ಕಾರ್ಲದ ಜೋಡುರಸ್ತೆ ಎದುರುದ ಹೋಟೆಲ್ ಉಷಾದಲ್ಪ ಇಪ್ಪುನ ಪಂಚಮಿ ಪರ್ವ ಹೋಮ್ ಸ್ಟುಡಿಯೋಡ್ ಬಿಗ್ ಸೇಲ್ ಆಫರ್ ಮಾ.17-25 ಮುಟ್ಟ ನಡಪರೆ ಉಂಡು.
ಮುಲ್ಪ ಇಸೇಸ ರಿಯಾಯಿತಿ ಬೊಕ್ಕ ಆಕರ್ಷಕ ಉಡುಗಿರೆದೊಟ್ಟಿಗೆ ಸೊತ್ತುಲೆನ್ ದೆತೊನೊಲಿ. ಅತ್ತಂದೆ ಎಕ್ಸ್ ಚೇಂಜ್ ಆಫರ್, ಕ್ಯಾಷ್ ಬ್ಯಾಕ್ ಆಫರ್ ಉಂಡು. ಅಂಚನೆ ಕಂತ್ ಡ್ ಲ ಸೊತ್ತುಲೆನ್ ದೆತೊನೊಲಿ. ಬೊಕ್ಕ ಇಲ್ಲಡೆಗ್ ಫ್ರೀ ಡೆಲಿವರಿ ವ್ಯವಸ್ಥೆಲ ಮಲ್ತ್ ದೆರ್.
ಪ್ರಧಾನಿ ನರೇಂದ್ರ ಮೋದಿಗ್ ಸಾಮಾಜಿಕ ಜಾಲತಾಣಡ್ ಬೆದರಿಕೆ ಪಾಡ್ದಿನ ರಡ್ಡ್ ಜನನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಬೆದರಿಕೆದ ಇಸಯನ್ ಗಂಭೀರವಾದ್ ದೆತ್ತೊನ್ನ ಗುಜರಾತ್ ಪೊಲೀಸೆರ್ ಸುಮಾರ್ ಜಾಗೆಡ್ ದಾಳಿ ಮಲ್ತ್ ದ್ ನಡುರಾತ್ರೆ ಛತ್ತರ್ ಪುರಡ್ ರಡ್ಡ್ ಜವನೆರೆನ್ ಅರೆಸ್ಟ್ ಮಲ್ದೆರ್. ಇತ್ತೆ ಆರೋಪಿಲೆನ ವಿಚಾರಣೆ ನಡತೊಂದು ಉಂಡು.
Two persons who sent threats to PM Modi on the social media arrested
The Gujrat police took the issue seriously and conducted raids on many places. Based on this two persons were arrested and are being interrogated.
ಆದಿ ಪಜಿರಡ್ಕ ಶ್ರೀ ದೇವಲಿಂಗೇಶ್ವರ ದೇವಲ್ಯಡ್ ಜಾತ್ರೆ ಉಚ್ಚಯ ಎ.1 ಸನಿಯಾರ ನಡಪರೆ ಉಂಡು.
ಎ.1 ಸನಿಯಾರ ಬೊಲ್ಪುಗು ತೋರಣ ಮೂರ್ತ, ಉಗ್ರಾಣ ಮೂರ್ತ, ವಾಸ್ತುಪೂಜೆ, ವಾಸ್ತುಹೋಮ, ಶ್ರೀ ಸನ್ಯಾಸಿ ಪಂಜುರ್ಲಿ ತಾನಡ್ ವಾಸ್ತು ರಾಕ್ಷೋಘ್ನ ಮಧ್ಯಾಹ್ನ ಪ್ರಸನ್ನ ಪೂಜೆ, ಅನ್ನಸಂತರ್ಪಣೆ ರಾತ್ರೆ ಸನ್ಯಾಸಿ ಪಂಜುರ್ಲಿ ಬೊಕ್ಕ ಕಲ್ಲುರ್ಟಿ- ಪಂಜುರ್ಲಿ ದೈವೊದ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ದೇವರಗುಡ್ಡೆ ಶ್ರೀ ಗುರುದೇವ ಮಠತ್ತ ಮಠಾಧೀಶೆರ್ ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿ ಲೆಪ್ಪೋಲೆಡ್ ತೆರಿಪಾದೆರ್.
