February 2022

ಫೆ.19-21 ಮುಟ್ಟ ಕೊಡಿಪಾಡಿ ಬಾಳಿಕೆ ವರ್ಷಾಧಿದ ನೇಮ

Feb 14, 2022

ಸುರತ್ಕಲ್ : ಕೊಡಿಪಾಡಿ ಬಾಳಿಕೆ ಶ್ರೀ ಕೊಡಮಂದಾಯ ಬ್ರಹ್ಮ ಬೈದೆರ್ಲೆ ಗರಡಿದ ವರ್ಷಾಧಿದ ನೇಮದ ಉಚ್ಚಯ ಫೆ.19-21 ಮುಟ್ಟ ನಡಪರೆ ಉಂಡು.
ಫೆ.19 ಸನಿಯಾರ ಕಾಂಡೆ ನಾಗದೇವೆರೆಗ್ ತಂಬಿಲ ಆದ್ ಕೊಡಿಪಾಡಿ ಬಾಳಿಕೆರ್ದ್ ಗರೊಡಿಗ್ ಭಂಡಾರ ಬತ್ತ್ ದ್ ಕೊಡಿ ಏರ್ದ್ ರಾತ್ರೆಡ್ ಬೊಲ್ಪುದ ಆರಾಧನೆ ಆವರೆ ಉಂಡು.
ಫೆ.20 ಐತಾರ ಉಳ್ಳಾಯ ದೈವದ ನೇಮ, ಕೊಡಮಂದಾಯ ದೈವದ ನೇಮ ಆದ್ ಬೊಲ್ಪುದ ಆರಾಧನೆ ನಡಪರೆ ಉಂಡು.
ಫೆ.21 ಸೋಮಾರ ಬ್ರಹ್ಮಬೈದೆರ್ಲೆ ನೇಮ, ಮಾಯಂದಾಲೆ ನೇಮ ಆದ್ ಕೊಡಿ ಜಾದ್ ಬಾಳಿಕೆದ ಇಲ್ಲಗ್ ಭಂಡಾರ ಪಿರ ಪೋವರೆ ಉಂಡು ಪಂದ್ ಸುರತ್ಕಲ್ – ಕೊಡಿಪಾಡಿ ಬಾಳಿಕೆ ಜಗನ್ನಾಥ ಅತ್ತಾರ್ ಬೊಕ್ಕ ಕುಟುಂಬದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News

ಹಿಜಾಬ್ ಗ್ ಅವಕಾಶ ಕೊರಂದಿನ ನೆಲೆಟ್ಟ್ ಪರೀಕ್ಷೆ ಬರೆಯoದಿನ ಜೋಕುಲು

Feb 14, 2022

ಶಿವಮೊಗ್ಗ: ಮಲೆನಾಡು ಜಿಲ್ಲೆ ಶಿವಮೊಗ್ಗಡ್ ಹಿಜಾಬ್ ಲಡಾಯಿ ಬೇತೆ ಹಂತ ಮುಟ್ಟುoಡು. ಶಿವಮೊಗ್ಗದ ಮೇನ್ ಮಿಡ್ಲ್ ಸ್ಕೂಲ್ ಡ್ ಹಿಜಾಬ್ ಪಾಡೆರೆ ಅವಕಾಶ ಕೊರಂದಿನ ನೆಲೆಟ್ಟ್ ಜೋಕುಲು ಪರೀಕ್ಷೆನೆ ಬಹಿಷ್ಕರ ಮಲ್ದೆರ್ .

ಎಸ್ ಎಸ್ ಎಲ್ ಸಿ ಪೂರ್ವಸಿದ್ಧತಾ ಪರೀಕ್ಷೆ ನಡತೊಂದು ಉಂಡು . ಆಂಡ ಪರೀಕ್ಷೆದ ಪೊರ್ತುಡು ಹಿಜಾಬ್ ಪಾಡೆರೆ ಬುಡ್ಜೆರ್ ಪನ್ಪಿನ ಕಾರಣೊಗು 13 ಜೋಕುಲು ಪರೀಕ್ಷೆ ಬರೆಯoದೆ ಇಲ್ಲಗ್ ಪೋತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : ಸೆಕ್ಷನ್ 144 ಜಾರಿ -ಜಿಲ್ಲಾಧಿಕಾರಿ ಆದೇಶ

