ಕುಂದಾಪುರಡ್ ವಿಜಯನಗರದ ಇಮ್ಮಡಿ ಹರಿಹರನ ಶಾಸನ ಪತ್ತೆ
ಕುಡ್ಲ ಜುಲೈ 30: ಒಡಿಪುದ ಕುಂದಾಪುರ ತಾಲೂಕುದ ಜಪ್ತಿ ಗ್ರಾಮದ ಕೈಲ್ಕೆರೆ ಪ್ರದೇಶಡ್ ವಿಜಯನಗರದ ಸಂಗಮ ದೊರೆ ಇಮ್ಮಡಿ ಹರಿಹರನ ಶಾಸನನ್ ರಾಜೇಶ್ವರ ಉಪಾಧ್ಯಾಯ ಕಂಚಾರ್ತಿ ಮೇರ್ ಪತ್ತೆ ಮಲ್ದೆರ್ .
ಈ ಶಾಸನನ್ ಓದುದು ಅರ್ಥ ಮಲ್ಪುನಲ್ಪ ಶ್ರುತೇಶ್ ಆಚಾರ್ಯ ಮೂಡುಬೆಳ್ಳೆ ಸಾಕಾರ ಕೊರ್ತೆರ್.
೬ ಅಡಿ ಉದ್ದ ಬೊಕ್ಕ ೨.೫ಅಡಿ ಅಗಲದ ಕಣ ಶಿಲೆ (ಗ್ರಾನೈಟ್)ಡ್ ಕೊರೆಯಿನ ಈ ಶಾಸನ ೫೪ ಸಾಲ್ ಉಂಡು ಕನ್ನಡ ಲಿಪಿ ಬೊಕ್ಕ ಕನ್ನಡ ಅಂಚನೇ ಸಂಸ್ಕೃತ ಭಾಷೆ ನೆಟ್ಟ್ ಉಂಡು.
‘ಶ್ರೀ ಗಣಾಧಿಪತಯೆ ನಮಃ’ ಪನ್ಪಿನ ಶ್ಲೋಕಡ್ ಸುರು ಆಯಿನ ಈ ಶಾಸನ ಇಮ್ಮಡಿ ಹರಿಹರನು ವಿಜಯನಗರಡ್ ಆಳ್ವಿಕೆ ಮಲ್ದಿನ ಜಯಾಭ್ಯುದಯ ಶಕವರ್ಷ ೧೩೧೬ (ಕ್ರಿ.ಶ ೧೩೯೪, ನವಂಬರ್ ೧೦ ಸೋಮವಾರ) ಬಾವ ಸಂವತ್ಸರದ ಕಾರ್ತಿಕ ಶುದ್ಧ ೧೦ಸೋಮವಾರದಾನಿ ಭಾರದ್ವಾಜ ಗೋತ್ರದರ್ ಆಯಿನ ನಾರಾಯಣ ವಾಜಪೇಯಯಾಜಿಲು ಬೊಕ್ಕ ನರಹರಿ ಸೋಮಯಾಜಿ ಅಂಚನೇ ವಸಿಷ್ಠ ಗೋತ್ರದ ಪಂಡರಿ ದೀಕ್ಷಿತರು ಪಂಪಾ ಕ್ಷೇತ್ರದ ಶ್ರೀ ವಿರೂಪಾಕ್ಷ ದೇವರ ಸನ್ನಿಧಿಡ್ ಶಿವರಾತ್ರಿದ ಪುಣ್ಯ ಕಾಲಡ್ ಸರ್ವಭಾದ ಪರಿಹಾರವಾದ್ ರಾಯೆರೆ ಪುದರ್ ಡ್ ಹಿರಾಣ್ಯೋದಕ ದಾನ ಮಲ್ದಿನ ವಿವರ ಉಂಡು.
ಮೃತೆರ್ ಪುತ್ರ, ಪುತ್ರಿ ಸಹಿತ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್. ಮೆರ್ನ ಅಂತ್ಯಕ್ರಿಯೆ ಕೋಡೆ ಬೈಯ್ಯಗ್ 4 ಗಂಟೆಗ್ ನಂದಿಗುಡ್ಡೆ ಸ್ಮಶಾನಡ್ ನಡಪರೆ ಉಂಡು ಪಂದ್ ಕುಟುಂಬದಕುಲು ಪಂಡೆರ್.