ಬೊಂಬೈ ಮಯೂರವರ್ಮ ಸಾಂಸ್ಕೃತಿಕ ಪ್ರತಿಷ್ಠಾನ (ರಿ.) ನೆತ್ತ 13 ನೇ ವರ್ಷದ ಸಮಾವೇಶ ಮಾ.19 ಐತಾರ ಬಯ್ಯಗ್ 4 ಗಂಟೆಗ್ ನಡಪರೆ ಉಂಡು.
ಈ ಲೇಸ್ ದ ಸಭಾಧ್ಯಕ್ಷತೆನ್ ಸುರೇಶ್ ಭಂಡಾರಿ ಕಡಂದಲೆ ಒಯಿಸೊನ್ವೆರ್. ಬೊಕ್ಕ ವಿ.ಕೆ ಸುವರ್ಣ ಮೆರೆಗ್ ಚಕ್ರಧಾರಿ ಪ್ರಶಸ್ತಿ ಬೊಕ್ಕ ಎಲ್ಲೂರು ಗುಂಡಿಮನೆ ಕೃಷ್ಣಮೂರ್ತಿ ಜೋಯಿಸ ಮೆರೆಗ್ ಕೃಷಿಬಂಧು ಪುರಸ್ಕಾರ ನಡಪರೆ ಉಂಡು. ದಿಕ್ಸೂಚಿ ಭಾಷಣನ್ ಶ್ರೀಕೃಷ್ಣ ಉಪಾಧ್ಯಾಯ ಮಲ್ಪರೆ ಉಲ್ಲೆರ್. ಸಾಂಸ್ಕೃತಿಕ ಲೇಸ್ ದ ಅಂಗವಾದ್ ನೃತ್ಯ ವೈಭವ, ತುಳು ಪೌರಾಣಿಕ ನಾಟಕ “ಮಾಣಿ ಬಾಲೆ” ನಡಪರೆ ಉಂಡು ಪಂದ್ ನವಿಬೊಂಬೈ ನೆರೂಲ್ ಶ್ರೀ ಶನ್ವೀಶರ ಮಂದಿರದ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
March 19 th: Mayuravarma Samskritika Pratishtha (R) Mumbai- 13 th annual get-together
The Mayuraverma Samskritika Pratishtha of Mumbai will organise it’s 13 th annual get-together on Sunday the 19 th of March.
Suresh Bandari Kadandale will preside over the program. V K Suvarna will be conferred with Chakradari award and Krishnamurthy Jois will be conferred with the Krishi Bandu award . Sri Krishna upadhyay will deliver the key note address. The evening will compromise of a host of cultural events and the Tulu historical play ‘ Mani Bale’ will be enacted.
ಬೊಲ್ತೇರ್: ಬಳಂಜ ಶ್ರೀ ಪಂಚಲಿಂಗೇಶ್ವರ ದುರ್ಗಾಪರಮೇಶ್ವರಿ ದೇವಲ್ಯಡ್ ವರ್ಷಾಧಿದ ಜಾತ್ರೆ ಮಾ.22-29 ಮುಟ್ಟ ನಡಪರೆ ಉಂಡು.