Feb 14, 2022

ಕುಡ್ಲ : ಹಿಜಾಬ್ ಬೊಕ್ಕ ಕೇಸರಿ ಶಾಲು ಲಡಾಯಿದ ನೆಲೆಟ್ಟ್ ಮುಂಜಾಗರೂಕತಾ ಕ್ರಮವಾದ್ ಇನಿರ್ದ್ ಫೆ 19 ಮುಟ ಬೈಯ್ಯಗ್ 6 ಗಂಟೆ ಮುಟ ದ. ಕ. ಜಿಲ್ಲಾ ಪೊಲೀಸ್ ಇಲಾಖಾ ವ್ಯಾಪ್ತಿಡ್ ಬರ್ಪಿನ ಮಾತಾ ಶಾಲಾ ಕಾಲೇಜ್ದ ಕೈತಲ್ 200 ಮೀಟರ್‌ದ ಉಲಯಿ ಸೆಕ್ಷನ್ 144 ಜಾರಿ ಮಲ್ತ್ ದ. ಕ. ಜಿಲ್ಲಾಧಿಕಾರಿ ಡಾ. ರಾಜೇಂದ್ರ ಕೆ. ವಿ. ಆದೇಶ ಕೊರ್ತೆರ್ . ಕಾನೂನು ಭಂಗ ಮಲ್ಪುನ ನೆಲೆಟ್ಟ್ ಶಾಲಾ ಕಾಲೇಜ್ದ 200 ಮೀಟರ್ ಕೈತಲ್ 5ರ್ದ್ ಜಾಸ್ತಿ ಜನ ಸೇರೆರೆ ಇಜ್ಜಿ , ಮೆರವಣಿಗೆ, ಸಭೆ ಮಲ್ಪರೆ ಇಜ್ಜಿ . ಒವ್ವೆ ಆಯುಧ, ಕುಡುಗೋಲು, ಖಡ್ಗ, ಭರ್ಜಿ, ಬಿಸತ್ತಿ , ದೊಣ್ಣೆ, ಲಾಠಿ ಇಂಚಿನ ವಸ್ತುಲೆಗ್ ಅವಕಾಶ ಇಜ್ಜಿ ಪಂದ್ ಪಂಡೆರ್.

Mangalore: Section 144 declared under DC’s orders.

Mangalore: As a precautionary measure on the hijab-Kesari row Section 144 has been declared in DK district from 14th to 19th till 6p.m at a radius of 200 meters around all school and college vicinity.An order to this effect has been given by DC Dr Rajendra K.V.

Not more than 5 persons are to assemble together , no demonstration or procession is to be held and no lethal weapons are to be carried in the areas where section 144 has been declared.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಶ್ರೀ ಕ್ಷೇತ್ರ ಧರ್ಮಸ್ಥಳಡ್ ೫೦ನೇ ವರ್ಷದ ಧರ್ಮಾರ್ಥ ಸಾಮೂಹಿಕ ಮದಿಮೆದ ನೋಂದಣಿ ಕಛೇರಿ ಉದಿಪನ

Feb 14, 2022

ಧರ್ಮಸ್ಥಳ : ಧರ್ಮಸ್ಥಳಡ್ ೫೦ನೇ ವರ್ಷದ ಧರ್ಮಾರ್ಥ ಸಾಮೂಹಿಕ ಮದಿಮೆದ ಲೇಸ್ ಏಪ್ರಿಲ್ ೨೭ ಕ್ಕ್ ಬೈಯ್ಯಗ್ ೬.೫೦ಕ್ ಗೋಧೂಳಿ ಲಗ್ನ ಸುಮುಹೂರ್ತಡ್ ನಡಪರೇ ಉಂಡು.

