February 2022

ಬಿರುವೆರ್ ಕುಡ್ಲ (ರಿ) ಮುಲ್ಕಿ ಎಗ್ಗೆದ 50 ನೇ ಸೇವಾ ಯೋಜನೆ ಪಟ್ಟುನ ಲೇಸ್

ಮುಲ್ಕಿ : ಸಮಾಜ ಸೇವೆಡ್ ಪುಗರ್ತೆ ಪಡೆಯಿನ ಮಲ್ಲ ಸಂಘಟನೆ ಬಿರುವೆರ್ ಕುಡ್ಲ (ರಿ) ಉಂದೆತ್ತ ಮುಲ್ಕಿ ಎಗ್ಗೆ ಇತ್ತೆ 5 ನೇ ವರ್ಷೊಗು ಪದಾರ್ಪಣೆ ಮಲ್ದ್ಂಡ್. ಈ ಸಂಸ್ಥೆರ್ದ್ ನನಲಾತ್ ಸಮಾಜ ಸೇವೆ ಆವೊಡು. ಬಡವೆರೆಗ್ ಸಹಾಯ ಆವೊಡು ಪಂದ್ ಬಿರುವೆರ್ ಕುಡ್ಲ ಸ್ಥಾಪಕೆರ್ ಉದಯ ಪೂಜಾರಿ ಬಳ್ಳಾಲ್ ಭಾಗ್ ಪಂಡೆರ್.
ಆರ್ ಬಿರುವೆರ್ ಕುಡ್ಲ (ರಿ) ಮುಲ್ಕಿ ಎಗ್ಗೆದ ಆಶ್ರಯೊಡು ಐತಾರ ಕಾಂಡೆ ಮಾನಾಡಿ ಶ್ರೀ ಜುಮಾದಿ ಜಾರಂತಾಯ ದೇವಸ್ಥಾನ ದ ಚಾವಡಿಡ್ ನಡತಿನ ಸುವರ್ಣ ಸೇವಾ ಯೋಜನೆ ಪಟ್ಟುನ ಲೇಸ್ ಅಂಚೆನೆ ಪೊಸ ಪದುಕೆರ್ನ ಅಧಿಕಾರ ದೆತೊನುನ ಲೇಸ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