ನಡ್ವಂತಾಡಿ ಬಾಲಕೃಷ್ಣ ಪಾಂಗಾಣ್ಣಾಯ ತಂತ್ರಿಲೆನ ಮುತಾಲಿಕೆಡ್ ಬೇತೆ ಬೇತೆ ವೈದಿಕ, ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ತೀರ್ಥ ಪ್ರಸಾದ ದೆತೊಂದು, ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯದ ಪವಿತ್ರಪಾಣಿ ಶಂಕರನಾರಾಯಣ ಭಟ್, ಸುಬ್ರಹ್ಮಣ್ಯ ಭಟ್, ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆರ್ ಸತೀಶ್ ರೈ, ಬಳಂಜ ಶ್ರೀ ಪಂಚಲಿಂಗೇಶ್ವರ ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ಬಿ. ಸೀತಲ್ ಪಡಿವಾಳ್ ಬಳಂಜಗುತ್ತು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ಬೊಲ್ತೇರ್: ಧರ್ಮಸ್ಥಳದ ದೇವರಗುಡ್ಡೆ ಶ್ರೀ ಗುರುದೇವ ಮಠ ಬೊಕ್ಕ ನಿತ್ಯಾನಂದ ನಗರ ಶ್ರೀ ರಾಮ ಕ್ಷೇತ್ರ ಮಹಾಸಂಸ್ಥಾನದ ಒಟ್ಟುಸೇರಿಗೆಡ್ ಶ್ರೀ ರಾಮ ಭಗವಾನ್ ನಿತ್ಯಾನಂದ ಮಂದಿರಡ್ 63 ನೇ ವರ್ಷದ ಶ್ರೀ ನಾಮ ಸಪ್ತಾಹ, ಶ್ರೀ ರಾಮ ಕ್ಷೇತ್ರ ಮಹಾಸಂಸ್ಥಾನದ ಪ್ರತಿಷ್ಠಾ ಜಾತ್ರೆ ಉಚ್ಚಯ ಬೊಕ್ಕ ಮಲ್ಲ ತೇರ್ ಉಚ್ಚಯ ಮಾ.23-30 ಮುಟ್ಟ ಗೌಜಿಡ್ ನಡಪರೆ ಉಂಡು.
ಶ್ರೀ ಆತ್ಮಾನಂದ ಸರಸ್ವತಿ ಸ್ವಾಮೀಜಿನ ದಿವ್ಯ ನೆಂಪುದೊಟ್ಟಿಗೆ, ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿನ ಮುತಾಲಿಕೆಡ್ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಪ್ರತಿದಿನಲ ಬೇತೆ ಬೇತೆ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಗಂಧ ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಧರ್ಮಸ್ಥಳದ ದೇವರಗುಡ್ಡೆ ಶ್ರೀ ಗುರುದೇವ ಮಠತ್ತ ಆಡಳಿತ ಸಮಿತಿದ ಸದಸ್ಯೆರ್ ಬೊಕ್ಕ ಬೊಲ್ತೇರ್ ತಾಲೂಕ್ ದ ಶ್ರೀ ರಾಮ ಕ್ಷೇತ್ರ ಸೇವಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
ನೀಲಿ ತಿಮಿಂಗಿಲದ 181 ಕೆಜಿ ತೂಕದ ಹೃದಯದ ಫೋಟೋ ವೈರಲ್ ಆವೊಂದು ಉಂಡು.
ಕೈಗಾರಿಕೆ ಉದ್ಯಮಿ ಹರ್ಷ್ ಗೋಯೆಂಕಾ ಮೇರ್ ಈ ಪೋಟೋನ್ ಟ್ವಿಟರ್ ಡ್ ಪೋಸ್ಟ್ ಮಲ್ದೆರ್.
ನೆಟ್ಟ್ ನೀಲಿ ತಿಮಿಂಗಿಲದ ಹೃದಯನ್ ಸುರಕ್ಷಿತ ಆದ್ ದೀಯೆರೆ ಆತ್ಂಡ್. ಒಂಜಿ ವರದಿದ ಪ್ರಕಾರ, ನೀಲಿ ತಿಮಿಂಗಿಲ 110 ಅಡಿ ಉದ್ದ ಬೊಕ್ಕ 150 ಟನ್ ತೂಕ ಇಪ್ಪುಂಡು. ದಾಯೇ ಪಂಡ ಆಯಿತ್ತ ಹೃದಯ 1.2 ಮೀ. ಅಗಲ ಬೊಕ್ಕ 1.5 ಮೀ. ಉದ್ದ ಇಪ್ಪುಂಡು. ಈ ಹೃದಯನ್ ಕೆನಡಾದ ವಸ್ತುಸಂಗ್ರಹಾಲಯಡ್ ಪ್ರದರ್ಶನಗ್ ದೀತೆರ್.