ನೆತ್ತ ನೋಂದಣಿ ಕಛೇರಿಯನ್ ಐತಾರ ಧರ್ಮಸ್ಥಳಡ್ ಶ್ರೀ ಮಂಜುನಾಥ ಸ್ವಾಮಿ ದೇವಲ್ಯೊದ ಎದುರುದ ಪ್ರವಚನ ಮಂಟಪಡ್ ಪೂಜ್ಯ ಶ್ರೀ ಡಿ. ವೀರೇಂದ್ರ ಹೆಗ್ಗಡೆರ್ನ ಶುಭಾಶೀರ್ವಾದದ ಒಟ್ಟುಗು , ಹೆಗ್ಗಡೆಯಹೆಗ್ಡೆರ್ನ ಆಪ್ತ ಕಾರ್ಯದರ್ಶಿ ಬೊಕ್ಕ ಧರ್ಮೋತ್ಥಾನಟ್ರಸ್ಟ್‌ದ ಕಾರ್ಯದರ್ಶಿಯಾಯಿನ ಶ್ರೀ ಎ.ವಿ. ಶೆಟ್ಟಿ ಮೇರ್ ಉದಿಪನ ಮಲ್ತ್ ಪಾತೆರಿಯೆರ್.

ದೇವಲ್ಯೊದ ಪಾರುಪತ್ಯಗಾರ್ ಶ್ರೀ ಲಕ್ಷ್ಮೀನಾರಾಯಣರಾವ್, ಧರ್ಮಸ್ಥಳ ಗ್ರಾಮ ಪಂಚಾಯತ್‌ ಉಪಾಧ್ಯಕ್ಷ ಶ್ರೀ ಶ್ರೀನಿವಾಸ ರಾವ್, ಬೆಳ್ತಂಗಡಿ ತಾಲ್ಲೂಕು ಪತ್ರಕರ್ತರ ಸಂಘದ ಗುರ್ಕಾರ್ಲಾಯಿನ ಧನಕೀರ್ತಿಆರಿಗ, ನಿವೃತ್ತ ಮುಖ್ಯೋಪಾಧ್ಯಾಯ ಶ್ರೀ ಧರ್ಣಪ್ಪ ಮಾಸ್ಟರ್, ಶ್ರೀ ಮಹಾವೀರಅಜ್ರಿ ಬೊಕ್ಕ ಊರ್ದ ಮಹನೀಯೆರ್ ಪಾಲ್ ಪಡೆದಿತ್ತೆರ್ .
ಸಾಮೂಹಿಕ ಮದಿಮೆದ ಮದಿಮೆ ಆಪಿನಕುಲು ಎಪ್ರಿಲ್ ೧೫ತ್ತ ಉಲಯಿ ಸವಿವರ ಮಾಹಿತಿ ಬೊಕ್ಕ ಸೂಕ್ತ ದಾಖಲೆದ ಒಟ್ಟುಗು ಅರ್ಜಿ ಕೊರೊಡು. ಎಚ್ಚದ ಮಾಹಿತಿಗಾದ್ ಲೆಪ್ಪು ಕೊರ್ಲೆ : ದೂರವಾಣಿ ೦೮೨೫೬-೨೬೬೬೪೪, ವಾಟ್ಸಪ್ ನಂ. ೯೬೬೩೪೬೪೬೪೮,

Inauguration of office for registration of the 50th year Mass marriage celebrations at Dharmasthala.

The 50th year of mass marriage celebrations will be held on 27th April at 6.50 p.m.(Godhuli muhurat) at Dharmasthala.
The registration centre for the same was inaugurated on Sunday the 13th February at Dharmasthala in front of Manjunatha swami temple with blessings of Dharmadikari Veerendra Heggade.
His personal Secretary and Secretary of Dharmotana trust A V.Shetty inaugurated the same.
Persons intrested to register for marriage must apply for the same with the required documents by the 15th of April.
For more details contact:08256 -266644
Whatsapp- 9663464648.

