆ ಉಂಡು.

ಬೊಲ್ಪುಗು ನವಕ ಪ್ರಧಾನ ಹೋಮ, ಗಣಹೋಮ, ಭಂಡಾರ ಜಪ್ಪೆರೆ ಉಂಡು. ಮಧ್ಯಾಹ್ನ ಅನ್ನಸಂತರ್ಪಣೆ, ಸತ್ಯದೇವತೆ, ಪಿಲಿಚಾಮುಂಡಿ ನೇಮ ನಡಪರೆ ಉಂಡು. ಬಯ್ಯಗ್ ಮಂತ್ರದೇವತೆ, ವರ್ತೆಪಂಜುರ್ಲಿ ನೇಮ ನಡಪರೆ ಉಂಡು. ರಾತ್ರೆ ಕೊರಗರ ಪಂಜುರ್ಲಿ, ಕೊರತಿ ಬೊಕ್ಕ ಕೊರಗಜ್ಜ ದೈವೊದ ನೇಮ ನಡಪರೆ ಉಂಡು.

ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಗಂಧ ಪ್ರಸಾದ ದೆತೊಂದು, ಶ್ರೀ ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಜಾರಿಗೆಕಟ್ಟೆ ಕೊರಗಜ್ಜ ಬೊಕ್ಕ ಕೊರಗರ ಪಂಜುರ್ಲಿ ಕ್ಷೇತ್ರದ ದಿವಾಕರ ಪೂಜಾರಿ, ಕುಟುಂಬದಕುಲು ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.

ರೇಡಿಯೊ ಮಣಿಪಾಲ್ ಡ್ ಯೋಗ ಸುಯೋಗ ಸರಣಿ ಲೇಸ್

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz ಡ್ ಯೋಗ ಸುಯೋಗ ಸರಣಿ ಲೇಸ್ ದ 2ನೇ ಸಂಚಿಕೆ ಎ.10 ಕ್ಕ್ ಸೋಮಾರ ಬಯ್ಯಗ್ 4.15ಕ್ಕ್ ಪ್ರಸಾರ ಆಂಡ್.

ಈ ಲೇಸ್ ಡ್ ಒಡಿಪು ಚಿಟ್ಪಾಡಿದ ಶ್ರೀ ಗುರುಕೃಪಾ ಯೋಗ ವಿದ್ಯಾ ಪ್ರತಿಷ್ಠಾನದ ಯೋಗ ಶಿಕ್ಷಕೆರ್ ಆರ್ ಶಿವಕುಮಾರ್ ಪಾಲ್ ಪಡೆಯೆರ್. ನನ ಎ.11 ಕ್ಕ್ ಮಧ್ಯಾಹ್ನ 12.15ಕ್ಕ್ ಮರುಪ್ರಸಾರ ಆಪುಂಡು.