The heart of a blue whale weights 181 kg !!
A pic of the heat of a blue whale has gone viral!! The heart is said to weigh around 181 kg.
Industrialist Harsh Goenka has shared this pic on his Twitter handle. A blue whale is 110 feet long and weighs 150 ton.The heart is 1.2 meters wide and 1.5 meters long!! The heart is preserved at a museum in Canada.
ಬೊಲ್ತೇರ್ ತಾಲೂಕ್ದ ಮಸ್ತ್ ಕಡೆಟ್ಟ್ ಮಾ.14 ಕ್ಕ್ ನಡುರಾತ್ರೆ ಬೊಕ್ಕ ಮಾರ್ಚ್ 15 ಕ್ಕ್ ಪುಲ್ಯಕಾಂಡೆ ಪನಿ ಬರ್ಸ ಬೈದ್ಂಡ್.
ಉಜಿರೆ, ಧರ್ಮಸ್ಥಳ, ಬೊಲ್ತೇರ್, ಲಾಯಿಲಡ್ ಪನಿ ಬರ್ಸ ಬೈದಿನ ವರದಿ ಆತ್ಂಡ್. ಮುಂಡಾಜೆಡ್ಲ ಬರ್ಸ ಬತ್ತಿತ್ದ್ ನನ ರಡ್ಡ್ ದಿನ ಎಡ್ಡೆ ರೀತಿಡ್ ಬರ್ಸ ಬರ್ಪಿನ ನಿರೀಕ್ಷೆ ಉಂಡು.
Rain showers in places around Bheltangady, Ujire and Dharmasthala
Light showers were experienced in places around Bheltangady taluk on March 14 th and early March 15 th. More rains are forecast in this region in the coming two days.
ದುಬೈ: ಅರಬ್ ಸಂಯುಕ್ತ ಸಂಸ್ಥಾನ(ಯುಎಇ)ಡ್ ಕರ್ನಾಟಕ ಪರ ಸಂಘಟನೆದ ಸಾಲ್ ಡ್ ಕರ್ನಾಟಕ ಸಂಘ ಶಾರ್ಜಾ 20 ವರ್ಷ ಮುಗಿತ್ ದ್, 21 ನೇ ವರ್ಷೊಗು ಕಾರ್ ದೀವೊಂದು ಉಂಡು. ನೆತ್ತ ವಾರ್ಷಿಕ ಮಹಾಸಭೆ ಬೊಕ್ಕ ಪೊಸ ಸಾಲ್ ದ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ದುಬೈದ ಫಾರ್ಚೂನ್ ಅಟ್ರಿಯಂ ಹೋಟೆಲ್ ದ ಚಾವಡಿಡ್ ಮಾರ್ಚ್ 11 ಕ್ಕ್ ಬಯ್ಯಗ್ ನಡತ್ಂಡ್. ನೆತ್ತ 12 ನೇ ಅಧ್ಯಕ್ಷೆರಾದ್ ಸತೀಶ್ ಪೂಜಾರಿ ಮೇರ್ ರಡ್ಡನೇ ಸರ್ತಿ ಆಯ್ಕೆ ಆತೆರ್.