ಯುವ ಬಂಟರ ಸಂಘ ಕಾರ್ಲ ಬೊಕ್ಕ ಮಹಿಳಾ ಬಂಟರ ಸಂಘ ಕಾರ್ಲ ವತಿರ್ದ್ ಸುರಾಲು ಸುಧಾಕರ ಶೆಟ್ರೆಗ್ ಗೋದಾನ

Feb 14, 2022

ಕಾರ್ಲ: ಯುವ ಬಂಟರ ಸಂಘ ಕಾರ್ಲ ಬೊಕ್ಕ ಮಹಿಳಾ ಬಂಟರ ಸಂಘ ಕಾರ್ಲ ವತಿರ್ದ್ ಉದ್ಯಮಿ ವಿಜಯ ಶೆಟ್ರೆನ ಮುತಾಲಿಕೆಡ್ ಗೋ ಕಳ್ಳತನವಾಯಿನ ಸುರಾಲ್ ದ ಸುಧಾಕರ ಶೆಟ್ರೆಗ್ ಗೋ ದಾನ ಮಲ್ತೆರ್ .

Yuva Bantara Sangha Karkala and Mahila Bantara Sangha Karkala donate cow to Sural Sudhakar Shetty.

Karkala: Yuva Bantara Sangha Karkala and Mahila Bantara Sangha Karkala , under the patronage of entrepreneur Vijay Shetty have donated a cow to Sural Sudhakar Shetty who lost his cow to theft.

ರಾಜ್ಯೋಡು ‘ಆನ್ ಲೈನ್ ಗೇಮ್’ಗ್ ಗ್ರೀನ್ ಸಿಗ್ನಲ್: ಸರ್ಕಾರದ ಆದೇಶ ರದ್ದು ಮಲ್ತಿನ ಹೈಕೋರ್ಟ್

Feb 14, 2022

ಬೆಂಗ್ಳೂರು: ರಾಜ್ಯೋಡು ಆನ್ ಲೈನ್ ಗೇಮ್ ( Online Game ) ಉಂತಾಯೆರೆ ಸರ್ಕಾರ ಆದೇಶ ಕೊರ್ದು ಇತ್ತುಂಡು , ಇನಿ ಹೈಕೋರ್ಟ್ ( High Court ) ರದ್ದು ಮಲ್ದುಂಡು . ಈ ಮುಖೇನ ರಾಜ್ಯೋಡು ಆನ್ ಲೈನ್ ಗೇಮ್ ಗ್ ಗ್ರೀನ್ ಸಿಗ್ನಲ್ ಕೊರ್ತೆರ್ .

ಇನಿ ಹೈಕೋರ್ಟ್ ವಿಭಾಗಿಯ ಪೀಠೋಡು ರಾಜ್ಯ ಸರ್ಕಾರರ್ದ್ ಕೊರಿನ ಆನ್ ಲೈನ್ ಗೇಮ್ ನಿಷೇಧದ ಆದೇಶ ಪ್ರಶ್ನೆ ಮಲ್ತ್ ಕೊರಿನ ಅರ್ಜಿದ ವಿಚಾರಣೆ ಮಲ್ತೆರ್ .

ಸರ್ಕಾರ ಕೊರಿನ ಆನ್ ಲೈನ್ ಗೇಮ್ ಆದೇಶನ್ ರದ್ದು ಮಲ್ದೆರ್ . ಈ ಮುಖೇನ ರಾಜ್ಯರಾಜ್ಯೊಡು ಆನ್ ಲೈನ್ ಗೇಮ್ ಗೊಬ್ಬೆರೆ ಅನುಮತಿ ತಿಕ್ಕುಂಡು.

Green signal for online games in the state:

Bangalore : The state government had banned online games in the state, the high court today lifted the ban on online gaming.The division bench of the high court struck down the state government ban on online gaming as unconstitutional.

So now permission has been given for online gaming in the state.

ಸಿಎ ಪರೀಕ್ಷೆಡ್ ಎಡ್ಡೆ ಅಂಕೊ ಪಡೆಯಿನ ಒಡಿಪುದ ಮೋನಿಷ ಕೆ. ಶೆಟ್ಟಿಗಾರ್

Feb 13, 2022

ಒಡಿಪು : ಇನ್‌ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ ಕರಿನ ಡಿಸೆಂಬರ್ ತಿಂಗೊಲ್ಡು ನಡಪಾಯಿನ ಸಿ.ಎ. ಕಡೆತ ಪರೀಕ್ಷೆಡ್ ಒಡಿಪುದ ಮೋನಿಷ ಕೆ. ಶೆಟ್ಟಿಗಾರ್ ಉತ್ತೀರ್ಣರಾತೆರ್ .