ಉಂದುವೇ ಪೊರ್ತುಡು ಸಮಾಜಸೇವಕೆರ್ ವಿಜಯಕುಮಾರ್ ಕುಬೆವೂರು, ದೈವಾರಾಧನೆ ಸೇವೆದ ಸಾಧಕೆರ್ ಯಾದವ ಪೂಜಾರಿ ಮಾನಾಡಿ, ಸಾವಯವ ಕೃಷಿ ಸಾಧಕೆರ್ ಹರೀಶ್ ಶೆಟ್ಟಿ ಮೊಕ್ಲೆಗ್ ಬಿನ್ನೆರೆನ ಎದುರುಡು ಮಾನಾದಿಗೆ ನಡತ್ಂಡ್.
ಮಲ್ಲ ಬಿನ್ನೆರಾದ ಬತ್ತಿನ ಬಿಎಸ್ ಎನ್ ಡಿಪಿ ದಕ ಜಿಲ್ಲಾಧ್ಯಕ್ಷೆರ್ ಬಿ. ನವೀನ್ ಚಂದ್ರ ಪೂಜಾರಿ ಮೇರ್ ಪಾತೆರ್ದ್ ನಾರಾಯಣ ಗುರುಕುಲೆನ್ ರಾಜಕೀಯೊಗು ಗಲಸುನ ಸರಿಯತ್ತ್ ಪಂದ್ , ದುಂಬುದ ಪೀಳಿಗೆಗ್ ಸಂಸ್ಕಾರ ಕಲ್ಪಾವೊಡು ಪಂಡೆರ್.
ಮತ್ತರ್ಮೆಡ್ ಉದ್ಯಮಿ ಮೋಹನ್ ದಾಸ್ ಹೆಜಮಾಡಿ, ಬಿರುವೆರ್ ಕುಡ್ಲ ಕೇಂದ್ರ ಸಮಿತಿದ ಅಧ್ಯಕ್ಷೆರ್ ರಾಕೇಶ್ ಪೂಜಾರಿ, ಯುವವಾಹಿನಿ ವಿದ್ಯಾನಿಧಿ ಟ್ರಸ್ಟ್ ದ ಎಚ್. ವಾಸು ಪೂಜಾರಿ, ನಿವೃತ್ತ ಪ್ರಿನ್ಸಿಪಾಲ್ ವೈ.ಎನ್. ಸಾಲ್ಯಾನ್, ಮುಲ್ಕಿ ಬಿರುವೆರ್ ಕುಡ್ಲ ದ ಅಧ್ಯಕ್ಷೆರ್ ಕಿಶೋರ್ ಸಾಲ್ಯಾನ್, ಕಾರ್ಯದರ್ಶಿ ಸತೀಶ್ ಕಿಲ್ಪಾಡಿ ಮೊಕುಲು ಇತ್ತೆರ್.
ಉಂದುವೇ ಪೊರ್ತುಡು ಮಟ್ಟು ಬಾಬು ಪೂಜಾರಿ, ಪಡುಬಿದ್ರಿ ಕಂಚಿನಡ್ಕ ಉದಯ್ ಮೆರೆಗ್ ಬಿರುವೆರ್ ಕುಡ್ಲ ಮುಲ್ಕಿದ 50 ನೇ ಸೇವಾ ಯೋಜನೆನ್ ಪಟ್ಟುನ ಲೇಸ್ ನಡತ್ಂಡ್. ಅಂಚೆನೆ ಮಾನಾಡಿ ಜಿಪಂ ಹಿರಿಯ ಪ್ರಾಥಮಿಕ ಶಾಲೆಗ್ ಶೈಕ್ಷಣಿಕ ಸೇವಾ ನಿಧಿ ಪಟ್ಟಿಯೆರ್.
ಉಪಾಧ್ಯಕ್ಷೆರ್ ಕಿಶೋರ್ ಕುಮಾರ್, ಕೋಶಾಧಿಕಾರಿ ಅಶೋಕ್ ಅಮೀನ್, ಉಪಾಧ್ಯಕ್ಷೆರ್ ಉಮೇಶ್ ಮಾನಂಪಾಡಿ ಕಿಲ್ಪಾಡಿ ಮೊಕುಲು ಮಾನಾದಿಗೆದ ಓಲೆ ಓದಿಯೆರ್.
ಉಂದುವೆ ಪೊರ್ತುಡು ಪೊಸ ಕಾರ್ಯದರ್ಶಿ ಯಾದ್ ಗಿರಿಧರ ಅಮೀನ್, ಜತೆ ಕಾರ್ಯದರ್ಶಿ ಯಾದ್ ಕೇಶವ ಸುವರ್ಣ, ಸಂಘಟನಾ ಕಾರ್ಯದರ್ಶಿ ಯಾದ್ ರಕ್ಷಿತ್ ಕೊಳಚಿಕಂಬುಲ ಮೊಕುಲು ಜಬದಾರಿ ಒಯಿಸೊಂಡೆರ್.
ಬಿರುವೆರ್ ಕುಡ್ಲ ಮುಲ್ಕಿ ಅಧ್ಯಕ್ಷೆರ್ ಕಿಶೋರ್ ಕುಮಾರ್ ಸಾಲ್ಯಾನ್, ಬಪ್ಪನಾಡ್ ಬಿನ್ನೆರೆನ್ ಎದ್ಕೊಂಡೆರ್.
ಕಾರ್ಯದರ್ಶಿ ಸತೀಶ್ ಕಿಲ್ಪಾಡಿ ವರದಿ ಓದುದು ಪಂಡೆರ್.
ಮೋಹನ್ ಸುವರ್ಣ ಕೊಕ್ಕರಕಲ್ ಕೊಕ್ಕರ್ ಕಲ್ ಲೇಸ್ ನಡಪಾದ್ ಕೊರಿಯೆರ್. ಸತೀಶ್ ಕಿಲ್ಪಾಡಿ ಸೊಲ್ಮೆ ಸಂದಾಯೆರ್.