ಸರ್ವ ಸದಸ್ಯೆರೆನ ವಾರ್ಷಿಕ ಮಹಾಸಭೆ ಪ್ರಾರ್ತನೆ, ಎದ್ಕೊನುನ ಮುಖೇನ ಸುರು ಆಂಡ್. ಬೊಕ್ಕ ಪೋಷಕೆರ್ ಮಾರ್ಕ್ ಡೆನಿಸ್ ಡಿ’ಸೋಜಾ ರಡ್ಡ್ ದಶಕ ನಡತ್ ಬತ್ತಿನ ತಾದಿನ ಸಾಧನೆದ ಪೊಲಬುನ್ ಸಭೆತ್ತ ದುಂಬು ದೀಯೆರ್. ಪ್ರಧಾನ ಕಾರ್ಯದರ್ಶಿ ವಿಶ್ವನಾಥ್ ಶೆಟ್ಟಿ ಮೇರ್ ವಾರ್ಷಿಕ ವರದಿ ಓದಿಯೆರ್. ಖಜಾಂಚಿ ಮಹ್ಮದ್ ಅಬ್ರಾರ್ ಆಯವ್ಯಯ ಲೆಕ್ಕ ಪತ್ರನ್ ಮಂಡಿಸಾದ್ ಸರ್ವ ಸದಸ್ಯೆರೆನ ಅನುಮತಿನ್ ಪಡೆಯೆರ್. ಉಪಾಧ್ಯಕ್ಷೆರ್ ನೋಯಲ್ ಅಲ್ಮೆಡಾ ಮೇರ್ ತನ್ನ ಅವಧಿಡ್ ನಡತಿನ ಲೇಸ್ ದ ಯಶಸ್ಸ್ ದ ಪಿರವುದ ರುವಾರಿಲೆನ ಸಾಧನೆಲೆನ್ ನೆಂಪು ಮಲ್ತ್ ದ್ ಮೆಚ್ಚಿಯೆರ್. ಅಧ್ಯಕ್ಷೆರ್ ಮಹ್ಮದ್ ಇಬ್ರಾಹಿಂ ಮೂಳೂರ್ ಮೇರ್ ತನ್ನ ಅಧಿಕಾರದ ಪೊರ್ತುಡು ಅನಿರೀಕ್ಷಿತ ಕೊರೋನರ್ದ್ ಕಷ್ಟಡ್ ಇತ್ತಿನ ಕುಡ್ಲದ ಸುಮಾರ್ ಕುಟುಂಬಲೆಗ್ ಬೊಕ್ಕ ಮಧ್ಯ ಕರ್ನಾಟಕದ ಅಮೀನಗಡದ ಕುಟುಂಬದಕ್ಲೆಗ್ ಸಕಾಯ ಮಲ್ದೆರ್. ಒಡಿಪು ಜಿಲ್ಲಾಧಿಕಾರಿಲೆನ ಸಂತ್ರಸ್ತೆರೆನ ನಿಧಿಗ್ ಒಂಜಿ ಲಕ್ಷ ರೂ. ಪನವುದ ಸಕಾಯ ಮಲ್ದೆರ್. ರಕ್ತದಾನ ಶಿಬಿರ, ಕ್ರೀಡಾಕೂಟ, ಕರ್ನಾಟಕ ರಾಜ್ಯೋತ್ಸವ ಲೇಸ್, ಮಯೂರ ವಿಶ್ವಮಾನ್ಯ ಕನ್ನಡಿಗ ಪ್ರಶಸ್ತಿ ಪಟ್ಟುನ ಲೇಸ್ ಲೆನ್ ಯಶಸ್ವಿ ಮಲ್ಪುನೆಟ್ಟ್ ಸಹಕಾರ ಕೊರ್ನ ಸರ್ವೆರೆನ್ ನೆನೆತ್ ದ್ ಕೃತಜ್ಞತೆ ಸಂದಾದ್ ತನ್ನ ಅಧಿಕಾರನ್ ಕೊರ್ಪುನ ದುಂಬು ವಿದಾಯ ಭಾಷಣ ಮಲ್ತೆರ್.