ಮೇರ್ ಒಡಿಪುದ ಭಾರತೀಶ್ ಬಲ್ಲಾಳ್ ಮುತಾಲಿಕೆದ ಭಾರತೀಶ ಆಯಂಡ್ ಅಸೋಸಿಯೇಟ್ಸ್‌ಡ್ ಆರ್ಟಿಕಲ್‌ಶಿಪ್ ಮಲ್ದೆರ್ , ಒಡಿಪುದ ಪೂರ್ಣಪ್ರಜ್ಞ ಕಾಲೇಜ್ಡ್ ಬಿಕಾಂ ಪದವಿ ಪಡೆತೆರ್ .

ರಾಜ್ಯ ಅತ್ಯುತ್ತಮ ಯುವ ಮಂಡಲ ಪ್ರಶಸ್ತಿ ಪುರಸ್ಕೃತ ಯುವಕ ಮಂಡಲ (ರಿ) ಸಾಣೂರು: 68ನೇ ಉಚ್ಚಯದ ಲೆಪ್ಪೋಲೆ ಬುಡುಗಡೆ

Feb 13, 2022

ಕಾರ್ಲ : ರಾಜ್ಯ ಅತ್ಯುತ್ತಮ ಯುವ ಮಂಡಲ ಪ್ರಶಸ್ತಿ ಪುರಸ್ಕೃತ ಯುವಕ ಮಂಡಲ (ರಿ.) ಸಾಣೂರು ಒಡಿಪು ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ಒಡಿಪು ಜಿಲ್ಲಾ ಅತ್ಯುತ್ತಮ ಯುವ ಮಂಡಲ ಪ್ರಶಸ್ತಿ, ಕರ್ನಾಟಕ ಸಂಘ ರತ್ನ ರಾಜ್ಯ ಪ್ರಶಸ್ತಿ ಪುರಸ್ಕೃತ ಸಂಸ್ಥೆ ನೆತ್ತ 68ನೇ ಉಚ್ಚಯದ ಲೆಪ್ಪೋಲೆ ನ್ ಯುವಕ ಮಂಡಲದ ಪ್ರಧಾನ ಮಹಾ ಪೋಷಕ ಸದಸ್ಯೆರಾಯಿನ ಶ್ರೀ ರಮೇಶ್ ಶೆಟ್ಟಿ ಮುದೆಲಾಡಿ ಮನೆ ಸಾಣೂರು ಮೇರ್ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಮಂಡಲದ ಗುರ್ಕಾರ್ಲಾಯಿನ ಪ್ರಸಾದ್ ಪೂಜಾರಿ ಕಾರ್ಯದರ್ಶಿ ಮೋಹನ್ ಶೆಟ್ಟಿ ಉಪಾಧ್ಯಕ್ಷ ಪ್ರಸಾದ್ ಶೆಟ್ಟಿ ಕೋಶಾಧಿಕಾರಿ ರಾಜೇಶ್ ಮಾಜಿ ಗುರ್ಕಾರ್ಲಾಯಿನ ಜಗದೀಶ್ ಕುಮಾರ್ ಪ್ರಕಾಶ್ ಮಡಿವಾಳ ಪದಾಧಿಕಾರಿಲಾಯಿನ ಪ್ರಮಿತ್ ಸುವರ್ಣ ಹರೀಶ್ ರಾವ್ ಪ್ರಸನ್ನ ಆಚಾರ್ಯ ಪ್ರಶಾಂತ್ ಶೆಟ್ಟಿ ಸುಮಂತ್ ಜಿತೇಶ್ ರಮೇಶ್ ಪೂಜಾರಿ ಚಂದ್ರಹಾಸ್ ಪೂಜಾರಿ ಮುರಳಿಧರ ಸುವರ್ಣ ವಿಜೇಶ್ ಕುಲಾಲ್ ಜಯನ್ ಶೆಟ್ಟಿ ತರುಣ್ ಶೆಟ್ಟಿ ವಿದ್ಯಾನಂದ್ ಕೋಟ್ಯಾನ್ ಆದರ್ಶ್ ಸುವರ್ಣ ಪಾಲ್ ಪಡೆದಿತ್ತೆರ್.