ಪೊಸ ಪದಾಧಿಕಾರಿಲೆನ ಪದಗ್ರಹಣ ಲೇಸ್ ದ ವೋಟ್ ದ ಅಧಿಕಾರಿಯಾದ್ ಕರ್ನಾಟಕ ಸಂಘದ ಪೂರ್ವ ಅಧ್ಯಕ್ಷೆರ್ ಬಿ. ಕೆ. ಗಣೇಶ್ ರೈ ಮೇರ್ 2023-2024ನೇ ಸಾಲ್ ದ ಪೊಸ ಅಧ್ಯಕ್ಷೆರ್ ಬೊಕ್ಕ ಪೊಸ ಕಾರ್ಯಕಾರಿ ಸಮಿತಿದ ಸದಸ್ಯೆರೆನ ಪುದರ್ ನ್ ಘೋಷಣೆ ಮಲ್ತ್ ದ್ ಚಾವಡಿಡ್ ಲೆತ್ತೆರ್. ಪೋಷಕೆರ್ ಮಾರ್ಕ್ ಡೆನಿಸ್ ಡಿ’ಸೋಜಾ ಮೇರ್ ಪ್ರತಿಜ್ಞಾ ವಿಧಿ ವಿಧಾನನ್ ತೆರಿಪಾಯೆರ್. ಅಧ್ಯಕ್ಷೆರಾದ್ ಅಧಿಕಾರ ಸ್ವೀಕಾರ ಮಲ್ತಿನ ಸತೀಶ್ ಪೂಜಾರಿ ಮೇರ್, ಅರೆನ್ ಆಯ್ಕೆ ಮಲ್ತಿನಕ್ಲೆಗ್ ಕೃತಜ್ಞತೆ ಸಂದಾದ್, ನನ ಬರ್ಪಿನ ದಿನಟ್ ಸಂಘಟನೆನ್ ನನತ್ ಗಟ್ಟಿ ಮಲ್ತ್ ದ್ ಯಶಸ್ವಿ ಡ್ ದುಂಬು ಕೊನೊವೊಡು ಪಂದ್ ಪಂಡೆರ್. ಪೊಸ ಸಮಿತಿಗ್ ಪೂರ್ವ ಅಧ್ಯಕ್ಷೆರ್ ಆನಂದ್ ಬೈಲೂರ್, ಪ್ರಭಾಕರ ಅಂಬಲ್ತೆರೆ, ಎಂ.ಇ. ಮೂಳೂರು ಬೊಕ್ಕ ಬಿ. ಕೆ. ಗಣೇಶ್ ರೈ ಮೊಕುಲು ಲೇಸ್ ನ್ ಸುಧಾರಿಕೆ ಮಲ್ಪುನ ಜಬದಾರಿನ್ ದೊಟ್ಟಿಗೆ ಎಡ್ಡೆಪ್ಪು ನ್ ಬಯಕಿಯೆರ್. ಕರ್ನಾಟಕ ಸಂಘ ಶಾರ್ಜಾದ ಪೊಸ ಪ್ರಧಾನ ಕಾರ್ಯದರ್ಶಿ ವಿಘ್ನೇಶ್ ಕುಂದಾಪುರ ಸೊಲ್ಮೆ ಸಂದಾಯೆರ್.
Karnataka Sangha, Sharjah -Satish Poojary selected as president
Dubai: The Karnataka Sangha in Dubai, UAE completes 20 years. As it steps into its 21 st year the new managing committee was selected at its annual general body meeting on the 11 th of March. Satish Poojary has been selected as the president for the second time.
At the annual general body meeting one of the founders Mark Dennis D Souza spoke of the two decades journey of the association. Vishwanath Shetty chief secretary read the annual report and the treasurer Muhmmad Abrar presented the yearly accounts for the approval of the members. The activites conducted throughout the year and social services done during the difficult period of corona epidemic was recalled.
An amount of one lakh rupees was donated to the Udupi district district commissioners welfare fund. Other activities included blood donation camp, sports meet, Karnataka Rajyotsav celebration, honouring of achievers and the like.
Vignesh Kundapura secretary of Karnataka Sangha rendered the vote of thanks.
ಕುಡ್ಲ: ಡಾ.ಮೋಹನ್ ಆಳ್ವ ಮೆರೆನ ಸಹಕಾರಡ್, ಎಪ್ರಿಲ್ 8 ಕ್ಕ್ ಆಳ್ವಾಸ್ ಬೆದ್ರಡ್ ನಡಪರೆ ಇಪ್ಪುನ ಅಖಿಲ ಭಾರತ ತುಳು ಒಕ್ಕೂಟದ ಮಹಾಕೂಟ ಲೇಸ್ ಡ್ ದೇಶ-ವಿದೇಶದ ಇಡೀ ತುಳು ಸಂಘಟನೆಲು ಪಾಲ್ ಪಡೆಪುನ ಮುಖೇನ ಒಕ್ಕೂಟ ಬೊಕ್ಕ ಸಂಘಟನೆನ್ ಗಟ್ಟಿ ಮಲ್ಪೊಡು ಪಂದ್ ಅಖಿಲ ಭಾರತ ತುಳು ಒಕ್ಕೂಟದ ಅಧ್ಯಕ್ಷೆರ್ ಎ.ಸಿ. ಭಂಡಾರಿ ಪಂಡೆರ್.
ಮೇರ್ ಕಾವೂರುದ ಅಖಿಲ ಭಾರತ ತುಳು ಒಕ್ಕೂಟ ಚಾವಡಿಡ್ ನಡತಿನ ಒಕ್ಕೂಟದ ಮಹಾಕೂಟ ಸಮ್ಮೇಳನದ ಅಟ್ಟಣೆ ಸಭೆಟ್ಟ್ ಪಾತೆರಿಯೆರ್.
ಅಖಿಲ ಭಾರತ ತುಳು ಒಕ್ಕೂಟ ಕರಿನ 35 ವರ್ಷೊರ್ದಿಂಚಿ ತುಳು ಭಾಷೆ, ಸಂಸ್ಕೃತಿ ಅಭಿವೃದ್ಧಿ ನೆಲೆಟ್ ಬೇಲೆ ಮಲ್ತೊಂದು ಉಂಡು. ಅತ್ತಂದೆ ದೇಶ-ವಿದೇಶಡ್ ನೆತ್ತ ಸದಸ್ಯ ಸಂಘಟನೆಲು ಏಪಲ ಲೇಸ್ ಲೆನ್ ಆಯೋಜನೆ ಮಲ್ತ್ ದ್, ತುಳು ಸಂಸ್ಕೃತಿನ್ ಬುಲೆಪಾವೊಂದು ಉಂಡು ಪಂದ್ ಪಂಡೆರ್.
ಸಂಘಟನಾ ಕಾರ್ಯದರ್ಶಿ ಕದ್ರಿ ನವನೀತ್ ಶೆಟ್ಟಿ ಈ ಪೊರ್ತುಡು ಲೇಸ್ ದ ರೂಪುರೇಖೆ ತೆರಿಪಾದ್, ಗಣ್ಯೆರೆನ ಎದುರುಡ್ ಸಮ್ಮೇಳನ ಉದಿಪನ ಆದ್ ಮಾತ ಸದಸ್ಯ ಸಂಘಟನೆಲು ನಡತ್ ಬತ್ತಿನ ತಾದಿ, ಅಕ್ಲೆನ ಲೇಸ್ ದ ಎಲ್ಯ ಪೊಲಬುದ ಪರಿಚಯ ತೆರೆಟ್ ನಡಪುಂಡು. ತುಳು ಸಂಸ್ಕೃತಿನ್ ತೊಜಪಾವುನ ಸಾಮಾಜಿಕ, ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ಪ್ರದರ್ಶನ ಆಪುಂಡು. ಮಸ್ತ್ ಕಾಲರ್ದ್ ಒಕ್ಕೂಟಡ್ ತುಳು ಭಾಷೆಗ್ ಬೆಂದಿನ ಶ್ರೀನಿವಾಸ್ ಮಂಕುಡೆ, ದಿವಾಕರ್ ಎಸ್ ಶೆಟ್ಟಿ, ಎಂ. ರತ್ನಕುಮಾರ್, ಡಾ.ಭಾಸ್ಕರಾನಂದ, ಬೊಕ್ಕ ಧರ್ಮಪಾಲ ಯು.ದೇವಾಡಿಗ ಮೆರೆನ್ ಸಮಾರೂಪ ಲೇಸ್ ಡ್ ಗೌರವಿಸಾದ್, ಮಾನಾದಿಗ್ ಮಲ್ತೆರ್. ಅತ್ತಂದೆ ಒಕ್ಕೂಟದ ಬಲವರ್ಧನೆಗಾದ್ ಪಾಲ್ ಪಡೆಯಿನ ಮಾತ ಸದಸ್ಯೆರೆನ ಸಲಹೆ, ಮಾರ್ಗದರ್ಶನ ಪಡೆದ್ ತುಳು ಸಂಘಟನೆದ ಬಲವರ್ಧನೆಗ್ ಉದಿಪನ ಮಲ್ಪರೆ ಉಂಡು ಪಂದ್ ಪಂಡೆರ್.
ಪೊಸ ಸದಸ್ಯೆರೆನ ಆಯ್ಕೆಗ್ ಅವಕಾಶ ಕೊರ್ಪುನೆ ಅತ್ತಂದೆ, ತುಳು ಭಾಷೆ ಮಾನ್ಯತೆಗ್ ಡಾ.ಮೋಹನ್ ಆಳ್ವ ಮುತಾಲಿಕೆದ ಕೂಟಡ್ ಎಪಲ ಪ್ರೋತ್ಸಾಹ, ಸಹಕಾರ ಕೊರಿಯೆರೆ ಆಪುಂಡು ಪಂದ್ ಪಂಡೆರ್.
ಈ ಪೊರ್ತುಡು ನಿಕಟಪೂರ್ವ ಅಧ್ಯಕ್ಷೆರ್ ಧರ್ಮಪಾಲ ಯು.ದೇವಾಡಿಗ, ಉಪಾಧ್ಯಕ್ಷೆರ್ ತಾರನಾಥ ಶೆಟ್ಟಿ ಬೋಳಾರ್, ಪ್ರಧಾನ ಕಾರ್ಯದರ್ಶಿ ಮುಲ್ಕಿ ಕರುಣಾಕರ ಶೆಟ್ಟಿ, ಜತೆ ಕಾರ್ಯದರ್ಶಿ ಪಿ.ಎ.ಪೂಜಾರಿ, ಹರೀಶ್ ನೀರುಮಾರ್ಗ, ಕೋಶಾಧಿಕಾರಿ ಚಂದ್ರಹಾಸ ದೇವಾಡಿಗ, ಸದಸ್ಯೆರ್ ವಿ.ಜಿ.ಪಾಲ್, ಸುಕಲಾಕ್ಷಿ ಸುವರ್ಣ, ಜಯಂತಿ ಬಂಗೇರ, ಚಂದ್ರಶೇಖರ್ ಸುವರ್ಣ ಇತ್ತೆರ್.
ವರದಿ: ಮುಲ್ಕಿ ಕರುಣಾಕರ ಶೆಟ್ಟಿ
9880425265
” All Tulu Seva organizations must co-operate and unite for the ” Mahakoota ” of Akila Baratha Tulu Okkutha (R) ” – A C Bandhari
Mangalore: A. C Bhandari president of Akhila Baratha Tulu Okkutha called for the united support and cooperation for organising and success of the program
” Mahakoota” that will be organised at Moodbidri under the leadership of Dr Mohan Alva in the 8 th of April. Dignitaries and representatives from all over the country and abroad were expected at the program . He was speaking at a program in Kavoor organised to discuss the plans for the ” Mahakoota”.
Akhila Baratha Tulu Okkutha has been striving for the revival and development of the cultural growth and betterment of Tulu language and it’s tradition. Member of the organisation world over are creating a like environment for people of Tulu lineage to be abreast with the rich heritage of the homeland.
Kadri Navneet Shetty secretary, explained the agenda made for meet and about various aspects of program that will bring out the Tulu heritage in all its beauty. Efforts were on to procure status for Tulu language. Members and former committee members participated in the program.
